Search Stotra Ratnakaram

Loading...

Thursday, April 21, 2011

Sri Brihaspathi kavacham

||శ్రీబృహస్పతి కవచమ్||

||శ్రీ గణేశాయ నమః||

వినియోగః
అస్య శ్రీబృహస్పతి కవచమహా మంత్రస్య, ఈశ్వర ఋషిః,
అనుష్టుప్ ఛందః, బృహస్పతిర్దేవతా,
గం బీజం, శ్రీం శక్తిః, క్లీం కీలకమ్,
బృహస్పతి ప్రసాద సిద్ధ్యర్థే జపే వినియోగః ||

ధ్యానమ్

అభీష్టఫలదం వందే సర్వజ్ఞం సురపూజితమ్|
అక్షమాలాధరం శాంతం ప్రణమామి బృహస్పతిమ్ ||

అథ బృహస్పతి కవచమ్

బృహస్పతిః శిరః పాతు లలాటం పాతు మే గురుః |
కర్ణౌ సురగురుః పాతు నేత్రే మేభీష్టదాయకః || 1

జిహ్వాం పాతు సురాచార్యః నాసం మే వేదపారగః |
ముఖం మే పాతు సర్వజ్ఞః కంఠం మే దేవతాగురుః || 2

భుజా వంగీరసః పాతు కరౌ పాతు శుభప్రదః |
స్తనౌ మే పాతు వాగీశః కుక్షిం మే శుభలక్షణః || 3

నాభిం దేవగురుః పాతు మధ్యం పాతు సుఖప్రదః |
కటిం పాతు జగద్వంద్యః ఊరూ మే పాతు వాక్పతిః || 4

జానుజంఘే సురాచార్యః పాదౌ విశ్వాత్మకః సదా |
అన్యాని యాని చాంగాని రక్షేన్మే సర్వతో గురుః || 5


ఫలశృతిః

ఇత్యేతత్కవచం దివ్యం త్రిసంధ్యం యః పఠేన్నరః |
సర్వాన్ కామానవాప్నోతి సర్వత్ర విజయీ భవేత్ ||



||ఇతి శ్రీ బృహస్పతి కవచమ్||

0 comments:

Post a Comment

Followers