Search Stotra Ratnakaram

Loading...

Tuesday, October 11, 2011

Nrusimha stotram

నృసింహస్తోత్ర

శ్రీ గణేశాయ నమః |
సురాసురశిరోరత్నకాన్తివిచ్ఛురితాఙ్ఘ్రయే |
నమస్త్రిభువనేశాయ హరయే సింహరూపిణే || ౧||

శత్రోః ప్రాణానిలాస్తత్ర వయం దశ జయోత్ర కః |
ఇతి కోపాదివాతామ్రాః పాన్తు వో నృహరేర్నఖాః || ౨||

ప్రోజ్జ్వలజ్వలనజ్వాలావికటోరుసటాఛటః |
శ్వాసక్షిప్తకులక్ష్మాభృత్పాతు వో నరకేసరీ || ౩||

వ్యాధూతకేసరసటావికరాలవక్త్రం
హస్తాగ్రవిస్ఫురితశఙ్ఖగదాసిచక్రమ్ |
ఆవిష్కృతం సపది యేన నృసింహరూపం
నారాయణం తమపి విశ్వసృజం నమామి || ౪||

దైత్యాస్థిపఞ్జరవిదారణలబ్ధరన్ధ్ర
రక్తామ్బునిర్జరసరిద్ధనజాతపఙ్కా |
బాలేన్దుకోటికుటిలాః శుకచఞ్చుభాసో
రక్షన్తు సింహవపుషో నఖరా హరేర్వః || ౫||

దిశ్యాత్సుఖం నరహరిర్భువనైకవీరో
యస్యాహవే దితిసుతోద్దలనోద్యతస్య |
క్రోధోద్యతం ముఖమవేక్షితుమక్షమత్వం
జానేభవన్నిజనఖేష్వపి యన్నతాస్తే || ౬||

|| ఇతి నృసింహస్తోత్రమ్ ||



1 comments:

ramesh babu alapati said...

good work
you are not leaved weakly but also give in the mp3 form for clear prounciation

Post a Comment

Followers