Shiva varnamala stotram శివ వర్ణమాలా స్తోత్రం

శివ అక్షరమాలా స్తోత్రం

తెలుగు అక్షరమాల లోని ప్రతి అక్షరం తో పరమేశ్వరుని స్తుతించే

శివ  అక్షరమాలా స్తోత్రం..

సాంబ సదాశివ సాంబ సదాశివ సాంబ సదాశివ సాంబ శివ
సాంబ సదాశివ సాంబ సదాశివ సాంబ సదాశివ సాంబ శివ

అద్భుత విగ్రహ అమరాధీశ్వర అగణిత గుణగణ అమృత శివ       

ఆనందామృత ఆశ్రిత రక్షక ఆత్మానంద మహేశ శివ                 
ఇందు కళాధర ఇంద్రాదిప్రియ సుందరరూప సురేశ శివ           
ఈశ సురేశ మహేశ జనప్రియ కేశవ సేవిత కీర్తి శివ                 
ఉరగాదిప్రియ ఉరగవిభూషణ నరకవినాశ నటేశ శివ                 
ఊర్జిత దానవనాశ పరాత్పర ఆర్జిత పాపవినాశ శివ                  
ఋగ్వేదశ్రుతి మౌళి విభూషణ రవి చంద్రాగ్ని త్రినేత్ర శివ           
ౠపనామాది ప్రపంచ విలక్షణ తాపనివారణ తత్వ శివ           
ళుల్లిస్వరూప సహస్ర కరోత్తమ వాగీశ్వర వరదేశ శివ               

ళూతాధీశ్వర రూపప్రియహర వేదాంతప్రియ వేద్య శివ 

సాంబ సదాశివ సాంబ సదాశివ సాంబ సదాశివ సాంబ శివ
సాంబ సదాశివ సాంబ సదాశివ సాంబ సదాశివ సాంబ శివ
        
ఏకానేక స్వరూప సదాశివ భోగాదిప్రియ పూర్ణ శివ                 
ఐశ్వర్యాశ్రయ చిన్మయ చిద్ఘన సచ్చిదానంద సురేశ శివ             
ఓంకారప్రియ ఉరగవిభూషణ హ్రీంకారప్రియ ఈశ శివ                
ఔరసలాలిత అంతకనాశన గౌరిసమేత గిరీశ శివ                     
అంబరవాస చిదంబర నాయక తుంబురు నారద సేవ్య శివ        
ఆహారప్రియ అష్ట దిగీశ్వర యోగి హృదిప్రియవాస శివ               
కమలాపూజిత కైలాసప్రియ కరుణాసాగర కాశి శివ                  
ఖడ్గశూల మృడ టంక ధనుర్ధర విక్రమరూప విశ్వేశ శివ             
గంగా గిరిసుత వల్లభ శంకర గణహిత సర్వజనేశ శివ               
ఘాతక భంజన పాతకనాశన దీనజనప్రియ దీప్తి శివ               
జ్ఞాన్త స్వరూపానంద జనాశ్రయ వేదస్వరూప వేద్య శివ              
చండవినాశన సకలజనప్రియ మండలాధీశ మహేశ శివ             
ఛత్రకిరీట సుకుండల శోభిత పుత్రప్రియ భువనేశ శివ                
జన్మజరా మృత్యాది వినాశన కల్మషరహిత కాశి శివ                

సాంబ సదాశివ సాంబ సదాశివ సాంబ సదాశివ సాంబ శివ
సాంబ సదాశివ సాంబ సదాశివ సాంబ సదాశివ సాంబ శివ

ఝంకారప్రియ భృంగిరిటప్రియ ఒంకారేశ్వర విశ్వేశ శివ              
జ్ఞానాజ్ఞాన వినాశన నిర్మల దీనజనప్రియ దీప్తి శివ                
టంకస్వరూప సహస్ర కరోత్తమ వాగీశ్వర వరదేశ శివ                
ఠక్కాద్యాయుధ సేవిత సురగణ లావణ్యామృత లసిత శివ          
డంభవినాశన డిండిమభూషణ అంబరవాస చిదేశ శివ               
ఢంఢండమరుక ధరణీనిశ్చల ఢుంఢివినాయక సేవ్య శివ           
నానామణిగణ భూషణనిర్గుణ నతజనపూత సనాథ శివ             
తత్వమస్యాది వాక్యార్థ స్వరూప నిత్యస్వరూప నిజేశ శివ            
స్థావరజంగమ భువనవిలక్షణ తాపనివారణ తత్వ శివ             
దంతివినాశన దళితమనోభవ చందన లేపిత చరణ శివ             
ధరణీధరశుభ ధవళవిభాసిత ధనదాదిప్రియ దాన శివ              
నళినవిలోచన నటనమనోహర అళికులభూషణ అమృత శివ       
పన్నగభూషణ పార్వతినాయక పరమానంద పరేశ శివ             
ఫాలవిలోచన భానుకోటిప్రభ హాలాహలధర అమృత శివ            

సాంబ సదాశివ సాంబ సదాశివ సాంబ సదాశివ సాంబ శివ
సాంబ సదాశివ సాంబ సదాశివ సాంబ సదాశివ సాంబ శివ

బంధవిమోచన బృహతీపావన స్కందాదిప్రియ కనక శివ            
భస్మవిలేపన భవభయమోచన విస్మయరూప విశ్వేశ శివ          
మన్మథనాశన మధురానాయక మందరపర్వతవాస శివ            
యతిజన హృదయాధినివాస విధివిష్ణ్వాది సురేశ శివ                
రామేశ్వరప్రియ రమణముఖాంబుజ సోమేశ్వర సుకృతేశ శివ     
లంకాధీశ్వర సురగణ సేవిత లావణ్యామృత లసిత శివ             
వరదాభయకర వాసుకిభూషణ వనమాలాది విభూష శివ           
శాంతిస్వరూప అతిప్రియసుందర వాగీశ్వర వరదేశ శివ             
షణ్ముఖజనక సురేంద్ర మునిప్రియ షాడ్గుణ్యాది సమేత శివ         
సంసారార్ణవ నాశన శాశ్వత సాధుజన ప్రియవాస శివ               
హరపురుషోత్తమ అద్వైతామృత మురరిపు సేవ్య మృదేశ శివ      
లాళిత భక్తజనేశ నిజేశ్వర కాళినటేశ్వర కామ శివ                   
క్షరరూపాభి ప్రియాన్విత సుందర సాక్షాత్ స్వామిన్నంబా సమేత శివ

సాంబ సదాశివ సాంబ సదాశివ సాంబ సదాశివ సాంబ శివ
సాంబ సదాశివ సాంబ సదాశివ సాంబ సదాశివ సాంబ శివ

Shiva protam Suryashtakam

సూర్య అష్టకము
🌺🌺🌺🌺🌺
ఆదిదేవ నమస్తుభ్యం ప్రసీద మభాస్కర
దివాకర నమస్తుభ్యం ప్రభాకర నమోస్తుతే

సప్తాశ్వ రధ మారూఢం ప్రచండం కశ్యపాత్మజం
శ్వేత పద్మధరం దేవం తం సూర్యం ప్రణమామ్యహం

లోహితం రధమారూఢం సర్వ లోక పితామహం
మహాపాప హరం దేవం తం సూర్యం ప్రణమామ్యహం

త్రైగుణ్యం చ మహాశూరం బ్రహ్మ విష్ణు మహేశ్వరం
మహా పాప హరం దేవం తం సూర్యం ప్రణమామ్యహం

బృంహితం తేజసాం పుంజం వాయు మాకాశ మేవచ
ప్రభుంచ సర్వ లోకానాం తం సూర్యం ప్రణమామ్యహం

బంధూక పుష్ప సంకాశం హార కుండల భూషితం
ఏక చక్రధరం దేవం తం సూర్యం ప్రణమామ్యహం

విశ్వేశం విశ్వ కర్తారం మహా తేజః ప్రదీపనం
మహా పాప హరం దేవం తం సూర్యం ప్రణమామ్యహం

తం సూర్యం జగతాం నాధం జ్నాన విజ్నాన మోక్షదం
మహా పాప హరం దేవం తం సూర్యం ప్రణమామ్యహం

సూర్యాష్టకం పఠేన్నిత్యం గ్రహపీడా ప్రణాశనం
అపుత్రో లభతే పుత్రం దరిద్రో ధనవాన్ భవేత్

ఆమిషం మధుపానం చ యః కరోతి రవేర్ధినే
సప్త జన్మ భవేద్రోగీ జన్మ కర్మ దరిద్రతా

స్త్రీ తైల మధు మాంసాని హస్త్యజేత్తు రవేర్ధినే
న వ్యాధి శోక దారిద్ర్యం సూర్య లోకం స గచ్ఛతి

ఇతి శ్రీ శివప్రోక్తం శ్రీ సూర్యాష్టకం సంపూర్ణం

_శివ షడక్షర స్తోత్రం

*_శివ షడక్షర స్తోత్రం..._*
÷÷÷÷÷÷÷÷÷÷÷÷÷÷÷
☝🏻☝🏻☝🏻☝🏻
*ఓంకారం బిందు సమ్యుక్తం నిత్యం ధ్యాయంతి యోగినః* ।
*కామదం మోక్షదం చైవ ఓంకారాయ నమోనమః* ॥

*నమంతి ఋషయో దేవా నమంత్యప్సరసం గణాః* ।
*నరా నమంతి దేవేషాం నకారాయ నమోనమః* ॥

*మహాదేవం, మహాత్మానం మహాధ్యానం పరాయణం* ।
*మహాపాపహరం దేవం మకారాయ నమోనమః* ॥

*శివం శాంతం జగన్నాథం లోకానుగ్రహ కారకం* ।
*శివమేకపదం నిత్యం శికారాయ నమోనమః* ॥

*వాహనం వృషభో యస్య వాసుకీ కంఠభూషణం* ।
*వామే శక్తి ధరం వేదం వకారాయ నమోనమః* ॥

*యత్ర తత్ర స్థితో దేవః సర్వవ్యాపి మహేశ్వరః* ।
*యో గురుః సర్వ దేవానాం యకారాయ నమోనమః* ॥

_ఫలశృతి_
*షడక్షర మిదం స్తోత్రమ్యః పఠేత్ శివ సన్నిధౌ*
*శివలోక మవాప్నోతి శివేన సహమోదతే* ॥

Shiva Sahasranama stotram 2 (Linga Puranam)

శివసహస్రనామస్తోత్రమ్ లింగపురాణాన్తర్గత


అథ లిఙ్గపురాణాన్తర్గతశ్రీశివసహస్రనామస్తోత్రమ్

     ఋషయ ఊచుః
కథం దేవేన వై సూత దేవదేవాన్మహేశ్వరాత్ |
సుదర్శనాఖ్యం వై లబ్ధం వక్తుమర్హసి విష్ణునా || ౧||
     సూత ఉవాచ
దేవానామసురేన్ద్రాణామభవచ్చ సుదారుణః |
సర్వేషామేవ భూతానాం వినాశకరణో మహాన్ || ౨||
తే దేవాః శక్తిముశలైః సాయకైర్నతపర్వభిః |
ప్రభిద్యమానాః కున్తైశ్చ దుద్రువుర్భయవిహ్వలాః || ౩||
పరాజితాస్తదా దేవా దేవదేవేశ్వరం హరిమ్ |
ప్రణేముస్తం సురేశానం శోకసంవిగ్నమానసాః || ౪||
తాన్ సమీక్ష్యాథ భగవాన్దేవదేవేశ్వరో హరిః |
ప్రణిపత్య స్థితాన్దేవానిదం వచనమబ్రవీత్ || ౫||
వత్సాః కిమితి వై దేవాశ్చ్యుతాలఙ్కారవిక్రమాః |
సమాగతాః ససంతాపా వక్తుమర్హథ సువ్రతాః || ౬||
తస్య తద్వచనం శ్రుత్వా తథాభూతాః సురోత్తమాః |
ప్రణమ్యాహుర్యథావృత్తం దేవదేవాయ విష్ణవే || ౭||
భగవన్దేవదేవేశ విష్ణో జిష్ణో జనార్దన |
దానవైః పీడితాః సర్వే వయం శరణమాగతాః || ౮||
త్వమేవ దేవదేవేశ గతిర్నః పురుషోత్తమ |
త్వమేవ పరమాత్మా హి త్వం పితా జగతామపి || ౯||
త్వమేవ భర్తా హర్తా చ భోక్తా దాతా జనార్దన |
హన్తుమర్హసి తస్మాత్త్వం దానవాన్దానవార్దన || ౧౦||
దైత్యాశ్చ వైష్ణవైర్బ్రాహ్మై రౌద్రైర్యామ్యైః సుదారుణైః |
కౌబేరైశ్చైవ సౌమ్యైశ్చ నైరృత్యైర్వారుణైర్దృఢైః || ౧౧||
వాయవ్యైశ్చ తథాగ్నేయైరైశానైర్వార్షికైః శుభైః |
సౌరై రౌద్రైస్తథా భీమైః కమ్పనైర్జృమ్భణైర్దృఢైః || ౧౨||
అవధ్యా వరలాభాత్తే సర్వే వారిజలోచన |
సూర్యమణ్డలసమ్భూతం త్వదీయం చక్రముద్యతమ్ || ౧౩||
కుణ్ఠితం హి దధీచేన చ్యావనేన జగద్గురో |
దణ్డం శార్ఙ్గం తవాస్త్రం చ లబ్ధం దైత్యైః ప్రసాదతః ||
౧౪||
పురా జలన్ధరం హన్తుం నిర్మితం త్రిపురారిణా |
రథాఙ్గం సుశితం ఘోరం తేన తాన్ హన్తుమర్హసి || ౧౫||
తస్మాత్తేన నిహన్తవ్యా నాన్యైః శస్త్రశతైరపి |
తతో నిశమ్య తేషాం వై వచనం వారిజేక్షణః || ౧౬||
వాచస్పతిముఖానాహ స హరిశ్చక్రభృత్స్వయమ్ |
     శ్రీవిష్ణురువాచ
భోభో దేవా మహాదేవం సర్వైర్దేవైః సనాతనైః || ౧౭||
సమ్ప్రాప్య సామ్ప్రతం సర్వం కరిష్యామి దివౌకసామ్ |
దేవా జలంధరం హన్తుం నిర్మితం హి పురారిణా || ౧౮||
లబ్ధ్వా రథాఙ్గం తేనైవ నిహత్య చ మహాసురాన్ |
సర్వాన్ధున్ధుముఖాన్దైత్యానష్టషష్టిశతాన్సురాన్ || ౧౯||
సబాన్ధవాన్క్షణాదేవ యుష్మాన్ సంతారయామ్యహమ్ |
     సూత ఉవాచ
ఏవముక్త్వా సురశ్రేష్ఠాన్ సురశ్రేష్ఠమనుస్మరన్ || ౨౦||
సురశ్రేష్ఠస్తదా శ్రేష్ఠం పూజయామాస శఙ్కరమ్ |
లిఙ్గం స్థాప్య యథాన్యాయం హిమవచ్ఛిఖరే శుభే || ౨౧||
మేరుపర్వతసంకాశం నిర్మితం విశ్వకర్మణా |
త్వరితాఖ్యేన రుద్రేణ రౌద్రేణ చ జనార్దనః || ౨౨||
స్నాప్య సమ్పూజ్య గన్ధాద్యైర్జ్వాలాకారం మనోరమమ్ |
తుష్టావ చ తదా రుద్రం సమ్పూజ్యాగ్నౌ ప్రణమ్య చ || ౨౩||
దేవం నామ్నాం సహస్రేణ భవాద్యేన యథాక్రమమ్ |
పూజయామాస చ శివం ప్రణవాద్యం నమోన్తకమ్ || ౨౪||
దేవం నామ్నాం సహస్రేణ భవాద్యేన మహేశ్వరమ్ |
ప్రతినామ సపద్మేన పూజయామాస శఙ్కరమ్ || ౨౫||
అగ్నౌ చ నామభిర్దేవం భవాద్యైః సమిదాదిభిః |
స్వాహాన్తైర్విధివద్ధుత్వా ప్రత్యేకమయుతం ప్రభుమ్ || ౨౬||
తుష్టావ చ పునః శమ్భుం భవాద్యైర్భవమీశ్వరమ్ |
     శ్రీ విష్ణురువాచ
భవః శివో హరో రుద్రః పురుషః పద్మలోచనః || ౨౭||
అర్థితవ్యః సదాచారః సర్వశమ్భుర్మహేశ్వరః |
ఈశ్వరః స్థాణురీశానః సహస్రాక్షః సహస్రపాత్ || ౨౮||
వరీయాన్ వరదో వన్ద్యః శఙ్కరః పరమేశ్వరః |
గఙ్గాధరః శూలధరః పరార్థైకప్రయోజనః || ౨౯||
సర్వఙ్యః సర్వదేవాదిగిరిధన్వా జటాధరః |
చన్ద్రాపీడశ్చన్ద్రమౌలిర్విద్వాన్విశ్వామరేశ్వరః || ౩౦||
వేదాన్తసారసన్దోహః కపాలీ నీలలోహితః |
ధ్యానాధారోఽపరిచ్ఛేద్యో గౌరీభర్తా గణేశ్వరః || ౩౧||
అష్టమూర్తిర్విశ్వమూర్తిస్త్రివర్గః స్వర్గసాధనః |
ఙ్యానగమ్యో దృఢప్రఙ్యో దేవదేవస్త్రిలోచనః || ౩౨||
వామదేవో మహాదేవః పాణ్డుః పరిదృఢో దృఢః |
విశ్వరూపో విరూపాక్షో వాగీశః శుచిరన్తరః || ౩౩||
సర్వప్రణయసంవాదీవృషాఙ్కో వృషవాహనః |
ఈశః పినాకీ ఖట్వాఙ్గీ చిత్రవేషశ్చిరన్తనః || ౩౪||
తమోహరో మహాయోగీ గోప్తా బ్రహ్మాఙ్గహృజ్జటీ |
కాలకాలః కృత్తివాసాః సుభగః ప్రణవాత్మకః || ౩౫||
ఉన్మత్తవేషశ్చక్షుష్యోదుర్వాసాః స్మరశాసనః |
దృఢాయుధః స్కన్దగురుః పరమేష్ఠీ పరాయణః || ౩౬||
అనాదిమధ్యనిధనో గిరిశో గిరిబాన్ధవః |
కుబేరబన్ధుః శ్రీకణ్ఠో లోకవర్ణోత్తమోత్తమః || ౩౭||
సామాన్యదేవః కోదణ్డీ నీలకణ్ఠః పరశ్వధీ |
విశాలాక్షో మృగవ్యాధః సురేశః సూర్యతాపనః || ౩౮||
ధర్మకర్మాక్షమః క్షేత్రం భగవాన్ భగనేత్రభిత్ |
ఉగ్రః పశుపతిస్తార్క్ష్యప్రియభక్తః ప్రియంవదః || ౩౯||
దాతా దయాకరో దక్షః కపర్దీ కామశాసనః |
శ్మశాననిలయః సూక్ష్మః శ్మశానస్థో మహేశ్వరః || ౪౦||
లోకకర్తా భూతపతిర్మహాకర్తా మహౌషధీ |
ఉత్తరో గోపతిర్గోప్తా ఙ్యానగమ్యః పురాతనః || ౪౧||
నీతిః సునీతిః శుద్ధాత్మా సోమసోమరతః సుఖీ |
సోమపోఽమృతపః సోమో మహానీతిర్మహామతిః || ౪౨||
అజాతశత్రురాలోకః సమ్భావ్యో హవ్యవాహనః |
లోకకారో వేదకారః సూత్రకారః సనాతనః || ౪౩||
మహర్షిః కపిలాచార్యో విశ్వదీప్తిస్త్రిలోచనః |
పినాకపాణిభూదేవః స్వస్తిదః స్వస్తికృత్సదా || ౪౪||
త్రిధామా సౌభగః శర్వః సర్వఙ్యః సర్వగోచరః |
బ్రహ్మధృగ్విశ్వసృక్స్వర్గః కర్ణికారః ప్రియః కవిః || ౪౫||
శాఖో విశాఖో గోశాఖః శివోనైకః క్రతుః సమః |
గఙ్గాప్లవోదకో భావః సకలస్థపతిస్థిరః || ౪౬||
విజితాత్మా విధేయాత్మా భూతవాహనసారథిః |
సగణో గణకార్యశ్చ సుకీర్తిశ్ఛిన్నసంశయః || ౪౭||
కామదేవః కామపాలో భస్మోద్ధూలితవిగ్రః |
భస్మప్రియో భస్మశాయీ కామీ కాన్తః కృతాగమః || ౪౮||
సమాయుక్తో నివృత్తాత్మా ధర్మయుక్తః సదాశివః |
చతుర్ముఖశ్చతుర్బాహుర్దురావాసో దురాసదః || ౪౯||
దుర్గమో దుర్లభో దుర్గః సర్వాయుధవిశారదః |
అధ్యాత్మయోగనిలయః సుతన్తుస్తన్తువర్ధనః || ౫౦||
శుభాఙ్గో లోకసారఙ్గో జగదీశోఽమృతాశనః |
భస్మశుద్ధికరో మేరురోజస్వీ శుద్ధవిగ్రహః || ౫౧||
హిరణ్యరేతాస్తరణిర్మరీచిర్మహిమాలయః |
మహాహ్రదో మహాగర్భః సిద్ధవృన్దారవన్దితః || ౫౨||
వ్యాఘ్రచర్మధరో వ్యాలీ మహాభూతో మహానిధిః |
అమృతాఙ్గోఽమృతవపుః పఞ్చయఙ్యః ప్రభఞ్జనః || ౫౩||
పఞ్చవింశతితత్త్వఙ్యః పారిజాతః పరావరః |
సులభః సువ్రతః శూరో వాఙ్మయైకనిధిర్నిధిః || ౫౪||
వర్ణాశ్రమగురుర్వర్ణీ శత్రుజిచ్ఛత్రుతాపనః |
ఆశ్రమః క్షపణః క్షామో ఙ్యానవానచలాచలః || ౫౫||
ప్రమాణభూతో దుర్ఙ్యేయః సుపర్ణో వాయువాహనః |
ధనుర్ధరో ధనుర్వేదో గుణరాశిర్గుణాకరః || ౫౬||
అనన్తదృష్టిరానన్దో దణ్డో దమయితా దమః |
అభివాద్యో మహాచార్యో విశ్వకర్మా విశారదః || ౫౭||
వీతరాగో వినీతాత్మా తపస్వీ భూతభావనః |
ఉన్మత్తవేషః ప్రచ్ఛన్నో జితకామో జితప్రియః || ౫౮||
కల్యాణప్రకృతిః కల్పః సర్వలోకప్రజాపతిః |
తపస్వీ తారకో ధీమాన్ ప్రధానప్రభురవ్యయః || ౫౯||
లోకపాలోఽన్తర్హితాత్మా కల్యాదిః కమలేక్షణః |
వేదశాస్త్రార్థతత్త్వఙ్యో నియమో నియమాశ్రయః || ౬౦||
చన్ద్రః సూర్యః శనిః కేతుర్విరామో విద్రుమచ్ఛవిః |
భక్తిగమ్యః పరం బ్రహ్మ మృగబాణార్పణోఽనఘః || ౬౧||
అద్రిరాజాలయః కాన్తః పరమాత్మా జగద్గురుః |
సర్వకర్మాచలస్త్వష్టా మాఙ్గల్యో మఙ్గలావృతః || ౬౨||
మహాతపా దీర్ఘతపాః స్థవిష్ఠః స్థవిరో ధ్రువః |
అహః సంవత్సరో వ్యాప్తిః ప్రమాణం పరమం తపః || ౬౩||
సంవత్సరకరో మన్త్రః ప్రత్యయః సర్వదర్శనః |
అజః సర్వేశ్వరః స్నిగ్ధో మహారేతా మహాబలః || ౬౪||
యోగీ యోగ్యో మహారేతాః సిద్ధః సర్వాదిరగ్నిదః |
వసుర్వసుమనాః సత్యః సర్వపాపహరో హరః || ౬౫||
అమృతః శాశ్వతః శాన్తో బాణహస్తః ప్రతాపవాన్ |
కమణ్డలుధరో ధన్వీ వేదాఙ్గో వేదవిన్మునిః || ౬౬||
భ్రాజిష్ణుర్భోజనం భోక్తా లోకనేతా దురాధరః |
అతీన్ద్రియో మహామాయః సర్వావాసశ్చతుష్పథః || ౬౭||
కాలయోగీ మహానాదో మహోత్సాహో మహాబలః |
మహాబుద్ధిర్మహావీర్యో భూతచారీ పురన్దరః || ౬౮||
నిశాచరః ప్రేతచారీ మహాశక్తిర్మహాద్యుతిః |
అనిర్దేశ్యవపుః శ్రీమాన్సర్వహార్యమితో గతిః || ౬౯||
బహుశ్రుతో బహుమయో నియతాత్మా భవోద్భవః |
ఓజస్తేజో ద్యుతికరో నర్తకః సర్వకామకః || ౭౦||
నృత్యప్రియో నృత్యనృత్యః ప్రకాశాత్మా ప్రతాపనః |
బుద్ధః స్పష్టాక్షరో మన్త్రః సన్మానః సారసమ్ప్లవః || ౭౧||
యుగాదికృద్యుగావర్తో గమ్భీరో వృషవాహనః |
ఇష్టో విశిష్టః శిష్టేష్టః శరభః శరభో ధనుః || ౭౨||
అపాంనిధిరధిష్ఠానం విజయో జయకాలవిత్ |
ప్రతిష్ఠితః ప్రమాణఙ్యో హిరణ్యకవచో హరిః || ౭౩||
విరోచనః సురగణో విద్యేశో విబుధాశ్రయః |
బాలరూపో బలోన్మాథీ వివర్తో గహనో గురుః || ౭౪||
కరణం కారణం కర్తా సర్వబన్ధవిమోచనః |
విద్వత్తమో వీతభయో విశ్వభర్తా నిశాకరః || ౭౫||
వ్యవసాయో వ్యవస్థానః స్థానదో జగదాదిజః |
దున్దుభో లలితో విశ్వో భవాత్మాత్మనిసంస్థితః || ౭౬||
వీరేశ్వరో వీరభద్రో వీరహా వీరభృద్విరాట్ |
వీరచూడామణిర్వేత్తా తీవ్రనాదో నదీధరః || ౭౭||
ఆఙ్యాధారస్త్రిశూలీ చ శిపివిష్టః శివాలయః |
వాలఖిల్యో మహాచాపస్తిగ్మాంశుర్నిధిరవ్యయః || ౭౮||
అభిరామః సుశరణః సుబ్రహ్మణ్యః సుధాపతిః |
మఘవాన్కౌశికో గోమాన్ విశ్రామః సర్వశాసనః || ౭౯||
లలాటాక్షో విశ్వదేహః సారః సంసారచక్రభృత్ |
అమోఘదణ్డీ మధ్యస్థో హిరణ్యో బ్రహ్మవర్చసీ || ౮౦||
పరమార్థః పరమయః శమ్బరో వ్యాఘ్రకోఽనలః |
రుచిర్వరరుచిర్వన్ద్యో వాచస్పతిరహర్పతిః || ౮౧||
రవిర్విరోచనః స్కన్ధః శాస్తా వైవస్వతో జనః |
యుక్తిరున్నతకీర్తిశ్చ శాన్తరాగః పరాజయః || ౮౨||
కైలాసపతికామారిః సవితా రవిలోచనః |
విద్వత్తమో వీతభయో విశ్వహర్తాఽనివారితః || ౮౩||
నిత్యో నియతకల్యాణః పుణ్యశ్రవణకీర్తనః |
దూరశ్రవా విశ్వసహో ధ్యేయో దుఃస్వప్ననాశనః || ౮౪||
ఉత్తారకో దుష్కృతిహా దుర్ధర్షో దుఃసహోఽభయః |
అనాదిర్భూర్భువో లక్ష్మీః కిరీటిత్రిదశాధిపః || ౮౫||
విశ్వగోప్తా విశ్వభర్తా సుధీరో రుచిరాఙ్గదః |
జననో జనజన్మాదిః ప్రీతిమాన్నీతిమాన్నయః || ౮౬||
విశిష్టః కాశ్యపో భానుర్భీమో భీమపరాక్రమః |
ప్రణవః సప్తధాచారో మహాకాయో మహాధనుః || ౮౭||
జన్మాధిపో మహాదేవః సకలాగమపారగః |
తత్త్వాతత్త్వవివేకాత్మా విభూష్ణుర్భూతిభూషణః || ౮౮||
ఋషిర్బ్రాహ్మణవిజ్జిష్ణుర్జన్మమృత్యుజరాతిగః |
యఙ్యో యఙ్యపతిర్యజ్వా యఙ్యాన్తోఽమోఘవిక్రమః || ౮౯||
మహేన్ద్రో దుర్భరః సేనీ యఙ్యాఙ్గో యఙ్యవాహనః |
పఞ్చబ్రహ్మసముత్పత్తిర్విశ్వేశో విమలోదయః || ౯౦||
ఆత్మయోనిరనాద్యన్తో షడ్వింశత్సప్తలోకధృక్ |
గాయత్రీవల్లభః ప్రాంశుర్విశ్వావాసః ప్రభాకరః || ౯౧||
శిశుర్గిరిరతః సమ్రాట్ సుషేణః సురశత్రుహా |
అమోఘోఽరిష్టమథనో ముకున్దో విగతజ్వరః || ౯౨||
స్వయంజ్యోతిరనుజ్యోతిరాత్మజ్యోతిరచఞ్చలః |
పిఙ్గలః కపిలశ్మశ్రుః శాస్త్రనేత్రస్త్రయీతనుః || ౯౩||
ఙ్యానస్కన్ధో మహాఙ్యానీ నిరుత్పత్తిరుపప్లవః |
భగో వివస్వానాదిత్యో యోగాచార్యో బృహస్పతిః || ౯౪||
ఉదారకీర్తిరుద్యోగీ సద్యోగీసదసన్మయః |
నక్షత్రమాలీ రాకేశః సాధిష్ఠానః షడాశ్రయః || ౯౫||
పవిత్రపాణిః పాపారిర్మణిపూరో మనోగతిః |
హృత్పుణ్డరీకమాసీనః శుక్లః శాన్తో వృషాకపిః || ౯౬||
విష్ణుర్గ్రహపతిః కృష్ణః సమర్థోఽనర్థనాశనః |
అధర్మశత్రురక్షయ్యః పురుహూతః పురుష్టుతః || ౯౭||
బ్రహ్మగర్భో బృహద్గర్భో ధర్మధేనుర్ధనాగమః |
జగద్ధితైషిసుగతః కుమారః కుశలాగమః || ౯౮||
హిరణ్యవర్ణో జ్యోతిష్మాన్నానాభూతధరో ధ్వనిః |
అరోగో నియమాధ్యక్షో విశ్వామిత్రో ద్విజోత్తమః || ౯౯||
బృహజ్యోతిః సుధామా చ మహాజ్యోతిరనుత్తమః |
మాతామహో మాతరిశ్వా నభస్వాన్నాగహారధృక్ || ౧౦౦||
పులస్త్యః పులహోఽగస్త్యో జాతూకర్ణ్యః పరాశరః |
నిరావరణధర్మఙ్యో విరిఞ్చో విష్టరశ్రవాః || ౧౦౧||
ఆత్మభూరనిరుద్ధోఽత్రి ఙ్యానమూర్తిర్మహాయశాః |
లోకచూడామణిర్వీరశ్చణ్డసత్యపరాక్రమః || ౧౦౨||
వ్యాలకల్పో మహాకల్పో మహావృక్షః కలాధరః |
అలంకరిష్ణుస్త్వచలో రోచిష్ణుర్విక్రమోత్తమః || ౧౦౩||
ఆశుశబ్దపతిర్వేగీ ప్లవనః శిఖిసారథిః |
అసంసృష్టోఽతిథిః శక్రః ప్రమాథీ పాపనాశనః || ౧౦౪||
వసుశ్రవాః కవ్యవాహః ప్రతప్తో విశ్వభోజనః |
జర్యో జరాధిశమనో లోహితశ్చ తనూనపాత్ || ౧౦౫||
పృషదశ్వో నభోయోనిః సుప్రతీకస్తమిస్రహా |
నిదాఘస్తపనో మేఘః పక్షః పరపురఞ్జయః || ౧౦౬||
ముఖానిలః సునిష్పన్నః సురభిః శిశిరాత్మకః |
వసన్తో మాధవో గ్రీష్మో నభస్యో బీజవాహనః || ౧౦౭||
అఙ్గిరామునిరాత్రేయో విమలో విశ్వవాహనః |
పావనః పురుజిచ్ఛక్రస్త్రివిద్యో నరవాహనః || ౧౦౮||
మనో బుద్ధిరహంకారః క్షేత్రఙ్యః క్షేత్రపాలకః |
తేజోనిధిర్ఙ్యాననిధిర్విపాకో విఘ్నకారకః || ౧౦౯||
అధరోఽనుత్తరోఙ్యేయో జ్యేష్ఠో నిఃశ్రేయసాలయః |
శైలో నగస్తనుర్దోహో దానవారిరరిన్దమః || ౧౧౦||
చారుధీర్జనకశ్చారు విశల్యో లోకశల్యకృత్ |
చతుర్వేదశ్చతుర్భావశ్చతురశ్చతురప్రియః || ౧౧౧||
ఆమ్నాయోఽథ సమామ్నాయస్తీర్థదేవశివాలయః |
బహురూపో మహారూపః సర్వరూపశ్చరాచరః || ౧౧౨||
న్యాయనిర్వాహకో న్యాయో న్యాయగమ్యో నిరఞ్జనః |
సహస్రమూర్ధా దేవేన్ద్రః సర్వశస్త్రప్రభఞ్జనః || ౧౧౩||
ముణ్డో విరూపో వికృతో దణ్డీ దాన్తో గుణోత్తమః |
పిఙ్గలాక్షోఽథ హర్యక్షో నీలగ్రీవో నిరామయః || ౧౧౪||
సహస్రబాహుః సర్వేశః శరణ్యః సర్వలోకభృత్ |
పద్మాసనః పరంజ్యోతిః పరావరఫలప్రదః || ౧౧౫||
పద్మగర్భో మహాగర్భో విశ్వగర్భో విచక్షణః |
పరావరఙ్యో బీజేశః సుముఖః సుమహాస్వనః || ౧౧౬||
దేవాసురగురుర్దేవో దేవాసురనమస్కృతః |
దేవాసురమహామాత్రో దేవాసురమహాశ్రయః || ౧౧౭||
దేవాదిదేవో దేవర్షిర్దేవాసురవరప్రదః |
దేవాసురేశ్వరో దివ్యో దేవాసురమహేశ్వరః || ౧౧౮||
సర్వదేవమయోఽచిన్త్యో దేవతాత్మాత్మసమ్భవః |
ఈడ్యోఽనీశః సురవ్యాఘ్రో దేవసింహో దివాకరః || ౧౧౯||
విబుధాగ్రవరశ్రేష్ఠః సర్వదేవోత్తమోత్తమః |
శివఙ్యానరతః శ్రీమాన్ శిఖిశ్రీపర్వతప్రియః || ౧౨౦||
జయస్తమ్భో విశిష్టమ్భో నరసింహనిపాతనః |
బ్రహ్మచారీ లోకచారీ ధర్మచారీ ధనాధిపః || ౧౨౧||
నన్దీ నన్దీశ్వరో నగ్నో నగ్నవ్రతధరః శుచిః |
లిఙ్గాధ్యక్షః సురాధ్యక్షో యుగాధ్యక్షో యుగావహః || ౧౨౨||
స్వవశః సవశః స్వర్గః స్వరః స్వరమయః స్వనః |
బీజాధ్యక్షో బీజకర్తా ధనకృద్ధర్మవర్ధనః || ౧౨౩||
దమ్భోఽదమ్భో మహాదమ్భః సర్వభూతమహేశ్వరః |
శ్మశాననిలయస్తిష్యః సేతురప్రతిమాకృతిః || ౧౨౪||
లోకోత్తరస్ఫుటాలోకస్త్ర్యమ్బకో నాగభూషణః |
అన్ధకారిర్మఖద్వేషీ విష్ణుకన్ధరపాతనః || ౧౨౫||
వీతదోషోఽక్షయగుణో దక్షారిః పూషదన్తహృత్ |
ధూర్జటిః ఖణ్డపరశుః సకలో నిష్కలోఽనఘః || ౧౨౬||
ఆధారః సకలాధారః పాణ్డురాభో మృడో నటః |
పూర్ణః పూరయితా పుణ్యః సుకుమారః సులోచనః || ౧౨౭||
సామగేయః ప్రియకరః పుణ్యకీర్తిరనామయః |
మనోజవస్తీర్థకరో జటిలో జీవితేశ్వరః || ౧౨౮||
జీవితాన్తకరో నిత్యో వసురేతా వసుప్రియః |
సద్గతిః సత్కృతిః సక్తః కాలకణ్ఠః కలాధరః || ౧౨౯||
మానీ మాన్యో మహాకాలః సద్భూతిః సత్పరాయణః |
చన్ద్రసఞ్జీవనః శాస్తా లోకగూఢోఽమరాధిపః || ౧౩౦||
లోకబన్ధుర్లోకనాథః కృతఙ్యః కృతిభూషణః |
అనపాయ్యక్షరః కాన్తః సర్వశాస్త్రభృతాం వరః || ౧౩౧||
తేజోమయో ద్యుతిధరో లోకమాయోఽగ్రణీరణుః |
శుచిస్మితః ప్రసన్నాత్మా దుర్జయో దురతిక్రమః || ౧౩౨||
జ్యోతిర్మయో నిరాకారో జగన్నాథో జలేశ్వరః |
తుమ్బవీణీ మహాకాయో విశోకః శోకనాశనః || ౧౩౩||
త్రిలోకాత్మా త్రిలోకేశః శుద్ధః శుద్ధిరథాక్షజః |
అవ్యక్తలక్షణోఽవ్యక్తో వ్యక్తావ్యక్తో విశామ్పతిః || ౧౩౪||
వరశీలో వరతులో మానో మానధనో మయః |
బ్రహ్మా విష్ణుః ప్రజాపాలో హంసో హంసగతిర్యమః || ౧౩౫||
వేధా ధాతా విధాతా చ అత్తా హర్తా చతుర్ముఖః |
కైలాసశిఖరావాసీ సర్వావాసీ సతాం గతిః || ౧౩౬||
హిరణ్యగర్భో హరిణః పురుషః పూర్వజః పితా |
భూతాలయో భూతపతిర్భూతిదో భువనేశ్వరః || ౧౩౭||
సంయోగీ యోగవిద్బ్రహ్మా బ్రహ్మణ్యో బ్రాహ్మణప్రియః |
దేవప్రియో దేవనాథో దేవఙ్యో దేవచిన్తకః || ౧౩౮||
విషమాక్షః కలాధ్యక్షో వృషాఙ్కో వృషవర్ధనః |
నిర్మదో నిరహంకారో నిర్మోహో నిరుపద్రవః || ౧౩౯||
దర్పహా దర్పితో దృప్తః సర్వర్తుపరివర్తకః |
సప్తజిహ్వః సహస్రార్చిః స్నిగ్ధః ప్రకృతిదక్షిణః || ౧౪౦||
భూతభవ్యభవన్నాథః ప్రభవో భ్రాన్తినాశనః |
అర్థోఽనర్థో మహాకోశః పరకార్యైకపణ్డితః || ౧౪౧||
నిష్కణ్టకః కృతానన్దో నిర్వ్యాజో వ్యాజమర్దనః |
సత్త్వవాన్సాత్త్వికః సత్యకీర్తిస్తమ్భకృతాగమః || ౧౪౨||
అకమ్పితో గుణగ్రాహీ నైకాత్మా నైకకర్మకృత్ |
సుప్రీతః సుముఖః సూక్ష్మః సుకరో దక్షిణోఽనలః || ౧౪౩||
స్కన్ధః స్కన్ధధరో ధుర్యః ప్రకటః ప్రీతివర్ధనః |
అపరాజితః సర్వసహో విదగ్ధః సర్వవాహనః || ౧౪౪||
అధృతః స్వధృతః సాధ్యః పూర్తమూర్తిర్యశోధరః |
వరాహశృఙ్గధృగ్వాయుర్బలవానేకనాయకః || ౧౪౫||
శ్రుతిప్రకాశః శ్రుతిమానేకబన్ధురనేకధృక్ |
శ్రీవల్లభశివారమ్భః శాన్తభద్రః సమఞ్జసః || ౧౪౬||
భూశయో భూతికృద్భూతిర్భూషణో భూతవాహనః |
అకాయో భక్తకాయస్థః కాలఙ్యానీ కలావపుః || ౧౪౭||
సత్యవ్రతమహాత్యాగీ నిష్ఠాశాన్తిపరాయణః |
పరార్థవృత్తిర్వరదో వివిక్తః శ్రుతిసాగరః || ౧౪౮||
అనిర్విణ్ణో గుణగ్రాహీ కలఙ్కాఙ్కః కలఙ్కహా |
స్వభావరుద్రో మధ్యస్థః శత్రుఘ్నో మధ్యనాశకః || ౧౪౯||
శిఖణ్డీ కవచీ శూలీ చణ్డీ ముణ్డీ చ కుణ్డలీ |
మేఖలీ కవచీ ఖడ్గీ మాయీ సంసారసారథిః || ౧౫౦||
అమృత్యుః సర్వదృక్ సింహస్తేజోరాశిర్మహామణిః |
అసంఖ్యేయోఽప్రమేయాత్మా వీర్యవాన్కార్యకోవిదః || ౧౫౧||
వేద్యో వేదార్థవిద్గోప్తా సర్వాచారో మునీశ్వరః |
అనుత్తమో దురాధర్షో మధురః ప్రియదర్శనః || ౧౫౨||
సురేశః శరణం సర్వః శబ్దబ్రహ్మసతాం గతిః |
కాలభక్షః కలఙ్కారిః కఙ్కణీకృతవాసుకిః || ౧౫౩||
మహేష్వాసో మహీభర్తా నిష్కలఙ్కో విశృఙ్ఖలః |
ద్యుమణిస్తరణిర్ధన్యః సిద్ధిదః సిద్ధిసాధనః || ౧౫౪||
నివృత్తః సంవృతః శిల్పో వ్యూఢోరస్కో మహాభుజః |
ఏకజ్యోతిర్నిరాతఙ్కో నరో నారాయణప్రియః || ౧౫౫||
నిర్లేపో నిష్ప్రపఞ్చాత్మా నిర్వ్యగ్రో వ్యగ్రనాశనః |
స్తవ్యస్తవప్రియః స్తోతా వ్యాసమూర్తిరనాకులః || ౧౫౬||
నిరవద్యపదోపాయో విద్యారాశిరవిక్రమః |
ప్రశాన్తబుద్ధిరక్షుద్రః క్షుద్రహా నిత్యసున్దరః || ౧౫౭||
ధైర్యాగ్ర్యధుర్యో ధాత్రీశః శాకల్యః శర్వరీపతిః |
పరమార్థగురుర్దృష్టిర్గురురాశ్రితవత్సలః || ౧౫౮||
రసో రసఙ్యః సర్వఙ్యః సర్వసత్త్వావలమ్బనః |
     సూత ఉవాచ
ఏవం నామ్నాం సహస్రేణ తుష్టావ వృషభధ్వజమ్ || ౧౫౯||
స్నాపయామాస చ విభుః పూజయామాస పఙ్కజైః |
పరీక్షార్థం హరేః పూజాకమలేషు మహేశ్వరః || ౧౬౦||
గోపయామాసకమలం తదైకం భువనేశ్వరః |
హృతపుష్పో హరిస్తత్ర కిమిదం త్వభ్యచిన్తయన్ || ౧౬౧||
ఙ్యాత్వా స్వనేత్రముద్ధృత్య సర్వసత్త్వావలమ్బనమ్ |
పూజయామాస భావేన నామ్నా తేన జగద్గురుమ్ || ౧౬౨||
తతస్తత్ర విభుర్దృష్ట్వా తథాభూతం హరో హరిమ్ |
తస్మాదవతతారాశు మణ్డలాత్పావకస్య చ || ౧౬౩||
కోటిభాస్కరసంకాశం జటాముకుటమణ్డితమ్ |
జ్వాలామాలావృతం దివ్యం తీక్ష్ణదంష్ట్రం భయఙ్కరమ్ || ౧౬౪||
శూలటఙ్కగదాచక్రకున్తపాశధరం హరమ్ |
వరదాభయహస్తం చ దీపిచర్మోత్తరీయకమ్ || ౧౬౫||
ఇత్థమ్భూతం తదా దృష్ట్వా భవం భస్మవిభూషితమ్ |
హృష్టో నమశ్చకారాశు దేవదేవం జనార్దనః || ౧౬౬||
దుద్రువుస్తం పరిక్రమ్య సేన్ద్రా దేవాస్త్రిలోచనమ్ |
చచాల బ్రహ్మభువనం చకమ్పే చ వసున్ధరా || ౧౬౭||
దదాహ తేజస్తచ్ఛమ్భోః ప్రాన్తం వై శతయోజనమ్ |
అధస్తాచ్చోర్ధ్వతశ్చైవ హాహేత్యకృత భూతలే || ౧౬౮||
తదా ప్రాహ మహాదేవః ప్రహసన్నివ శఙ్కరః |
సమ్ప్రేక్ష్య ప్రణయాద్విష్ణుం కృతాఞ్జలిపుటం స్థితమ్ || ౧౬౯||
ఙ్యాతం మయేదమధునా దేవకార్యం జనార్దన |
సుదర్శనాఖ్యం చక్రం చ దదామి తవ శోభనమ్ || ౧౭౦||
యద్రూపం భవతా దృష్టం సర్వలోకభయఙ్కరమ్ |
హితాయ తవ యత్నేన తవ భావాయ సువ్రత || ౧౭౧||
శాన్తం రణాజిరే విష్ణో దేవానాం దుఃఖసాధనమ్ |
శాన్తస్య చాస్త్రం శాన్తం స్యాచ్ఛాన్తేనాస్త్రేణ కిం ఫలమ్ ||
౧౭౨||
శాన్తస్య సమరే చాస్త్రం శాన్తిరేవ తపస్వినామ్ |
యోద్ధుః శాన్త్యా బలచ్ఛేదః పరస్య బలవృద్ధిదః || ౧౭౩||
దేవైరశాన్తైర్యద్రూపం మదీయం భావయావ్యయమ్ |
కిమాయుధేన కార్యం వై యోద్ధుం దేవారిసూదన || ౧౭౪||
క్షమా యుధి న కార్యం వై యోద్ధుం దేవారిసూదన |
అనాగతే వ్యతీతే చ దౌర్బల్యే స్వజనోత్కరే || ౧౭౫||
అకాలికే త్వధర్మే చ అనర్థేవారిసూదన |
ఏవముక్త్వా దదౌ చక్రం సూర్యాయుతసమప్రభమ్ || ౧౭౬||
నేత్రం చ నేతా జగతాం ప్రభుర్వై పద్మసన్నిభమ్ |
తదాప్రభృతి తం ప్రాహుః పద్మాక్షమితి సువ్రతమ్ || ౧౭౭||
దత్త్వైనం నయనం చక్రం విష్ణవే నీలలోహితః |
పస్పర్శ చ కరాభ్యాం వై సుశుభాభ్యామువాచ హ || ౧౭౮||
వరదోహం వరశ్రేష్ఠ వరాన్వరయ చేప్సితాన్ |
భక్త్యా వశీకృతో నూనం త్వయాహం పురుషోత్తమ || ౧౭౯||
ఇత్యుక్తో దేవదేవేన దేవదేవం ప్రణమ్య తమ్ |
త్వయి భక్తిర్మహాదేవ ప్రసీద వరముత్తమమ్ || ౧౮౦||
నాన్యమిచ్ఛామి భక్తానామార్తయో నాస్తి యత్ప్రభో |
తచ్ఛ్రుత్వా వచనం తస్య దయావాన్ సుతరాం భవః || ౧౮౧||
పస్పర్శ చ దదౌ తస్మై శ్రద్ధాం శీతాంశుభూషణః |
ప్రాహ చైవం మహాదేవః పరమాత్మానమచ్యుతమ్ || ౧౮౨||
మయి భక్తశ్చ వన్ద్యశ్చ పూజ్యశ్చైవ సురాసురైః |
భవిష్యతి న సందేహో మత్ప్రసాదాత్సురోత్తమ || ౧౮౩||
యదా సతీ దక్షపుత్రీ వినిన్ద్యేవ సులోచనా |
మాతరం పితరం దక్షం భవిష్యతి సురేశ్వరీ || ౧౮౪||
దివ్యా హైమవతీ విష్ణో తదా త్వమపి సువ్రత |
భగినీం తవ కల్యాణీం దేవీం హైమవతీముమామ్ || ౧౮౫||
నియోగాద్బ్రహ్మణః సాధ్వీం ప్రదాస్యసి మమైవ తామ్ |
మత్సమ్బన్ధీ చ లోకానాం మధ్యే పూజ్యో భవిష్యసి || ౧౮౬||
మాం దివ్యేన చ భావేన తదా ప్రభృతి శఙ్కరమ్ |
ద్రక్ష్యసే చ ప్రసన్నేన మిత్రభూతమివాత్మనా || ౧౮౭||
ఇత్యుక్త్వాన్తర్దధే రుద్రో భగవాన్నీలలోహితః |
జనార్దనోపి భగవాన్దేవానామపి సన్నిధౌ || ౧౮౮||
అయాచత మహాదేవం బ్రహ్మాణం మునిభిః సమమ్ |
మయా ప్రోక్తం స్తవం దివ్యం పద్మయోనే సుశోభనమ్ || ౧౮౯||
యః పఠేచ్ఛృణుయాద్వాపి శ్రావయేద్వా ద్విజోత్తమాన్ |
ప్రతినామ్ని హిరణ్యస్య దత్తస్య ఫలమాప్నుయాత్ || ౧౯౦||
అశ్వమేధసహస్రేణ ఫలం భవతి తస్య వై |
ఘృతాద్యైః స్నాపయేద్రుద్రం స్థాల్యా వై కలశైః శుభైః || ౧౯౧||

నామ్నాం సహస్రేణానేన శ్రద్ధయా శివమీశ్వరమ్ |
సోపి యఙ్యసహస్రస్య ఫలం లబ్ధ్వా సురేశ్వరైః || ౧౯౨||
పూజ్యో భవతి రుద్రస్య ప్రీతిర్భవతి తస్య వై |
తథాస్త్వితి తథా ప్రాహ పద్మయోనేర్జనార్దనమ్ || ౧౯౩||
జగ్మతుః ప్రణిపత్యైనం దేవదేవం జగద్గురుమ్ |
తస్మాన్నామ్నాం సహస్రేణ పూజయేదనఘో ద్విజాః || ౧౯౪||
జపీన్నామ్నాం సహస్రం చ స యాతి పరమాం గతిమ్ || ౧౯౫||

|| ఇతి శ్రీలిఙ్గమహాపురాణే పూర్వభాగే సహస్రనామభిః
పూజనాద్విష్ణుచక్రలాభో నామాష్టనవతితమోధ్యాయః ||

Mrityunjaya Sahasra Nama stotram

మృత్యుఞ్జయసహస్రనామస్తోత్రమ్


శ్రీగణేశాయ నమః |
శ్రీభైరవ ఉవాచ |
అధునా శ్రృణు దేవేశి సహస్రాఖ్యస్తవోత్తమమ్ |
మహామృత్యుఞ్జయస్యాస్య సారాత్ సారోత్తమోత్తమమ్ ||
అస్య శ్రీమహామృత్యుఞ్జసహస్రనామస్తోత్ర మన్త్రస్య|,
భైరవ ఋషిః|, ఉష్ణిక్ ఛన్దః|, శ్రీమహామృత్యుఞ్జయో దేవతా|,
ఓం బీజం|, జుం శక్తిః|, సః కీలకం|, పురుషార్థసిద్ధయే
సహస్రనామ పాఠే వినియోగః |
ధ్యానమ్
ఉద్యచ్చన్ద్రసమానదీప్తిమమృతానన్దైకహేతుం శివం
ఓంజుంసఃభువనైకసృష్టిప్రలయోద్భూత్యేకరక్షాకరమ్ |
శ్రీమత్తారదశార్ణమణ్డితతనుం త్ర్యక్షం ద్విబాహుం పరం
శ్రీమృత్యుఞ్జయమీడ్యవిక్రమగుణైః పూర్ణం హృదబ్జే భజే ||
ఓంజుంసఃహౌం మహాదేవో మన్త్రజ్ఞో మానదాయకః |
మానీ మనోరమాఙ్గశ్చ మనస్వీ మానవర్ధనః || ౧||
మాయాకర్తా మల్లరూపో మల్లో మారాన్తకో మునిః |
మహేశ్వరో మహామాన్యో మన్త్రీ మన్త్రిజనప్రియః || ౨||
మారుతో మరుతాం శ్రేష్ఠో మాసికః పక్షికోఽమృతః |
మాతఙ్గకో మత్తచిత్తో మతచిన్మత్తభావనః || ౩||
మానవేష్టప్రదో మేషో మేనకాపతివల్లభః |
మానకాయో మధుస్తేయీ మారయుక్తో జితేన్ద్రియః || ౪||
జయో విజయదో జేతా జయేశో జయవల్లభః |
డామరేశో విరూపాక్షో విశ్వభోక్తా విభావసుః || ౫||
విశ్వేశో విశ్వనాథశ్చ విశ్వసూర్విశ్వనాయకః |
వినేతా వినయీ వాదీ వాన్తదో వాక్ప్రదో వటుః || ౬||
స్థూలః సూక్ష్మోఽచలో లోలో లోలజిహ్వః కరాలకః |
విరాధేయో విరాగీనో విలాసీ లాస్యలాలసః || ౭||
లోలాక్షో లోలధీర్ధర్మీ ధనదో ధనదార్చితః |
ధనీ ధ్యేయోఽప్యధ్యేయశ్చ ధర్మ్యో ధర్మమయో దయః || ౮||
దయావాన్ దేవజనకో దేవసేవ్యో దయాపతిః |
డులిచక్షుర్దరీవాసో దమ్భీ దేవమయాత్మకః || ౯||
కురూపః కీర్తిదః కాన్తః క్లీవోఽక్లీవాత్మకః కుజః |
బుధో విద్యామయః కామీ కామకాలాన్ధకాన్తకః || ౧౦||
జీవో జీవప్రదః శుక్రః శుద్ధః శర్మప్రదోఽనఘః |
శనైశ్చరో వేగగతిర్వాచాలో రాహురవ్యయః || ౧౧||
కేతుః కారాపతిః కాలః సూర్యోఽమితపరాక్రమః |
చన్ద్రో రుద్రపతిః భాస్వాన్ భాగ్యదో భర్గరూపభృత్ || ౧౨||
క్రూరో ధూర్తో వియోగీ చ సఙ్గీ గఙ్గాధరో గజః |
గజాననప్రియో గీతో గానీ స్నానార్చనప్రియః || ౧౩||
పరమః పీవరాఙ్గశ్చ పార్వతీవల్లభో మహాన్ |
పరాత్మకో విరాడ్ధౌమ్యః వానరోఽమితకర్మకృత్ || ౧౪||
చిదానన్దీ చారురూపో గారుడో గరుడప్రియః |
నన్దీశ్వరో నయో నాగో నాగాలఙ్కారమణ్డితః || ౧౫||
నాగహారో మహానాగో గోధరో గోపతిస్తపః |
త్రిలోచనస్త్రిలోకేశస్త్రిమూర్తిస్త్రిపురాన్తకః || ౧౬||
త్రిధామయో లోకమయో లోకైకవ్యసనాపహః |
వ్యసనీ తోషితః శమ్భుస్త్రిధారూపస్త్రివర్ణభాక్ || ౧౭||
త్రిజ్యోతిస్త్రిపురీనాథస్త్రిధాశాన్తస్త్రిధాగతిః |
త్రిధాగుణీ విశ్వకర్తా విశ్వభర్తాఽఽధిపూరుషః || ౧౮||
ఉమేశో వాసుకిర్వీరో వైనతేయో విచారకృత్ |
వివేకాక్షో విశాలాక్షోఽవిధిర్విధిరనుత్తమః || ౧౯||
విద్యానిధిః సరోజాక్షో నిఃస్మరః స్మరనాశనః |
స్మృతిమాన్ స్మృతిదః స్మార్తో బ్రహ్మా బ్రహ్మవిదాం వరః || ౨౦||
బ్రాహ్మవ్రతీ బ్రహ్మచారీ చతురశ్చతురాననః |
చలాచలోఽచలగతిర్వేగీ వీరాధిపో వరః || ౨౧||
సర్వవామః సర్వగతిః సర్వమాన్యః సనాతనః |
సర్వవ్యాపీ సర్వరూపః సాగరశ్చ సమేశ్వరః || ౨౨||
సమనేత్రః సమద్యుతిః సమకాయః సరోవరః |
సరస్వాన్ సత్యవాక్ సత్యః సత్యరూపః సుధీః సుఖీ || ౨౩||
సురాట్ సత్యః సత్యమతీ రుద్రో రౌద్రవపుర్వసుః |
వసుమాన్ వసుధానాథో వసురూపో వసుప్రదః || ౨౪||
ఈశానః సర్వదేవానామీశానః సర్వబోధినామ్ |
ఈశోఽవశేషోఽవయవీ శేషశాయీ శ్రియః పతిః || ౨౫||
ఇన్ద్రశ్చన్ద్రావతంసీ చ చరాచరజగత్స్థితిః |
స్థిరః స్థాణురణుః పీనః పీనవక్షాః పరాత్పరః || ౨౬||
పీనరూపో జటాధారీ జటాజూటసమాకులః |
పశురూపః పశుపతిః పశుజ్ఞానీ పయోనిధిః || ౨౭||
వేద్యో వైద్యో వేదమయో విధిజ్ఞో విధిమాన్ మృడః |
శూలీ శుభఙ్కరః శోభ్యః శుభకర్తా శచీపతిః || ౨౮||
శశాఙ్కధవలః స్వామీ వజ్రీ శఙ్ఖీ గదాధరః |
చతుర్భుజశ్చాష్టభుజః సహస్రభుజమణ్డితః || ౨౯||
స్రువహస్తో దీర్ఘకేశో దీర్ఘో దమ్భవివర్జితః |
దేవో మహోదధిర్దివ్యో దివ్యకీర్తిర్దివాకరః || ౩౦||
ఉగ్రరూప ఉగ్రపతిరుగ్రవక్షాస్తపోమయః |
తపస్వీ జటిలస్తాపీ తాపహా తాపవర్జితః || ౩౧||
హవిర్హరో హయపతిర్హయదో హరిమణ్డితః |
హరివాహీ మహౌజస్కో నిత్యో నిత్యాత్మకోఽనలః || ౩౨||
సమ్మానీ సంసృతిర్హారీ సర్గీ సన్నిధిరన్వయః |
విద్యాధరో విమానీ చ వైమానికవరప్రదః || ౩౩||
వాచస్పతిర్వసాసారో వామాచారీ బలన్ధరః |
వాగ్భవో వాసవో వాయుర్వాసనాబీజమణ్డితః || ౩౪||
వాసీ కోలశ్రృతిర్దక్షో దక్షయజ్ఞవినాశనః |
దాక్షో దౌర్భాగ్యహా దైత్యమర్దనో భోగవర్ధనః || ౩౫||
భోగీ రోగహరో హేయో హారీ హరివిభూషణః |
బహురూపో బహుమతిర్బహువిత్తో విచక్షణః || ౩౬||
నృత్తకృచ్చిత్తసన్తోషో నృత్తగీతవిశారదః |
శరద్వర్ణవిభూషాఢ్యో గలదగ్ధోఽఘనాశనః || ౩౭||
నాగీ నాగమయోఽనన్తోఽనన్తరూపః పినాకభృతః |
నటనో హాటకేశానో వరీయాంశ్చ వివర్ణభృత్ || ౩౮||
ఝాఙ్కారీ టఙ్కహస్తశ్చ పాశీ శార్ఙ్గీ శశిప్రభః |
సహస్రరూపో సమగుః సాధూనామభయప్రదః || ౩౯||
సాధుసేవ్యః సాధుగతిః సేవాఫలప్రదో విభుః |
సుమహా మద్యపో మత్తో మత్తమూర్తిః సుమన్తకః || ౪౦||
కీలీ లీలాకరో లాన్తః భవబన్ధైకమోచనః |
రోచిష్ణుర్విష్ణురచ్యుతశ్చూతనో నూతనో నవః || ౪౧||
న్యగ్రోధరూపో భయదో భయహాఽభీతిధారణః |
ధరణీధరసేవ్యశ్చ ధరాధరసుతాపతిః || ౪౨||
ధరాధరోఽన్ధకరిపుర్విజ్ఞానీ మోహవర్జితః |
స్థాణుకేశో జటీ గ్రామ్యో గ్రామారామో రమాప్రియః || ౪౩||
ప్రియకృత్ ప్రియరూపశ్చ విప్రయోగీ ప్రతాపనః |
ప్రభాకరః ప్రభాదీప్తో మన్యుమాన్ అవనీశ్వరః || ౪౪||
తీక్ష్ణబాహుస్తీక్ష్ణకరస్తీక్ష్ణాంశుస్తీక్ష్ణలోచనః |
తీక్ష్ణచిత్తస్త్రయీరూపస్త్రయీమూర్తిస్త్రయీతనుః || ౪౫||
హవిర్భుగ్ హవిషాం జ్యోతిర్హాలాహలో హలీపతిః |
హవిష్మల్లోచనో హాలామయో హరితరూపభృత్ || ౪౬||
మ్రదిమాఽఽమ్రమయో వృక్షో హుతాశో హుతభుగ్ గుణీ |
గుణజ్ఞో గరుడో గానతత్పరో విక్రమీ క్రమీ || ౪౭||
క్రమేశ్వరః క్రమకరః క్రమికృత్ క్లాన్తమానసః |
మహాతేజా మహామారో మోహితో మోహవల్లభః || ౪౮||
మహస్వీ త్రిదశో బాలో బాలాపతిరఘాపహః |
బాల్యో రిపుహరో హాహీ గోవిర్గవిమతోఽగుణః || ౪౯||
సగుణో విత్తరాడ్ వీర్యో విరోచనో విభావసుః |
మాలామయో మాధవశ్చ వికర్తనో వికత్థనః || ౫౦||
మానకృన్ముక్తిదోఽతుల్యో ముఖ్యః శత్రుభయఙ్కరః |
హిరణ్యరేతాః సుభగః సతీనాథః సిరాపతిః || ౫౧||
మేఢ్రీ మైనాకభగినీపతిరుత్తమరూపభృత్ |
ఆదిత్యో దితిజేశానో దితిపుత్రక్షయఙ్కరః || ౫౨||
వసుదేవో మహాభాగ్యో విశ్వావసుర్వసుప్రియః |
సముద్రోఽమితతేజాశ్చ ఖగేన్ద్రో విశిఖీ శిఖీ || ౫౩||
గరుత్మాన్ వజ్రహస్తశ్చ పౌలోమీనాథ ఈశ్వరః |
యజ్ఞపేయో వాజపేయః శతక్రతుః శతాననః || ౫౪||
ప్రతిష్ఠస్తీవ్రవిస్రమ్భీ గమ్భీరో భావవర్ధనః |
గాయిష్ఠో మధురాలాపో మధుమత్తశ్చ మాధవః || ౫౫||
మాయాత్మా భోగినాం త్రాతా నాకినామిష్టదాయకః |
నాకీన్ద్రో జనకో జన్యః స్తమ్భనో రమ్భనాశనః || ౫౬||
శఙ్కర ఈశ్వర ఈశః శర్వరీపతిశేఖరః |
లిఙ్గాధ్యక్షః సురాధ్యక్షో వేదాధ్యక్షో విచారకః || ౫౭||
భర్గోఽనర్ఘ్యో నరేశానో నరవాహనసేవితః |
చతురో భవితా భావీ భావదో భవభీతిహా || ౫౮||
భూతేశో మహితో రామో విరామో రాత్రివల్లభః |
మఙ్గలో ధరణీపుత్రో ధన్యో బుద్ధివివర్ధనః || ౫౯||
జయీ జీవేశ్వరో జారో జాఠరో జహ్నుతాపనః |
జహ్నుకన్యాధరః కల్పో వత్సరో మాసరూపధృత్ || ౬౦||
ఋతురృభూసుతాధ్యక్షో విహారీ విహగాధిపః |
శుక్లామ్బరో నీలకణ్ఠః శుక్లో భృగుసుతో భగః || ౬౧||
శాన్తః శివప్రదోఽభేద్యోఽభేదకృచ్ఛాన్తకృత్ పతిః |
నాథో దాన్తో భిక్షురూపీ దాతృశ్రేష్ఠో విశామ్పతిః || ౬౨||
కుమారః క్రోధనః క్రోధీ విరోధీ విగ్రహీ రసః |
నీరసః సరసః సిద్ధో వృషణీ వృషఘాతనః || ౬౩||
పఞ్చాస్యః షణ్ముఖశ్చైవ విముఖః సుముఖీప్రియః |
దుర్ముఖో దుర్జయో దుఃఖీ సుఖీ సుఖవిలాసదః || ౬౪||
పాత్రీ పౌత్రీ పవిత్రశ్చ భూతాత్మా పూతనాన్తకః |
అక్షరం పరమం తత్వం బలవాన్ బలఘాతనః || ౬౫||
భల్లీ భౌలిర్భవాభావో భావాభావవిమోచనః |
నారాయణో ముక్తకేశో దిగ్దేవో ధర్మనాయకః || ౬౬||
కారామోక్షప్రదోఽజేయో మహాఙ్గః సామగాయనః |
తత్సఙ్గమో నామకారీ చారీ స్మరనిసూదనః || ౬౭||
కృష్ణః కృష్ణామ్బరః స్తుత్యస్తారావర్ణస్త్రపాకులః |
త్రపావాన్ దుర్గతిత్రాతా దుర్గమో దుర్గఘాతనః || ౬౮||
మహాపాదో విపాదశ్చ విపదం నాశకో నరః |
మహాబాహుర్మహోరస్కో మహానన్దప్రదాయకః || ౬౯||
మహానేత్రో మహాదాతా నానాశాస్త్రవిచక్షణః |
మహామూర్ధా మహాదన్తో మహాకర్ణో మహోరగః || ౭౦||
మహాచక్షుర్మహానాసో మహాగ్రీవో దిగాలయః |
దిగ్వాసా దితిజేశానో ముణ్డీ ముణ్డాక్షసూత్ర భృత్ || ౭౧||
శ్మశాననిలయోఽరాగీ మహాకటిరనూతనః |
పురాణపురుషోఽపారః పరమాత్మా మహాకరః || ౭౨||
మహాలస్యో మహాకేశో మహోష్ఠో మోహనో విరాట్ |
మహాముఖో మహాజఙ్ఘో మణ్డలీ కుణ్డలీ నటః || ౭౩||
అసపత్నః పత్రకరః పాత్రహస్తశ్చ పాటవః |
లాలసః సాలసః సాలః కల్పవృక్షశ్చ కమ్పితః || ౭౪||
కమ్పహా కల్పనాహారీ మహాకేతుః కఠోరకః |
అనలః పవనః పాఠః పీఠస్థః పీఠరూపకః || ౭౫||
పాటీనః కులిశీ పీనో మేరుధామా మహాగుణీ |
మహాతూణీరసంయుక్తో దేవదానవదర్పహా || ౭౬||
అథర్వశీర్షః సోమ్యాస్యః ఋక్సహస్రామితేక్షణః |
యజుఃసామముఖో గుహ్యో యజుర్వేదవిచక్షణః || ౭౭||
యాజ్ఞికో యజ్ఞరూపశ్చ యజ్ఞజ్ఞో ధరణీపతిః |
జఙ్గమీ భఙ్గదో భాషాదక్షోఽభిగమదర్శనః || ౭౮||
అగమ్యః సుగమః ఖర్వః ఖేటీ ఖట్వాననః నయః |
అమోఘార్థః సిన్ధుపతిః సైన్ధవః సానుమధ్యగః || ౭౯||
ప్రతాపీ ప్రజయీ ప్రాతర్మధ్యాహ్నసాయమధ్వరః |
త్రికాలజ్ఞః సుగణకః పుష్కరస్థః పరోపకృత్ || ౮౦||
ఉపకర్తాపహర్తా చ ఘృణీ రణజయప్రదః |
ధర్మీ చర్మామ్బరశ్చారురూపశ్చారువిశోషణః || ౮౧||
నక్తఞ్చరఃకాలవశీ వశీ వశివరోఽవశః |
వశ్యో వశ్యకరో భస్మశాయీ భస్మవిలేపనః || ౮౨||
భస్మాఙ్గీ మలినాఙ్గశ్చ మాలామణ్డితమూర్ధజః |
గణకార్యః కులాచారః సర్వాచారః సఖా సమః || ౮౩||
సుకురః గోత్రభిద్ గోప్తా భీమరూపో భయానకః |
అరుణశ్చైకచిన్త్యశ్చ త్రిశఙ్కుః శఙ్కుధారణః || ౮౪||
ఆశ్రమీ బ్రాహ్మణో వజ్రీ క్షత్రియః కార్యహేతుకః |
వైశ్యః శూద్రః కపోతస్థః త్వష్టా తుష్టో రుషాకులః || ౮౫||
రోగీ రోగాపహః శూరః కపిలః కపినాయకః |
పినాకీ చాష్టమూర్తిశ్చ క్షితిమాన్ ధృతిమాంస్తథా || ౮౬||
జలమూర్తిర్వాయుమూర్తిర్హుతాశః సోమమూర్తిమాన్ |
సూర్యదేవో యజమాన ఆకాశః పరమేశ్వరః || ౮౭||
భవహా భవమూర్తిశ్చ భూతాత్మా భూతభావనః |
భవః శర్వస్తథా రుద్రః పశునాథశ్చ శఙ్కరః || ౮౮||
గిరిజో గిరిజానాథో గిరీన్ద్రశ్చ మహేశ్వరః |
గిరీశః ఖణ్డహస్తశ్చ మహానుగ్రో గణేశ్వరః || ౮౯||
భీమః కపర్దీ భీతిజ్ఞః ఖణ్డపశ్చణ్డవిక్రమః |
ఖడ్గభృత్ ఖణ్డపరశుః కృత్తివాసా విషాపహః || ౯౦||
కఙ్కాలః కలనాకారః శ్రీకణ్ఠో నీలలోహితః |
గణేశ్వరో గుణీ నన్దీ ధర్మరాజో దురన్తకః || ౯౧||
భృఙ్గిరీటీ రసాసారో దయాలూ రూపమణ్డితః |
అమృతః కాలరుద్రశ్చ కాలాగ్నిః శశిశేఖరః || ౯౨||
సద్యోజాతః సువర్ణముఞ్జమేఖలీ దుర్నిమిత్తహృత్ |
దుఃస్వప్నహృత్ ప్రసహనో గుణినాదప్రతిష్ఠితః || ౯౩||
శుక్లస్త్రిశుక్లః సమ్పన్నః శుచిర్భూతనిషేవితః |
యజ్ఞరూపో యజ్ఞముఖో యజమానేష్టదః శుచిః || ౯౪||
ధృతిమాన్ మతిమాన్ దక్షో దక్షయజ్ఞవిఘాతకః |
నాగహారీ భస్మధారీ భూతిభూషితవిగ్రహః || ౯౫||
కపాలీ కుణ్డలీ భర్గః భక్తార్తిభఞ్జనో విభుః |
వృషధ్వజో వృషారూఢో ధర్మవృషవివర్ధకః || ౯౬||
మహాబలః సర్వతీర్థః సర్వలక్షణలక్షితః |
సహస్రబాహుః సర్వాఙ్గః శరణ్యః సర్వలోకకృత్ || ౯౭||
పవిత్రస్త్రికకున్మన్త్రః కనిష్ఠః కృష్ణపిఙ్గలః |
బ్రహ్మదణ్డవినిర్మాతా శతఘ్నీపాశశక్తిమాన్ || ౯౮||
పద్మగర్భో మహాగర్భో బ్రహ్మగర్భో జలోద్భవః |
దేవాసురవినిర్మాతా దేవాసురపరాయణ || ౯౯||
దేవాసురగురుర్దేవో దేవాసురనమస్కృత్ |
గుహప్రియో గణసేవ్యః పవిత్రః సర్వపావనః || ౧౦౦||
లలాటాక్షో విశ్వదేవో దమనః శ్వేతపిఙ్గలః |
విముక్తిర్ముక్తితేజస్కో భక్తానాం పరమా గతిః || ౧౦౧||
దేవాతిదేవో దేవర్షిర్దేవాసురవరప్రదః |
కైలాసగిరివాసీ చ హిమవద్గిరిసంశ్రయః || ౧౦౨||
నాథపూజ్యః సిద్ధనృత్యో నవనాథసమర్చితః |
కపర్దీ కల్పకృద్ రుద్రః సుమనా ధర్మవత్సలః || ౧౦౩||
వృషాకపిః కల్పకర్తా నియతాత్మా నిరాకులః |
నీలకణ్ఠో ధనాధ్యక్షో నాథః ప్రమథనాయకః || ౧౦౪||
అనాదిరన్తరహితో భూతిదో భూతివిగ్రహః |
సేనాకల్పో మహాకల్పో యోగో యుగకరో హరిః || ౧౦౫||
యుగరూపో మహారూపో మహాగీతో మహాగుణః |
విసర్గో లిఙ్గరూపశ్చ పవిత్రః పాపనాశనః || ౧౦౬||
ఈడ్యో మహేశ్వరః శమ్భుర్దేవసింహో నరర్షభః |
విబుధోఽగ్రవరః సూక్ష్మః సర్వదేవస్తపోమయః || ౧౦౭||
సుయుక్తః శోభనో వజ్రీ దేవానాం ప్రభవోఽవ్యయః |
గుహః కాన్తో నిజసర్గః పవిత్రః సర్వపావనః || ౧౦౮||
శృఙ్గీ శృఙ్గప్రియో బభ్రూ రాజరాజో నిరామయః |
దేవాసురగణాధ్యక్షో నియమేన్ద్రియవర్ధనః || ౧౦౯||
త్రిపురాన్తకః శ్రీకణ్ఠస్త్రినేత్రః పఞ్చవక్త్రకః |
కాలహృత్ కేవలాత్మా చ ఋగ్యజుఃసామవేదవాన్ || ౧౧౦||
ఈశానః సర్వభూతామీశ్వరః సర్వరక్షసామ్ |
బ్రహ్మాధిపతిర్బ్రహ్మపతిర్బ్రహ్మణోఽధిపతిస్తథా || ౧౧౧||
బ్రహ్మా శివః సదానన్దీ సదానన్తః సదాశివః |
మేఅస్తురూపశ్చార్వఙ్గో గాయత్రీరూపధారణః || ౧౧౨||
అఘోరేభ్యోఽథఘోరేభ్యో ఘోరఘోరతరేభ్యశ్చ |
సర్వతః శర్వసర్వేభ్యో నమస్తే రుద్రరూపేభ్యః || ౧౧౩||
వామదేవస్తథా జ్యేష్ఠః శ్రేష్ఠః కాలః కరాలకః |
మహాకాలో భైరవేశో వేశీ కలవికరణః || ౧౧౪||
బలవికరణో బాలో బలప్రమథనస్తథా |
సర్వభూతాదిదమనో దేవదేవో మనోన్మనః || ౧౧౫||
సద్యోజాతం ప్రపద్యామి సద్యోజాతాయ వై నమః |
భవే భవే నాతిభవే భజస్వ మాం భవోద్భవః || ౧౧౬||
భావనో భవనో భావ్యో బలకారీ పరం జ్ఞానం పరాత్పరః || ౧౧౭||
పారావారః పలాశీ చ మాంసాశీ వైష్ణవోత్తమః |
ఓంఐంహ్రీంశ్రీంహ్సౌః దేవో ఓంశ్రీంహౌం భైరవోత్తమః || ౧౧౮||
ఓంహ్రాం నమః శివాయేతి మన్త్రో వటుర్వరాయుధః |
ఓంహ్రీం సదాశివః ఓంహ్రీం ఆపదుద్ధారణో మనుః || ౧౧౯||
ఓంహ్రీం మహాకరాలాస్యః ఓంహ్రీం బటుకభైరవః |
భగవాంస్త్ర్యమ్బక ఓంహ్రీం ఓంహ్రీం చన్ద్రార్ధశేఖరః || ౧౨౦||
ఓంహ్రీం సఞ్జటిలో ధూమ్రో ఓంహ్రీం త్రిపురఘాతనః |
హ్రాంహ్రీంహ్రుం హరివామాఙ్గ ఓంహ్రీంహ్రూంహ్రీం త్రిలోచనః || ౧౨౧||
ఓం వేదరూపో వేదజ్ఞ ఋగ్యజుఃసామమూర్తిమాన్ |
రుద్రో ఘోరరవోఽఘోరో ఓం క్ష్మ్యూం అఘోరభైరవః || ౧౨౨||
ఓంజుంసః పీయుషసక్తోఽమృతాధ్యక్షోఽమృతాలసః |
ఓం త్ర్యమ్బకం యజామహే సుగన్ధిం పుష్టివర్ధనమ్ || ౧౨౩||
ఉర్వారుకమివ బన్ధనాన్మృత్యోర్ముక్షీయ మామృతాత్ |
ఓంహౌంజుంసః ఓంభూర్భువః స్వః ఓంజుంసః మృత్యుఞ్జయః || ౧౨౪||
ఇదం నామ్నాం సహస్రం తు రహస్యం పరమాద్భుతమ్ |
సర్వస్వం నాకినాం దేవి జన్తూనాం భువి కా కథా || ౧౨౫||
తవ భక్త్యా మయాఖ్యాతం త్రిషు లోకేషు దుర్లభమ్ |
గోప్యం సహస్రనామేదం సాక్షాదమృతరూపకమ్ || ౧౨౬||
యః పఠేత్ పాఠయేద్వాపి శ్రావయేచ్ఛృణుయాత్ తథా |
మృత్యుఞ్జస్య దేవస్య ఫలం తస్య శివే శ్రృణు || ౧౨౭||
లక్ష్మ్యా కృష్ణో ధియా జీవో ప్రతాపేన దివాకరః |
తేజసా వహ్నిదేవస్తు కవిత్వే చైవ భార్గవః || ౧౨౮||
శౌర్యేణ హరిసఙ్కాశో నీత్యా ద్రుహిణసన్నిభః |
ఈశ్వరత్వేన దేవేశి మత్సమః కిమతః పరమ్ || ౧౨౯||
యః పఠేదర్ధరాత్రే చ సాధకో ధైర్యసంయుతః |
పఠేత్ సహస్రనామేదం సిద్ధిమాప్నోతి సాధకః || ౧౩౦||
చతుష్పథే చైకలిఙ్గే మరుదేశే వనేఽజనే |
శ్మశానే ప్రాన్తరే దుర్గే పాఠాత్ సిద్ధిర్న సంశయః || ౧౩౧||
నౌకాయాం చౌరసఙ్ఘే చ సఙ్కటే ప్రాణసంక్షయే |
యత్ర యత్ర భయే ప్రాప్తే విషవహ్నిభయాదిషు || ౧౩౨||
పఠేత్ సహస్రనామాశు ముచ్యతే నాత్ర సంశయః |
భౌమావస్యాం నిశీథే చ గత్వా ప్రేతాలయం సుధీః || ౧౩౩||
పఠిత్వా స భవేద్ దేవి సాక్షాదిన్ద్రోఽర్చితః సురైః |
శనౌ దర్శదినే దేవి నిశాయాం సరితస్తటే || ౧౩౪||
పఠేన్నామసహస్రం వై జపేదష్టోత్తరం శతమ్ |
సుదర్శనో భవేదాశు మృత్యుఞ్జయప్రసాదతః || ౧౩౫||
దిగమ్బరో ముక్తకేశః సాధకో దశధా పఠేత్ |
ఇహ లోకే భవేద్రాజా పరే ముక్తిర్భవిష్యతి || ౧౩౬||
ఇదం రహస్యం పరమం భక్త్యా తవ మయోదితమ్ |
మన్త్రగర్భం మనుమయం న చాఖ్యేయం దురాత్మనే || ౧౩౭||
నో దద్యాత్ పరశిష్యేభ్యః పుత్రేభ్యోఽపి విశేషతః |
రహస్యం మమ సర్వస్వం గోప్యం గుప్తతరం కలౌ || ౧౩౮||
షణ్ముఖస్యాపి నో వాచ్యం గోపనీయం తథాత్మనః |
దుర్జనాద్ రక్షణీయం చ పఠనీయమహర్నిశమ్ || ౧౩౯||
శ్రోతవ్యం సాధకముఖాద్రక్షణీయం స్వపుత్రవత్ |

|| ఇతి శ్రీరుద్రయామలే తన్త్రే శ్రీదేవీరహస్యే
మృత్యుఞ్జయసహస్రనామం సమ్పూర్ణమ్ ||

Rudra Kavacham

రుద్రకవచమ్ ( స్కందపురాణ )

        || అథ శ్రీ రుద్రకవచమ్ ||
ఓం అస్య శ్రీ రుద్ర కవచ స్తోత్ర మహా మంత్రస్య,
దూర్వాసఋషిః అనుష్ఠుప్ ఛందః త్ర్యంబక రుద్రో దేవతా
హ్రామ్ బీజమ్ శ్రీమ్ శక్తిః హ్రీమ్ కీలకమ్;
మమ మనసోభీష్టసిద్ధ్యర్థే జపే వినియోగః ||

హ్రామిత్యాదిషడ్బీజైః షడంగన్యాసః ||

          || ధ్యానమ్ ||
శాంతమ్ పద్మాసనస్థమ్ శశిధరమకుటమ్ పంచవక్త్రమ్ త్రినేత్రమ్
శూలమ్ వజ్రంచ ఖడ్గమ్ పరశుమభయదమ్ దక్షభాగే మహన్తమ్ |
నాగమ్ పాశమ్ చ ఘంటామ్ ప్రళయ హుతవహమ్ సాంకుశమ్ వామభాగే
 నానాలంకారయుక్తమ్ స్ఫటికమణినిభమ్ పార్వతీశమ్ నమామి ||

          || దూర్వాస ఉవాచ ||
ప్రణమ్య శిరసా దేవమ్ స్వయంభు పరమేశ్వరమ్ |
ఏకమ్ సర్వగతమ్ దేవమ్ సర్వదేవమయమ్ విభుమ్ |
రుద్ర వర్మ ప్రవక్ష్యామి అంగ ప్రాణస్య రక్షయే |
అహోరాత్రమయమ్ దేవమ్ రక్షార్థమ్ నిర్మితమ్ పురా ||

అథ రుద్ర కవచమ్
రుద్రో మే చాగ్రతః పాతు పాతు పార్శ్వౌహరస్తథా |
శిరోమే ఈశ్వరః పాతు లలాటమ్ నీలలోహితః ||

నేత్రయోస్త్ర్యంబకః పాతు ముఖమ్ పాతు మహేశ్వరః |
కర్ణయోః పాతు మే శంభుః నాసికాయామ్ సదాశివః ||

వాగీశః పాతు మే జిహ్వామ్ ఓష్ఠౌ పాత్వంబికాపతిః |
శ్రీకణ్ఠః పాతు మే గ్రీవామ్ బాహో చైవ పినాకధృత్ ||

హృదయమ్ మే మహాదేవః ఈశ్వరోవ్యాత్ స్సనాన్తరమ్ |
నాభిమ్ కటిమ్ చ వక్షశ్చ పాతు సర్వమ్ ఉమాపతిః ||

బాహుమధ్యాన్తరమ్ చైవ సూక్ష్మ రూపస్సదాశివః |
స్వరంరక్షతు మేశ్వరో గాత్రాణి చ యథా క్రమమ్ ||

వజ్రమ్ చ శక్తిదమ్ చైవ పాశాంకుశధరమ్ తథా |
గణ్డశూలధరాన్నిత్యమ్ రక్షతు త్రిదశేశ్వరః ||

ప్రస్తానేషు పదే చైవ వృక్షమూలే నదీతటే|
సంధ్యాయామ్ రాజభవనే విరూపాక్షస్తు పాతు మామ్ ||

శీతోష్ణా దథకాలేషు తుహినద్రుమకంటకే |
నిర్మనుష్యే సమే మార్గే పాహి మామ్ వృషభధ్వజ ||

ఫలశృతిః-
ఇత్యేతద్ద్రుద్రకవచమ్ పవిత్రమ్ పాపనాశనమ్ |
మహాదేవ ప్రసాదేన దూర్వాస మునికల్పితమ్ |
మమాఖ్యాతమ్ సమాసేన నభయమ్ తేనవిద్యతే |
ప్రాప్నోతి పరమ ఆరోగ్యమ్ పుణ్యమాయుష్యవర్ధనమ్
విద్యార్థీ లభతే విద్యామ్ ధనార్థీ లభతే ధనమ్ |
కన్యార్థీ లభతే కన్యామ్ నభయ విన్దతే క్వచిత్ |
అపుత్రో లభతే పుత్రమ్ మోక్షార్థీ మోక్ష మాప్నుయాత్ |
త్రాహి త్రాహి మహాదేవ త్రాహి త్రాహి త్రయీమయ |
త్రాహిమామ్ పార్వతీనాథ త్రాహిమామ్ త్రిపురంతక
పాశమ్ ఖట్వాంగ దివ్యాస్త్రమ్ త్రిశూలమ్ రుద్రమేవచ |
నమస్కరోమి దేవేశ త్రాహిమామ్ జగదీశ్వర |
శత్రు మధ్యే సభామధ్యే గ్రామమధ్యే గృహాన్తరే |
గమనేగమనే చైవ త్రాహిమామ్ భక్తవత్సల |
త్వమ్ చిత్వమాదితశ్చైవ త్వమ్ బుద్ధిస్త్వమ్ పరాయణమ్ |
కర్మణామనసా చైవ త్వంబుద్ధిశ్చ యథా సదా |
సర్వ జ్వర భయమ్ ఛిన్ది సర్వ శత్రూన్నివక్త్యాయ |
సర్వ వ్యాధినివారణమ్ రుద్రలోకమ్ సగచ్ఛతి
రుద్రలోకమ్ సగచ్ఛత్యోన్నమః ||

|| ఇతి స్కందపురాణే దూర్వాస ప్రోక్తమ్ రుద్రకవచమ్ సంపూర్ణమ్ ||

Dakshinamurthi Navaratna malika stotram

దక్షిణామూర్తి నవరత్నమాలికా స్తోత్రమ్


|| శ్రీ దక్షిణామూర్తి నవరత్నమాలికా స్తోత్రమ్ ||

మూలేవటస్య మునిపుఙ్గవసేవ్యమానం
   ముద్రావిశేషముకులీకృతపాణిపద్మమ్ |
మన్దస్మితం మధురవేషముదారమాద్యం
   తేజస్తదస్తు హృది మే తరుణేన్దుచూడమ్ || ౧||

శాన్తం శారదచన్ద్రకాన్తిధవళం చన్ద్రాభిరమాననం
   చన్ద్రార్కోపమకాన్తికుణ్డలధరం చన్ద్రావదాతాంశుకమ్ |
వీణాపుస్తకమక్షసూత్రవలయం వ్యాఖ్యానముద్రాంకరై
   ర్బిభ్రాణం కలయే హృదా మమ సదా శాస్తారమిష్టార్థదమ్ || ౨||

కర్పూరపాత్రమరవిన్దదళాయతాక్షం
   కర్పూరశీతలహృదం కరుణావిలాసమ్ |
చన్ద్రార్ధశేఖరమనన్తగుణాభిరామ
   మిన్ద్రాదిసేవ్యపదపఙ్కజమీశమీడే || ౩||

ద్యుద్రోధః స్వర్ణమయాసనస్థం
   ముద్రోల్లసద్బాహుముదారకాయమ్ |
సద్రోహిణీనాథకళావతంసం
   భద్రోదధిం కఞ్చన చిన్తయామః || ౪||

ఉద్యద్భాస్కరసన్నిభం త్రిణయనం శ్వేతాఙ్గరాగప్రభం
   బాలం మౌఞ్జిధరం ప్రసన్నవదనం న్యగ్రోధమూలేస్థితమ్ |
పిఙ్గాక్షం మృగశావకస్థితికరం సుబ్రహ్మసూత్రాకృతిమ్
   భక్తానామభయప్రదం భయహరం శ్రీదక్షిణామూర్తికమ్ || ౫||

శ్రీకాన్తద్రుహిణోపమన్యు తపన స్కన్దేన్ద్రనన్ద్యాదయః
   ప్రాచీనాగురవోఽపియస్య కరుణాలేశాద్గతాగౌరవమ్ |
తం సర్వాదిగురుం మనోజ్ఞవపుషం మన్దస్మితాలఙ్కృతం
   చిన్ముద్రాకృతిముగ్ధపాణినళినం చిత్తం శివం కుర్మహే || ౬||

కపర్దినం చన్ద్రకళావతంసం
   త్రిణేత్రమిన్దుపతిమాననోజ్వలమ్ |
చతుర్భుజం జ్ఞానదమక్షసూత్ర
   పుస్తాగ్నిహస్తం హృది భావయేచ్ఛివమ్ || ౭||

వామోరూపరిసంస్థితాం గిరిసుతామన్యోన్యమాలింగితాం
   శ్యామాముత్పలధారిణీ శశినిభాంచాలోకయన్తం శివమ్ |
ఆశ్లిష్టేన కరేణ పుస్తకమధో కుంభం సుధాపూరితం
   ముద్రాం జ్ఞానమయీం దధానమపరైర్ముక్తాక్షమాలాం భజే || ౮||

వటతరునికటనివాసం పటుతరవిజ్ఞానముద్రితకరాబ్జమ్ |
కఞ్చనదేశికమాద్యం కైవల్యానన్దకన్దళం వన్దే || ౯||

ఇతి శ్రీ దక్షిణామూర్తి నవరత్నమాలా స్తోత్రం సంపూర్ణమ్

DaaridryadukhaDahana Shiva Stotram

॥ దారిద్ర్య దహన శివస్తోత్రం ॥
విశ్వేశ్వరాయ నరకార్ణవ తారణాయ 
కర్ణామృతాయ శశిశేఖరధారణాయ ।
కర్పూరకాన్తిధవలాయ జటాధరాయ 
దారిద్ర్య దుఃఖదహనాయ నమః శివాయ ॥ ౧॥

గౌరీప్రియాయ రజనీశకలాధరాయ 
కాలాన్తకాయ భుజగాధిపకఙ్కణాయ ।
గంగాధరాయ గజరాజవిమర్దనాయ
దారిద్ర్య దుఃఖదహనాయ నమః శివాయ ॥ ౨॥

భక్తిప్రియాయ భవరోగభయాపహాయ
ఉగ్రాయ దుర్గభవసాగరతారణాయ ।
జ్యోతిర్మయాయ గుణనామసునృత్యకాయ 
దారిద్ర్య దుఃఖదహనాయ నమః శివాయ ॥ ౩॥

చర్మాంబరాయ శవభస్మవిలేపనాయ 
భాలేక్షణాయ మణికుణ్డలమణ్డితాయ ।
మంజీరపాదయుగలాయ జటాధరాయ 
దారిద్ర్య దుఃఖదహనాయ నమః శివాయ ॥ ౪॥

పఞ్చాననాయ ఫణిరాజవిభూషణాయ 
హేమాంశుకాయ భువనత్రయమణ్డితాయ ।
ఆనన్దభూమివరదాయ తమోమయాయ
దారిద్ర్య దుఃఖదహనాయ నమః శివాయ ॥ ౫॥

భానుప్రియాయ భవసాగరతారణాయ
కాలాన్తకాయ కమలాసనపూజితాయ ।
నేత్రత్రయాయ శుభలక్షణ లక్షితాయ 
దారిద్ర్య దుఃఖదహనాయ నమః శివాయ ॥ ౬॥

రామప్రియాయ రఘునాథవరప్రదాయ
నాగప్రియాయ నరకార్ణవతారణాయ ।
పుణ్యేషు పుణ్యభరితాయ సురార్చితాయ 
దారిద్ర్య దుఃఖదహనాయ నమః శివాయ ॥ ౭॥

ముక్తేశ్వరాయ ఫలదాయ గణేశ్వరాయ 
గీతప్రియాయ వృషభేశ్వరవాహనాయ ।
మాతఙ్గచర్మవసనాయ మహేశ్వరాయ 
దారిద్ర్య దుఃఖదహనాయ నమః శివాయ ॥ ౮॥

          వసిష్ఠేన కృతం స్తోత్రం సర్వరోగనివారణం ।
          సర్వసంపత్కరం శీఘ్రం పుత్రపౌత్రాదివర్ధనమ్ ।
          త్రిసంధ్యం యః పఠేన్నిత్యం స హి స్వర్గమవాప్నుయాత్ ॥ ౯॥
॥ ఇతి శ్రీవసిష్ఠవిరచితం దారిద్ర్యదహనశివస్తోత్రం సమ్పూర్ణమ్ ॥

Chandra shekharashtakam

చన్ద్రశేఖరాష్టకం

చన్ద్రశేఖర చన్ద్రశేఖర       చన్ద్రశేఖర పాహిమామ్ ।
చన్ద్రశేఖర చన్ద్రశేఖర       చన్ద్రశేఖర రక్షమామ్ ॥ ౧॥
రత్నసానుశరాసనం రజతాదిశృఙ్గనికేతనం
    సిఞ్జినీకృతపన్నగేశ్వరమచ్యుతాననసాయకమ్ ।
క్షిప్రదఘపురత్రయం త్రిదివాలయైభివన్దితం
    చన్ద్రశేఖరమాశ్రయే మమ కిం కరిష్యతి  వై యమః ॥ ౨॥
పఞ్చపాదపపుష్పగన్ధపదామ్బుజదూయశోభితం
    భాలలోచనజాతపావకదగ్ధమన్మథవిగ్రహం ।
భస్మదిగ్ధకలేవరం భవనాశనం భవమవ్యయం
    చన్ద్రశేఖర చన్ద్రశేఖర చన్ద్రశేఖర రక్షమామ్ ॥ ౩॥
మత్త్వారణముఖ్యచర్మకృతోత్తరీమనోహరం
    పఙ్కజాసనపద్మలోచనపుజితాఙ్ఘ్రిసరోరుహమ్ ।
దేవసిన్ధుతరఙ్గసీకర సిక్తశుభ్రజటాధరం
    చన్ద్రశేఖర చన్ద్రశేఖర చన్ద్రశేఖర రక్షమామ్ ॥ ౪॥
యక్షరాజసఖం భగాక్షహరం భుజఙ్గవిభూషణం
    శైలరాజసుతా పరిష్కృత చారువామకలేవరమ్ ।
క్ష్వేడనీలగలం పరశ్వధధారిణం మృగధారిణం
    చన్ద్రశేఖర చన్ద్రశేఖర చన్ద్రశేఖర రక్షమామ్ ॥ ౫॥
కుణ్డలీకృతకుణ్డలేశ్వరకుణ్డలం వృషవాహనం
    నారదాదిమునీశ్వరస్తుతవైభవం భువనేశ్వరమ్ ।
అన్ధకాన్ధకామా శ్రితా మరపాదపం శమనాన్తకం
    చన్ద్రశేఖర చన్ద్రశేఖర చన్ద్రశేఖర రక్షమామ్ ॥ ౬॥
భషజం భవరోగిణామఖిలాపదామపహారిణం
    దక్షయజ్ఞర్వినాశనం త్రిగుణాత్మకం త్రివిలోచనమ్ ।
భుక్తిముక్తఫలప్రదం సకలాఘసఙ్ఘనివర్హనం
    చన్ద్రశేఖర చన్ద్రశేఖర చన్ద్రశేఖర రక్షమామ్ ॥ ౭॥
భక్త వత్సలమచిఞ్తం నిధిమక్షయం హరిదమ్వరం
    సర్వభూతపతిం పరాత్పర ప్రమేయమనుత్తమమ్ ।
సోమవారిజ భూహుతాశనసోమపానిలఖాకృతిం
    చన్ద్రశేఖర చన్ద్రశేఖర చన్ద్రశేఖర రక్షమామ్ ॥ ౮॥
విశ్వసృష్టివిధాలినం పునరేవ పాలనతత్పరం
    సంహరన్తమపి ప్రపఞ్చమ శేషలోకనివాసినమ్ ।
క్రిడయన్తమహర్నిశం గణనాథయూథ సమన్వితం
    చన్ద్రశేఖర చన్ద్రశేకర చన్ద్రశేకర రక్షమామ్ ॥ ౯॥
మృత్యుభీతమృకణ్డసూనుకృతస్తవ శివ సన్నిధౌ
    యత్ర కుత్ర చ పఠేన్నహి తస్య మృత్యుభయం భవేత్ ।
పూర్ణమాయురరోగితామఖిలాథ సమ్పదమాదరం
    చన్ద్రశేఖర ఏవ తస్య దదాతి ముక్తిమయత్నతః ॥ ౧౦॥
               ॥। ఇతి చన్ద్రశేఖరాష్టకమ్ ॥

BilvastottaraShatastotram

బిల్వాష్టోత్తర శతస్తోత్రం
త్రిదలం త్రిగుణాకారం త్రినేత్రం చ త్రియాయుధమ్ ।
త్రిజన్మ పాపసంహారమ్ ఏక బిల్వం శివార్పణమ్ ॥ ౧॥
త్రిశాఖైః బిల్వ పత్రైశ్చ అశ్ఛిద్రైః కోమలైః శుభైః ।
తవ పూజాం కరిష్యామి ఏక బిల్వం శివార్పణమ్ ॥ ౨॥
సర్వత్రైలోక్య కర్తారం సర్వత్రైలోక్య పాలనమ్ ।
సర్వత్రైలోక్య హర్తారమ్ ఏక బిల్వం శివార్పణమ్ ॥ ౩॥
నాగాధిరాజవలయం నాగహారేణభూషితమ్ ।
నాగకుండలసంయుక్తమ్ ఏక బిల్వం శివార్పణమ్ ॥ ౪॥
అక్షమాలాధరం రుద్రం పార్వతీ ప్రియవల్లభమ్ ।
చన్ద్రశేఖరమీశానమ్ ఏక బిల్వం శివార్పణమ్ ॥ ౫॥
త్రిలోచనం దశభుజం దుర్గాదేహార్ధధారిణమ్।
విభూత్యభ్యర్చితం దేవం ఏక బిల్వం శివార్పణమ్ ॥ ౬॥
త్రిశూలధారిణం దేవం నాగాభరణసున్దరమ్ ।
చన్ద్రశేఖరమీశానమ్ ఏక బిల్వం శివార్పణమ్ ॥ ౭॥
గఙ్గాధరామ్బికానాథం ఫణికుణ్డలమణ్డితమ్ ।
కాలకాలం గిరీశం చ ఏక బిల్వం శివార్పణమ్ ॥ ౮॥
శుద్ధస్ఫటిక సంకాశం శితికంఠం కృపానిధిమ్ ।
సర్వేశ్వరం సదాశాన్తమ్ ఏక బిల్వం శివార్పణమ్ ॥ ౯॥
సచ్చిదానన్దరూపం చ పరానన్దమయం శివమ్ ।
వాగీశ్వరం చిదాకాశం ఏక బిల్వం శివార్పణమ్ ॥ ౧౦॥
శిపివిష్టం సహస్రాక్షం కైలాసాచలవాసినమ్ ।
హిరణ్యబాహుం సేనాన్యమ్ ఏక బిల్వం శివార్పణమ్ ॥ ౧౧॥
అరుణం వామనం తారం వాస్తవ్యం చైవ వాస్తవమ్ ।
జ్యేష్టం కనిష్ఠం గౌరీశమ్ ఏక బిల్వం శివార్పణమ్ ॥ ౧౨॥
హరికేశం సనన్దీశమ్ ఉచ్ఛైర్ఘోషం సనాతనమ్ ।
అఘోరరూపకం కుంభమ్ ఏక బిల్వం శివార్పణమ్ ॥ ౧౩॥
పూర్వజావరజం యామ్యం సూక్ష్మ తస్కరనాయకమ్ ।
నీలకంఠం జఘంన్యంచ ఏక బిల్వం శివార్పణమ్ ॥ ౧౪॥
సురాశ్రయం విషహరం వర్మిణం చ వరూధినమ్
మహాసేనం మహావీరమ్ ఏక బిల్వం శివార్పణమ్ ॥ ౧౫॥
కుమారం కుశలం కూప్యం వదాన్యఞ్చ మహారధమ్ ।
తౌర్యాతౌర్యం చ దేవ్యం చ ఏక బిల్వం శివార్పణమ్ ॥ ౧౬॥
దశకర్ణం లలాటాక్షం పఞ్చవక్త్రం సదాశివమ్ ।
అశేషపాపసంహారమ్ ఏక బిల్వం శివార్పణమ్ ॥ ౧౭॥
నీలకణ్ఠం జగద్వంద్యం దీననాథం మహేశ్వరమ్ ।
మహాపాపసంహారమ్ ఏక బిల్వం శివార్పణమ్ ॥ ౧౮॥
చూడామణీకృతవిభుం వలయీకృతవాసుకిమ్ ।
కైలాసవాసినం భీమమ్ ఏక బిల్వం శివార్పణమ్ ॥ ౧౯॥
కర్పూరకుందధవలం నరకార్ణవతారకమ్ ।
కరుణామృతసింధుం చ ఏక బిల్వం శివార్పణమ్ ॥ ౨౦॥
మహాదేవం మహాత్మానం భుజఙ్గాధిప కఙ్కణమ్ ।
మహాపాపహరం దేవమ్ ఏక బిల్వం శివార్పణమ్ ॥ ౨౧॥
భూతేశం ఖణ్డపరశుం వామదేవం పినాకినమ్ ।
వామే శక్తిధరం శ్రేష్ఠమ్ ఏక బిల్వం శివార్పణమ్ ॥ ౨౨॥
ఫాలేక్షణం విరూపాక్షం శ్రీకంఠం భక్తవత్సలమ్ ।
నీలలోహితఖట్వాఙ్గమ్ ఏక బిల్వం శివార్పణమ్ ॥ ౨౩॥
కైలాసవాసినం భీమం కఠోరం త్రిపురాన్తకమ్ ।
వృషాఙ్కం వృషభారూఢమ్ ఏక బిల్వం శివార్పణమ్ ॥ ౨౪॥
సామప్రియం సర్వమయం భస్మోద్ధూలిత విగ్రహమ్ ।
మృత్యుఞ్జయం లోకనాథమ్ ఏక బిల్వం శివార్పణమ్ ॥ ౨౫॥
దారిద్ర్యదుఃఖహరణం రవిచన్ద్రానలేక్షణమ్ ।
మృగపాణిం చన్ద్రమౌళిమ్ ఏక బిల్వం శివార్పణమ్ ॥ ౨౬॥
సర్వలోకభయాకారం సర్వలోకైకసాక్షిణమ్ ।
నిర్మలం నిర్గుణాకారమ్ ఏక బిల్వం శివార్పణమ్ ॥ ౨౭॥
సర్వతత్త్వాత్మకం సామ్బం సర్వతత్త్వవిదూరకమ్ ।
సర్వతత్త్వస్వరూపం చ ఏక బిల్వం శివార్పణమ్ ॥ ౨౮॥
సర్వలోక గురుం స్థాణుం సర్వలోకవరప్రదమ్ ।
సర్వలోకైక నేత్రం చ ఏక బిల్వం శివార్పణమ్ ॥ ౨౯॥
మన్మథోద్ధరణం శైవం భవభర్గం పరాత్మకమ్ ।
కమలాప్రియ పూజ్యంం చ ఏక బిల్వం శివార్పణమ్ ॥ ౩౦॥
తేజోమయం మహాభీమమ్ ఉమేశం భస్మలేపనమ్ ।
భవరోగవినాశం చ ఏక బిల్వం శివార్పణమ్ ॥ ౩౧॥
స్వర్గాపవర్గఫలదం రఘునాథవరప్రదమ్ ।
నగరాజసుతాకాంతమ్ ఏక బిల్వం శివార్పణమ్ ॥ ౩౨॥
మంజీరపాదయుగలం శుభలక్షణలక్షితమ్ ।
ఫణిరాజ విరాజం చ ఏక బిల్వం శివార్పణమ్ ॥ ౩౩॥
నిరామయం నిరాధారం నిస్సఙ్గం నిష్ప్రపఞ్చకమ్ ।
తేజోరూపం మహారౌద్రమ్ ఏక బిల్వం శివార్పణమ్ ॥ ౩౪॥
సర్వలోకైక పితరం సర్వలోకైక మాతరమ్ ।
సర్వలోకైక నాథం చ ఏక బిల్వం శివార్పణమ్ ॥ ౩౫॥
చిత్రామ్బరం నిరాభాసం వృషభేశ్వర వాహనమ్ ।
నీలగ్రీవం చతుర్వక్త్రమ్ ఏక బిల్వం శివార్పణమ్ ॥ ౩౬॥
రత్నకఞ్చుకరత్నేశం రత్నకుణ్డల మణ్డితమ్ ।
నవరత్న కిరీటం చ ఏక బిల్వం శివార్పణమ్ ॥ ౩౭॥
దివ్యరత్నాఙ్గులీ స్వర్ణం కణ్ఠాభరణభూషితమ్ ।
నానారత్నమణిమయమ్ ఏక బిల్వం శివార్పణమ్ ॥ ౩౮॥
రత్నాఙ్గులీయ విలసత్కరశాఖానఖప్రభమ్ ।
భక్తమానస గేహం చ ఏక బిల్వం శివార్పణమ్ ॥ ౩౯॥
వామాఙ్గభాగ విలసదమ్బికా వీక్షణప్రియమ్ ।
పుణ్డరీకనిభాక్షం చ ఏక బిల్వం శివార్పణమ్ ॥ ౪౦॥
సమ్పూర్ణకామదం సౌఖ్యం భక్తేష్టఫలకారణమ్ ।
సౌభాగ్యదం హితకరమ్ ఏక బిల్వం శివార్పణమ్ ॥ ౪౧॥
నానాశాస్త్రగుణోపేతం స్ఫురన్మంగల విగ్రహమ్ ।
విద్యావిభేదరహితమ్ ఏక బిల్వం శివార్పణమ్ ॥ ౪౨॥
అప్రమేయగుణాధారం వేదకృద్రూప విగ్రహమ్ ।
ధర్మాధర్మ ప్రవృత్తం చ ఏక బిల్వం శివార్పణమ్ ॥ ౪౩॥
గౌరీవిలాససదనం జీవజీవపితామహమ్ ।
కల్పాన్తభైరవం శుభ్రమ్ ఏక బిల్వం శివార్పణమ్ ॥ ౪౪॥
సుఖదం సుఖనాశం చ దుఃఖదం దుఃఖనాశనమ్ ।
దుఃఖావతారం భద్రం చ ఏక బిల్వం శివార్పణమ్ ॥ ౪౫॥
సుఖరూపం రూపనాశం సర్వధర్మ ఫలప్రదమ్ ।
అతీంద్రియం మహామాయమ్ ఏక బిల్వం శివార్పణమ్ ॥ ౪౬॥
సర్వపక్షిమృగాకారం సర్వపక్షిమృగాధిపమ్ ।
సర్వపక్షిమృగాధారమ్ ఏక బిల్వం శివార్పణమ్ ॥ ౪౭॥
జీవాధ్యక్షం జీవవంద్యం జీవజీవనరక్షకమ్ ।
జీవకృజ్జీవహరణమ్ ఏక బిల్వం శివార్పణమ్ ॥ ౪౮॥
విశ్వాత్మానం విశ్వవంద్యం వజ్రాత్మావజ్రహస్తకమ్ ।
వజ్రేశం వజ్రభూషం చ ఏక బిల్వం శివార్పణమ్ ॥ ౪౯॥
గణాధిపం గణాధ్యక్షం ప్రలయానలనాశకమ్ ।
జితేన్ద్రియం వీరభద్రమ్ ఏక బిల్వం శివార్పణమ్ ॥ ౫౦॥
త్ర్యమ్బకం మృడం శూరం అరిషడ్వర్గనాశనమ్ ।
దిగమ్బరం క్షోభనాశమ్ ఏక బిల్వం శివార్పణమ్ ॥ ౫౧॥
కున్దేన్దు శంఖధవలమ్ భగనేత్రభిదుజ్జ్వలమ్ ।
కాలాగ్నిరుద్రం సర్వజ్ఞమ్ ఏక బిల్వం శివార్పణమ్ ॥ ౫౨॥
కమ్బుగ్రీవం కమ్బుకంఠం ధైర్యదం ధైర్యవర్ధకమ్ ।
శార్దూలచర్మవసనమ్ ఏక బిల్వం శివార్పణమ్ ॥ ౫౩॥
జగదుత్పత్తి హేతుం చ జగత్ప్రలయకారణమ్ ।
పూర్ణానన్ద స్వరూపం చ ఏక బిల్వం శివార్పణమ్ ॥ ౫౪॥
సర్గకేశం మహత్తేజం పుణ్యశ్రవణ కీర్తనమ్ ।
బ్రహ్మాండనాయకం తారమ్ ఏక బిల్వం శివార్పణమ్ ॥ ౫౫॥
మన్దారమూలనిలయం మన్దారకుసుమప్రియమ్ ।
బృన్దారకప్రియతరమ్ ఏక బిల్వం శివార్పణమ్ ॥ ౫౬॥
మహేన్ద్రియం మహాబాహుం విశ్వాసపరిపూరకమ్ ।
సులభాసులభం లభ్యమ్ ఏక బిల్వం శివార్పణమ్ ॥ ౫౭॥
బీజాధారం బీజరూపం నిర్బీజం బీజవృద్ధిదమ్ ।
పరేశం బీజనాశం చ ఏక బిల్వం శివార్పణమ్ ॥ ౫౮॥
యుగాకారం యుగాధీశం యుగకృద్యుగనాశనమ్ ।
పరేశం బీజనాశం చ ఏక బిల్వం శివార్పణమ్ ॥ ౫౯॥
ధూర్జటిం పిఙ్గలజటం జటామణ్డలమణ్డితమ్ ।
కర్పూరగౌరం గౌరీశమ్ ఏక బిల్వం శివార్పణమ్ ॥ ౬౦॥
సురావాసం జనావాసం యోగీశం యోగిపుఙ్గవమ్ ।
యోగదం యోగినాం సింహమ్ ఏక బిల్వం శివార్పణమ్ ॥ ౬౧॥
ఉత్తమానుత్తమం తత్త్వమ్ అంధకాసురసూదనమ్ ।
భక్తకల్పద్రుమస్తోమమ్ ఏక బిల్వం శివార్పణమ్ ॥ ౬౨॥
విచిత్రమాల్యవసనం దివ్యచన్దనచర్చితమ్ ।
విష్ణుబ్రహ్మాది వంద్యం చ ఏక బిల్వం శివార్పణమ్ ॥ ౬౩॥
కుమారం పితరం దేవం శ్రితచన్ద్రకలానిధిమ్ ।
బ్రహ్మశత్రుం జగన్మిత్రమ్ ఏక బిల్వం శివార్పణమ్ ॥ ౬౪॥
లావణ్యమధురాకారం కరుణారసవారధిమ్ ।
భ్రువోర్మధ్యే సహస్రార్చిమ్ ఏక బిల్వం శివార్పణమ్ ॥ ౬౫॥
జటాధరం పావకాక్షం వృక్షేశం భూమినాయకమ్ ।
కామదం సర్వదాగమ్యమ్ ఏక బిల్వం శివార్పణమ్ ॥ ౬౬॥
శివం శాన్తం ఉమానాథం మహాధ్యానపరాయణమ్ ।
జ్ఞానప్రదం కృత్తివాసమ్ ఏక బిల్వం శివార్పణమ్ ॥ ౬౭॥
వాసుక్యురగహారం చ లోకానుగ్రహకారణమ్ ।
జ్ఞానప్రదం కృత్తివాసమ్ ఏక బిల్వం శివార్పణమ్ ॥ ౬౮॥
శశాఙ్కధారిణం భర్గం సర్వలోకైకశఙ్కరమ్ ।
శుద్ధం చ శాశ్వతం నిత్యమ్ ఏక బిల్వం శివార్పణమ్ ॥ ౬౯॥
శరణాగత దీనార్తి పరిత్రాణపరాయణమ్ ।
గమ్భీరం చ వషట్కారమ్ ఏక బిల్వం శివార్పణమ్ ॥౭౦॥
భోక్తారం భోజనం భోజ్యం జేతారం జితమానస్ ।
కరణం కారణం జిష్ణుమ్ ఏక బిల్వం శివార్పణమ్ ॥ ౭౧॥
క్షేత్రజ్ఞం క్షేత్రపాలఞ్ చ పరార్ధైకప్రయోజనమ్ ।
వ్యోమకేశం భీమవేషమ్ ఏక బిల్వం శివార్పణమ్ ॥ ౭౨॥
భవజ్ఞం తరుణోపేతం చోరిష్టం యమనాశనమ్ ।
హిరణ్యగర్భం హేమాఙ్గమ్ ఏక బిల్వం శివార్పణమ్ ॥ ౭౩॥
దక్షం చాముణ్డజనకం మోక్షదం మోక్షనాయకమ్ ।
హిరణ్యదం హేమరూపమ్ ఏక బిల్వం శివార్పణమ్ ॥ ౭౪॥
మహాశ్మశాననిలయం ప్రచ్ఛన్న స్ఫటికప్రభమ్ ।
వేదాస్యం వేదరూప। చ ఏక బిల్వం శివార్పణమ్ ॥ ౭౫॥
స్థిరం ధర్మమ్ ఉమానాథం బ్రహ్మణ్యం చాశ్రయం విభుమ్ ।
జగన్నివాసం ప్రథమమేక బిల్వం శివార్పణమ్ ॥ ౭౬॥
రుద్రాక్షమాలాభరణం రుద్రాక్షప్రియవత్సలమ్ ।
రుద్రాక్షభక్త సంస్తోమమేక బిల్వం శివార్పణమ్ ॥ ౭౭॥
ఫణీన్ద్ర విలసత్కంఠం భుజఙభరణప్రియమ్ ।
దక్షాధ్వర వినాశం చ ఏక బిల్వం శివార్పణమ్ ॥ ౭౮॥
నాగేన్ద్ర విలసత్కర్ణం మహీన్ద్రవలయావృతమ్ ।
మునివంద్యం మునిశ్రేష్ఠమేక బిల్వం శివార్పణమ్ ॥ ౭౯॥
మృగేన్ద్రచర్మవసనం మునీనామేకజీవనమ్ ।
సర్వదేవాది పూజ్యం చ ఏక బిల్వం శివార్పణమ్ ॥ ౮౦॥
నిధనేశం ధనాధీశమ్ అపమృత్యువినాశనమ్ ।
లిఙ్గమూర్తిమలిఙ్గాత్మమ్ ఏక బిల్వం శివార్పణమ్ ॥ ౮౧॥
భక్తకల్యాణదం వ్యస్తం వేదవేదాంతసంస్తుతమ్ ।
కల్పకృత్కల్పనాశం చ ఏక బిల్వం శివార్పణమ్ ॥ ౮౨॥
ఘోరపాతకదావాగ్నిం జన్మకర్మవివర్జితమ్ ।
కపాలమాలాభరణమ్ ఏక బిల్వం శివార్పణమ్ ॥ ౮౩॥
మాతఙ్గచర్మవసనం విరాడ్రూపవిదారకమ్ ।
విష్ణుక్రాంతమనంతం చ ఏక బిల్వం శివార్పణమ్ ॥ ౮౪॥
యజ్ఞకర్మఫలాధ్యక్షం యజ్ఞవిఘ్నవినాశకమ్ ।
యజ్ఞేశం యజ్ఞభోక్తారమ్ ఏక బిల్వం శివార్పణమ్ ॥ ౮౫॥
కాలాధీశం త్రికాలజ్ఞం దుష్టనిగ్రహకారకమ్ ।
యోగిమానసపూజ్యం చ ఏక బిల్వం శివార్పణమ్ ॥ ౮౬॥
మహోన్నతమహాకాయం మహోదరమహాభుజమ్ ।
మహావక్త్రం మహావృద్ధమ్ ఏక బిల్వం శివార్పణమ్ ॥ ౮౭॥
సునేత్రం సులలాటం చ సర్వభీమపరాక్రమమ్ ।
మహేశ్వరం శివతరమ్ ఏక బిల్వం శివార్పణమ్ ॥ ౮౮॥
సమస్తజగదాధారం సమస్తగుణసాగరమ్ ।
సత్యం సత్యగుణోపేతమ్ ఏక బిల్వం శివార్పణమ్ ॥ ౮౯॥
మాఘకృష్ణచతుర్దశ్యాం పూజార్ధం చ జగద్గురోః ।
దుర్లభం సర్వదేవానామ్ ఏక బిల్వం శివార్పణమ్ ॥ ౯౦॥
తత్రాపిదుర్లభం మన్యేత్ నభోమాసేన్దువాసరే ।
ప్రదోషకాలేపూజాయామ్ ఏక బిల్వం శివార్పణమ్ ॥ ౯౧॥
తటాకంధననిక్షేపం బ్రహ్మస్థాప్యం శివాలయమ్
కోటికన్యామహాదానమ్ ఏక బిల్వం శివార్పణమ్ ॥ ౯౨॥
దర్శనం బిల్వవృక్షస్య స్పర్శనం పాపనాశనమ్।
అఘోరపాపసంహారమ్ ఏక బిల్వం శివార్పణమ్ ॥ ౯౩॥
తులసీబిల్వనిర్గుణ్డీ జంబీరామలకం తథా ।
పఞ్చబిల్వమితిఖ్యాతమ్ ఏక బిల్వం శివార్పణమ్ ॥ ౯౪॥
అఖణ్డబిల్వపత్రైశ్చ పూజయేన్నందికేశ్వరమ్ ।
ముచ్యతే సర్వపాపేభ్యః ఏక బిల్వం శివార్పణమ్ ॥ ౯౫॥
సాలంకృతాశతావృత్తా కన్యాకోటిసహస్రకమ్ ।
సామ్రాజ్యపృథ్వీదానం చ ఏక బిల్వం శివార్పణమ్ ॥ ౯౬॥
దన్త్యశ్వకోటిదానాని అశ్వమేధసహస్రకమ్ ।
సవత్సధేనుదానాని ఏక బిల్వం శివార్పణమ్ ॥ ౯౭॥
చతుర్వేదసహస్రాణి భారతాదిపురాణకమ్ ।
సామ్రాజ్యపృథ్వీదానం చ ఏక బిల్వం శివార్పణమ్ ॥ ౯౮॥
సర్వరత్నమయం మేరుం కాఞ్చనం దివ్యవస్త్రకమ్ ।
తులాభాగం శతావర్తమ్ ఏక బిల్వం శివార్పణమ్ ॥ ౯౯॥
అష్టోత్తరశ్శతం బిల్వం యోర్చయేల్లిఙ్గమస్తకే ।
అధర్వోక్తమ్ అధేభ్యస్తు ఏక బిల్వం శివార్పణమ్ ॥ ౧౦౦॥
కాశీక్షేత్రనివాసం చ కాలభైరవదర్శనమ్ ।
అఘోరపాపసంహారమ్ ఏక బిల్వం శివార్పణమ్ ॥ ౧౦౧॥
అష్టోత్తరశ్శతశ్లోకైః స్తోత్రాద్యైః పూజయేద్యధాః ।
త్రిసంధ్యం మోక్షమాప్నోతి ఏక బిల్వం శివార్పణమ్ ॥ ౧౦౨॥
దన్తికోటిసహస్రాణాం భూః హిరణ్యసహస్రకమ్ ।
సర్వక్రతుమయం పుణ్యమ్ ఏక బిల్వం శివార్పణమ్ ॥ ౧౦౩॥
పుత్రపౌత్రాదికం భోగం భుక్త్వాచాత్రయధేప్సితమ్ ।
అంతేజ శివసాయుజ్యమ్ ఏక బిల్వం శివార్పణమ్ ॥ ౧౦౪॥
విప్రకోటిసహస్రాణాం విత్తదానాశ్చయత్ఫలమ్ ।
తత్ఫలం ప్రాప్నుయాత్సత్యమ్ ఏక బిల్వం శివార్పణమ్ ॥ ౧౦౫॥
త్వన్నామకీర్తనం తత్త్వతవపాదామ్బుయః పిబేత్ ।
జీవన్ముక్తోభవేన్నిత్యమ్ ఏక బిల్వం శివార్పణమ్ ॥ ౧౦౬॥
అనేకదానఫలదమ్ అనన్తసుకృతాదికమ్ ।
తీర్థయాత్రాఖిలం పుణ్యమ్ ఏక బిల్వం శివార్పణమ్ ॥ ౧౦౭॥
త్వం మాం పాలయ సర్వత్ర పదధ్యానకృతం తవ ।
భవనం శాఙ్కరం నిత్యమ్ ఏక బిల్వం శివార్పణమ్ ॥ ౧౦౮॥
ఉమయాసహితం దేవం సవాహనగణం శివమ్ ।
భస్మానులిప్తసర్వాఙ్గమ్ ఏక బిల్వం శివార్పణమ్ ॥ ౧౦౯॥
సాలగ్రామసహస్రాణి విప్రాణాం శతకోటికమ్ ।
యజ్ఞకోటిసహస్రాణి ఏక బిల్వం శివార్పణమ్ ॥ ౧౧౦॥
అజ్ఞానేన కృతం పాపం జ్ఞానేనాభికృతం చ యత్ ।
తత్సర్వం నాశమాయాత్ ఏక బిల్వం శివార్పణమ్ ॥ ౧౧౧॥
అమృతోద్భవవృక్షస్య మహాదేవప్రియస్య చ ।
ముచ్యంతే కంటకాఘాతాత్ కంటకేభ్యో హి మానవాః ॥ ౧౧౨॥
ఏకైకబిల్వపత్రేణ కోటియజ్ఞఫలం భవేత్ ।
మహాదేవస్య పూజార్థమ్ ఏక బిల్వం శివార్పణమ్ ॥ ౧౧౩॥
ఏకకాలే పఠేన్నిత్యం సర్వశత్రునివారణమ్ ।
ద్వికాలేచ పఠేన్నిత్యం మనోరథఫలప్రదమ్ ।
త్రికాలేచ పఠేన్నిత్యమ్ ఆయుర్వర్ధ్యో ధనప్రదమ్ ।
అచిరాత్కార్యసిద్ధిం చ లభతే నాత్ర సంశయః ॥ ౧౧౪॥
ఏకకాలం ద్వికాలం వా త్రికాలం యః పఠేన్నరః ।
లక్ష్మీప్రాప్తిశ్శివావాసః శివేన సహ మోదతే ॥ ౧౧౫॥
కోటిజన్మ కృతం పాపమ్ అర్చనేన వినశ్యతి ।
సప్తజన్మకృతం పాపం శ్రవణేన వినశ్యతి ।
జన్మాన్తరకృతం పాపం పఠనేన వినశ్యతి ।
దివారాత్రకృతం పాపం దర్శనేన వినశ్యతి ।
క్షణేక్షణేకృతం పాపం స్మరణేన వినశ్యతి ।
పుస్తకం ధారయేద్దేహి ఆరోగ్యం భయనాశనమ్ ॥ ౧౧౬॥
ఇతి బిల్వాష్టోత్తర శతస్తోత్రం సమాప్తా

ArthiHara Shiva Stotram

         ॥ అథ ఆర్తిహరస్తోత్రమ్ ॥
శ్రీ శంభో మయి కరుణాశిశిరాం దృష్టిం దిశన్ సుధావృష్టిమ్।
సన్తాపమపాకురుమే మన్తాపరమేశ తవ దయాయాః స్యామ్ ॥ ౧॥

అవసీదామి యదార్తిభిరనుగుణమిదమోకసోంహసాం ఖలు మే।
తవ సన్నవసీదామి యదన్తకశాసన నతత్తవానుగుణమ్ ॥ ౨॥

దేవ స్మరంతి తవ యేతేషాం స్మరతోపి నార్తిరితికీర్తిమ్।
కలయసి శివ పాహీతిక్రన్దన్ సీదామ్యహం కిముచితమిదమ్ ॥ ౩॥

ఆదిశ్యాఘకృతౌ మామన్తర్యామిన్నసావఘాత్మేతి।
ఆర్తిషుమజ్జయసే మాం కింబ్రూయాం తవకృపైకపాత్రమహమ్ ॥ ౪॥

మన్దాగ్ర్ణీరహం తవ మయి కరుణాం ఘటయితుం విబోనాలమ్।
ఆకృష్టుం తాన్తు బలాదలమిహ మద్దైన్యమితి సమాశ్వసితి ॥ ౫॥

త్వం సర్వజ్ఞోహం పునరజ్ఞోనీశోహమీశ్వరత్వమసి।
త్వం మయి దోషాన్ గణయసి కిం కథయే తుదతి కిం దయా నత్వామ్ ॥ ౬॥

ఆశ్రితమార్తతరం మాముపేక్షసే కిమితి శివ న కిం దయసే।
శ్రితగోప్తా దీనార్తిహృదితి ఖలు శంసంతి జగతి సన్తస్త్వామ్ ॥ ౭॥

ప్రహరాహరేతివాదీ ఫణితమదాఖ్య ఇతి పాలితో భవతా।
శివ పాహీతి వదోహం శృతో న కిం క్వాం కథం న పాల్యస్తే ॥ ౮॥

శరణం వ్రజ శివమార్తీస్సతవ హరేదితి సతాం గిరాఽహమ్ త్వామ్।
శరణం గతోస్మి పాలయ ఖలమపి తేష్వీశ పక్షపాతాన్మామ్ ॥ ౯॥

ఇతి శ్రీ శ్రీధరవేంకటేశార్యకృతిషు ఆర్తిహరస్తోత్రం సంపూర్ణమ్ ॥

Agastya Krita Shivashtakam

అద్య మే సఫలం జన్మ చాద్య మే సఫలం తపః ।
అద్య మే సఫలం జ్ఞానం శమ్భో త్వత్పాదదర్శనాత్ ॥ ౧॥

కృతార్థోహం కృతార్థోహం కృతార్థోహం మహేశ్వర ।
అద్య తే పాదపద్మస్య దర్శనాత్భక్తవత్సల ॥ ౨॥

శివశ్శమ్భుః శివశ్శంభుః శివశ్శంభుః శివశ్శివః ।
ఇతి వ్యాహరతో నిత్యం దినాన్యాయాన్తు యాన్తు మే ॥ ౩॥

శివే భక్తిశ్శివే భక్తిశ్శివే భక్తిర్భవేభవే ।
సదా భూయాత్ సదా భూయాత్సదా  భూయాత్సునిశ్చలా ॥ ౪॥

ఆజన్మ మరణం యస్య మహాదేవాన్యదైవతమ్ ।
మాజనిష్యత మద్వంశే జాతో వా ద్రాగ్విపద్యతామ్ ॥ ౫॥

జాతస్య జాయమానస్య గర్భస్థస్యాపి దేహినః ।
మాభూన్మమ కులే జన్మ యస్య శమ్భుర్న-దైవతమ్ ॥ ౬॥

వయం ధన్యా వయం ధన్యా వయం ధన్యా జగత్త్రయే ।
ఆదిదేవో మహాదేవో యదస్మత్కులదైవతమ్ ॥ ౭॥

హర శంభో మహాదేవ విశ్వేశామరవల్లభ ।
శివశఙ్కర సర్వాత్మన్నీలకణ్ఠ నమోస్తు తే ॥ ౮॥

అగస్త్యాష్టకమేతత్తు యః పఠేచ్ఛివసన్నిధౌ ।
శివలోకమవాప్నోతి శివేన సహ మోదతే ॥ ౯॥



॥ ఇత్యగస్త్యాష్టకమ్ ॥ 

Shiva ashtottara satanama Stotram

శ్రీ శివాష్టోత్తర శతనామ స్తోత్రం

శివో మహేశ్వరశ్శంభుః పినాకీ శశిశేఖరః
వామదేవో విరూపాక్షః కపర్దీ నీలలోహితః || ౧ ||
శంకరశ్శూలపాణిశ్చ ఖట్వాంగీ విష్ణువల్లభః
శిపివిష్టోంబికానాథః శ్రీకంఠో భక్తవత్సలః || ౨ ||
భవశ్శర్వస్త్రిలోకేశశ్శితికంఠశ్శివప్రియః
ఉగ్రః కపాలీ కామారీ అంధకాసురసూదనః || ౩ ||
గంగాధరో లలాటాక్షః కాలకాలః కృపానిధిః
భీమః పరశుహస్తశ్చ మృగపాణిర్జటాధరః || ౪ ||
కైలాసవాసీ కవచీ కఠోరస్త్రిపురాంతకః
వృషాంకో వృషభారూఢో భస్మోద్ధూళితవిగ్రహః || ౫ ||
సామప్రియస్స్వరమయస్త్రయీమూర్తిరనీశ్వరః
సర్వజ్ఞః పరమాత్మా చ సోమసూర్యాగ్నిలోచనః || ౬ ||
హవిర్యజ్ఞమయస్సోమః పంచవక్త్రస్సదాశివః
విశ్వేశ్వరో వీరభద్రో గణనాథః ప్రజాపతిః || ౭ ||
హిరణ్యరేతః దుర్ధర్షః గిరీశో గిరిశోనఘః
భుజంగభూషణో భర్గో గిరిధన్వీ గిరిప్రియః || ౮ ||
కృత్తివాసః పురారాతిర్భగవాన్ ప్రమథాధిపః
మృత్యుంజయస్సూక్ష్మతనుర్జగద్వ్యాపీ జగద్గురుః || ౯ ||
వ్యోమకేశో మహాసేనజనకశ్చారువిక్రమః
రుద్రో భూతపతిః స్థాణురహిర్భుధ్నో దిగంబరః || ౧౦ ||
అష్టమూర్తిరనేకాత్మా సాత్త్వికశ్శుద్ధవిగ్రహః
శాశ్వతః ఖండపరశురజః పాశవిమోచకః || ౧౧ ||
మృడః పశుపతిర్దేవో మహాదేవోzవ్యయో హరిః
భగనేత్రభిదవ్యక్తో దక్షాధ్వరహరో హరః || ౧౨ ||
పూషదంతభిదవ్యగ్రో సహస్రాక్షస్సహస్రపాత్
అపవర్గప్రదోzనంతస్తారకః పరమేశ్వరః || ౧౩ ||
ఏవం శ్రీ శంభుదేవస్య నామ్నామష్టోత్తరంశతమ్ ||

ఇతి  శ్రీ శివాష్టోత్తర శతనామ స్తోత్రమ్

Dakshina murthi Varna maalaa stotram

దక్షిణామూర్తివర్ణమాలాస్తోత్రమ్

ఓంమిత్యేతద్యస్య బుధైర్నామ గృహీతం
యద్భాసేదం భాతి సమస్తం వియదాది .
యస్యాజ్ఞాతః స్వస్వపదస్థా విధిముఖ్యా-
స్తం ప్రత్యఞ్చం దక్షిణవక్త్రం కలయామి .. ౧..

నమ్రాఙ్గాణాం భక్తిమతాం యః పురుషార్థా-
న్దత్వా క్షిప్రం హన్తి చ తత్సర్వవిపత్తీః .
పాదామ్భోజాధస్తనితాపస్మృతిమీశం
తం ప్రత్యఞ్చం దక్షిణవక్త్రం కలయామి .. ౨..

మోహధ్వస్త్యై వైణికవైయాసికిముఖ్యాః
సంవిన్ముద్రాపుస్తకవీణాక్షగుణాన్యమ్ .
హస్తామ్భోజైర్బిభ్రతమారాధితవన్త-
స్తం ప్రత్యఞ్చం దక్షిణవక్త్రం కలయామి .. ౩..

భద్రారూఢం భద్రదమారాధయితృణాం
భక్తిశ్రద్ధాపూర్వకమీశం ప్రణమన్తి .
ఆదిత్యా యం వాఞ్ఛితసిద్ధ్యై కరుణాబ్ధిం
తం ప్రత్యఞ్చం దక్షిణవక్త్రం కలయామి .. ౪..

గర్భాన్తఃస్థాః ప్రాణిన ఏతే భవపాశ-
చ్ఛేదే దక్షం నిశ్చితవన్తః శరణం యమ్ .
ఆరాధ్యాఙ్ఘ్రిప్రస్ఫురదమ్భోరుహయుగ్మం
తం ప్రత్యఞ్చం దక్షిణవక్త్రం కలయామి .. ౫..

వక్త్రం ధన్యాః సంసృతివార్ధేరతిమాత్రా-
ద్భీతాః సన్తః పూర్ణశశాఙ్కద్యుతి యస్య .
సేవేన్తేఽధ్యాసీనమనన్తం వటమూలం
తం ప్రత్యఞ్చం దక్షిణవక్త్రం కలయామి .. ౬..

తేజఃస్తోమైరఙ్గదసంఘట్టితభాస్వ-
న్మాణిక్యోత్థైర్భాసితవిశ్వో రుచిరైర్యః .
తేజోమూర్తిం ఖానిలతేజఃప్రముఖాబ్ధిం
తం ప్రత్యఞ్చం దక్షిణవక్త్రం కలయామి .. ౭..

దధ్యాజ్యాదిద్రవ్యకకర్మాణ్యఖిలాని
త్యక్త్వా కాఙ్క్షా కర్మఫలేష్వత్ర కరోతి .
యజ్జిజ్ఞాసాం రూపఫలార్థీ క్షితిదేవ-
స్తం ప్రత్యఞ్చం దక్షిణవక్త్రం కలయామి .. ౮..

క్షిప్రం లోకే యం భజమానః పృథుపుణ్యః
ప్రధ్వస్తాధిః ప్రోజ్ఝితసంసృత్యఖిలార్తిః .
ప్రత్యగ్భూతం బ్రహ్మ పరం సన్రమతే య-
స్తం ప్రత్యఞ్చం దక్షిణవక్త్రం కలయామి .. ౯..

ణానేత్యేవం యన్మనుమధ్యస్థితవర్ణా-
న్భక్తాః కాలే వర్ణగృహీత్యై ప్రజపన్తః .
మోదన్తే సంప్రాప్తసమస్తశ్రుతితన్త్రా-
స్తం ప్రత్యఞ్చం దక్షిణవక్త్రం కలయామి .. ౧౦..

మూర్తిశ్ఛాయానిర్జితమన్దాకినికున్ద-
ప్రాలేయామ్భోరాశిసుధాభూతిసురేభా .
యస్యాభ్రాభా హాసవిధౌ దక్షశిరోధి-
స్తం ప్రత్యఞ్చం దక్షిణవక్త్రం కలయామి .. ౧౧..

తప్తస్వర్ణచ్ఛాయజటాజూటకటాహ-
ప్రోద్యద్వీచీవల్లివిరాజత్సురసిన్ధుమ్ .
నిత్యం సూక్ష్మం నిత్యనిరస్తాఖిలదోషం
తం ప్రత్యఞ్చం దక్షిణవక్త్రం కలయామి .. ౧౨..

యేన జ్ఞాతేనైవ సమస్తం విదితం స్యా-
ద్యస్మాదన్యద్వస్తు జగత్యాం శశశృఙ్గమ్ .
యం ప్రాప్తానాం నాస్తి పరం ప్రాప్యమనాదిం
తం ప్రత్యఞ్చం దక్షిణవక్త్రం కలయామి .. ౧౩..

మత్తో మారో యస్య లలాటాక్షిభవాగ్ని-
స్ఫూర్జత్కీలప్రోషితభస్మీకృతదేహః .
తద్భస్మాసీద్యస్య సుజాతః పటవాస-
స్తం ప్రత్యఞ్చం దక్షిణవక్త్రం కలయామి .. ౧౪..

హ్యమ్భోరాశౌ సంసృతిరూపే లుఠతాం త-
త్పారం గన్తుం యత్పదభక్తిర్దృఢనౌకా .
సర్వారాధ్యం సర్వగమానన్దపయోనిధిం
తం ప్రత్యఞ్చం దక్షిణవక్త్రం కలయామి .. ౧౫..

మేధావీ స్యాదిన్దువతంసం ధృతవీణం
కర్పూరాభం పుస్తకహస్తం కమలాక్షమ్ .
చిత్తే ధ్యాయన్యస్య వపుర్ద్రాఙ్నిమిషార్ధం
తం ప్రత్యఞ్చం దక్షిణవక్త్రం కలయామి .. ౧౬..

ధామ్నాం ధామ ప్రౌఢరుచీనాం పరమం య-
త్సూర్యాదీనాం యస్య స హేతుర్జగదాదేః .
ఏతావాన్యో యస్య న సర్వేశ్వరమీడ్యం
తం ప్రత్యఞ్చం దక్షిణవక్త్రం కలయామి .. ౧౭..

ప్రత్యాహారప్రాణనిరోధాదిసమర్థై-
ర్భక్తైర్దాన్తైః సంయతచిత్తైర్యతమానైః .
స్వాత్మత్వేన జ్ఞాయత ఏవ త్వరయా య-
స్తం ప్రత్యఞ్చం దక్షిణవక్త్రం కలయామి .. ౧౮..

జ్ఞాంశీభూతాన్ప్రాణిన ఏతాన్ఫలదాతా
చిత్తాన్తఃస్థః ప్రేరయతి స్వే సకలేపి .
కృత్యే దేవః ప్రాక్తనకర్మానుసరః సం-
స్తం ప్రత్యఞ్చం దక్షిణవక్త్రం కలయామి .. ౧౯..

ప్రజ్ఞామాత్రం ప్రాపితసంబిన్నిజభక్తం
ప్రాణాక్షాదేః ప్రేరయితారం ప్రణవార్థమ్ .
ప్రాహుః ప్రాజ్ఞా విదితానుశ్రవతత్త్వా-
స్తం ప్రత్యఞ్చం దక్షిణవక్త్రం కలయామి .. ౨౦..

యస్యాంజ్ఞానాదేవ నృణాం సంసృతిబోధో
యస్య జ్ఞానాదేవ విమోక్షో భవతీతి .
స్పష్టం బ్రూతే వేదశిరో దేశికమాద్యం
తం ప్రత్యఞ్చం దక్షిణవక్త్రం కలయామి .. ౨౧..

ఛన్నేఽవిద్యారూపపటేనైవ చ విశ్వం
యత్రాధ్యస్తం జీవపరేశత్వమపీదమ్ .
భానోర్భానుష్వమ్బువదస్తాఖిలభేదం
తం ప్రత్యఞ్చం దక్షిణవక్త్రం కలయామి .. ౨౨..

స్వాపస్వప్నౌ జాగ్రదవస్థాపి న యత్ర
ప్రాణశ్వేతః సర్వగతో యః సకలాత్మా .
కూటస్థో యః కేవలసచ్చిత్సుఖరూప-
స్తం ప్రత్యఞ్చం దక్షిణవక్త్రం కలయామి .. ౨౩..

హా హేత్యేవం విస్మయమీయుర్మునిముఖ్యా
జ్ఞాతే యస్మిన్స్వాత్మతయానాత్మవిమోహః .
ప్రత్యగ్భూతే బ్రహ్మణి యాతః కథమిత్థం
తం ప్రత్యఞ్చం దక్షిణవక్త్రం కలయామి .. ౨౪..

యైషా రమ్యైర్మత్తమయూరాభిధవృత్తై-
రాదౌ క్లృప్తా యన్మనువర్ణైర్మునిభఙ్గీ .
తామేవైతాం దక్షిణవక్త్రః కృపయాసా-
వూరీకుర్యాద్దేశికసమ్రాట్ పరమాత్మా .. ౨౫..

ఇతి శ్రీమత్పరమహంసపరివ్రజకాచార్యస్య  శ్రీగోవిన్దభగవత్పూజ్యపాదశిష్యస్య
శ్రీమచ్ఛంకరభగవతః కృతౌ శ్రీదక్షిణామూర్తివర్ణమాలాస్తోత్రం సంపూర్ణమ్ ..

Encoded and proofread by Sridhar Seshagiri seshagir@egr.msu.edu

Dakshinaa Murthi Stotram 2

||శ్రీ దక్షిణామూర్తి స్తోత్రమ్ ౨ ||

 ( From http://sanskritdocuments.org )

 
ఉపాసకానాం యదుపాసనీయముపాత్తవాసం వటశాఖిమూలే |
తద్ధామ దాక్షిణ్యజుషా స్వమూర్త్యా జాగర్తు చిత్తే మమ బోధరూపమ్ ||౧||

అద్రాక్షమక్షీణదయానిధానమాచార్యమాద్యం వటమూలభాగే |
మౌనేన మన్దస్మితభూషితేన మహర్షిలోకస్య తమో నుదన్తమ్ ||౨||

విద్రావితాశేషతమోగణేన ముద్రావిశేషేణ ముహుర్మునీనామ్ |
నిరస్య మాయాం దయయా విధత్తే దేవో మహాంస్తత్త్వమసీతి బోధమ్ ||౩||

అపారకారుణ్యసుధాతరఙ్గైరపాఙ్గపాతైరవలోకయన్తమ్ |
కఠోరసంసారనిదాఘతప్తాన్మునీనహం నౌమి గురుం గురూణామ్ ||౪||

మమాద్యదేవో వటమూలవాసీ కృపావిశేషాత్కృతసన్నిధానః |
ఓంకారరూపాముపదిశ్య విద్యామావిద్యకధ్వాన్తమపాకరోతు ||౫||

కలాభిరిన్దోరివ కల్పితాఙ్గం ముక్తాకలాపైరివ బద్ధమూర్తిమ్ |
ఆలోకయే దేశికమప్రమేయమనాద్యవిద్యాతిమిరప్రభాతమ్ ||౬||

స్వదక్షజానుస్థితవామపాదం పాదోదరాలంకృతయోగపట్టమ్ |
అపస్మృతేరాహితపాదమఙ్గే ప్రణౌమి దేవం ప్రణిధానవన్తమ్ ||౭||

తత్త్వార్థమన్తేవసతామృషీణాం యువాఽపి యః సన్నుపదేష్టుమీష్టే |
ప్రణౌమి తం ప్రాక్తనపుణ్యజాలైరాచార్యమాశ్చర్యగుణాధివాసమ్ ||౮||

ఏకేన ముద్రాం పరశుం కరేణ కరేణ చాన్యేన మృగం దధానః |
స్వజానువిన్యస్తకరః పురస్తాదాచార్యచూడామణిరావిరస్తు ||౯||

ఆలేపవన్తం మదనాఙ్గభూత్యా శార్దూలకృత్త్యా పరిధానవన్తమ్ |
ఆలోకయే కఞ్చన దేశికేన్ద్రమజ్ఞానవారాకరవాడవాగ్నిమ్ ||౧౦||

చారుస్మితం సోమకలావతంసం వీణాధరం వ్యక్తజటాకలాపమ్ |
ఉపాసతే కేచన యోగినస్త్వాముపాత్తనాదానుభవప్రమోదమ్ ||౧౧||

ఉపాసతే యం మునయః శుకాద్యా నిరాశిషో నిర్మమతాధివాసాః |
తం దక్షిణామూర్తితనుం మహేశముపాస్మహే మోహమహార్తిశాన్త్యై ||౧౨||

కాన్త్యా నిన్దితకున్దకన్దలవపుర్న్యగ్రోధమూలే వస -
న్కారుణ్యామృతవారిభిర్మునిజనం సంభావయన్వీక్షితైః |
మోహధ్వాన్తవిభేదనం విరచయన్బోధేన తత్తాదృశా
దేవస్తత్త్వమసీతి బోధయతు మాం ముద్రావతా పాణినా ||౧౩||

అగౌరగాత్రైరలలాటనేత్రైరశాన్తవేషైరభుజఙ్గభూషైః |
అబోధముద్రైరనపాస్తనిద్రైరపూర్ణకామైరమరైరలం నః ||౧౪||

దైవతాని కతి సన్తి చావనౌ నైవ తాని మనసో మతాని మే |
దీక్షితం జడధియామనుగ్రహే దక్షిణాభిముఖమేవ దైవతమ్ ||౧౫||

ముదితాయ ముగ్ధశశినావతంసినే భసితావలేపరమణీయమూర్తయే |
జగదీన్ద్రజాలరచనాపటీయసే మహసే నమోఽస్తు వటమూలవాసినే ||౧౬||

వ్యాలమ్బినీభిః పరితో జటాభిః కలావశేషేణ కలాధరేణ |
పశ్యఁల్లలాటేన ముఖేన్దునా చ ప్రకాశసే చేతసి నిర్మలానామ్ ||౧౭||

ఉపాసకానాం త్వముమాసహాయః పూర్ణేన్దుభావం ప్రకటీకరోషి |
యదద్య తే దర్శనమాత్రతో మే ద్రవత్యహో మానసచన్ద్రకాన్తః ||౧౮||

యస్తే ప్రసన్నామనుసన్దధానో మూర్తిం ముదా ముగ్ధశశాఙ్కమౌలేః |
ఐశ్వర్యమాయుర్లభతే చ విద్యామన్తే చ వేదాన్తమహారహస్యమ్ ||౧౯||

||దక్షిణామూర్తిస్తోత్రం ౨ సంపూర్ణమ్||

Encoded by Subramanian Ganesh sgesh@hotmail.com