Search Stotra Ratnakaram

Loading...

Monday, August 20, 2012

Krishna Dvadasha Nama Stotram

కృష్ణద్వాదశనామస్తోత్రమ్



శ్రీ గణేశాయ నమః |

శ్రీకృష్ణ ఉవాచ |
కిం తే నామసహస్రేణ విజ్ఞాతేన తవాఽర్జున |
తాని నామాని విజ్ఞాయ నరః పాపైః ప్రముచ్యతే || ౧||

ప్రథమం తు హరిం విన్ద్యాద్ ద్వితీయం కేశవం తథా |
తృతీయం పద్మనాభం చ చతుర్థం వామనం స్మరేత్ || ౨||

పఞ్చమం వేదగర్భం తు షష్ఠం చ మధుసూదనమ్ |
సప్తమం వాసుదేవం చ వరాహం చాఽష్టమం తథా || ౩||

నవమం పుణ్డరీకాక్షం దశమం తు జనార్దనమ్ |
కృష్ణమేకాదశం విన్ద్యాద్ ద్వాదశం శ్రీధరం తథా || ౪||

ఏతాని ద్వాదశ నామాని విష్ణుప్రోక్తే విధీయతే |
సాయంప్రాతః పఠేన్నిత్యం తస్య పుణ్యఫలం శృణు || ౫||

చాన్ద్రాయణసహస్రాణి కన్యాదానశతాని చ |
అశ్వమేధసహస్రాణి ఫలం ప్రాప్నోత్యసంశయః || ౬||

అమాయాం పౌర్ణమాస్యాం చ ద్వాదశ్యాం తు విశేషతః |
ప్రాతఃకాలే పఠేన్నిత్యం సర్వపాపైః ప్రముచ్యతే || ౭||

|| ఇతి శ్రీమన్మహాభారతేఽరణ్యపర్వణి కృష్ణద్వాదశనామస్తోత్రం సమ్పూర్ణమ్ ||






0 comments:

Post a Comment

Followers