అంగారక కవచమ్
అస్య శ్రీ అంగారక కవచస్య | కశ్యప ఋషీః | అనుష్టుప్ చందః | అంగారకో దేవతా | భౌమ ప్రీత్యర్థే జపే వినియోగః ||
ధ్యానమ్ :-
రక్తాంబరో రక్తవపుః కిరీటీ
చతుర్భుజో మేషగమో గదాభృత్ |
ధరాసుతః శక్తిధరశ్చ శూలీ
సదా మమ స్యాద్వరదః ప్రశాంతః ||
అథ అంగారక కవచమ్ :-
అంగారకః శిరో రక్షేత్
ముఖం వై ధరణీసుతః |
శ్రవౌ రక్తంబరః పాతు
నేత్రే మే రక్తలోచనః || ౧ ||
నాసాం శక్తిధరః పాతు
ముఖం మే రక్తలోచనః |
భుజౌ మే రక్తమాలీ చ
హస్తౌ శక్తిధరస్తథా ||౨ ||
వక్షః పాతు వరాంగశ్చ
హృదయం పాతు రోహితః |
కటిం మే గ్రహరాజశ్చ
ముఖం చైవ ధరాసుతః || ౩ ||
జానుజంఘే కుజః పాతు
పాదౌ భక్తప్రియః సదా |
సర్వాణ్యన్యాని చాంగాని
రక్షేన్మే మేషవాహనః || ౪ ||
ఫలశ్రుతిః :-
య ఇదం కవచం దివ్యం
సర్వశత్రునివారణమ్ |
భూతప్రేతపిశాచానాం
నాశనం సర్వసిద్ధిదమ్ ||
సర్వరోగహరం చైవ
సర్వసంపత్ప్రదం శుభమ్ |
భుక్తిముక్తిప్రదం నౄణాం
సర్వసౌభాగ్యవర్ధనమ్ ||
రోగబంధవిమోక్షం చ
సత్యమేతన్న సంశయః ||
|| ఇతి శ్రీ మార్కండేయపురాణే అంగారక కవచం సంపూర్ణమ్ ||
Tuesday, April 12, 2011
Subscribe to:
Post Comments (Atom)
0 comments:
Post a Comment