Krishnashtakam (Vadi Raja Teertha Kritam)

               కృష్ణాష్టకమ్

         (శ్రీ వాదిరాజ తీర్థ కృతమ్)
       || అథ శ్రీ కృష్ణాష్టకమ్ ||
మధ్వమానసపద్మభానుసమమ్ స్మర ప్రతిసంస్మరమ్
   స్నిగ్ధనిర్మలశీతకాన్తిలసన్ముఖమ్ కరుణోన్ముఖమ్ |
హృదయకమ్బుసమానకన్ధరమక్షయమ్ దురితక్షయమ్
   స్నిగ్ధసంస్తుత రౌప్యపీఠకృతాలయమ్ హరిమాలయమ్ || ౧||

అంగదాదిసుశోభిపాణియుగేన సమ్క్షుభితైనసమ్
   తుంగమాల్యమణీన్ద్రహారసరోరసమ్ ఖలనీరసమ్ |
మంగలప్రదమన్థదామవిరాజితమ్ భజతాజితమ్
   తమ్ గృణేవరరౌప్యపీఠకృతాలయమ్ హరిమాలయమ్ || ౨||

పీనరమ్యతనూదరమ్ భజ హే మనః శుభ హే మనః
   స్వానుభావనిదర్శనాయ దిశన్తమార్థిశు శన్తమమ్ |
ఆనతోస్మి నిజార్జునప్రియసాధకమ్ ఖలబాధకమ్
   హీనతోజ్ఝితరౌప్యపీఠకృతాలయమ్ హరిమాలయమ్ || ౩||

హేమకింకిణిమాలికారసనాంచితమ్ తమవంచితమ్
   రత్నకాంచనవస్త్రచిత్రకటిమ్ ఘనప్రభయా ఘనమ్ |
కమ్రనాగకరోపమూరుమనామయమ్ శుభధీమయమ్
   నౌమ్యహమ్ వరరౌప్యపీఠకృతాలయమ్ హరిమాలయమ్ || ౪||

వృత్తజానుమనోజజంఘమమోహదమ్ పరమోహదమ్
   రత్నకల్పనఖత్విశా హృతముత్తమః స్తుతిముత్తమమ్ |
ప్రత్యహమ్ రచితార్చనమ్ రమయా స్వయాగతయా స్వయమ్
   చిత్త చిన్తయ రౌప్యపీఠకృతాలయమ్ హరిమాలయమ్  || ౫ ||

చారుపాదసరోజయుగ్మరుచామరోచ్చయచామరో
    దారమూర్ధజభారమన్దలరంజకమ్ కలిభంజకమ్ |
 వీరతోచితభూశణమ్ వరనూపురమ్ స్వతనూపురమ్
   ధారయాత్మని రౌప్యపీఠ కృతలయమ్ హరిమాలయమ్ || ౬ ||

శుష్కవాదిమనోతిదూరతరాగమోత్సవదాగమమ్
   సత్కవీన్ద్రవచోవిలాసమహోదయమ్ మహితోదయమ్ |
 లక్షయామి యతీస్వరైః కృతపూజనమ్ గుణభాజనమ్
   ధిక్కృతోపమరౌప్యపీఠకృతాలయమ్ హరిమాలయమ్ || ౭ ||

నారదప్రియమావిశామ్బురుహేక్క్షణమ్ నిజలక్షణమ్
ద్వారకోపమచారుదీపరుచాన్తరే గతచిన్త రే |
(తారకోపమచారుదీపరుచాన్తరే గతచిన్త  రే | )
ధీరమానసపూర్ణచన్ద్రసమానమచ్యుతమానమ
ద్వారకోపమరౌప్యపీఠకృతాలయమ్ హరిమాలయమ్ || ౮ ||

          ఫలశ్రుతిః
రౌప్యపీఠకృతాలయస్య హరేః ప్రియమ్ దురితాప్రియమ్
తత్పదార్చకవాదిరాజయతీరితమ్ గుణపూరితమ్ |
గోప్యమష్టకమేతదుచ్చముదే మమ త్విహ నిర్మమ
(గోప్యమష్టకమేతదుచ్చముదే భవత్విహ నిర్మమ)
ప్రాప్యశుద్ధఫలాయ తత్ర సుకోమలమ్ హతధీమలమ్
ప్రాప్యసౌఖ్యఫలాయ తత్ర సుకోమలమ్ హతధీమలమ్ || ౯ ||
    || శ్రీ కృష్ణార్పణమస్తు ||

Krishna Dvadasha Nama Stotram

కృష్ణద్వాదశనామస్తోత్రమ్

శ్రీ గణేశాయ నమః |

శ్రీకృష్ణ ఉవాచ |
కిం తే నామసహస్రేణ విజ్ఞాతేన తవాఽర్జున |
తాని నామాని విజ్ఞాయ నరః పాపైః ప్రముచ్యతే || ౧||

ప్రథమం తు హరిం విన్ద్యాద్ ద్వితీయం కేశవం తథా |
తృతీయం పద్మనాభం చ చతుర్థం వామనం స్మరేత్ || ౨||

పఞ్చమం వేదగర్భం తు షష్ఠం చ మధుసూదనమ్ |
సప్తమం వాసుదేవం చ వరాహం చాఽష్టమం తథా || ౩||

నవమం పుణ్డరీకాక్షం దశమం తు జనార్దనమ్ |
కృష్ణమేకాదశం విన్ద్యాద్ ద్వాదశం శ్రీధరం తథా || ౪||

ఏతాని ద్వాదశ నామాని విష్ణుప్రోక్తే విధీయతే |
సాయంప్రాతః పఠేన్నిత్యం తస్య పుణ్యఫలం శృణు || ౫||

చాన్ద్రాయణసహస్రాణి కన్యాదానశతాని చ |
అశ్వమేధసహస్రాణి ఫలం ప్రాప్నోత్యసంశయః || ౬||

అమాయాం పౌర్ణమాస్యాం చ ద్వాదశ్యాం తు విశేషతః |
ప్రాతఃకాలే పఠేన్నిత్యం సర్వపాపైః ప్రముచ్యతే || ౭||

|| ఇతి శ్రీమన్మహాభారతేఽరణ్యపర్వణి కృష్ణద్వాదశనామస్తోత్రం సమ్పూర్ణమ్ ||

Shri Krishna Dvichatvarimshat naama stuti

గర్భస్థిత శ్రీకృష్ణ ద్విచత్వారింశన్నామ స్తుతిః


శ్రీ గణేశాయ నమః |

దేవా ఊచుః |

జగద్యోనిరయోనిస్త్వమనన్తోఽవ్యయ ఏవ చ |
జ్యోతిఃస్వరూపో హ్యనిశః సగుణో నిర్గుణో మహాన్ || ౧||

భక్తానురోధాత్సాకారో నిరాకారో నిరఙ్కుశః |
నిర్వ్యూహో నిఖిలాధారో నిఃశఙ్కో నిరుపద్రవః || ౨||

నిరుపాధిశ్చ నిర్లిప్తో నిరీహో నిధనాన్తకః |
స్వాత్మారామః పూర్ణకామోఽనిమిషో నిత్య ఏవ చ || ౩||

స్వేచ్ఛామయః సర్వహేతుః సర్వః సర్వగుణాశ్రయః |
సర్వదో దుఃఖదో దుర్గో దుర్జనాన్తక ఏవ చ || ౪||

సుభగో దుర్భగో వాగ్మీ దురారాధ్యో దురత్యయః |
వేదహేతుశ్చ వేదశ్చ వేదాఙ్గో వేదవిద్విభుః || ౫||

ఇత్యేవముక్త్వా దేవాశ్చ ప్రణేముశ్చ ముహుర్ముహుః |
హర్షాశ్రులోచనాః సర్వే వవృషుః కుసుమాని చ || ౬||

ద్విచత్వారింశన్నామాని ప్రాతరుత్థాయ యః పఠేత్ |
దృఢాం భక్తిం హరేర్దాస్యం లభతే వాఞ్ఛితం ఫలమ్ || ౭||

ఇత్యేవం స్తవనం కృత్వా దేవాస్తే స్వాలయం యయుః |
బభూవ జలవృష్టిశ్చ నిశ్చేష్టా మథురాపురీ || ౮||

|| ఇతి శ్రీబ్రహ్మవైవర్తే దేవకృతా గర్భస్తుతిః సమ్పూర్ణా ||

Krishnashtakam (Shankaracharya Kritam)

॥ కృష్ణాష్టకమ్ ॥

శ్రియాశ్లిష్టో విష్ణుః స్థిరచరగురుర్వేదవిషయో
     ధియాం సాక్శీ శుద్ధో హరిరసురహన్తాబ్జనయనః ।
గదీ శఙ్ఖీ చక్రీ విమలవనమాలీ స్థిరరుచిః
    శరణ్యో లోకేశో మమ భవతు కృష్ణోక్షివిషయః ॥ ౧॥

యతః సర్వం జాతం వియదనిలముఖ్యం జగదిదమ్
     స్థితౌ నిఃశేషం యోవతి నిజసుఖాంశేన మధుహా ।
లయే సర్వం స్వస్మిన్హరతి కలయా యస్తు స విభుః
     శరణ్యో లోకేశో మమ భవతు కృష్ణోక్షివిషయః ॥ ౨॥

అసూనాయమ్యాదౌ యమనియమముఖ్యైః సుకరణై -
     ర్ర్నిరుద్ధ్యేదం చిత్తం హృది విలయమానీయ సకలమ్ ।
యమీడ్యం పశ్యన్తి ప్రవరమతయో మాయినమసౌ
     శరణ్యో లోకేశో మమ భవతు కృష్ణోక్షివిషయః ॥ ౩॥

పృథివ్యాం తిష్ఠన్యో యమయతి మహీం వేద న ధరా
     యమిత్యాదౌ వేదో వదతి జగతామీశమమలమ్ ।
నియన్తారం ధ్యేయం మునిసురనృణాం మోక్శదమసౌ
    శరణ్యో లోకేశో మమ భవతు కృష్ణోక్షివిషయః ॥ ౪॥

మహేన్ద్రాదిర్దేవో జయతి దితిజాన్యస్య బలతో
     న కస్య స్వాతన్త్ర్యం క్వచిదపి కృతౌ యత్కృతిముతే ।
బలారాతేర్గర్వం పరిహరతి యోసౌ విజయినః
     శరణ్యో లోకేశో మమ భవతు కృష్ణోక్షివిషయః ॥ ౫॥

వినా యస్య ధ్యానం వ్రజతి పశుతాం సూకరముఖామ్
     వినా యస్య జ్ఞానం జనిమృతిభయం యాతి జనతా ।
వినా యస్య స్మృత్యా కృమిశతజనిం యాతి స విభుః
    శరణ్యో లోకేశో మమ భవతు కృష్ణోక్షివిషయః ॥ ౬॥

నరాతఙ్కోట్టఙ్కః శరణశరణో భ్రాన్తిహరణో
     ఘనశ్యామో వామో వ్రజశిశువయస్యోర్జునసఖః ।
స్వయంభూర్భూతానాం జనక ఉచితాచారసుఖదః
     శరణ్యో లోకేశో మమ భవతు కృష్ణోక్షివిషయః ॥ ౭॥

యదా ధర్మగ్లానిర్భవతి జగతాం క్శోభకరణీ
     తదా లోకస్వామీ ప్రకటితవపుః సేతుధృదజః ।
సతాం ధాతా స్వచ్ఛో నిగమగణగీతో వ్రజపతిః
     శరణ్యో లోకేశో మమ భవతు కృష్ణోక్షివిషయః ॥ ౮॥

ఇతి శ్రీమత్పరమహంసపరివ్రాజకాచార్యస్య శ్రీగోవిన్దభగవత్పూజ్యపాదశిష్యస్య
శ్రీమచ్ఛఙ్కరభగవతః కృతౌ కృష్ణాష్టకం సంపూర్ణమ్ ॥

Trailokya vijaya Krishna Kavacham

|| త్రైలోక్యవిజయం నామ కవచమ్||
నారద ఉవాచ ॥
భగవఞ్ఛ్రోతుమిచ్ఛామి కిం మన్త్రం భగవాన్హరః ।
కృపయా-దాత్ పరశురామాయ స్తోత్రం చ వర్మ చ ॥ ౧॥
కోవాస్య మన్త్రస్యారాధ్యః కిం ఫలం కవచస్య చ ।
స్తవనస్య ఫలం కిం వా తద్భవాన్వక్తుమర్హసి ॥ ౨॥
నారాయణ ఉవాచ ॥
మన్త్రారాధ్యో హి భగవాన్ పరిపూర్ణతమః స్వయమ్ ।
గోలోకనాథః శ్రీకృష్ణో గోప-గోపీశ్వరః ప్రభుః ॥ ౩॥
త్రైలోక్యవిజయం నామ కవచం పరమాద్భుతమ్ ।
స్తవరాజం మహాపుణ్యం భూతియోగ-సముద్భవమ్ ॥ ౪॥
మన్త్రం కల్పతరుం నామ సర్వకామ-ఫలప్రదమ్ ।
దదౌ పరశురామాయ రత్నపర్వత-సన్నిధౌ ॥ ౫॥
స్వయంప్రభా-నదీతీరే పారిజాత-వనాన్తరే ।
ఆశ్రమే లోకదేవస్య మాధవస్య చ సన్నిధౌ ॥ ౬॥
మహాదేవ ఉవాచ ॥
వత్సాగచ్ఛ మహాభాగ భృగువంశ-సముద్భవ ।
పుత్రాధికోసి ప్రేమ్ణా మే కవచగ్రహణం కురు ॥ ౭॥
శృణు రామ ప్రవక్ష్యామి బ్రహ్మాణ్డే పరమాద్భుతమ్ ।
త్రైలోక్యవిజయం నామ శ్రీకృష్ణస్య జయావహమ్ ॥ ౮॥
శ్రీకృష్ణేన పురా దత్తం గోలోకే రాధికాశ్రమే ।
రాసమణ్డల-మధ్యే చ మహ్యం వృన్దావనే వనే ॥ ౯॥
అతిగుహ్యతరం తత్త్వం సర్వ-మన్త్రౌఘవిగ్రహమ్ ।
పుణ్యాత్పుణ్యతరం చైవ పరం స్నేహాద్వదామి తే ॥ ౧౦॥
యద్ధృత్వా పఠనాద్దేవీ మూలప్రకృతిరీశ్వరీ ।
శుంభం నిశుంభం మహిషం రక్తబీజం జఘాన హ ॥ ౧౧॥
యద్ధృత్వాహం చ జగతాం సంహర్తా సర్వతత్వవిత్ ।
అవధ్యం త్రిపురం పూర్వం దురన్తమపి లీలయా ॥ ౧౨॥
యద్ధృత్వా పఠనాద్బ్రహ్మా ససృజే సృష్టిముత్తమామ్ ।
యద్ధృత్వా భగవాఞ్ఛేషో విధత్తే విశ్వమేవ చ ॥ ౧౩॥
యద్ధృత్వా కూర్మరాజశ్చ శేషం ధత్తే హి లీలయా ।
యద్ధృత్వా భగవాన్వాయుః విశ్వాధారో విభుః స్వయమ్ ॥ ౧౪॥
యద్ధృత్వా వరుణః సిద్ధః కుబేరశ్చ ధనేశ్వరః ।
యద్ధృత్వా పఠనాదిన్ద్రో దేవానామధిపః స్వయమ్ ॥ ౧౫॥
యద్ధృత్వా భాతి భువనే తేజోరాశిః స్వయం రవిః ।
యద్ధృత్వా పఠనాచ్చన్ద్రో మహాబల-పరాక్రమః ॥ ౧౬॥
అగస్త్యః సాగరాన్సప్త యద్ధృత్వా పఠనాత్పపౌ ।
చకార తేజసా జీర్ణం దైత్యం వాతాపిసంజ్ఞకమ్ ॥ ౧౭॥
యద్ధృత్వా పఠనాద్దేవీ సర్వాధారా వసున్ధరా ।
యద్ధృత్వా పఠనాత్పూతా గఙ్గా భువనపావనీ ॥ ౧౮॥
యద్ధృత్వా జగతాం సాక్షీ ధర్మో ధర్మభృతాం వరః ।
సర్వ-విద్యాధిదేవీ సా యచ్చ ధృత్వా సరస్వతీ ॥ ౧౯॥
యద్ధృత్వా జగతాం లక్ష్మీ-రన్నదాత్రీ పరాత్పరా ।
యద్ధృత్వా పఠనాద్వేదాన్ సావిత్రీ సా సుషావ చ ॥ ౨౦॥
వేదాశ్చ ధర్మవక్తారో యద్ధృత్వా పఠనాద్ భృగో ।
యద్ధృత్వా పఠనాచ్ఛుద్ధ-స్తేజస్వీ హవ్యవాహనః ।
సనత్కుమారో భగవాన్యద్ధృత్వా జ్ఞానినాం వరః ॥ ౨౧॥
దాతవ్యం కృష్ణ-భక్తాయ సాధవే చ మహాత్మనే ।
శఠాయ పరశిష్యాయ దత్వా మృత్యుమవాప్నుయాత్ ॥ ౨౨॥
త్రైలోక్యవిజయస్యాస్య కవచస్య ప్రజాపతిః ।
ౠషిశ్ఛన్దశ్చ గాయత్రీ దేవో రాసేశ్వరః స్వయమ్ ॥ ౨౩॥
త్రైలోక్యవిజయ-ప్రాప్తౌ వినియోగః ప్రకీర్తితః ।
పరాత్పరం చ కవచం త్రిషు లోకేషు దుర్లభమ్ ॥ ౨౪॥
ప్రణవో మే శిరః పాతు శ్రీకృష్ణాయ నమః సదా ।
పాయాత్కపాలం కృష్ణాయ స్వాహా పఞ్చాక్షరః స్మృతః ॥ ౨౫॥
కృష్ణేతి పాతు నేత్రే చ కృష్ణ స్వాహేతి తారకమ్ ।
హరయే నమ ఇత్యేవం భ్రూలతాం పాతు మే సదా ॥ ౨౬॥
ఓం గోవిన్దాయ స్వాహేతి నాసికాం పాతు సన్తతమ్ ।
గోపాలాయ నమో గణ్డౌ పాతు మే సర్వతః సదా ॥ ౨౭॥
ఓం నమో గోపాఙ్గనేశాయ కర్ణౌ పాతు సదా మమ ।
ఓం కృష్ణాయ నమః శశ్వత్పాతు మేఽధర-యుగ్మకమ్ ॥ ౨౮॥
ఓం గోవిన్దాయ స్వాహేతి దన్తౌఘం మే సదాఽవతు ।
పాతు కృష్ణాయ దన్తాధో దన్తోర్ధ్వం క్లీం సదాఽవతు ॥ ౨౯॥
ఓం శ్రీకృష్ణాయ స్వాహేతి జిహ్వికాం పాతు మే సదా ।
రాసేశ్వరాయ స్వాహేతి తాలుకం పాతు మే సదా ॥ ౩౦॥
రాధికేశాయ స్వాహేతి కణ్ఠం పాతు సదా మమ ।
నమో గోపాఙ్గనేశాయ వక్షః పాతు సదా మమ ॥ ౩౧॥
ఓం గోపేశాయ స్వాహేతి స్కన్ధం పాతు సదా మమ ।
నమః కిశోర-వేషాయ స్వాహా పృష్టం సదావతు ॥ ౩౨॥
ఉదరం పాతు మే నిత్యం ముకున్దాయ నమః సదా ।
ఓం హ్రీం క్లీం కృష్ణాయ స్వాహేతి కరౌ పాతు సదా మమ ॥ ౩౩॥
ఓం విష్ణవే నమో  బాహుయుగ్మం పాతు సదా మమ ।
ఓం హ్రీం భగవతే స్వాహా నఖం పాతు మే సదా ॥ ౩౪॥
ఓం నమో నారాయణాయేతి నఖరన్ధ్రం సదావతు ।
ఓం హ్రీం హ్రీం పద్మనాభాయ నాభిం పాతు సదా మమ ॥ ౩౫॥
ఓం సర్వేశాయ స్వాహేతి కఙ్కాలం పాతు మే సదా ।
ఓం గోపీరమణాయ స్వాహ నితమ్బం పాతు మే సదా ॥ ౩౬॥
ఓం గోపీరమణనాథాయ పాదౌ పాతు సదా మమ ।
ఓం హ్రీం క్లీం రసికేశాయ స్వాహా సర్వం సదావతు।౩౭ ॥
ఓం కేశవాయ స్వాహేతి మమ కేశాన్సదావతు ।
నమః కృష్ణాయ స్వాహేతి బ్రహ్మరన్ధ్రం సదావతు ॥ ౩౮॥
ఓం మాధవాయ స్వాహేతి మే లోమాని సదావతు ।
ఓం హ్రీం శ్రీం రసికేశాయ స్వాహా సర్వం సదావతు ॥ ౩౯॥
పరిపూర్ణతమః కృష్ణః ప్రాచ్యాం మాం సర్వదావతు ।
స్వయం గోలోకనాథో మామాగ్నేయాం దిశి రక్షతు ॥ ౪౦॥
పూర్ణబ్రహ్మస్వరూపశ్చ దక్షిణే మాం సదావతు ।
నైరౄత్యాం పాతు మాం కృష్ణః పశ్చిమే పాతు మాం హరిః ॥ ౪౧॥
గోవిన్దః పాతు మాం శశ్వద్వాయవ్యాం దిశి నిత్యశః ।
ఉత్తరే మాం సదా పాతు రసికానాం శిరోమణిః ॥ ౪౨॥
ఐశాన్యాం మాం సదా పాతు వృన్దావన-విహారకృత్ ।
వృన్దావనీ-ప్రాణనాథః పాతు మామూర్ధ్వదేశతః ॥ ౪౩॥
సదైవ మాధవః పాతు బలిహారీ మహాబలః ।
జలే స్థలే చాన్తరిక్షే నృసింహః పాతు మాం సదా ॥ ౪౪॥
స్వప్నే జాగరణే శశ్వత్పాతు మాం మాధవః సదా ।
సర్వాన్తరాత్మా  నిర్లిప్తః పాతు మాం సర్వతో విభుః ॥ ౪౫॥
ఇతి తే కథితం వత్స సర్వమన్త్రౌఘ-విగ్రహమ్ ।
త్రైలోక్యవిజయం నామ కవచం పరమాద్భుతమ్ ॥ ౪౬॥
మయా శ్రుతం కృష్ణ-వక్త్రాత్ ప్రవక్తవ్యం న కస్యచిత్ ।
గురుమభ్యర్చ్య విధివత్ కవచం ధారయేత్ యః ॥ ౪౭॥
కణ్ఠే వా దక్షిణే బాహౌ సోపి విష్ణుర్న సంశయః ।
స చ భక్తో వసేద్యత్ర లక్ష్మీర్వాణీ వసేత్తతః ॥ ౪౮॥
యది స్యాత్సిద్ధకవచో జీవన్ముక్తో భవేత్తు సః ।
నిశ్చితం కోటివర్షాణాం పూజాయాః ఫలమాప్నుయాత్ ॥ ౪౯॥
రాజసూయ-సహస్రాణి వాజపేయ-శతాని చ ।
అశ్వమేధాయుతాన్యేవ నరమేధాయుతాని చ ॥ ౫౦॥
మహాదానాని యాన్యేవ ప్రాదక్షిణ్యం భువస్తథా ।
త్రైలోక్యవిజయస్యాస్య కలాం నార్హన్తి షోడశీమ్ ॥ ౫౧॥
వ్రతోపవాస-నియమం స్వాధ్యాయాధ్యయనం తపః ।
స్నానం చ సర్వతీర్థేషు నాస్యార్హన్తి కలామపి ॥ ౫౨॥
సిద్ధత్వమమరత్వం చ దాసత్వం శ్రీహరేరపి ।
యది స్యాత్సిద్ధకవచః సర్వం ప్రాప్నోతి నిశ్చితమ్ ॥ ౫౩॥
స భవేత్సిద్ధకవచో దశలక్షం జపేత్తు యః ।
యో భవేత్సిద్ధకవచః సర్వజ్ఞః స భవేద్ధ్రువమ్ ॥ ౫౪॥
ఇదం కవచ-మజ్ఞాత్వా భజేత్కృష్ణం సుమన్దధీః ।
కోటికల్పం ప్రజప్తోపి న మన్త్రః సిద్ధి-దాయకః ॥ ౫౫॥
గృహీత్వా కవచం వత్స మహీం నిఃక్షత్రియం కురు ।
త్రిస్సప్తకృత్వో నిశ్శంకః సదానన్దో హి లీలయా ॥ ౫౬॥
రాజ్యం దేయం శిరో దేయం ప్రణా దేయాశ్చ పుత్రక ।
ఏవంభూతం చ కవచం న దేయం ప్రాణసంకటే ॥ ౫౭॥

 ॥ ఇతి శ్రీబ్రహ్మవైవర్తే మహాపురాణే తృతీయే గణపతిఖణ్డే నారద-నారాయణసంవాదే పరశురామాయ శ్రీకృష్ణకవచప్రదానం నామ ఏకత్రింశత్తమోధ్యయః ॥

Sri Krishna dvaadasha manjari

॥ శ్రీ శ్రీధరవేంకటేశార్యేణ కృతా  శ్రీ కృష్ణద్వాదశమఞ్జరీ॥

దురాశాన్ధో-ముష్మిన్విషయ-విసరావర్తజఠరే
తృణచ్ఛన్నే కూపే తృణకబలలుబ్ధః పశురివ ।
పతిత్వా ఖిద్యేసావగతిరిత ఉద్ధృత్య కలయేః
కదా మాం కృష్ణ త్వత్పదకమలలాభేన సుఖితమ్ ॥ ౧॥

కథంచి-ద్యచ్చిత్తే కమలభవ-కామాన్తకముఖాః
వహన్తో మజ్జన్తి స్వయ-మనవధౌ హర్షజలధౌ ।
క్వ తద్దివ్య-శ్రీమచ్చరణకమలం కృష్ణ భవతః
క్వ చాహం తత్రేహా మమ శున ఇవా-ఖణ్డలపదే ॥ ౨॥

దురాపస్త్వం కృష్ణ స్మరహర-ముఖానాం తదపి తే
క్షతిః కా కారుణ్యా-దగతిరితి మాం లాలయసి చేత్ ।
ప్రపశ్యన్ రథ్యాయాం శిశు-మగతి-ముద్దామరుదితం
న సమ్రాడప్యఙ్గే దధదురుదయస్సాన్త్వయతి కిమ్ ॥ ౩॥

ప్రతిశ్వాసం నేతుం ప్రయతనధురీణః పితృపతిః
విపత్తీనాం వ్యక్తం విహరణమిదం తు ప్రతిపదమ్ ।
తథా హేయవ్యూహా తనురియమిహా-థాప్య్భిరమే
హతాత్మా కృష్ణైతాం కుమతి-మపహన్యా మమ కదా ॥ ౪॥

విధీశారాధ్యస్త్వం ప్రణయ-వినయాభ్యాం భజసి యాన్
ప్రియస్తే యత్సేవీ విమత ఇతరస్తేషు తృణధీః ।
కిమన్య-త్సర్వాపి త్వదనభిమతైవ స్థితిరహో
దురాత్మైవం తే స్యాం యదువర దయార్హాః కథమహమ్ ॥ ౫॥

వినిన్ద్యత్వే తుల్యాధిక-విరహితా య ఖలు ఖలాః
తథా భూతం కృత్యం యదపి సహ తైరేవ వసతిః ।
తదేవానుష్ఠేయం మమ భవతి నేహాస్త్యరుచిర-
ప్యహో ధిఙ్మాం కుర్వే కిమివ న దయా కృష్ణ మయి తే ॥ ౬॥

త్వదాఖ్యా-భిఖ్యాన త్వదమల-గుణాస్వాదన భవత-
సపర్యాయాసక్తా జగతి కతి వానన్దజలధౌ ।
న ఖేలన్త్యేవం దుర్వ్యసన-హుతభుగ్గర్భ-పతిత-
స్త్వహం సీదామ్యేకో యదువర దయేథా మమ కదా ॥ ౭॥

కద వా నిర్హేతూన్మిషిత-కరుణాలిఙ్గితభవత-
కటాక్షాలబ్ధేన వ్యసనగహనా-న్నిర్గత ఇతః ।
హతాశేష-గ్లానిన్యమృతరస-నిష్యన్దశిశిరే
సుఖం పాదాంభోజే యదువర కదాసాని విహరన్ ॥ ౮॥

అనిత్యత్వం జాన-న్నతిదృఢ-మదర్పస్సవినయః
స్వకే దోషేభిజ్ఞః పరజుషి తు మూఢస్సకరుణః ।
సతాం దాసశ్శాన్త-స్సమమతి-రజస్రం తవ యథా
భజేయం పాదాబ్జం యదువర దయేథా మమ కదా ॥ ౯॥

కరాలం దావాగ్నిం కబలితవతా దేవ భవతా
పరిత్రాతా గోపాః పరమకృపయా కిన్న హి పురా ।
మదీయాన్తర్వైరిప్రకర-దహనం కిం కబలయన్
దయాసిన్ధో గోపీదయిత వద గోపాయసి న మామ్ ॥ ౧౦॥


న భీరారుహ్యాంస నదతి శమనే నాప్యుదయతే
జుగుప్సా దేహస్యాశుచినిచయభావే స్పుటతరే ।
అపి వ్రీడా నోదేత్యవమతిశతే సత్యనుపదం
క్వ మే స్యాత్తవభక్తిః కథమివ కృపా కృష్ణ మయి తే ॥ ౧౧॥

బలీయస్యత్యన్తం మదఘపటలీ తద్యదుపతే
పరిత్రాతుం నో మాం ప్రభవసి తథా నో దమయితుమ్ ।
అలాభాదర్తీనామిదమనుగుణానామదయితే
కియద్దౌస్థ్యం ధిఙ్మాం త్వయి విమతమాత్మద్రుహమిమమ్ ॥ ౧౨॥

॥ ఇతి శ్రీ శ్రీధరవేఙ్కటేశార్యేణకృతా కృష్ణద్వాదశమఞ్జరీ సమాప్తా ॥

Sri Krishna SahasraNama stotram

శ్రీ-కృష్ణ-సహస్త్రనామ-స్తోత్రమ్



|| శ్రీకృష్ణాయ నమః ||

ధ్యానమ్
శిఖిముకుటవిశేషం నీలపద్మాఙ్గదేశం
విధుముఖకృతకేశం కౌస్తుభాపీతవేశమ్ |
మధురరవకలేశం శం భజే భ్రాతుశేషం
వ్రజజనవనితేశం మాధవం రాధికేశమ్ ||
స్తోత్రమ్
కృష్ణః శ్రీవల్లభః శార్ఙ్గీ విష్వక్సేనః స్వసిద్ధిదః |
క్షీరోదధామా వ్యూహేశః శేషశాయీ జగన్మయః || ౧ ||

భక్తిగమ్యస్‍త్రయీమూర్తిర్భారార్తవసుధాస్తుతః |
దేవదేవో దయాసిన్ధుర్దేవో దేవశిఖామణిః || ౨ ||

సుఖభావః సుఖాధారో ముకున్దో ముదితాశయః |
అవిక్రియః క్రియామూర్తిరధ్యాత్మస్వస్వరూపవాన్ || ౩ ||

శిష్టాభిలక్ష్యో భూతాత్మా ధర్మత్రాణార్థచేష్టితః |
అన్తర్యామీ కలారూపః కాలావయవసాక్షికః || ౪ ||

వసుధాయాసహరణో నారదప్రేరణోన్ముఖః |
ప్రభూష్ణుర్నారదోద్గీతో లోకరక్షాపరాయణః || ౫ ||

రౌహిణేయకృతానన్దో యోగజ్ఞాననియోజకః |
మహాగుహాన్తర్నిక్షిప్తః పురాణవపురాత్మవాన్ || ౬ ||

శూరవంశైకధీః శౌరిః కంసశంకావిషాదకృత్ |
వసుదేవోల్లసచ్ఛాక్తిర్దేవక్యష్టమగర్భగః || ౭ ||

వసుదేవసుతః శ్రీమాన్ దేవకీనన్దనో హరిః |
ఆశ్చర్యబాలః శ్రీవత్సలక్ష్మవక్షాశ్చతుర్భుజః || ౮ ||

స్వభావోత్కృష్టసద్భావః కృష్ణాష్టమ్యన్తసమ్భవః |
ప్రాజాపత్యర్క్షసమ్భూతో నిశీథసమయోదితః || ౯ ||

శంఖచక్రగదాపద్మపాణిః పద్మనిభేక్షణః |
కిరీటీ కౌస్తుభోరస్కః స్ఫురన్మకరకుణ్డలః || ౧౦ ||

పీతవాసా ఘనశ్యామః కుఞ్చితాఞ్చితకున్తలః |
సువ్యక్తవ్యక్తాభరణః సూతికాగృహభూషణః || ౧౧ ||

కారాగారాన్ధకారఘ్నః పితృప్రాగ్జన్మసూచకః |
వసుదేవస్తుతః స్తోత్రం తాపత్రయనివారణః || ౧౨ ||

నిరవద్యః క్రియామూర్తిర్న్యాయవాక్యనియోజకః |
అదృష్టచేష్టః కూటస్థో ధృతలౌకికవిగ్రహః || ౧౩ ||

మహర్షిమానసోల్లాసో మహీమఙ్గలదాయకః |
సంతోషితసురవ్రాతః సాధుచిత్తప్రసాదకః || ౧౪ ||

జనకోపాయనిర్దేష్టా దేవకీనయనోత్సవః |
పితృపాణిపరిష్కారో మోహితాగారరక్షకః || ౧౫ ||

స్వశక్త్యుద్ధాటితాశేషకపాటః పితృవాహకః |
శేషోరగఫణాచ్ఛత్రః శేషోక్తాఖ్యాసహస్‍త్రకః || ౧౬ ||

యమునాపూరవిధ్వంసీ స్వభాసోద్భాసితవ్రజః |
కృతాత్మవిద్యావిన్యాసో యోగమాయాగ్రసమ్భవః || ౧౭ ||

దుర్గానివేదితోద్భావో యశోదాతల్పశాయకః |
నన్దగోపోత్సవస్ఫూర్తిర్వ్రజానన్దకరోదయః || ౧౮ ||

సుజాతజాతకర్మశ్రీర్గోపీభద్రోక్తినిర్వృతః |
అలీకనిద్రోపగమః పూతనాస్తనపీడనః || ౧౯ ||

స్తన్యాత్తపూతనాప్రాణః పూతనాక్రోశకారకః |
విన్యస్తరక్షాగోధూలిర్యశోదాకరలాలితః || ౨౦ ||

నన్దాఘ్రాతశిరోమధ్యః పూతనాసుగతిప్రదః |
బాలః పర్యఙ్కనిద్రాలుర్ముఖార్పితపదాఙ్గులిః || ౨౧ ||

అఞ్జనస్నిగ్ధనయనః పర్యాయాఙ్కరితస్మితః |
లీలాక్షస్తరలాలోక శకటాసురభఞ్జనః || ౨౨ ||

ద్విజోదితస్వస్త్యయనో మన్త్రపూతజలాప్లుతః |
యశోదోత్సఙ్గపర్యఙ్కో యశోదాముఖవీక్షకః || ౨౩ ||

యశోదాస్తన్యముదితస్తృణావర్తాదిదుఃసహః |
తృణావర్తాసురధ్వంసీ మాతృవిస్మయకారకః || ౨౪ ||

ప్రశస్తనామకరణో జానుచంక్రమణోత్సుకః |
వ్యాలమ్బిచూలికారత్‍నో ఘోషగోపః ప్రహర్షణః || ౨౫ ||

స్వముఖప్రతిబిమ్బార్థీ గ్రీవావ్యాఘ్రనఖోజ్జ్వలః |
పఙ్కానులేపరుచిరో మాంసలోరుకటితటః || ౨౬ ||

ఘృష్టజానుకరద్వన్ద్వః ప్రతిబిమ్బానుకారకృత్ |
అవ్యక్తవర్ణవాగ్వృత్తిః స్మితలక్ష్యరదోద్గమః || ౨౭ ||

ధాత్రీకరసమాలమ్బీ ప్రస్ఖలచ్చిత్రచంక్రమః |
అనురూపవయస్యాఢ్యశ్చారుకౌమారచాపలః || ౨౮ ||

వత్సపుచ్ఛసమాకృష్టో వత్సపుచ్ఛవికర్షణః |
విస్మారితాన్యవ్యాపారో గోపగోపీముదావహః || ౨౯ ||

అకాలవత్సనిర్మోక్తా వ్రజవ్యాక్రోశసుస్మితః |
నవనీతమహాచోరో దారకాహారదాయకః || ౩౦ ||

పీఠోలూఖలసోపానః క్షీరభాణ్డవిభేదనః |
శిక్యభాణ్డసమాకర్షీ ధ్వాన్తాగారప్రవేశకృత్ || ౩౧ ||

భూషారత్‍నప్రకాశాఢ్యో గోప్యుపాలమ్భభర్త్సితః |
పరాగధూసరాకారో మృద్భక్షణకృతేక్షణః || ౩౨ ||


బాలోక్తమృత్కథారమ్భో మిత్రాన్తర్గూఢవిగ్రహః |
కృతసంత్రాసలోలాక్షో జననీప్రత్యయావహః || ౩౩ ||

మాతృదృశ్యాత్తవదనో వక్త్రలక్ష్యచరాచరః |
యశోదాలాలితస్వాత్మా స్వయం స్వాచ్ఛన్ద్యమోహనః || ౩౪ ||

సవిత్రీస్నేహసంశ్‍లిష్టః సవిత్రీస్తనలోలుపః |
నవనీతార్థనాప్రహ్వో నవనీతమహాశనః || ౩౫ ||

మృషాకోపప్రకమ్పోష్ఠో గోష్ఠాఙ్గణవిలోకనః |
దధిమన్థఘటీభేత్తా కిఙ్కిణీక్వాణసూచితః || ౩౬ ||

హైయఙ్గవీనరసికో మృషాశ్రుశ్చౌర్యశాఙ్కితః |
జననీశ్రమవిజ్ఞాతా దామబన్ధనియన్త్రితః || ౩౭ ||

దామాకల్పశ్చలాపాఙ్గో గాఢోలూఖలబన్ధనః |
ఆకృష్టోలూఖలోఽనన్తః కుబేరసుతశాపవిత్ || ౩౮ ||

నారదోక్తిపరామర్శీ యమలార్జునభఞ్జనః |
ధనదాత్మజసంఘుష్టో నన్దమోచితబన్ధనః || ౩౯ ||

బాలకోద్గీతనిరతో బాహుక్షేపోదితప్రియః |
ఆత్మజ్ఞో మిత్రవశగో గోపీగీతగుణోదయః || ౪౦ ||

ప్రస్థానశకటారూఢో వృన్దావనకృతాలయః |
గోవత్సపాలనైకాగ్రో నానాక్రీడాపరిచ్ఛదః || ౪౧ ||

క్షేపణీక్షేపణః ప్రీతో వేణువాద్యవిశారదః |
వృషవత్సానుకరణో వృషధ్వానవిడమ్బనః || ౪౨ ||

నియుద్ధలీలాసంహ్రష్టః కూజానుకృతకోకిలః |
ఉపాత్తహంసగమనః సర్వజన్తురుతానుకృత్ || ౪౩ ||

భృఙ్గానుకారీ దధ్యన్నచోరో వత్సపురస్సరః |
బలీ బకాసురగ్రాహీ బకతాలుప్రదాహకః || ౪౪ ||

భీతగోపార్భకాహూతో బకచఞ్చువిదారణః |
బకాసురారిర్గోపాలో బాలో బాలాద్భుతావహః || ౪౫ ||

బలభద్రసమాశ్‍లిష్టః కృతక్రీడానిలాయనః |
క్రీడాసేతునిధానజ్ఞః ప్లవఙ్గోత్ప్లవనోఽద్భుతః || ౪౬ ||

కన్దుకక్రీడనో లుప్తనన్దాదిభవవేదనః |
సుమనోఽలంకృతశిరాః స్వాదుస్నిగ్ధాన్నశిక్యభృత్ || ౪౭ ||

గుఞ్జాప్రాలమ్బనచ్ఛన్నః పిఞ్ఛైరలకవేషకృత్ |
వన్యాశనప్రియః శ్రృఙ్గరవాకారితవత్సకః || ౪౮ ||

మనోజ్ఞపల్లవోత్తంసపుష్పస్వేచ్ఛాత్తషట్‌పదః |
మఞ్జుశిజ్ఞితమఞ్జీరచరణః కరకఙ్కణః || ౪౯ ||

అన్యోన్యశాసనః క్రీడాపటుః పరమకైతవః |
ప్రతిధ్వానప్రముదితః శాఖాచతురచంక్రమః || ౫౦ ||

అఘదానవసంహర్తా వ్రజవిఘ్నవినాశనః |
వ్రజసఞ్జీవనః శ్రేయోనిధర్దానవముక్తిదః || ౫౧ ||

కాలిన్దీపులినాసీనః సహభుక్తవ్రజార్భకః |
కక్షాజఠరవిన్యస్తవేణుర్వల్లవచేష్టితః || ౫౨ ||

భుజసన్ధ్యన్తరన్యస్తశ్రృఙ్గవేత్రః శుచిస్మితః |
వామపాణిస్థదధ్యన్నకవలః కలభాషణః || ౫౩ ||

అఙ్గుల్యన్తరవిన్యస్తఫలః పరమపావనః |
అదృశ్యతర్ణకాన్వేషీ వల్లవార్భకభీతిహా || ౫౪ ||

అదృష్టవత్సపవ్రాతో బ్రహ్మవిజ్ఞాతవైభవః |
గోవత్సవత్సపాన్వేషీ విరాట్‌పురుషవిగ్రహః || ౫౫ ||

స్వసంకల్పానురూపార్థో వత్సవత్సపరూపధృక్ |
యథావత్సక్రియారూపో యథాస్థాననివేశనః || ౫౬ ||

యథావ్రజార్భకాకారో గోగోపీస్తన్యపః సుఖీ |
చిరాద్బలో హితో దాన్తో బ్రహ్మవిజ్ఞాతవైభవః || ౫౭ ||

విచిత్రశక్తిర్వ్యాలీనః సృష్టగోవత్సవత్సపః |
బ్రహ్మత్రపాకరో ధాతృస్తుతః సర్వార్థసాధకః || ౫౮ ||

బ్రహ్మ బ్రహ్మమయోఽవ్యక్తస్తేజోరూపః సుఖాత్మకః |
నిరుక్తం వ్యాకృతిర్వ్యక్తో నిరాలమ్బనభావనః || ౫౯ ||

ప్రభవిష్ణురతన్త్రీకో దేవపక్షార్థరూపధృక్ |
అకామః సర్వవేదాదిరణీయః స్థూలరూపవాన్ || ౬౦ ||

వ్యాపీ వ్యాప్యః కృపాకర్తా విచిత్రాచారసమ్పతః |
ఛేన్దోమయః ప్రధానాత్మా మూర్తామూర్తిద్వయాకృతీః || ౬౧ ||

అనేకమూర్తిరక్రోధః పరః ప్రకృతిరక్రమః |
సకలావరణోపేతః సర్వదేవో మహేశ్వరః || ౬౨ ||

మహాప్రభావనః పూర్వవత్సవత్సపదర్శకః |
కృష్ణయాదవగోపాలో గోపాలోకనహర్షితః || ౬౩ ||

స్మితేక్షాహర్షితబ్రహ్మా భక్తవత్సలవాక్ప్రియః |
బ్రహ్మానన్దాశ్రుధౌతాంఘ్రిర్లీలావైచిత్ర్యకోవిదః || ౬౪ ||

బలభద్రైకహ్రదయో నామకారితగోకులః |
గోపాలబాలకో భవ్యో రజ్జుయజ్ఞోపవీతవాన్ || ౬౫ ||

వృక్షచ్ఛాయాహతాశాన్తిర్గోపోత్సఙ్గపబర్హణః |
గోపసంవాహితపదో గోపవ్యజనవీజితః || ౬౬ ||

గోపగానసుఖోన్నిద్రః శ్రీదామార్జితసౌహ్రదః |
సునన్దసుహ్రదేకాత్మా సుబలప్రాణరఞ్జనః || ౬౭ ||

తాలీవనకృతక్రీడో బలపాతితధేనుకః |
గోపీసౌభాగ్యసమ్భావ్యో గోధూలిచ్ఛురితాలకః || ౬౮ ||

గోపీవిరహసంతప్తో గోపికాకృతమజ్జనః |
ప్రలమ్బబాహురుత్ఫుల్లపుణ్డరీకావతంసకః || ౬౯ ||

విలాసలలితస్మేరగర్భలీలావలోకనః |
స్‍త్రగ్భూషణానులేపాఢ్యో జనన్యుపహ్రతాన్నభుక్ || ౭౦ ||

వరశయ్యాశయో రాధప్రేమసల్లాపనిర్వృతః |
యమునాతటసంచారీ విషార్తవ్రజహర్షదః || ౭౧ ||

కాలియక్రోధజనకః వృద్ధాహికులవేష్టితః |
కాలియాహిఫణారఙ్గనటః కాలియమర్దనః || ౭౨ ||

నాగపత్‍నీస్తుతిప్రీతో నానావేషసమృద్ధికృత్ |
అవిషాక్తదృగాత్మేశః స్వదృగాత్మాస్తుతిప్రియః || ౭౩ ||

సర్వేశ్వరః సర్వగుణః ప్రసిద్ధః సర్వసాత్వతః |
అకుణ్ఠధామా చన్ద్రార్కదృష్టిరాకాశనిర్మలః || ౭౪ ||

అనిర్దేశ్యగతిర్నాగవనితాపతిభైక్షదః |
స్వాంఘ్రిముద్రాఙ్కనాగేన్ద్రమూర్ధా కాలియసంస్తుతః || ౭౫ ||

అభయో విశ్వతశ్చక్షుః స్తుతోత్తమగుణః ప్రభుః |
అహమాత్మా మరుత్ప్రాణః పరమాత్మా ద్యుశీర్షవాన్ || ౭౬ ||

నాగోపాయనహ్రష్టాత్మా హ్రదోత్సారితకాలియః |
బలభద్రసుఖాలాపో గోపాలిఙ్గననిర్వృతః || ౭౭ ||

దావాగ్నిభీతగోపాలగోప్తా దావాగ్నినాశనః |
నయనాచ్ఛాదనక్రీడలమ్పటో నృపచేష్టితః || ౭౮ ||

కాకపక్షధరః సౌమ్యో బలవాహకకేలిమాన్ |
బలఘాతితదుర్ధర్షప్రలమ్బో బలవత్సలః || ౭౯ ||

ముఞ్జాటవ్యగ్నిశమనః ప్రావృట్‌కాలవినోదవాన్ |
శిలాన్యస్తాన్నభృద్దైత్యసంహర్తా శాద్వలాసనః || ౮౦ ||

సదాప్తగోపికోద్గీతః కర్ణికారావతంసకః |
నటవేషధరః పద్మమాలాఙ్కో గోపికావృతః || ౮౧ ||

గోపీమనోహరాపాఙ్గో వేణువాదనతత్పరః |
విన్యస్తవదనామ్భోజశ్చారుశబ్దకృతాననః || ౮౨ ||

బిమ్బాధరార్పితదారువేణుర్విశ్వవిమోహనః |
వ్రజసంవర్ణితః శ్రావ్యవేణునాదశ్రుతిప్రియః || ౮౩ ||

గోగోపగోపీజన్మేప్సుర్బ్రహ్మేన్ద్రాద్యభివన్దితః |
గీతస్‍త్రుతిసరిత్పూరో నాదనర్తితబర్హిణః || ౮౪ ||

రాగపల్లవితస్థాణుర్గీతనమితపాదపః |
విస్మారితతృణగ్రాసమృగో మృగవిలోభితః || ౮౫ ||

వ్యాఘ్రాదిహింస్‍త్రసహజవైరహర్తా సుగాయనః |
గాఢోదీరితగోవృన్దః ప్రేమోత్కర్ణితతర్ణకః || ౮౬ ||

నిష్పన్దయానబ్రహ్మాదివీక్షితో విశ్వవన్దితః |
శాఖోత్కర్ణశకున్తౌఘశ్‍ఛత్రాయితవలాహకః || ౮౭ ||

ప్రసన్నః పరమానన్దశ్చిత్రాయితచరాచరః |
గోపికామదనో గోపీకుచకుఙ్గమముద్రితః || ౮౮ ||

గోపకన్యాజలక్రీడాహ్రష్టో గోప్యంశుకాపహ్రత్ |
స్కన్ధారోపితగోపస్‍త్రీవాసాః కున్దనిభస్మితః || ౮౯ ||

గోపీనేత్రోత్పలశశీ గోపికాయాచితాంశుకః |
గోపీనమస్క్రియాదేష్టా గోప్యేకకరవన్దితః || ౯౦ ||

గోప్యఞ్జలివిశేషార్థీ గోపక్రీడావిలోభితః |
శాన్తవాసస్ఫురద్గోపీకృతాఞ్జలిరఘాపహః || ౯౧ ||

గోపీకేలివిలాసార్థీ గోపీసమ్పూర్ణకామదః |
గోపస్‍త్రీవస్‍త్రదో గోపీచిత్తచోరః కుతూహలీ || ౯౨ ||

వృన్దావనప్రియో గోపబన్ధుర్యజ్వాన్నయాచితా |
యజ్ఞేశో యజ్ఞభావజ్ఞో యజ్ఞపత్‍న్యభివాఞ్ఛితః || ౯౩ ||

మునిపత్‍నీవితీర్ణాన్నతృప్తో మునివధూప్రియః |
ద్విజపత్న్యభిభావజ్ఞో ద్విజపత్‍నీవరప్రదః || ౯౪ ||

ప్రతిరుద్ధసతీమోక్షప్రదో ద్విజవిమోహితః |
మునిజ్ఞానప్రదో యజ్వస్తుతో వాసవయాగవిత్ || ౯౫ ||

పితృప్రోక్తక్రియారూపశక్రయాగనివారణః |
శక్రాఽమర్షకరః శక్రవృష్టిప్రశమనోన్ముఖ || ౯౬ ||

గోవర్ధనధరో గోపగోవృన్దత్రాణతత్పరః |
గోవర్ధనగిరిఛత్రచణ్డదణ్డభుజార్గలః || ౯౭ ||

సప్తాహవిధృతాద్రీన్ద్రో మేఘవాహనగర్వహా |
భుజాగ్రోపరివిన్యస్తక్ష్మాధరక్ష్మాభృదచ్యుతః || ౯౮ ||

స్వస్థానస్థాపితగిరిర్గోపీదధ్యక్షతార్చితః |
సుమనః సుమనోవృష్టిహ్రష్టో వాసవవన్దితః || ౯౯ ||

కామధేనుపయఃపూరాభిషిక్తః సురభిస్తుతః |
ధరాంఘ్రిరోషధీరోమా ధర్మగోప్తా మనోమయః || ౧౦౦ ||

జ్ఞానయజ్ఞప్రియః శాస్త్రనేత్రః సర్వార్థసారథిః |
ఎరావతకరానీతవియద్గఙ్గాప్లుతో విభుః || ౧౦౧ ||

బ్రహ్మాభిషిక్తో గోగోప్తా సర్వలోకశుభంకరః |
సర్వవేదమయో మగ్ననన్దాన్వేషిపితృప్రియః || ౧౦౨ ||

వరుణోదీరితాత్మేక్షాకౌతుకో వరుణార్చితః |
వరుణానీతజనకో గోపజ్ఞాతాత్మవైభవః || ౧౦౩ ||

స్వర్లోకాలోకసంహ్రష్టగోపవర్గత్రివర్గదః |
బ్రహ్మగ్రద్గోపితో గోపద్రష్టా బ్రహ్మపదప్రదః || ౧౦౪ ||

శరచ్చన్ద్రవిహారోక్తః శ్రీపతిర్వశకః క్షమః |
భయాపహో భర్తృరుద్ధగోపికాధ్యానగోచరః || ౧౦౫ ||

గోపికానయనాస్వాద్యో గోపీనర్మోక్తినిర్వృతః |
గోపికామనహరణో గోపికాశతయూథపః || ౧౦౬ ||

వైజయన్తీస్త్రగాకల్పో గోపికామానవర్ధనః |
గోపకాన్తాసునిర్దేష్టా కాన్తో మన్మథమన్మథః || ౧౦౭ ||

స్వాత్మాస్యదత్తతామ్బూలః ఫలితోత్కృష్టయౌవనః |
వల్లవీస్తనసక్తాక్షో వల్లవీప్రేమచాలితః || ౧౦౮ ||

గోపీచేలాంచలాసీనో గోపీనేత్రాబ్జషట్‌పదః |
రాసక్రీడాసమాసక్తో గోపీమణ్డలమణ్డనః || ౧౦౯ ||

గోపీహేమమణిశ్రేణిమధ్యేన్ద్రమనిరుజ్జవలః |
విద్యాధరేన్దుశాపఘ్నః శంఖచూడశిరోహరః || ౧౧౦ ||

శంఖచూడశిరోరత్‍నసమ్ప్రీణితబలోనఘః |
అరిష్టారిష్టకృద్దుష్టకేశిదైత్యనిషూదనః || ౧౧౧ ||

సరసః సస్మితముఖః సుస్థిరో విరహాకులః |
సంకర్షణార్పితప్రీతిరక్రూరధ్యానగోచరః || ౧౧౨ ||

అక్రూరసంస్తుతో గూఢో గుణవృత్త్యుపలక్షితః |
ప్రమాణగమ్యస్తన్మాత్రాఽవయవీ బుద్ధితత్పరః || ౧౧౩ ||

సర్వప్రమాణప్రమథీసర్వప్రత్యయసాధకః |
పురుషశ్చ ప్రధానాత్మా విపర్యాసవిలోచనః || ౧౧౪ ||

మధురాజనసంవీక్ష్యో రజకప్రతిఘాతకః |
విచిత్రామ్బరసంవీతో మాలాకారవరప్రదః || ౧౧౫ ||

కుబ్జావక్రత్వనిర్మోక్తా కుబ్జాయౌవనదాయకః |
కుబ్జాఙ్గరాగసురభిః కంసకోదణ్డఖణ్డనః || ౧౧౬ ||

ధీరః కువలయపీడమర్దనః కంసభీతికృత్ |
దన్తిదన్తాయుధో రఙ్గత్రాసకో మల్లయుద్ధవిత్ || ౧౧౭ ||

చాణూరహన్తా కంసారిర్దేవకీహర్షదాయకః |
వసుదేవపదానమ్రః పితృబన్ధవిమోచనః || ౧౧౮ ||

ఉర్వీభయాపహో భూప ఉగ్రసేనాధిపత్యదః |
ఆజ్ఞాస్థితశచీనాథః సుధర్మానయనక్షమః || ౧౧౯ ||

ఆద్యో ద్విజాతిసత్కర్తా శిష్టాచారప్రదర్శకః |
సాన్దీపనికృతాభ్యస్తవిద్యాభ్యాసైకధీః సుధీః || ౧౨౦ ||

గుర్వభీష్టక్రియాదక్షః పశ్చిమోదధిపూజితః |
హతపఞ్చజనప్రాప్తపాఞ్చజన్యో యమార్చితః || ౧౨౧ ||

ధర్మరాజజయానీతగురుపుత్ర ఉరుక్రమః |
గురుపుత్రపదః శాస్తా మధురాజసభాసదః || ౧౨౨ ||

జామదగ్నయసమభ్యర్చ్యో గోమన్తగిరిసంచరః |
గోమన్తదావశమనో గరుడానీతభూషణః || ౧౨౩ ||

చక్రాద్యాయుధసంశోభీ జరాసన్ధమదాపహః |
సృగాలావనిపాలఘ్నః స్రృగాలాత్మజరాజ్యదః || ౧౨౪ ||

విధ్వస్తకాలయవనో ముచుకున్దవరప్రదః |
ఆజ్ఞాపితమహామ్భోధిర్ద్వారకాపురకల్పనః || ౧౨౫ ||

ద్వారకానిలయో రుక్మిమానహన్తా యదుద్వహః |
రుచిరో రుక్మిణిజానిః ప్రద్యుమ్నజనకః ప్రభుః || ౧౨౬ ||

అపాకృతత్రిలోకార్తిరనిరుద్ధపితామహః |
అనిరుద్ధపదాన్వేషీ చక్రీ గరుడవాహనః || ౧౨౭ ||

బాణాసురపురీరోద్ధా రక్షాజ్వల్నయన్త్రజిత్ |
ధూతప్రమథసంరమ్భో జితమాహేశ్వరజ్వరః || ౧౨౮ ||

షట్‌చక్రశక్తినిర్జేతా భూతవేతాలమోహకృత్ |
శమ్భుత్రిశూలజిచ్ఛమ్భుజమ్భణః శమ్భుసంస్తుతః || ౧౨౯ ||

ఇన్ద్రియాత్మేన్దుహ్రదయః సర్వయోగేశ్వరేశ్వరః |
హిరణ్యగర్భహ్రదయో మోహావర్తనివర్తనః || ౧౩౦ ||

ఆత్మజ్ఞాననిధర్మేధాకోశస్తన్మాత్రరూపవాన్ |
ఇన్ద్రోఽగ్నివదనః కాలనాభః సర్వాగమాధ్వగః || ౧౩౧ ||

తురీయః సర్వధీసాక్షీ ద్వన్ద్వారామ ఆత్మదూరగః |
అజ్ఞాతపారవశ్యశ్రీరవ్యాకృతవిహారవాన్ || ౧౩౨ ||

ఆత్మప్రదీపో విజ్ఞానమాత్రాత్మా శ్రీనికేతనః |
బాణబాహువనచ్ఛేత్తా మహేన్ద్రప్రీతివర్ధనః || ౧౩౩ ||

అనిరూద్ధనిరోధజ్ఞో జలేశాహ్రతగోకులః |
జలేశవిజయీ వీరః సత్రాజిద్రత్నయాచకః || ౧౩౪ ||

ప్రసేనాన్వేషణోద్యుక్తో జామ్బవద్ధృతరత్నదః |
జితర్క్షరాజతనయాహర్తా జామ్బవతీప్రియః || ౧౩౫ ||

సత్యభామాప్రియః కామః శతధన్వశిరోహరః |
కాలిన్దీపతిరక్రూరబన్ధురక్రూరరత్నదః || ౧౩౬ ||

కైకేయీరమణో భద్రభర్తా నాగ్నజితీధవః |
మాద్రీమనోహరః శైబ్యాప్రాణబన్ధురురుక్రమః || ౧౩౭ ||

సుశీలాదయితో మిత్రవిన్దానేత్రమహోత్సవః |
లక్ష్మణావల్లభో రుద్ధప్రాగ్జ్యోతిషమహాపురః || ౧౩౮ ||

సురపాశావృతిచ్ఛేదీ మురారిః క్రూరయుద్ధవిత్ |
హయగ్రీవశిరోహర్తా సర్వాత్మా సర్వదర్శనః || ౧౩౯ ||

నరకాసురవిచ్ఛేత్తా నరకాత్మజరాజ్యదః |
పృథ్వీస్తుతః ప్రకాశాత్మా హ్రద్యో యజ్ఞఫలప్రదః || ౧౪౦ ||

గుణగ్రాహీ గుణద్రష్టా గూఢస్వాత్మావిభూతిమాన్ |
కవిర్జగదుపద్రష్టా పరమాక్షరవిగ్రహః || ౧౪౧ ||

ప్రపన్నపాలనో మాలీ మహద్బ్రహ్మవివర్ధనః |
వాచ్యవాచకశక్త్యర్థః సర్వవ్యాకృతసిద్ధిదః || ౧౪౨ ||

స్వయమ్ప్రభురనిర్వేద్యః స్వప్రకాశశ్చిరన్తనః |
నాదాత్మా మన్త్రకోటీశో నానావాదనిరోధకః || ౧౪౩ ||

కన్దర్పకోటిలావణ్యః పరార్థైకప్రయోజకః |
అమరీకృతదేవౌఘః కన్యకాబన్ధమోచనః || ౧౪౪ ||

షోడశస్‍త్రీసహస్‍త్రేశః కాన్తః కాన్తామనోభవః |
క్రీడారత్నాచలాహర్తా వరుణచ్ఛత్రశోభితః || ౧౪౫ ||

శక్రాభివన్దితః శక్రజననీకుణ్డలప్రదః |
అదితిప్రస్తుతస్తోత్రో బ్రాహ్మణోద్ధుష్టచేష్టనః || ౧౪౬ ||

పురాణః సంయమీ జన్మాలిప్తః షడ్‌వింశకోర్థదః |
యశస్యనీతిరాద్యన్తరహితః సత్కథాప్రియః || ౧౪౭ ||

బ్రహ్మబోధః పరానన్దః పారిజాతాపహారకః |
పౌణ్డ్రకప్రాణహరణః కాశిరాజనిషూదనః || ౧౪౮ ||

కృత్యాగర్వప్రశమనో విచక్రవధదీక్షితః |
హంసవిధ్వంసనః సామ్బజనకో డిమ్భకార్దనః || ౧౪౯ ||

మునిర్గోప్తా పితృవరప్రదః సవనదీక్షితః |
రథీ సారథ్యనిర్దేష్టా ఫాల్గునః ఫాల్గునిప్రియః || ౧౫౦ ||

సప్తాబ్ధిస్తమ్భనోద్భుతో హరిః సప్తాబ్ధిభేదనః |
ఆత్మప్రకాశః పూర్ణశ్రీరాదినారాయణేక్షితః || ౧౫౧ ||

విప్రపుత్రప్రదశ్చైవ సర్వమాతృసుతప్రదః |
పార్థవిస్మయకృత్పార్థప్రణవార్థప్రబోధనః || ౧౫౨ ||

కైలాసయాత్రాసుముఖో బదర్యాశ్రమభూషణః |
ఘణ్టాకర్ణాక్రియమౌఢ్యతోషితో భక్తవత్సలః || ౧౫౩ ||

మునివృన్దాదిభిర్ధ్యేయో ఘణ్టాకర్ణవరప్రదః |
తపశ్చర్యాపరశ్చీరవాసాః పిఙ్గజటాధరః || ౧౫౪ ||

ప్రత్యక్షీకృతభూతేశః శివస్తోతా శివస్తుతః |
కృష్ణాస్వయంవరాలోకకౌతుకీ సర్వసమ్మతః || ౧౫౫ ||

బలసంరమ్భశమనో బలదర్శితపాణ్డవః |
యతివేషార్జునాభీష్టదాయీ సర్వాత్మగోచరః || ౧౫౬ ||

సుభద్రాఫాల్గునోద్వాహకర్తా ప్రీణితఫాల్గునః |
ఖాణ్డవప్రీణితార్చిష్మాన్ మయదానవమోచనః || ౧౫౭ ||

సులభో రాజసూయార్హో యుధిష్ఠిరనియోజకః |
భీమార్దితజరాసన్ధో మాగధాత్మజరాజ్యదః || ౧౫౮ ||

రాజబన్ధననిర్మోక్తా రాజసూయాగ్రపూజనః |
చైద్యాద్యసహనో భీష్మస్తుతః సాత్వతపూర్వజః || ౧౫౯ ||

సర్వాత్మార్థసమాహర్తా మన్దరాచలధారకః |
యజ్ఞావతారః ప్రహ్లాదప్రతిజ్ఞాపరిపాలకః || ౧౬౦ ||

బలియజ్ఞసభాధ్వంసీ దృప్తక్షత్రకులాన్తకః |
దశగ్రీవాన్తకో జేతా రేవతీప్రేమవల్లభః || ౧౬౧ ||

సర్వావతారాధిష్ఠాతా వేదబాహ్యవిమోహనః |
కలిదోషనిరాకర్తా దశనామా దృఢవ్రతః || ౧౬౨ ||

అమేయాత్మా జగత్స్వామీ వాగ్మీ చైద్యశిరోహరః |
ద్రౌపదీరచితస్తోత్రః కేశవః పురుషోత్తమః || ౧౬౩ ||

నారాయణో మధుపతిర్మాధవో దోషవర్జితః |
గోవిన్దః పుణ్డరీకాక్షో విష్ణుశ్చ మధుసూదనః || ౧౬౪ ||

త్రివిక్రమస్‍త్రిలోకేశో వామనః శ్రీధరః పుమాన్ |
హ్రషీకేశో వాసుదేవః పద్మనాభో మహాహ్రదః || ౧౬౫ ||

దామోదరశ్చతుర్వ్యూహః పాఞ్చాలీమానరక్షణః |
శాల్వఘ్నః సమరశ్‍లాఘీ దన్తవక్త్రనిబర్హణః || ౧౬౬ ||

దామోదరప్రియసఖః పృథుకాస్వాదనప్రియః |
ఘృణీ దామోదరః శ్రీదో గోపీపునరవేక్షకః || ౧౬౭ ||

గోపికాముక్తిదో యోగీ దుర్వాసస్తృప్తికారకః |
అవిజ్ఞాతవ్రజాకీర్ణపాణ్డవాలోకనో జయీ || ౧౬౮ ||

పార్థసారథ్యనిరతః ప్రాజ్ఞః పాణ్డవదౌత్యకృత్ |
విదురాతిథ్యసంతుష్టః కున్తీసంతోశదాయకః || ౧౬౯ ||

సుయోధనతిరస్కర్తా దుర్యోధనవికారవిత్‌ |
విదురాభిష్టుతో నిత్యో వార్ష్ణేయో మఙ్గలాత్మకః || ౧౭౦ ||

పఞ్చవింశతితత్త్వేశశ్చతుర్వింశతిదేహభాక్‌ |
సర్వానుగ్రాహకః సర్వదాశార్హసతతార్చితః || ౧౭౧ ||

అచిన్త్యో మధురాలాపః సాధుదర్శీ దురాసదః |
మనుష్యధర్మానుగతః కౌరవేన్ద్రక్షయేక్షితః || ౧౭౨ ||

ఉపేన్ద్రో దానవారాతిరురుగీతో మహాద్యుతిః |
బ్రహ్మణ్యదేవః శ్రుతిమాన్‍ గోబ్రాహ్మణహితాశయః || ౧౭౩ ||

వరశీలః శివారమ్భః సువిజ్ఞానవిమూర్తిమాన్ |
స్వభావశుద్ధః సన్మిత్రః సుశరణ్యః సులక్షణః || ౧౭౪ ||

ధృతరాష్ట్రగతో దృష్టిప్రదః కర్ణవిభేదనః |
ప్రతోదధృగ్విశ్వరూపవిస్మారితధనఞ్జయః || ౧౭౫ ||

సామగానప్రియో ధర్మధేనుర్వణోత్తమోవ్యయః |
చతుర్యుగక్రియాకర్తా విశ్వరూపప్రదర్శకః || ౧౭౬ ||

బ్రహ్మబోధపరిత్రాతపార్థో భీష్మార్థచక్రభృత్ |
అర్జునాయాసవిధ్వంసీ కాలదంష్ట్రావిభూషణః || ౧౭౭ ||

సుజాతానన్తమహిమా స్వప్రవ్యాపారితార్జునః |
అకాలసన్ధ్యాఘటనశ్చక్రాన్తరితభాస్కరః || ౧౭౮ ||

దుష్టప్రమథనః పార్థప్రతిజ్ఞాపరిపాలకః |
సిన్ధురాజశిరఃపాతస్థానవక్తా వివేకదృక || ౧౭౯ ||

సుభద్రాశోకహరణో ద్రోణోత్సేకాదివిస్మితః |
పార్థమన్యునిరాకర్తా పాణ్డవోత్సవదాయకః || ౧౮౦ ||

అఙ్గుష్ఠాక్రాన్తకౌన్తేయరథచక్రోఽహిశీర్షజిత్ |
కాలకోపప్రశమనో భీమసేనజయప్రదః || ౧౮౧ ||

అశ్వత్థమవధాయాసత్రాతపాణ్డుసుతః కృతీ |
ఇషీకాస్‍త్రప్రశమనో ద్రౌణిరక్షావిచక్షణః || ౧౮౨ ||

పార్థాపహారితద్రౌణిచూడామణిరభంగురః |
ధృతరాష్ట్రపరమృష్టభీమప్రతికృతిస్మయః || ౧౮౩ ||

భీష్మబుద్ధిప్రదః శాన్తః శరచ్చన్ద్రనిభాననః |
గదాగ్రజన్మా పాఞ్చాలీప్రతిజ్ఞాపరిపాలకః || ౧౮౪ ||

గాన్ధారీకోపదృగ్గుప్తధర్మసూనురనామయః |
ప్రపన్నార్తిభయచ్ఛేత్తా భీష్మశల్యవ్యథాపహః || ౧౮౫ ||

శాన్తః శాన్తనవోదీర్ణః సర్వధర్మసమాహితః |
స్మారితబ్రహ్మవిద్యార్థప్రీతపార్థో మహాస్త్రవిత్ || ౧౮౬ ||

ప్రసాదపరమోదారో గాఙ్గేయసుగతిప్రదః |
విపక్షపక్షక్షయకృత్పరీక్షిత్ప్రాణరక్షణః || ౧౮౭ ||

జగద్గురుర్ధర్మసూనోర్వాజిమేధప్రవర్తకః |
విహితార్థ ఆప్తసత్కారో మాసకాత్పరివర్తదః || ౧౮౮ ||

ఉత్తఙ్కహర్షదాత్మీయదివ్యరూపప్రదర్శకః |
జనకావగతస్వోక్తభారతః సర్వభావనః || ౧౮౯ ||

అసోఢ్యాదవోద్రేకో విహితాప్తాదిపూజనః |
సముద్రస్థాపితాశ్చర్యముసలో వృష్ణివాహకః || ౧౯౦ ||

మునిశాపాయుధః పద్మాసనాదిత్రిదశార్థితః |
సృష్టిప్రత్యవహారోత్కటస్వధామగమనోత్సుకః || ౧౯౧ ||

ప్రభాసాలోకనోద్యుక్తో నానావిధనిమిత్తకృత్‌ |
సర్వయాదవసంసేవ్యః సర్వోత్కృష్టపరిచ్ఛదః || ౧౯౨ ||

వేలాకాననసంచారీ వేలానిలహ్రతశ్రమః |
కాలత్మా యాదవోఽనన్తః స్తుతిసంతుష్టమానసః || ౧౯౩ ||

ద్విజాలోకనసంతుష్టః పుణ్యతీర్థమహోత్సవః |
సత్కారాహ్లాదితాశేషభూసురః సురవల్లభః || ౧౯౪ ||

పుణ్యతీర్థాప్లుతః పుణ్యః పుణ్యదస్తీర్థపావనః |
విప్రసాత్కృతగోకోటిః శతకోటిసువర్ణదః || ౧౯౫ ||

స్వమాయామోహోతాఽశేషవ్రుష్ణివీరో విశేషవిత్ |
జలజాయుధనిర్దేష్టా స్వాత్మావేశితయాదవః || ౧౯౬ ||

దేవతాభీష్టవరదః కృతకృత్యః ప్రసన్నధీః |
స్థిరశేషాయుతబలః సహస్త్రఫణివీక్షణః || ౧౯౭ ||

బ్రహ్మవృక్షవరచ్ఛాయాసీనః పద్మాసనస్థితః |
ప్రత్యగాత్మా స్వభావార్థః ప్రణిధానపరాయణః || ౧౯౮ ||

వ్యాధేషువిద్ధపూజ్యాంఘ్రిర్నిషాదభయమోచనః |
పులిన్దస్తుతిసంతుష్టః పులిన్దసుగతిప్రదః || ౧౯౯ ||

దారుకార్పితపార్థాదికరణీయోక్తిరీశితా |
దివ్యదున్దుభిసంయుక్తః పుష్పవృష్టిప్రపూజితః || ౨౦౦ ||

పురాణః పరమేశానః పూర్ణభూమా పరిష్టుతః |
పతిరాద్యః పరం బ్రహ్మ పరమాత్మా పరాత్పరః || ౨౦౧ ||

|| శ్రీపరమాత్మా పరాత్పర ఓం నమ ఇతి ||

|| ఫలశ్రుతిః ||

ఇదం సహస్త్రం కృష్ణస్య నామ్నాం సర్వార్థదాయకమ్ |
అనన్తరూపీ భగవాన్ వ్యాఖ్యాతాదౌ స్వయమ్భువే || ౨౦౨ ||

తేనే ప్రోక్తం వసిష్ఠాయ తతో లబ్ధ్వా పరశరః |
వ్యాసాయ తేన సమ్ప్రోక్తం శుకో వ్యాసాదవాప్తవాన్ || ౨౦౩ ||

తచ్ఛిష్యైర్బహుభిర్భూమౌ ఖ్యాపితం ద్వాపరే యుగే |
కృష్ణాజ్ఞయా హరిహరః కలౌ ప్రఖ్యాపయద్విభుః || ౨౦౪ ||

ఇదం పఠతి భక్త్యా యః శృణోతి చ సమాహితః |
స్వసిద్ధ్యై ప్రార్థయన్త్యేనం తీర్థక్షేత్రాదిదేవతాః || ౨౦౫ ||

ప్రాయశ్చిత్తాన్యశేషాణి నాలం యాని వ్యపిహితుమ్ |
తాని పాపాని నశ్యన్తి సకృదస్య ప్రశంసనాత్ || ౨౦౬ ||

ఋణత్రయవిముక్తస్య శ్రౌతస్మార్తానువర్తినః |
ఋషేస్త్రిమూర్తిరూపస్య ఫలం విన్దేదిదం పఠన్ || ౨౦౭ ||

ఇదం నామసహస్త్రమ యః పఠత్యేతచ్ఛృణోతి చ |
శివలిఙ్గసహస్త్రస్య స ప్రతిష్ఠాఫలం లభేత్ || ౨౦౮ ||

ఇదం కిరీటీ సంజప్య జయీ పాశుపతాస్త్రభాక్ |
కృష్ణస్య ప్రాణభూతః సన్ కృష్ణం సారథిమాప్తవాన్ || ౨౦౯ ||

ద్రౌపద్యా దమయన్త్యా చ సావిత్ర్యా చ సుశీలయా |
దురితాని జితాన్యేతజ్జపాదాప్తం చ వాఞ్ఛితమ్ || ౨౧౦ ||

కిమిదం బహునా శంసన్మానవో మోదనిర్భరః |
బ్రహ్మనన్దమవాప్యాన్తే కృష్ణసాయుజ్యమాప్నుయాత్ || ౨౧౧ ||


|| ఇతి శ్రీవిష్ణుధర్మోత్తరపురాణే శ్రీకృష్ణసహస్త్రనామస్తోత్రం సమ్పూర్ణమ్ ||

Santaana Gopaala Stotram

సంతానగోపాల స్తోత్రమ్

ఓం శ్రీం హ్రీం క్లీం గ్లౌం దేవకీసుత గోవిన్ద వాసుదేవ జగత్పతే |
దేహి మే తనయం కృష్ణ త్వామహం శరణం గతః ||

ఓం నమో భగవతే వాసుదేవాయ |

సంతానగోపాలస్తోత్రం

శ్రీశం కమలపత్రాక్షం దేవకీనన్దనం హరిమ్ |
సుతసంప్రాప్తయే కృష్ణం నమామి మధుసూదనమ్ ||౧||

నమామ్యహం వాసుదేవం సుతసంప్రాప్తయే హరిమ్ |
యశోదాఙ్కగతం బాలం గోపాలం నన్దనన్దనమ్|| ౨ ||

అస్మాకం పుత్రలాభాయ గోవిన్దం మునివన్దితమ్ |
నమామ్యహం వాసుదేవం దేవకీనన్దనం సదా || ౩ ||

గోపాలం డిమ్భకం వన్దే కమలాపతిమచ్యుతమ్ |
పుత్రసంప్రాప్తయే కృష్ణం నమామి యదుపుఙ్గవమ్ || ౪ ||

పుత్రకామేష్టిఫలదం కఞ్జాక్షం కమలాపతిమ్ |
దేవకీనన్దనం వన్దే సుతసమ్ప్రాప్తయే మమ || ౫ ||

పద్మాపతే పద్మనేత్రే పద్మనాభ జనార్దన |
దేహి మే తనయం శ్రీశ వాసుదేవ జగత్పతే || ౬ ||

యశోదాఙ్కగతం బాలం గోవిన్దం మునివన్దితమ్ |
అస్మాకం పుత్ర లాభాయ నమామి శ్రీశమచ్యుతమ్ || ౭ ||

శ్రీపతే దేవదేవేశ దీనార్తిర్హరణాచ్యుత |
గోవిన్ద మే సుతం దేహి నమామి త్వాం జనార్దన || ౮ ||

భక్తకామద గోవిన్ద భక్తం రక్ష శుభప్రద |
దేహి మే తనయం కృష్ణ రుక్మిణీవల్లభ ప్రభో || ౯ ||

రుక్మిణీనాథ సర్వేశ దేహి మే తనయం సదా |
భక్తమన్దార పద్మాక్ష త్వామహం శరణం గతః || ౧౦ ||

దేవకీసుత గోవిన్ద వాసుదేవ జగత్పతే |
దేహి మే తనయం కృష్ణ త్వామహం శరణం గతః || ౧౧ ||

వాసుదేవ జగద్వన్ద్య శ్రీపతే పురుషోత్తమ |
దేహి మే తనయం కృష్ణ త్వామహం శరణం గతః || ౧౨ ||

కఞ్జాక్ష కమలానాథ పరకారుణికోత్తమ |
దేహి మే తనయం కృష్ణ త్వామహం శరణం గతః || ౧౩ ||

లక్ష్మీపతే పద్మనాభ ముకున్ద మునివన్దిత |
దేహి మే తనయం కృష్ణ త్వామహం శరణం గతః || ౧౪ ||

కార్యకారణరూపాయ వాసుదేవాయ తే సదా |
నమామి పుత్రలాభార్థ సుఖదాయ బుధాయ తే || ౧౫ ||

రాజీవనేత్ర శ్రీరామ రావణారే హరే కవే |
తుభ్యం నమామి దేవేశ తనయం దేహి మే హరే || ౧౬ ||

అస్మాకం పుత్రలాభాయ భజామి త్వాం జగత్పతే |
దేహి మే తనయం కృష్ణ వాసుదేవ రమాపతే || ౧౭ ||

శ్రీమానినీమానచోర గోపీవస్త్రాపహారక |
దేహి మే తనయం కృష్ణ వాసుదేవ జగత్పతే || ౧౮ ||

అస్మాకం పుత్రసంప్రాప్తిం కురుష్వ యదునన్దన |
రమాపతే వాసుదేవ ముకున్ద మునివన్దిత || ౧౯ ||

వాసుదేవ సుతం దేహి తనయం దేహి మాధవ |
పుత్రం మే దేహి శ్రీకృష్ణ వత్సం దేహి మహాప్రభో ||౨౦ ||

డిమ్భకం దేహి శ్రీకృష్ణ ఆత్మజం దేహి రాఘవ |
భక్తమన్దార మే దేహి తనయం నన్దనన్దన || ౨౧ ||

నన్దనం దేహి మే కృష్ణ వాసుదేవ జగత్పతే |
కమలనాథ గోవిన్ద ముకున్ద మునివన్దిత || ౨౨ ||

అన్యథా శరణం నాస్తి త్వమేవ శరణం మమ |
సుతం దేహి శ్రియం దేహి శ్రియం పుత్రం ప్రదేహి మే || ౨౩ ||

యశోదాస్తన్యపానజ్ఞం పిబన్తం యదునన్దనం |
వన్దేహం పుత్రలాభార్థం కపిలాక్షం హరిం సదా || ౨౪ ||

నన్దనన్దన దేవేశ నన్దనం దేహి మే ప్రభో |
రమాపతే వాసుదేవ శ్రియం పుత్రం జగత్పతే || ౨౫ ||

పుత్రం శ్రియం శ్రియం పుత్రం పుత్రం మే దేహి మాధవ |
అస్మాకం దీనవాక్యస్య అవధారయ శ్రీపతే || ౨౬ ||

గోపాల డిమ్భ గోవిన్ద వాసుదేవ రమాపతే |
అస్మాకం డిమ్భకం దేహి శ్రియం దేహి జగత్పతే || ౨౭ ||

మద్వాఞ్ఛితఫలం దేహి దేవకీనన్దనాచ్యుత |
మమ పుత్రార్థితం ధన్యం కురుష్వ యదునన్దన || ౨౮ ||

యాచేహం త్వాం శ్రియం పుత్రం దేహి మే పుత్రసంపదమ్|
భక్తచిన్తామణే రామ కల్పవృక్ష మహాప్రభో || ౨౯ ||

ఆత్మజం నన్దనం పుత్రం కుమారం డిమ్భకం సుతమ్ |
అర్భకం తనయం దేహి సదా మే రఘునన్దన || ౩౦ ||

వన్దే సన్తానగోపాలం మాధవం భక్తకామదమ్ |
అస్మాకం పుత్రసంప్రాప్త్యై సదా గోవిన్దమచ్యుతమ్ || ౩౧ ||

ఓంకారయుక్తం గోపాలం శ్రీయుక్తం యదునన్దనమ్ |
క్లీంయుక్తం దేవకీపుత్రం నమామి యదునాయకమ్ || ౩౨ ||

వాసుదేవ ముకున్దేశ గోవిన్ద మాధవాచ్యుత |
దేహి మే తనయం కృష్ణ రమానాథ మహాప్రభో || ౩౩ ||

రాజీవనేత్ర గోవిన్ద కపిలాక్ష హరే ప్రభో |
సమస్తకామ్యవరద దేహి మే తనయం సదా || ౩౪ ||

అబ్జపద్మనిభం పద్మవృన్దరూప జగత్పతే |
దేహి మే వరసత్పుత్రం రమానాయక మాధవ || ౩౫ ||

నన్దపాల ధరాపాల గోవిన్ద యదునన్దన |
దేహి మే తనయం కృష్ణ రుక్మిణీవల్లభ ప్రభో || ౩౬ ||

దాసమన్దార గోవిన్ద ముకున్ద మాధవాచ్యుత |
గోపాల పుణ్డరీకాక్ష దేహి మే తనయం శ్రియమ్ || ౩౭ ||

యదునాయక పద్మేశ నన్దగోపవధూసుత |
దేహి మే తనయం కృష్ణ శ్రీధర ప్రాణనాయక || ౩౮ ||

అస్మాకం వాఞ్ఛితం దేహి దేహి పుత్రం రమాపతే |
భగవన్ కృష్ణ సర్వేశ వాసుదేవ జగత్పతే || ౩౯ ||

రమాహృదయసంభారసత్యభామామనః ప్రియ |
దేహి మే తనయం కృష్ణ రుక్మిణీవల్లభ ప్రభో || ౪౦ ||

చన్ద్రసూర్యాక్ష గోవిన్ద పుణ్డరీకాక్ష మాధవ |
అస్మాకం భాగ్యసత్పుత్రం దేహి దేవ జగత్పతే || ౪౧ ||

కారుణ్యరూప పద్మాక్ష పద్మనాభసమర్చిత |
దేహి మే తనయం కృష్ణ దేవకీనన్దనన్దన || ౪౨ ||

దేవకీసుత శ్రీనాథ వాసుదేవ జగత్పతే |
సమస్తకామఫలద దేహి మే తనయం సదా || ౪౩ ||

భక్తమన్దార గమ్భీర శఙ్కరాచ్యుత మాధవ |
దేహి మే తనయం గోపబాలవత్సల శ్రీపతే || ౪౪ ||

శ్రీపతే వాసుదేవేశ దేవకీప్రియనన్దన |
భక్తమన్దార మే దేహి తనయం జగతాం ప్రభో ||౪౫ ||

జగన్నాథ రమానాథ భూమినాథ దయానిధే |
వాసుదేవేశ సర్వేశ దేహి మే తనయం ప్రభో || ౪౬ ||

శ్రీనాథ కమలపత్రాక్ష వాసుదేవ జగత్పతే |
దేహి మే తనయం కృష్ణ త్వామహం శరణం గతః || ౪౭ ||

దాసమన్దార గోవిన్ద భక్తచిన్తామణే ప్రభో |
దేహి మే తనయం కృష్ణ త్వామహం శరణం గతః || ౪౮ ||

గోవిన్ద పుణ్డరీకాక్ష రమానాథ మహాప్రభో |
దేహి మే తనయం కృష్ణ త్వామహం శరణం గతః || ౪౯ ||

శ్రీనాథ కమలపత్రాక్ష గోవిన్ద మధుసూదన |
మత్పుత్రఫలసిద్ధ్యర్థం భజామి త్వాం జనార్దన || ౫౦ ||

స్తన్యం పిబన్తం జననీముఖాంబుజం
విలోక్య మన్దస్మితముజ్జ్వలాఙ్గమ్ |
స్పృశన్తమన్యస్తనమఙ్గులీభిర్వన్దే
యశోదాఙ్కగతం ముకున్దమ్ || ౫౧ ||

యాచేఽహం పుత్రసన్తానం భవన్తం పద్మలోచన |
దేహి మే తనయం కృష్ణ త్వామహం శరణం గతః || ౫౨ ||

అస్మాకం పుత్రసమ్పత్తేశ్చిన్తయామి జగత్పతే |
శీఘ్రం మే దేహి దాతవ్యం భవతా మునివన్దిత || ౫౩ ||

వాసుదేవ జగన్నాథ శ్రీపతే పురుషోత్తమ |
కురు మాం పుత్రదత్తం చ కృష్ణ దేవేన్ద్రపూజిత || ౫౪ ||

కురు మాం పుత్రదత్తం చ యశోదాప్రియనన్దనమ్ |
మహ్యం చ పుత్రసన్తానం దాతవ్యంభవతా హరే || ౫౫ ||

వాసుదేవ జగన్నాథ గోవిన్ద దేవకీసుత |
దేహి మే తనయం రామ కౌశల్యాప్రియనన్దన || ౫౬ ||

పద్మపత్రాక్ష గోవిన్ద విష్ణో వామన మాధవ |
దేహి మే తనయం సీతాప్రాణనాయక రాఘవ || ౫౭ ||

కఞ్జాక్ష కృష్ణ దేవేన్ద్రమణ్డిత మునివన్దిత |
లక్ష్మణాగ్రజ శ్రీరామ దేహి మే తనయం సదా || ౫౮ ||

దేహి మే తనయం రామ దశరథప్రియనన్దన |
సీతానాయక కఞ్జాక్ష ముచుకున్దవరప్రద || ౫౯ ||

విభీషణస్య యా లఙ్కా ప్రదత్తా భవతా పురా |
అస్మాకం తత్ప్రకారేణ తనయం దేహి మాధవ || ౬౦ ||

భవదీయపదాంభోజే చిన్తయామి నిరన్తరమ్ |
దేహి మే తనయం సీతాప్రాణవల్లభ రాఘవ || ౬౧ ||

రామ మత్కామ్యవరద పుత్రోత్పత్తిఫలప్రద |
దేహి మే తనయం శ్రీశ కమలాసనవన్దిత || ౬౨ ||

రామ రాఘవ సీతేశ లక్ష్మణానుజ దేహి మే |
భాగ్యవత్పుత్రసన్తానం దశరథప్రియనన్దన |
దేహి మే తనయం రామ కృష్ణ గోపాల మాధవ || ౬౪ ||

కృష్ణ మాధవ గోవిన్ద వామనాచ్యుత శఙ్కర |
దేహి మే తనయం శ్రీశ గోపబాలకనాయక || ౬౫ ||

గోపబాల మహాధన్య గోవిన్దాచ్యుత మాధవ |
దేహి మే తనయం కృష్ణ వాసుదేవ జగత్పతే || ౬౬ ||

దిశతు దిశతు పుత్రం దేవకీనన్దనోయం
దిశతు దిశతు శీఘ్రం భాగ్యవత్పుత్రలాభమ్ |
దిశతు దిశతు శీఘ్రం శ్రీశో రాఘవో రామచన్ద్రో
దిశతు దిశతు పుత్రం వంశ విస్తారహేతోః || ౬౭ ||

దీయతాం వాసుదేవేన తనయోమత్ప్రియః సుతః |
కుమారో నన్దనః సీతానాయకేన సదా మమ || ౬౮ ||

రామ రాఘవ గోవిన్ద దేవకీసుత మాధవ |
దేహి మే తనయం శ్రీశ గోపబాలకనాయక || ౬౯ ||

వంశవిస్తారకం పుత్రం దేహి మే మధుసూదన |
సుతం దేహి సుతం దేహి త్వామహం శరణం గతః || ౭౦ ||

మమాభీష్టసుతం దేహి కంసారే మాధవాచ్యుత |
సుతం దేహి సుతం దేహి త్వామహం శరణం గతః ||౭౧ ||

చన్ద్రార్కకల్పపర్యన్తం తనయం దేహి మాధవ |
సుతం దేహి సుతం దేహి త్వామహం శరణం గతః ||౭౨ ||

విద్యావన్తం బుద్ధిమన్తం శ్రీమన్తం తనయం సదా |
దేహి మే తనయం కృష్ణ దేవకీనన్దన ప్రభో || ౭౩ ||

నమామి త్వాం పద్మనేత్ర సుతలాభాయ కామదమ్ |
ముకున్దం పుణ్డరీకాక్షం గోవిన్దం మధుసూదనమ్ || ౭౪ ||

భగవన్ కృష్ణ గోవిన్ద సర్వకామఫలప్రద |
దేహి మే తనయం స్వామింస్త్వామహం శరణం గతః || ౭౫ ||

స్వామింస్త్వం భగవన్ రామ కృష్న మాధవ కామద |
దేహి మే తనయం నిత్యం త్వామహం శరణం గతః || ౭౬ ||

తనయం దేహిఓ గోవిన్ద కఞ్జాక్ష కమలాపతే |
సుతం దేహి సుతం దేహి త్వామహం శరణం గతః ||౭౭ ||

పద్మాపతే పద్మనేత్ర ప్రద్యుమ్న జనక ప్రభో |
సుతం దేహి సుతం దేహి త్వామహం శరణం గతః || ౭౮ ||

శఙ్ఖచక్రగదాఖడ్గశార్ఙ్గపాణే రమాపతే |
దేహి మే తనయం కృష్ణ త్వామహం శరణం గతః || ౭౯ ||

నారాయణ రమానాథ రాజీవపత్రలోచన |
సుతం మే దేహి దేవేశ పద్మపద్మానువన్దిత || ౮౦ ||

రామ రాఘవ గోవిన్ద దేవకీవరనన్దన |
రుక్మిణీనాథ సర్వేశ నారదాదిసురార్చిత || ౮౧ ||

దేవకీసుత గోవిన్ద వాసుదేవ జగత్పతే |
దేహి మే తనయం శ్రీశ గోపబాలకనాయక || ౮౨ ||

మునివన్దిత గోవిన్ద రుక్మిణీవల్లభ ప్రభో |
దేహి మే తనయం కృష్ణ త్వామహం శరణం గతః || ౮౩ ||

గోపికార్జితపఙ్కేజమరన్దాసక్తమానస |
దేహి మే తనయం కృష్ణ త్వామహం శరణం గతః || ౮౪ ||

రమాహృదయపఙ్కేజలోల మాధవ కామద |
మమాభీష్టసుతం దేహి త్వామహం శరణం గతః || ౮౫ ||

వాసుదేవ రమానాథ దాసానాం మఙ్గలప్రద |
దేహి మే తనయం కృష్ణ త్వామహం శరణం గతః || ౮౬ ||

కల్యాణప్రద గోవిన్ద మురారే మునివన్దిత |
దేహి మే తనయం కృష్ణ త్వామహం శరణం గతః || ౮౭ ||

పుత్రప్రద ముకున్దేశ రుక్మిణీవల్లభ ప్రభో |
దేహి మే తనయం కృష్ణ త్వామహం శరణం గతః || ౮౮ ||

పుణ్డరీకాక్ష గోవిన్ద వాసుదేవ జగత్పతే |
దేహి మే తనయం కృష్ణ త్వామహం శరణం గతః || ౮౯ ||

దయానిధే వాసుదేవ ముకున్ద మునివన్దిత |
దేహి మే తనయం కృష్ణ త్వామహం శరణం గతః || ౯౦ ||

పుత్రసమ్పత్ప్రదాతారం గోవిన్దం దేవపూజితమ్ |
వన్దామహే సదా కృష్ణం పుత్ర లాభ ప్రదాయినమ్ || ౯౧ ||

కారుణ్యనిధయే గోపీవల్లభాయ మురారయే |
నమస్తే పుత్రలాభాయ దేహి మే తనయం విభో || ౯౨ ||

మస్తస్మై రమేశాయ రుమిణీవల్లభాయ తే |
దేహి మే తనయం శ్రీశ గోపబాలకనాయక || ౯౩ ||

నమస్తే వాసుదేవాయ నిత్యశ్రీకాముకాయ చ |
పుత్రదాయ చ సర్పేన్ద్రశాయినే రఙ్గశాయినే || ౯౪ ||

రఙ్గశాయిన్ రమానాథ మఙ్గలప్రద మాధవ |
దేహి మే తనయం శ్రీశ గోపబాలకనాయక || ౯౫ ||

దాసస్య మే సుతం దేహి దీనమన్దార రాఘవ |
సుతం దేహి సుతం దేహి పుత్రం దేహి రమాపతే || ౯౬ ||

యశోదాతనయాభీష్టపుత్రదానరతః సదా |
దేహి మే తనయం కృష్ణ త్వామహం శరణం గతః ||౯౭ ||

మదిష్టదేవ గోవిన్ద వాసుదేవ జనార్దన |
దేహి మే తనయం కృష్ణ త్వామహం శరణం గతః || ౯౮ ||

నీతిమాన్ ధనవాన్ పుత్రో విద్యావాంశ్చ ప్రజాపతే |
భగవంస్త్వత్కృపాయాశ్చ వాసుదేవేన్ద్రపూజిత || ౯౯ ||

ఫలశృతిః

యఃపఠేత్ పుత్రశతకం సోపి సత్పుత్రవాన్ భవేత్ |
శ్రీవాసుదేవకథితం స్తోత్రరత్నం సుఖాయ చ || ౧౦౦ ||

జపకాలే పఠేన్నిత్యం పుత్రలాభం ధనం శ్రియమ్ |
ఐశ్వర్యం రాజసమ్మానం సద్యో యాతి న సంశయః || ౧౦౧ ||

|| ఇతి సంతానగోపాల స్తోత్రం సంపూర్ణమ్

Shri Radha Krishna Sahasranama stotram

శ్రీ రాధాకృష్ణ సహస్రనామ స్తోత్రమ్

సనత్కుమార ఉవాచ -

కిం త్వం నారద జానాసి పూర్వజన్మని యత్త్వయా | ప్రాప్తం భగవతః సాక్షాచ్ఛూలినో యుగలాత్మకమ్ ||౧||

కృష్ణమన్త్రరహస్యం చ స్మర విస్మృతిమాగతమ్ | సూత ఉవాచ - ఇత్యుక్తో నారదో విప్రాః కుమారేణ తు ధీమతా ||౨||

ధ్యానే వివేదాశు చిరం చరితం పూర్వజన్మనః | తతశ్చిరం ధ్యానపరో నారదో భగవత్ప్రియః ||౩||

జ్ఞాత్వా సర్వం సువృత్తాన్తం సుప్రసన్నాననోఽబ్రవీత్ | భగవన్సర్వవృత్తాన్తః పూర్వకల్పసముద్భవః ||౪||

మమ స్మృతిమనుప్రాప్తో వినా యుగలలమ్భనమ్ || తచ్ఛ్రుత్వా వచనం తస్య నారదస్య మహాత్మనః ||౫||

సనత్కుమారో భగవాన్ వ్యాజహార యథాతథమ్ | సనత్కుమార ఉవాచ - శృణు విప్ర ప్రవక్ష్యామి యస్మిఞ్జన్మని శూలినః ||౬||

ప్రాప్తం కృష్ణరహస్యం వై సావధానో భవాధునా | అస్మాత్సారస్వతాత్కల్పాత్పూర్వస్మిన్పఞ్చవింశకే ||౭||

కల్పే త్వం కాశ్యపో జాతో నారదో నామ నామతః | తత్రైకదా త్వం కైలాసం ప్రాప్తః కృష్ణస్య యోగినః ||౮||

సమ్ప్రష్టుం పరమం తత్త్వం శివం కైలాసవాసినమ్ | త్వయా పృష్టో మహాదేవో రహస్యం స్వప్రకాశితమ్ ||౯||

కథయా మాస తత్త్వేన నిత్యలీలానుగం హరేః | తతస్తదన్తే తు పునస్త్వయా విజ్ఞాపితో హరః ||౧౦||

నిత్యాం లీలాం హరేర్ద్రష్టుం తతః ప్రాహ సదాశివః | గోపీజనపదస్యాన్తే వల్లభేతి పదం తతః ||౧౧||

చరణాచ్ఛరణం పశ్చాత్ప్రపద్యే ఇతి వై మనుః | మన్త్రస్యాస్య ఋషిః ప్రోక్తో సురభిశ్ఛన్ద ఏవ చ ||౧౨||

గాయత్రీ దేవతా చాస్య బల్లవీవల్లభో విభుః | ప్రపన్నోఽస్మీతి తద్భక్తౌ వినియోగ ఉదాహృతః ||౧౩||

నాస్య సిద్ధాదికం విప్ర శోధనం న్యాసకల్పనమ్ | కేవలం చిన్తనం సద్యో నిత్యలీలాప్రకాశకమ్ ||౧౪||

ఆభ్యన్తరస్య ధర్మస్య సాధనం వచ్మి సామ్ప్రతమ్ ||౧౫||

సఙ్గృహ్య మన్త్రం గురుభక్తియుక్తో విచిన్త్య సర్వం మనసా తదీహితమ్ |

కృపాం తదీయాం నిజధర్మసంస్థో విభావయన్నాత్మని తోషయేద్గురుమ్ ||౧౬||

సతాం శిక్షేత వై ధర్మాన్ప్రపన్నానాం భయాపహాన్ | ఐహికాముష్మికీచిన్తావిధురాన్ సిద్ధిదాయకాన్ ||౧౭||

స్వేష్టదేవధియా నిత్యం తోషయేద్వైష్ణవాంస్తథా | భర్త్సనాదికమేతేషాం న కదాచిద్విచిన్తయేత్ ||౧౮||

పూర్వకర్మవశాద్భవ్యమైహికం భోగ్యమేవ చ | ఆయుష్యకం తథా కృష్ణః స్వయమేవ కరిష్యతి ||౧౯||

శ్రీకృష్ణం నిత్యలీలాస్థం చిన్తయేత్స్వధియానిశమ్ | శ్రీమదర్చావతారేణ కృష్ణం పరిచరేత్సదా ||౨౦||

అనన్యచిన్తనీయోఽసౌ ప్రపన్నైః శరణార్థిభిః | స్థేయం చ దేహగేహాదావుదాసీనతయా బుధైః ||౨౧||

గురోరవజ్ఞాం సాధూనాం నిన్దాం భేదం హరే హరౌ | వేదనిన్దాం హరేర్నామబలాత్పాపసమీహనమ్ ||౨౨||

అర్థవాదం హరేర్నామ్ని పాషణ్డం నామసఙ్గ్రహే | అలసే నాస్తికే చైవ హరినామోపదేశనమ్ ||౨౩||

నామవిస్మరణం చాపి నామ్న్యనాదరమేవ చ | సన్త్యజేద్ దూరతో వత్స దోషానేతాన్సుదారుణాన్ ||౨౪||

ప్రపన్నోఽస్మీతి సతతం చిన్తయేద్ధృద్గతం హరిమ్ | స ఏవ పాలనం నిత్యం కరిష్యతి మమేతి చ ||౨౫||

తవాస్మి రాధికానాథ కర్మణా మనసా గిరా | కృష్ణకాన్తేతి చైవాస్మి యువామేవ గతిర్మమ ||౨౬||

దాసాః సఖాయః పితరః ప్రేయస్యశ్చ హరేరిహ | సర్వే నిత్యా మునిశ్రేష్ఠ చిన్తనీయా మహాత్మభిః ||౨౭||

గమనాగమనే నిత్యం కరోతి వనగోష్ఠయోః | గోచారణం వయస్యైశ్చ వినాసురవిఘాతనమ్ ||౨౮||

సఖాయో ద్వాదశాఖ్యాతా హరేః శ్రీదామపూర్వకాః | రాధికాయాః సుశీలాద్యాః సఖ్యో ద్వాత్రింశదీరితాః ||౨౯||

ఆత్మానం చిన్తయేద్వత్స తాసాం మధ్యే మనోరమామ్ | రూపయౌవనసమ్పన్నాం కిశోరీం చ స్వలఙ్కృతామ్ ||౩౦||

నానాశిల్పకలాభిజ్ఞాం కృష్ణభోగానురూపిణీమ్ | తత్సేవనసుఖాహ్లాదభావేనాతిసునిర్వృతామ్ ||౩౧||

బ్రాహ్మం ముహూర్తమారభ్య యావదర్ధనిశా భవేత్ | తావత్పరిచరేత్తౌ తు యథాకాలానుసేవయా ||౩౨||

సహస్రం చ తయోర్నామ్నాం పఠేన్నిత్యం సమాహితః | ఏతత్సాధనముద్దిష్టం ప్రపన్నానాం మునీశ్వర ||౩౩||

నాఖ్యేయం కస్యచిత్తుభ్యం మయా తత్త్వం ప్రకాశితమ్ | సనత్కుమార ఉవాచ - తతస్త్వం నారద పునః పృష్టవాన్వై సదాశివమ్ ||౩౪||

నామ్నాం సహస్రం తచ్చాపి ప్రోక్తవాంస్తచ్ఛృణుష్వ మే | ధ్యాత్వా వృన్దావనే రమ్యే యమునాతీరసంగతమ్ ||౩౫||

కల్పవృక్షం సమాశ్రిత్య తిష్ఠన్తం రాధికాయుతమ్ | పఠేన్నామసహస్రం తు యుగలాఖ్యం మహామునే ||౩౬||

దేవకీనన్దనః శౌరిర్వాసుదేవో బలానుజః | గదాగ్రజః కంసమోహః కంససేవకమోహనః ||౩౭||

భిన్నార్గలో భిన్నలోహః పితృబాహ్యాః పితృస్తుతః | మాతృస్తుతః శివధ్యేయో యమునాజలభేదనః ||౩౮||

వ్రజవాసీ వ్రజానన్దీ నన్దబాలో దయానిధిః | లీలాబాలః పద్మనేత్రో గోకులోత్సవ ఈశ్వరః ||౩౯||

గోపికానన్దనః కృష్ణో గోపానన్దః సతాం గతిః | బకప్రాణహరో విష్ణుర్బకముక్తిప్రదో హరిః ||౪౦||

బలదోలాశయశయః శ్యామలః సర్వసున్దరః | పద్మనాభో హృషీకేశః క్రీడామనుజబాలకః ||౪౧||

లీలావిధ్వస్తశకటో వేదమన్త్రాభిషేచితః | యశోదానన్దనః కాన్తో మునికోటినిషేవితః ||౪౨||

నిత్యం మధువనావాసీ వైకుణ్ఠః సమ్భవః క్రతుః | రమాపతిర్యదుపతిర్మురారిర్మధుసూదనః ||౪౩||

మాధవో మానహారీ చ శ్రీపతిర్భూధరః ప్రభుః | బృహద్వనమహాలీలో నన్దసూనుర్మహాసనః ||౪౪||

తృణావర్తప్రాణహారీ యశోదావిస్మయప్రదః | త్రైలోక్యవక్త్రః పద్మాక్షః పద్మహస్తః ప్రియఙ్కరః ||౪౫||

బ్రహ్మణ్యో ధర్మగోప్తా చ భూపతిః శ్రీధరః స్వరాట్ | అజాధ్యక్షః శివాధ్యక్షో ధర్మాధ్యక్షో మహేశ్వరః ||౪౬||

వేదాన్తవేద్యో బ్రహ్మస్థః ప్రజాపతిరమోఘదృక్ | గోపీకరావలమ్బీ చ గోపబాలకసుప్రియః ||౪౭||

బాలానుయాయీ బలవాన్ శ్రీదామప్రియ ఆత్మవాన్ | గోపీగృహాఙ్గణరతిర్భద్రః సుశ్లోకమఙ్గలః ||౪౮||

నవనీతహరో బాలో నవనీతప్రియాశనః | బాలవృన్దీ మర్కవృన్దీ చకితాక్షః పలాయితః ||౪౯||

యశోదాతర్జితః కమ్పీ మాయారుదితశోభనః | దామోదరోఽప్రమేయాత్మా దయాలుర్భక్తవత్సలః ||౫౦||

సుబద్ధోలూఖలే నమ్రశిరా గోపీకదర్థితః | వృక్షభఙ్గీ శోకభఙ్గీ ధనదాత్మజమోక్షణః ||౫౧||

దేవర్షివచనశ్లాఘీ భక్తవాత్సల్యసాగరః | వ్రజకోలాహలకరో వ్రజానదవివర్ద్ధనః ||౫౨||

గోపాత్మా ప్రేరకః సాక్షీ వృన్దావననివాసకృత్ | వత్సపాలో వత్సపతిర్గోపదారకమణ్డనః ||౫౩||

బాలక్రీడో బాలరతిర్బాలకః కనకాఙ్గదీ | పీతామ్బరో హేమమాలీ మణిముక్తావిభూషణః ||౫౪||

కిఙ్కిణీకటకీ సూత్రీ నూపురీ ముద్రికాన్వితః | వత్సాసురపతిధ్వంసీ బకాసురవినాశనః ||౫౫||

అఘాసురవినాశీ చ వినిద్రీకృతబాలకః | ఆద్య ఆత్మప్రదః సఙ్గీ యమునాతీరభోజనః ||౫౬||

గోపాలమణ్డలీమధ్యః సర్వగోపాలభూషణః | కృతహస్తతలగ్రాసో వ్యఞ్జనాశ్రితశాఖికః ||౫౭||

కృతబాహుశృఙ్గయష్టిర్గుఞ్జాలఙ్కృతకణ్ఠకః | మయూరపిచ్ఛముకుటో వనమాలావిభూషితః ||౫౮||

గైరికాచిత్రితవపుర్నవమేఘవపుః స్మరః | కోటికన్దర్పలావణ్యో లసన్మకరకుణ్డలః ||౫౯||

ఆజానుబాహుర్భగవాన్నిద్రారహితలోచనః | కోటిసాగరగామ్భీర్యః కాలకాలః సదాశివః ||౬౦||

విరఞ్చిమోహనవపుర్గోపవత్సవపుర్ద్ధరః | బ్రహ్మాణ్డకోటిజనకో బ్రహ్మమోహవినాశకః ||౬౧||

బ్రహ్మా బ్రహ్మేడితః స్వామీ శక్రదర్పాదినాశనః | గిరిపూజోపదేష్టా చ ధృతగోవర్ద్ధనాచలః ||౬౨||

పురన్దరేడితః పూజ్యః కామధేనుప్రపూజితః | సర్వతీర్థాభిషిక్తశ్చ గోవిన్దో గోపరక్షకః ||౬౩||

కాలియార్తికరః క్రూరో నాగపత్నీడితో విరాట్ | ధేనుకారిః ప్రలమ్బారిర్వృషాసురవిమర్దనః ||౬౪||

మాయాసురాత్మజధ్వంసీ కేశికణ్ఠవిదారకః | గోపగోప్తా ధేనుగోప్తా దావాగ్నిపరిశోషకః ||౬౫||

గోపకన్యావస్త్రహారీ గోపకన్యావరప్రదః | యజ్ఞపత్న్యన్నభోజీ చ మునిమానాపహారకః ||౬౬||

జలేశమానమథనో నన్దగోపాలజీవనః | గన్ధర్వశాపమోక్తా చ శఙ్ఖచూడశిరో హరః ||౬౭||

వంశీ వటీ వేణువాదీ గోపీచిన్తాపహారకః | సర్వగోప్తా సమాహ్వానః సర్వగోపీమనోరథః ||౬౮||

వ్యంగధర్మప్రవక్తా చ గోపీమణ్డలమోహనః | రాసక్రీడారసాస్వాదీ రసికో రాధికాధవః ||౬౯||

కిశోరీప్రాణనాథశ్చ వృషభానసుతాప్రియః | సర్వగోపీజనానన్దీ గోపీజనవిమోహనః ||౭౦||

గోపికాగీతచరితో గోపీనర్తనలాలసః | గోపీస్కన్ధాశ్రితకరో గోపికాచుమ్బనప్రియః ||౭౧||

గోపికామార్జితముఖో గోపీవ్యజనవీజితః | గోపికాకేశసంస్కారీ గోపికాపుష్పసంస్తరః ||౭౨||

గోపికాహృదయాలమ్బీ గోపీవహనతత్పరః | గోపికామదహారీ చ గోపికాపరమార్జితః ||౭౩||

గోపికాకృతసంనీలో గోపికాసంస్మృతప్రియః | గోపికావన్దితపదో గోపికావశవర్తనః ||౭౪||

రాధాపరాజితః శ్రీమాన్నికుఞ్జేసువిహారవాన్ | కుఞ్జప్రియః కుఞ్జవాసీ వృన్దావనవికాసనః ||౭౫||

యమునాజలసిక్తాఙ్గో యమునాసౌఖ్యదాయకః | శశిసంస్తమ్భనః శూరః కామీ కామవిజోహనః ||౭౬||

కామాద్యాః కామనాథశ్చ కామమానసభేదనః | కామదః కామరూపశ్చ కామినీ కామసఞ్చయః ||౭౭||

నిత్యక్రీడో మహాలీలః సర్వః సర్వగతస్తథా | పరమాత్మా పరాధీశః సర్వకారణకారణః ||౭౮||

గృహీతనారదవచా హ్యక్రూరపరిచిన్తితః | అక్రూరవన్దితపదో గోపికాతోషకారకః ||౭౯||

అక్రూరవాక్యసఙ్గ్రాహీ మథురావాసకారణః (orమ్)| అక్రూరతాపశమనో రజకాయుఃప్రణాశనః ||౮౦||

మథురానన్దదాయీ చ కంసవస్త్రవిలుణ్ఠనః | కంసవస్త్రపరీధానో గోపవస్త్రప్రదాయకః ||౮౧||

సుదామగృహగామీ చ సుదామపరిపూజితః | తన్తువాయకసంప్రీతః కుబ్జాచన్దనలేపనః ||౮౨||

కుబ్జారూపప్రదో విజ్ఞో ముకున్దో విష్టరశ్రవాః | సర్వజ్ఞో మథురాలోకీ సర్వలోకాభినన్దనః || ౮౩||

కృపాకటాక్షదర్శీ చ దైత్యారిర్దేవపాలకః | సర్వదుఃఖప్రశమనో ధనుర్భఙ్గీ మహోత్సవః ||౮౪||

కువలయాపీడహన్తా దన్తస్కన్ధబలాగ్రణీః | కల్పరూపధరో ధీరో దివ్యవస్త్రానులేపనః ||౮౫||

మల్లరూపో మహాకాలః కామరూపీ బలాన్వితః | కంసత్రాసకరో భీమో ముష్టికాన్తశ్చ కంసహా ||౮౬||

చాణూరఘ్నో భయహరః శలారిస్తోశలాన్తకః | వైకుణ్ఠవాసీ కంసారిః సర్వదుష్టనిషూదనః ||౮౭||

దేవదున్దుభినిర్ఘోషీ పితృశోకనివారణః | యాదవేన్ద్రః సతాంనాథో యాదవారిప్రమర్ద్దనః ||౮౮||

శౌరిశోకవినాశీ చ దేవకీతాపనాశనః | ఉగ్రసేనపరిత్రాతా ఉగ్రసేనాభిపూజితః ||౮౯||

ఉగ్రసేనాభిషేకీ చ ఉగ్రసేనదయాపరః | సర్వసాత్వతసాక్షీ చ యదూనామభినన్దనః ||౯౦||

సర్వమాథురసంసేవ్యః కరుణో భక్తబాన్ధవః | సర్వగోపాలధనదో గోపీగోపాలలాలసః ||౯౧||

శౌరిదత్తోపవీతీ చ ఉగ్రసేనదయాకరః | గురుభక్తో బ్రహ్మచారీ నిగమాధ్యయనే రతః ||౯౨||

సంకర్షణసహాధ్యాయీ సుదామసుహృదేవ చ | విద్యానిధిః కలాకోశో మృతపుత్రప్రదస్తథా ||౯౩||

చక్రీ పాఞ్చజనీ చైవ సర్వనారకిమోచనః | యమార్చితః పరో దేవో నామోచ్చారవశోఽచ్యుతః ||౯౪||

కుబ్జావిలాసీ సుభగో దీనబన్ధురనూపమః | అక్రూరగృహగోప్తా చ ప్రతిజ్ఞాపాలకః శుభః ||౯౫||

జరాసన్ధజయీ విద్వాన్ యవనాన్తో ద్విజాశ్రయః | ముచుకున్దప్రియకరో జరాసన్ధపలాయితః ||౯౬||

ద్వారకాజనకో గూఢో బ్రహ్మణ్యః సత్యసఙ్గరః | లీలాధరః ప్రియకరో విశ్వకర్మా యశఃప్రదః ||౯౭||

రుక్మిణీప్రియసన్దేశో రుక్మశోకవివర్ద్ధనః | చైద్యశోకాలయః శ్రేష్ఠో దుష్టరాజన్యనాశనః || ౯౮||

రుక్మివైరూప్యకరణో రుక్మిణీవచనే రతః | బలభద్రవచోగ్రాహీ ముక్తరుక్మీ జనార్దనః ||౯౯||

రుక్మిణీప్రాణనాథశ్చ సత్యభామాపతిః స్వయమ్ | భక్తపక్షీ భక్తివశ్యో హ్యక్రూరమణిదాయకః ||౧౦౦||

శతధన్వాప్రాణహారీ ఋక్షరాజసుతాప్రియః | సత్రాజిత్తనయాకాన్తో మిత్రవిన్దాపహారకః ||౧౦౧||

సత్యాపతిర్లక్ష్మణాజిత్పూజ్యో భద్రాప్రియఙ్కరః | నరకాసురఘాతీ చ లీలాకన్యాహరో జయీ ||౧౦౨||

మురారిర్మదనేశోఽపి ధరిత్రీదుఃఖనాశనః | వైనతేయీ స్వర్గగామీ అదిత్య కుణ్డలప్రదః ||౧౦౩||

ఇన్ద్రార్చితో రమాకాన్తో వజ్రిభార్యాప్రపూజితః | పారిజాతాపహారీ చ శక్రమానాపహారకః ||౧౦౪||

ప్రద్యుమ్నజనకః సామ్బతాతో బహుసుతో విధుః | గర్గాచార్యః సత్యగతిర్ధర్మాధారో ధరాధరః ||౧౦౫||

ద్వారకామణ్డనః శ్లోక్యః సుశ్లోకో నిగమాలయః | పౌణ్డ్రకప్రాణహారీ చ కాశీరాజశిరోహరః ||౧౦౬||

అవైష్ణవవిప్రదాహీ సుదక్షిణభయావహః | జరాసన్ధవిదారీ చ ధర్మనన్దనయజ్ఞకృత్ ||౧౦౭||

శిశుపాలశిరశ్ఛేదీ దన్తవక్త్రవినాశనః | విదూరథాన్తకః శ్రీశః శ్రీదో ద్వివిదనాశనః ||౧౦౮||

రుక్మిణీమానహారీ చ రుక్మిణీమానవర్ద్ధనః | దేవర్షిశాపహర్తా చ ద్రౌపదీవాక్యపాలకః ||౧౦౯||

దుర్వాసోభయహారీ చ పాఞ్చాలీస్మరణాగతః | పార్థదూతః పార్థమన్త్రీ పార్థదుఃఖౌఘనాశనః ||౧౧౦||

పార్థమానాపహారీ చ పార్థజీవనదాయకః | పాఞ్చాలీవస్త్రదాతా చ విశ్వపాలకపాలకః ||౧౧౧||

శ్వేతాశ్వసారథిః సత్యః సత్యసాధ్యో భయాపహః | సత్యసన్ధః సత్యరతిః సత్యప్రియ ఉదారధీః ||౧౧౨||

మహాసేనజయీ చైవ శివసైన్యవినాశనః | బాణాసురభుజచ్ఛేత్తా బాణబాహువరప్రదః ||౧౧౩||

తార్క్ష్యమానాపహారీ చ తార్క్ష్యతేజోవివర్ద్ధనః | రామస్వరూపధారీ చ సత్యభామాముదావహః ||౧౧౪||

రత్నాకరజలక్రీడో వ్రజలీలాప్రదర్శకః | స్వప్రతిజ్ఞాపరిధ్వంసీ భీష్మాజ్ఞాపరిపాలకః ||౧౧౫||

వీరాయుధహరః కాలః కాలికేశో మహాబలః | వర్వరీషశిరోహారీ వర్వరీషశిరఃప్రదః ||౧౧౬||

ధర్మపుత్రజయీ శూరదుర్యోధనమదాన్తకః | గోపికాప్రీతినిర్బన్ధనిత్యక్రీడో వ్రజేశ్వరః ||౧౧౭||

రాధాకుణ్డరతిర్ధన్యః సదాన్దోలసమాశ్రితః | సదామధువనానన్దీ సదావృన్దావనప్రియః ||౧౧౮||

అశోకవనసన్నద్ధః సదాతిలకసఙ్గతః | సదాగోవర్ద్ధనరతిః సదా గోకులవల్లభః ||౧౧౯||

భాణ్డీరవటసంవాసీ నిత్యం వంశీవటస్థితః | నన్దగ్రామకృతావాసో వృషభానుగ్రహప్రియః ||౧౨౦||

గృహీతకామినీరూపో నిత్యం రాసవిలాసకృత్ | వల్లవీజనసఙ్గోప్తా వల్లవీజనవల్లభః ||౧౨౧||

దేవశర్మకృపాకర్తా కల్పపాదపసంస్థితః | శిలానుగన్ధనిలయః పాదచారీ ఘనచ్ఛవిః ||౧౨౨||

అతసీకుసుమప్రఖ్యః సదా లక్ష్మీకృపాకరః | త్రిపురారిప్రియకరో హ్యుగ్రధన్వాపరాజితః ||౧౨౩||

షడ్ధురధ్వంసకర్తా చ నికుమ్భప్రాణహారకః | వజ్రనాభపురధ్వంసీ పౌణ్డ్రకప్రాణహారకః ||౧౨౪||

బహులాశ్వప్రీతికర్తా ద్విజవర్యప్రియఙ్కరః | శివసఙ్కటహారీ చ వృకాసురవినాశనః ||౧౨౫||

భృగుసత్కారకారీ చ శివసాత్త్వికతాప్రదః | గోకర్ణపూజకః సామ్బకుష్ఠవిధ్వంసకారణః ||౧౨౬||

వేదస్తుతో వేదవేత్తా యదువంశవివర్ద్ధనః | యదువంశవినాశీ చ ఉద్ధవోద్ధారకారకః ||౧౨౭||

రాధా చ రాధికా చైవ ఆనన్దా వృషభానుజా | వృన్దావనేశ్వరీ పుణ్యా కృష్ణమానసహారిణీ ||౧౨౮||

ప్రగల్భా చతురా కామా కామినీ హరిమోహినీ | లలితా మధురా మాధ్వీ కిశోరీ కనకప్రభా ||౧౨౯||

జితచన్ద్రా జితమృగా జితసింహా జితద్విపా | జితరమ్భా జితపికా గోవిన్దహృదయోద్భవా ||౧౩౦||

జితబిమ్బా జితశుకా జితపద్మా కుమారికా | శ్రీకృష్ణాకర్షణా దేవీ నిత్యం యుగ్మస్వరూపిణీ ||౧౩౧||

నిత్యం విహారిణీ కాన్తా రసికా కృష్ణవల్లభా | ఆమోదినీ మోదవతీ నన్దనన్దనభూషితా || ౧౩౨||

దివ్యామ్బరా దివ్యహారా ముక్తామణివిభూషితా | కుఞ్జప్రియా కుఞ్జవాసా కుఞ్జనాయకనాయికా ||౧౩౩||

చారురూపా చారువక్త్రా చారుహేమాఙ్గదా శుభా | శ్రీకృష్ణవేణుసఙ్గీతా మురలీహారిణీ శివా ||౧౩౪||

భద్రా భగవతీ శాన్తా కుముదా సున్దరీ ప్రియా | కృష్ణక్రీడా కృష్ణరతిః శ్రీకృష్ణసహచారిణీ ||౧౩౫||

వంశీవటప్రియస్థానా యుగ్మాయుగ్మస్వరూపిణీ | భాణ్డీరవాసినీ శుభ్రా గోపీనాథప్రియా సఖీ ||౧౩౬||

శ్రుతినిఃశ్వసితా దివ్యా గోవిన్దరసదాయినీ | శ్రీకృష్ణప్రార్థనీశానా మహానన్దప్రదాయినీ ||౧౩౭||

వైకుణ్ఠజనసంసేవ్యా కోటిలక్ష్మీసుఖావహా | కోటికన్దర్పలావణ్యా రతికోటిరతిప్రదా ||౧౩౮||

భక్తిగ్రాహ్యా భక్తిరూపా లావణ్యసరసీ ఉమా | బ్రహ్మరుద్రాదిసంరాధ్యా నిత్యం కౌతూహలాన్వితా ||౧౩౯||

నిత్యలీలా నిత్యకామా నిత్యశృఙ్గారభూషితా | నిత్యవృన్దావనరసా నన్దనన్దనసంయుతా ||౧౪౦||

గోపికామణ్డలీయుక్తా నిత్యం గోపాలసఙ్గతా | గోరసక్షేపణీ శూరా సానన్దానన్దదాయినీ ||౧౪౧||

మహాలీలా ప్రకృష్టా చ నాగరీ నగచారిణీ | నిత్యమాఘూర్ణితా పూర్ణా కస్తూరీతిలకాన్వితా ||౧౪౨||

పద్మా శ్యామా మృగాక్షీ చ సిద్ధిరూపా రసావహా | కోటిచన్ద్రాననా గౌరీ కోటికోకిలసుస్వరా ||౧౪౩||

శీలసౌన్దర్యనిలయా నన్దనన్దనలాలితా | అశోకవనసంవాసా భాణ్డీరవనసఙ్గతా ||౧౪౪||

కల్పద్రుమతలావిష్టా కృష్ణా విశ్వా హరిప్రియా | అజాగమ్యా భవాగమ్యా గోవర్ద్ధనకృతాలయా ||౧౪౫||

యమునాతీరనిలయా శశ్వద్గోవిన్దజల్పినీ | శశ్వన్మానవతీ స్నిగ్ధా శ్రీకృష్ణపరివన్దితా ||౧౪౬||

కృష్ణస్తుతా కృష్ణవృతా శ్రీకృష్ణహృదయాలయా | దేవద్రుమఫలా సేవ్యా వృన్దావనరసాలయా ||౧౪౭||

కోటితీర్థమయీ సత్యా కోటితీర్థఫలప్రదా | కోటియోగసుదుష్ప్రాప్యా కోటియజ్ఞదురాశ్రయా ||౧౪౮||

మనసా శశిలేఖా చ శ్రీకోటిసుభగాఽనఘా | కోటిముక్తసుఖా సౌమ్యా లక్ష్మీకోటివిలాసినీ ||౧౪౯||

తిలోత్తమా త్రికాలస్థా త్రికాలజ్ఞాప్యధీశ్వరీ | త్రివేదజ్ఞా త్రిలోకజ్ఞా తురీయాన్తనివాసినీ ||౧౫౦||

దుర్గారాధ్యా రమారాధ్యా విశ్వారాధ్యా చిదాత్మికా | దేవారాధ్యా పరారాధ్యా బ్రహ్మారాధ్యా పరాత్మికా ||౧౫౧||

శివారాధ్యా ప్రేమసాధ్యా భక్తారాధ్యా రసాత్మికా | కృష్ణప్రాణార్పిణీ భామా శుద్ధప్రేమవిలాసినీ ||౧౫౨||

కృష్ణారాధ్యా భక్తిసాధ్యా భక్తవృన్దనిషేవితా | విశ్వాధారా కృపాధారా జీవధారాతినాయికా ||౧౫౩||

శుద్ధప్రేమమయీ లజ్జా నిత్యసిద్ధా శిరోమణిః | దివ్యరూపా దివ్యభోగా దివ్యవేషా ముదాన్వితా ||౧౫౪||

దివ్యాఙ్గనావృన్దసారా నిత్యనూతనయౌవనా | పరబ్రహ్మావృతా ధ్యేయా మహారూపా మహోజ్జ్వలా ||౧౫౫||

కోటిసూర్యప్రభా కోటిచన్ద్రబిమ్బాధికచ్ఛవిః | కోమలామృతవాగాద్యా వేదాద్యా వేదదుర్లభా ||౧౫౬||

కృష్ణాసక్తా కృష్ణభక్తా చన్ద్రావలినిషేవితా | కలాషోడశసమ్పూర్ణా కృష్ణదేహార్ద్ధధారిణీ ||౧౫౭||

కృష్ణబుద్ధిః కృష్ణసారా కృష్ణరూపవిహారిణీ | కృష్ణకాన్తా కృష్ణధనా కృష్ణమోహనకారిణీ ||౧౫౮||

కృష్ణదృష్టిః కృష్ణగోత్రీ కృష్ణదేవీ కులోద్వహా | సర్వభూతస్థితావాత్మా సర్వలోకనమస్కృతా ||౧౫౯||

కృష్ణదాత్రీ ప్రేమధాత్రీ స్వర్ణగాత్రీ మనోరమా | నగధాత్రీ యశోదాత్రీ మహాదేవీ శుభఙ్కరీ ||౧౬౦||

శ్రీశేషదేవజననీ అవతారగణప్రసూః | ఉత్పలాఙ్కారవిన్దాఙ్కా ప్రసాదాఙ్కా ద్వితీయకా ||౧౬౧||

రథాఙ్కా కుఞ్జరాఙ్కా చ కుణ్డలాఙ్కపదస్థితా | ఛత్రాఙ్కా విద్యుదఙ్కా చ పుష్పమాలాఙ్కితాపి చ ||౧౬౨||

దణ్డాఙ్కా ముకుటాఙ్కా చ పూర్ణచన్ద్రా శుకాఙ్కితా | కృష్ణాన్నాహారపాకా చ వృన్దాకుఞ్జవిహారిణీ ||౧౬౩||

కృష్ణప్రబోధనకరీ కృష్ణశేషాన్నభోజినీ | పద్మకేసరమధ్యస్థా సఙ్గీతాగమవేదినీ ||౧౬౪||

కోటికల్పాన్తభ్రూభఙ్గా అప్రాప్తప్రలయాచ్యుతా | సర్వసత్త్వనిధిః పద్మశఙ్ఖాదినిధిసేవితా ||౧౬౫||

అణిమాదిగుణైశ్వర్యా దేవవృన్దవిమోహినీ | సర్వానన్దప్రదా సర్వా సువర్ణలతికాకృతిః ||౧౬౬||

కృష్ణాభిసారసఙ్కేతా మాలినీ నృత్యపణ్డితా | గోపీసిన్ధుసకాశాహ్వా గోపమణ్డపశోభినీ ||౧౬౭||

శ్రీకృష్ణప్రీతిదా భీతా ప్రత్యఙ్గపులకాఞ్చితా | శ్రీకృష్ణాలిఙ్గనరతా గోవిన్దవిరహాక్షమా ||౧౬౮||

అనన్తగుణసమ్పన్నా కృష్ణకీర్తనలాలసా | బీజత్రయమయీ మూర్తిః కృష్ణానుగ్రహవాఞ్ఛితా ||౧౬౯||

విమలాదినిషేవ్యా చ లలితాద్యర్చితా సతీ | పద్మవృన్దస్థితా హృష్టా త్రిపురాపరిసేవితా ||౧౭౦||

వృన్తావత్యర్చితా శ్రద్ధా దుర్జ్ఞేయా భక్తవల్లభా | దుర్లభా సాన్ద్రసౌఖ్యాత్మా శ్రేయోహేతుః సుభోగదా ||౧౭౧||

సారఙ్గా శారదా బోధా సద్వృన్దావనచారిణీ | బ్రహ్మానన్దా చిదానన్దా ధ్యానానన్దార్ద్ధమాత్రికా ||౧౭౨||

గన్ధర్వా సురతజ్ఞా చ గోవిన్దప్రాణసఙ్గమా | కృష్ణాఙ్గభూషణా రత్నభూషణా స్వర్ణభూషితా ||౧౭౩||

శ్రీకృష్ణహృదయావాసముక్తాకనకనాలి(orసి)కా | సద్రత్నకఙ్కణయుతా శ్రీమన్నీలగిరిస్థితా ||౧౭౪||

స్వర్ణనూపురసమ్పన్నా స్వర్ణకిఙ్కిణిమణ్డితా | అశోషరాసకుతుకా రమ్భోరూస్తనుమధ్యమా ||౧౭౫||

పరాకృతిః పరానన్దా పరస్వర్గవిహారిణీ | ప్రసూనకబరీ చిత్రా మహాసిన్దూరసున్దరీ ||౧౭౬||

కైశోరవయసా బాలా ప్రమదాకులశేఖరా | కృష్ణాధరసుధాస్వాదా శ్యామప్రేమవినోదినీ ||౧౭౭||

శిఖిపిచ్ఛలసచ్చూడా స్వర్ణచమ్పకభూషితా | కుఙ్కుమాలక్తకస్తూరీమణ్డితా చాపరాజితా ||౧౭౮||

హేమహారాన్వితా పుష్పాహారాఢ్యా రసవత్యపి | మాధుర్య్యమధురా పద్మా పద్మహస్తా సువిశ్రుతా ||౧౭౯||

భ్రూభఙ్గాభఙ్గకోదణ్డకటాక్షశరసన్ధినీ | శేషదేవా శిరస్థా చ నిత్యస్థలవిహారిణీ ||౧౮౦||

కారుణ్యజలమధ్యస్థా నిత్యమత్తాధిరోహిణీ | అష్టభాషవతీ చాష్టనాయికా లక్షణాన్వితా ||౧౮౧||

సునీతిజ్ఞా శ్రుతిజ్ఞా చ సర్వజ్ఞా దుఃఖహారిణీ | రజోగుణేశ్వరీ చైవ శరచ్చన్ద్రనిభాననా ||౧౮౨||

కేతకీకుసుమాభాసా సదా సిన్ధువనస్థితా | హేమపుష్పాధికకరా పఞ్చశక్తిమయీ హితా ||౧౮౩||

స్తనకుమ్భీ నరాఢ్యా చ క్షీణాపుణ్యా యశస్వినీ | వైరాజసూయజననీ శ్రీశా భువనమోహినీ ||౧౮౪||

మహాశోభా మహామాయా మహాకాన్తిర్మహాస్మృతిః | మహామోహా మహావిద్యా మహాకీర్తిర్మహారతిః ||౧౮౫||

మహాధైర్యా మహావీర్యా మహాశక్తిర్మహాద్యుతిః | మహాగౌరీ మహాసమ్పన్మహాభోగవిలాసినీ ||౧౮౬||

సమయా భక్తిదాశోకా వాత్సల్యరసదాయినీ | సుహృద్భక్తిప్రదా స్వచ్ఛా మాధుర్యరసవర్షిణీ ||౧౮౭||

భావభక్తిప్రదా శుద్ధప్రేమభక్తివిధాయినీ | గోపరామాభిరామా చ క్రీడారామా పరేశ్వరీ ||౧౮౮||

నిత్యరామా చాత్మరామా కృష్ణరామా రమేశ్వరీ | ఏకానేకజగద్వ్యాప్తా విశ్వలీలాప్రకాశినీ ||౧౮౯||

సరస్వతీశా దుర్గేశా జగదీశా జగద్విధిః | విష్ణువంశనివాసా చ విష్ణువంశసముద్భవా ||౧౯౦||

విష్ణువంశస్తుతా కర్త్రీ విష్ణువంశావనీ సదా | ఆరామస్థా వనస్థా చ సూర్య్యపుత్ర్యవగాహినీ ||౧౯౧||

ప్రీతిస్థా నిత్యయన్త్రస్థా గోలోకస్థా విభూతిదా | స్వానుభూతిస్థితా వ్యక్తా సర్వలోకనివాసినీ ||౧౯౨||

అమృతా హ్యద్భుతా శ్రీమన్నారాయణసమీడితా | అక్షరాపి చ కూటస్థా మహాపురుషసమ్భవా ||౧౯౩||

ఔదార్యభావసాధ్యా చ స్థూలసూక్ష్మాతిరూపిణీ | శిరీషపుష్పమృదులా గాఙ్గేయముకురప్రభా ||౧౯౪||

నీలోత్పలజితాక్షీ చ సద్రత్నకవరాన్వితా | ప్రేమపర్యఙ్కనిలయా తేజోమణ్డలమధ్యగా ||౧౯౫||

కృష్ణాఙ్గగోపనాఽభేదా లీలావరణనాయికా | సుధాసిన్ధుసముల్లాసామృతాస్యన్దవిధాయినీ ||౧౯౬||

కృష్ణచిత్తా రాసచిత్తా ప్రేమచిత్తా హరిప్రియా | అచిన్తనగుణగ్రామా కృష్ణలీలా మలాపహా ||౧౯౭||

రాససిన్ధుశశాఙ్కా చ రాసమణ్డలమణ్డినీ | నతవ్రతా సింహరీచ్ఛా సుమూర్తిః సురవన్దితా ||౧౯౮||

గోపీచూడామణిర్గోపీ గణేడ్యా విరజాధికా | గోపప్రేష్ఠా గోపకన్యా గోపనారీ సుగోపికా ||౧౯౯||

గోపధామా సుదామామ్బా గోపాలీ గోపమోహినీ | గోపభూషా కృష్ణభూషా శ్రీవృన్దావనచన్ద్రికా ||౨౦౦||

వీణాదిఘోషనిరతా రాసోత్సవవికాసినీ | కృష్ణచేష్టా పరిజ్ఞాతా కోటికన్దర్పమోహినీ ||౨౦౧||

శ్రీకృష్ణగుణనాగాఢ్యా దేవసున్దరిమోహినీ | కృష్ణచన్ద్రమనోజ్ఞా చ కృష్ణదేవసహోదరీ ||౨౦౨||

కృష్ణాభిలాషిణీ కృష్ణప్రేమానుగ్రహవాంఛితా | క్షేమా చ మధురాలాపా భ్రువోమాయా సుభద్రికా ||౨౦౩||

ప్రకృతిః పరమానన్దా నీపద్రుమతలస్థితా | కృపాకటాక్షా బిమ్బోష్ఠీ రమ్భా చారునితమ్బినీ ||౨౦౪||

స్మరకేలినిధానా చ గణ్డతాటఙ్కమణ్డితా | హేమాద్రికాన్తిరుచిరా ప్రేమాద్యా మదమన్థరా ||౨౦౫||

కృష్ణచిన్తా ప్రేమచిన్తా రతిచిన్తా చ కృష్ణదా | రాసచిన్తా భావచిన్తా శుద్ధచిన్తా మహారసా ||౨౦౬||

కృష్ణాదృష్టిత్రుటియుగా దృష్టిపక్ష్మివినిన్దినీ | కన్దర్పజననీ ముఖ్యా వైకుణ్ఠగతిదాయినీ ||౨౦౭||

రాసభావా ప్రియాశ్లిష్టా ప్రేష్ఠా ప్రథమనాయికా | శుద్ధా సుధాదేహినీ చ శ్రీరామా రసమఞ్జరీ ||౨౦౮||

సుప్రభావా శుభాచారా స్వర్ణదీ నర్మదామ్బికా | గోమతీ చన్ద్రభాగేడ్యా సరయూస్తామ్రపర్ణిసూః ||౨౦౯||

నిష్కలఙ్కచరిత్రా చ నిర్గుణా చ నిరఞ్జనా | ఏతన్నామసహస్రం తు యుగ్మరూపస్య నారద ||౨౧౦||

పఠనీయం ప్రయత్నేన వృన్దావనరసావహే | మహాపాపప్రశమనం వన్ధ్యాత్వవినివర్తకమ్ ||౨౧౧||

దారిద్ర్యశమనం రోగనాశనం కామదం మహత్ | పాపాపహం వైరిహరం రాధామాధవభక్తిదమ్ ||౨౧౨||

నమస్తస్మై భగవతే కృష్ణాయాకుణ్ఠమేధసే | రాధాసఙ్గసుధాసిన్ధౌ నమో నిత్యవిహారిణే ||౨౧౩||

రాధాదేవీ జగత్కర్త్రీ జగత్పాలనతత్పరా | జగల్లయవిధాత్రీ చ సర్వేశీ సర్వసూతికా ||౨౧౪||

తస్యా నామసహస్రం వై మయా ప్రోక్తం మునీశ్వర | భుక్తిముక్తిప్రదం దివ్యం కిం భూయః శ్రోతుమిచ్ఛసి ||౨౧౫||

|| ఇతి శ్రీబృహన్నారదీయపురాణే పూర్వభాగే బృహదుపాఖ్యానే తృతీయపాదే రాధాకృష్ణసహస్రనామకథనం నామ ద్వ్యశీతితమోఽధ్యాయః ||

Shri Krishna Sahasranama Stotram

శ్రీకృష్ణసహస్రనామస్తోత్ర0
(From wikipedia)
వినియోగ :

ఓం అస్య శ్రీకృష్ణసహస్రనామస్తోత్రమన్త్రస్య పరాశరఋషిః, అనుష్టుప్‌ఛన్దః, శ్రీకృష్ణః పరమాత్మా దేవతా, శ్రీకృష్ణేతి బీజమ్‌, శ్రీవల్లభేతి శక్తిః, శాంర్గీతి కీలకం, శ్రీకృష్ణప్రీత్యర్థే జపే వినియోగః||

న్యాస :

పరాశరాయ ఋషయే నమః ఇతి శిరసి, అనుష్టుప్‌ ఛన్దసే నమః ఇతి ముఖే, గోపాలకృష్ణదేవతాయై నమః, ఇతి హృదయే, శ్రీకృష్ణాయ బీజాయ నమః ఇతి గుహ్యో, శ్రీవల్లభాయ శక్తయై నమః ఇతి పాదయోః, శాంర్గధరాయ కీలకాయ నమః ఇతి సర్వాంగే||

ఓమ్‌ :
కృష్ణశ్శ్రీవల్లభశ్శాంర్గీ విష్వక్సేనస్స్వసిద్ధిదః|
క్షీరోదధామా వ్యూహేశశ్శేషశాయీ జగన్మయః||1||
భక్తిగమ్యస్రీమూర్తిర్భా-రార్తవసుధాస్తుతః|
దేవదేవో దయాసిన్ధుర్దేవదేవశిఖామణిః||2||
సుఖభావస్సుఖాధారోముకున్దో ముదితాశయః|
అవిక్రియః క్రియామూర్తిరధ్యాత్మస్వస్వరూపవాన్‌||3||
శిష్టాభిలక్ష్యో భూతాత్మా ధర్మత్రాణార్థచేష్టితః|
అన్తర్యామీ కలారూపః కాలావయవసాక్షికః||4||
వసుధాయాసహరణో నారదప్రేరణోన్ముఖః|
ప్రభూష్ణుర్నారదోద్గీతో లోకరక్షాపరాయణః||5||
రౌహిణేయకృతానన్దో యోగజ్ఞాననియోజకః|
మహాగుహాన్తర్నిక్షిప్తః పురాణ వ పురాత్మవాన్‌||6||
శూరవంశైకధీశ్శౌరిః కంసశంకావిషాదకృత్‌|
వసుదేవోల్లసచ్ఛక్తి-ర్దేవక్యష్టమగర్భగః||7||
వసుదేవసుతశ్శ్రీమాన్దేవకీనన్దనో హరిః|
ఆశ్చర్యబాలశ్శ్రీవత్స-లక్ష్మవక్షాశ్చతుర్భుజః||8||
స్వభావోత్కృష్టసద్భావః కృష్ణాష్టమ్యన్తసమ్భవః|
ప్రాజాపత్యర్క్షసమ్భూతో నిశీథసమయోదితః||9||
శంఖచక్రగదాపద్మపాణిః పద్మనిభేక్షణః|
కిరీటీ కౌస్తుభోరస్కః స్ఫురన్మకరకుణ్డలః||10||
పీతవాసా ఘనశ్యామః కుంచితాంచితకున్తలః|
సువ్యక్తవ్యక్తాభరణః సూతికాగృహభూషణః||11||
కారాగారాన్ధకారఘ్నః పితృప్రాగ్జన్మసూచకః|
వసుదేవస్తుతః స్తోత్రం తాపత్రయనివారణః||12||
నిరవద్యః క్రియామూర్తిర్న్యాయవాక్యనియోజకః|
అదృష్టచేష్టః కూటస్థో ధృతలౌకికవిగ్రహః||13||
మహర్షిమానసోల్లాసో మహీమంగలదాయకః|
సన్తోషితసురవ్రాతః సాధుुచిత్తప్రసాదకః||14||
జనకోపాయనిర్దేష్టా దేవకీనయనోత్సవః|
పితృపాణిపరిష్కారో మోహితాగారరక్షకః||15||
స్వశక్తయుద్ధాటితాశేషకపాటః పితృవాహకః|
శేషోరగఫణాచ్ఛత్రశ్శేషోక్తాఖ్యాసహస్రకః||16||
యమునాపూరవిధ్వంసీ స్వభాసోద్భాసితవ్రజః|
కృతాత్మవిద్యావిన్యాసో యోగమాయాగ్రసమ్భవః||17||
దుర్గానివేదితోద్భావో యశోదాతల్పశాయకః|
నన్దగోపోత్సవస్ఫూర్తిర్వ్రజానన్దకరోదయః||18||
సుజాతజాతకర్మ శ్రీర్గోపీభద్రోక్తినిర్వతః|
అలీకనిద్రోపగమః పూతనాస్తనపీడనః||19||
స్తన్యాత్తపూతనాప్రాణః పూతనాక్రోశకారకః|
విన్యస్తరక్షా గోధూలిర్యశోదాకరలాలితః||20||
నన్దాఘ్రాతశిరోమధ్యః పూతనాసుగతిప్రదః|
బాలః పర్యంకనిద్రాలుర్ముఖార్పితపదాంగులిః||21||
అంజనస్నిగ్ధనయనః పర్యాయాంకురితస్మితః|
లీలాక్షస్తరలాలోకశ్శటాసుర భంజనః||22||
ద్విజోదితస్వస్త్యయనో మంత్రపూతజలాప్లుతః|
యశోదోత్సంగపర్యంకో యశోదాముఖవీక్షకః||23||
యశోదాస్తన్యముదితస్తృణావర్తాదిదుస్సహః|
తృణావర్తాసురధ్వంసీ మాతృవిస్మయకారకః||24||
ప్రశస్తనామకరణో జానుచంక్రమణోత్సుకః|
వ్యాలమ్బిచూలికారత్నో ఘోషగోపప్రహర్షణః||25||
స్వముఖప్రతిబిమ్బార్థీ గ్రీవావ్యాఘ్రనఖోజ్జులః|
పంకానులేపరుచిరో మాంసలోరుకటీతటః||26||
ఘృష్టజానుకరద్వంద్వః ప్రతిబిమ్బానుకారకృత్‌|
అవ్యక్తవర్ణవాగ్వృత్తిః స్మితలక్ష్యరదోద్నమః||27||
ధాత్రీకరసమాలమ్బీ ప్రస్ఖలచిత్రచంక్రమః|
అనురూపవయస్యాఢ్యశ్చారుకౌమారచాపలః||28||
వత్సపుచ్ఛసమాకృష్టో వత్సపుచ్ఛవికర్షణః|
విస్మారితాన్యవ్యాపారో గోపీగోపీముదావహః||29||
అకాలవత్సనిర్మోక్తా వ్రజవ్యాక్రోశసుస్మితః|
నవనీతమహాచోరో దారకాహారదాయకః||30||
పీఠోలూఖలసోపానః క్షీరభాణ్డవిభేదనః|
శిక్య మాణ్డసమకర్షీ ధ్వాన్తాగారప్రవేశకృత||31||
భూషారత్నప్రకాశాఢ్యో గోప్యుపాలమ్భభర్త్సితః|
పరాగధూసరాకారో మృద్భక్షణకృతేక్షణః||32||
బాలోక్తమృత్కథారమ్భో మిత్రాన్తర్గూఢవిగ్రహః|
కృతసన్త్రాసలోలాక్షో జననీప్రత్యయావహః||33|
మాతృదృశ్యాత్తవదనో వక్రలక్ష్యచరాచరః|
యశోదాలలితస్వాత్మా స్వయం స్వాచ్ఛన్ద్యమోహనః||34||
సవిత్రీస్నేహసంశ్లిష్టః సవిత్రీస్తనలోలుపః|
నవనీతార్థనాప్రహ్వో నవనీతమహాశనః||35||
మృషాకోప్రకమ్పోష్ఠో గోష్ఠాంగణవిలోకనః|
దధిమన్థఘటీభేత్తా కికింణీక్కాణసూచితః||36||
హైయంగవీనరసికో మృషాశ్రుశ్చౌర్యశంకితః|
జననీశ్రమవిజ్ఞాతా దామబన్ధనియంత్రితః||37||
దామాకల్పశ్చలాపాంగో గాఢోలూఖలబన్ధనః|
ఆకృష్టోలూఖనోఽనన్తః కుబేరసుతశాపివత్‌|||38||
నారదోక్తిపరామర్శీ యమలార్జునభంజనః|
ధనదాత్మజసంఘుష్టో నన్దమోచితబన్ధనః||39||
బాలకోద్గీతనిరతో బాహుక్షేపోదితప్రియః|
ఆత్మజ్ఞో మిత్రవశగో గోపీగీతగుణోదయః||40||
ప్రస్థానశకటారూఢో వృన్దావనకృతాలయః|
గోవత్సపాలనైకాగ్రో నానాక్రీడాపరిచ్ఛదః||41||
క్షేపణీక్షేపణప్రీతో వేణువాద్యవిశారదః|
వృషవత్సానుకరణో వృషధ్వానివిడమ్బనః||42||
నియుద్ధలీలాసంహృష్టః కూజానుకృతకోకిలః|
ఉపాత్తహం సగమనస్సర్వజన్తురుతానుకృత్‌||43||
భృంగానుకారీ దధ్యన్నచోరో వత్సపురస్సరః|
బలీ బకాసురగ్రాహీ బకతాలుప్రదాహకః||44||
భీతగోపార్భకాహూతో బకచంచువిదారణః|
బకాసురారిర్గోపాలో బాలో బాలాద్భుతావహః||45||
బలభద్రసమాశ్లిష్టః కృతక్రీడానిలాయనః|
క్రీడాసేతునిధానజ్ఞః ప్లవంగోత్ప్లవనోఽద్భుతః||46||
కన్దుకక్రీడనో లుప్తనన్దాదిభవవేదనః|
సుమనోఽలంకృతశిరాః స్వాదుస్నిగ్ధాన్నశిక్యభృత్‌||47||
గుంజాప్రాలమ్బనచ్ఛన్నః పింఛైరలకవేషకృత్‌|
వన్యాశనప్రియశ్శ్రృంగరవాకారితవత్సకః||48||
మనోజ్ఞపల్లవోత్తం స్వపుష్పస్వేచ్ఛాత్తషట్పదః|
మంజుశింజితమంజీరచరణః కరకంకణః||49||
అన్యోన్యశాసనః కీడాపటుః పరమకైతవః|
ప్రతిధ్వానప్రముదితః శాఖాచతురచంక్రమః||50||
అఘదానవసంహర్తా త్రజవిఘ్నవినాశనః|
వ్రజసంజీవనశ్శ్రేయోనిధిర్దానవముక్తిదః||51||