Search Stotra Ratnakaram

Loading...

Wednesday, August 31, 2011

Ganesha Ashtakam (Vyasa Virachitam)

గణేశాష్టకమ్ వ్యాసరచితమ్

శ్రీగణేశాయ నమః |
గణపతిపరివారం చారూకేయూరహారం
గిరిధరవరసారం యోగినీచక్రచారమ్ |
భవభయపరిహారం దుఃఖ దారిద్రయదూరం
గణపతిమభివన్దే వక్రతుణ్డావతారమ్ || ౧||

అఖిలమలవినాశం పాణినా హస్తపాశం
కనకగిరినికాశం సూర్యకోటిప్రకాశమ్ |
భజ భవగిరినాశం మాలతీతీరవాసం
గణపతిమభివన్దే మానసే రాజహంసమ్ || ౨||

వివిధ మణి మయూఖైః శోభమానం విదూరైః
కనకరచితచిత్రం కణ్ఠదేశేవిచిత్రం |
దధతి విమలహారం సర్వదా యత్నసారం
గణపతిమభివన్దే వక్రతుణ్డావతారమ్ || ౩||

దురితగజమమన్దం వారణీం చైవ వేదం
విదితమఖిలనాదం నృత్యమానన్దకన్దమ్ |
దధతి శశిసువక్త్రం చాఙ్కుశం యో విశేషం
గణపతిమభివన్దే సర్వదానన్దకన్దమ్ || ౪||

త్రినయనయుతభాలే శోభమానే విశాలే
ముకుటమణిసుఢాలే మౌక్తికానాం చ జాలే |
ధవలకుసుమమాలే యస్య శీర్ష్ణః సతాలే
గణపతిమభివన్దే సర్వదా చక్రపాణిమ్ || ౫||

వపుషి మహతి రూపం పీఠమాదౌ సుదీపం
తదుపరి రసకోణం యస్య చోర్ధ్వం త్రికోణమ్ |
గజమితదలపద్మం సంస్థితం చారుఛద్మం
గణపతిమభివన్దే కల్పవృక్షస్య వృన్దే || ౬||

వరదవిశదశస్తం దక్షిణం యస్య హస్తం
సదయమభయదం తం చిన్తయే చిత్తసంస్థమ్ |
శబలకుటిలశుణ్డం చైకతుణ్డం ద్వితుణ్డం
గణపతిమభివన్దే సర్వదా వక్రతుణ్డమ్ || ౭||

కల్పద్రు మాధఃస్థితేకామధేనుం
చిన్తామణిం దక్షిణపాణిశుణ్డమ్ |
బిభ్రాణమత్యద్భుతచిత్తరూపం
యఃపూజయేత్ తస్య సమస్తసిద్ధిః || ౮||

వ్యాసాష్టకమిదం పుణ్యం గణేశస్తవనం నృణామ్ |
పఠతాం దుఃఖనాశాయ విద్యాం సంశ్రియమశ్నుతే || ౯||

|| ఇతి శ్రీపద్మపురాణే ఉత్తరఖణ్డే వ్యాసవిరచితం గణేశాష్టకం సమ్పూర్ణమ్ ||






1 comments:

Samputi Srisaa said...

శ్లోకాల గురించి మరింత సమాచారం తెలుసుకొనుటకు ఈ క్రింది లింకుని చూడండి.
http://www.samputi.com/launch.php?m=home&l=te

Post a Comment

Followers