Seetha Rama Stotram (Hanumat Krutam)

సీతారామస్తోత్ర (హనుమత్ కృతం)

అయోధ్యాపురనేతారం మిథిలాపురనాయికామ్ |
రాఘవాణామలంకారం వైదేహానామలంక్రియామ్ || ౧||

రఘూణాం కులదీపం చ నిమీనాం కులదీపికామ్ |
సూర్యవంశసముద్భూతం సోమవంశసముద్భవామ్ || ౨||

పుత్రం దశరథస్యాద్యం పుత్రీం జనకభూపతేః |
వశిష్ఠానుమతాచారం శతానన్దమతానుగామ్ || ౩||

కౌసల్యాగర్భసంభూతం వేదిగర్భోదితాం స్వయమ్ |
పుణ్డరీకవిశాలాక్షం స్ఫురదిన్దీవరేక్షణామ్ || ౪||

చన్ద్రకాన్తాననాంభోజం చన్ద్రబింబోపమాననామ్ |
మత్తమాతఙ్గగమనమ్ మత్తహంసవధూగతామ్ || ౫||

చన్దనార్ద్రభుజామధ్యం కుంకుమార్ద్రకుచస్థలీమ్ |
చాపాలంకృతహస్తాబ్జం పద్మాలంకృతపాణికామ్ || ౬||

శరణాగతగోప్తారం ప్రణిపాదప్రసాదికామ్ |
కాలమేఘనిభం రామం కార్తస్వరసమప్రభామ్ || ౭||

దివ్యసింహాసనాసీనం దివ్యస్రగ్వస్త్రభూషణామ్ |
అనుక్షణం కటాక్షాభ్యాం అన్యోన్యేక్షణకాంక్షిణౌ || ౮||

అన్యోన్యసదృశాకారౌ త్రైలోక్యగృహదంపతీ|
ఇమౌ యువాం ప్రణమ్యాహం భజామ్యద్య కృతార్థతామ్ || ౯||

అనేన స్తౌతి యః స్తుత్యం రామం సీతాం చ భక్తితః |
తస్య తౌ తనుతాం పుణ్యాస్సంపదః సకలార్థదాః || ౧౦||

ఏవం శ్రీరాచన్ద్రస్య జానక్యాశ్చ విశేషతః |
కృతం హనూమతా పుణ్యం స్తోత్రం సద్యో విముక్తిదమ్ |
యః పఠేత్ప్రాతరుత్థాయ సర్వాన్ కామానవాప్నుయాత్ || ౧౧||

|| ఇతి హనూమత్కృతసీతారామ స్తోత్రం సంపూర్ణమ||

Anjaneya Sahasra Nama Stotram

శ్రీ ఆఞ్జనేయ సహస్రనామస్తోత్రమ్


|| శ్రీః||
|| శ్రీ  ఆఞ్జనేయ సహస్రనామస్తోత్రమ్ ||
ఉద్యదాదిత్య సంకాశం ఉదార భుజ విక్రమమ్ |
కన్దర్ప కోటి లావణ్యం సర్వ విద్యా విశారదమ్ ||
శ్రీ రామ హృదయానందం భక్త కల్ప మహీరుహమ్ |
అభయం వరదం దోర్భ్యాం కలయే మారుతాత్మజమ్ ||
 

అథ సహస్రనామ స్తోత్రమ్ |
హనుమాన్ శ్రీ ప్రదో వాయు పుత్రో రుద్రో అనఘో అజరః |
అమృత్యుర్ వీరవీరశ్చ గ్రామావాసో జనాశ్రయః || ౧||
ధనదో నిర్గుణః శూరో వీరో నిధిపతిర్ మునిః |
పిన్గాక్షో వరదో వాగ్మీ సీతా శోక వినాశకః || ౨||
శివః శర్వః పరో అవ్యక్తో వ్యక్తావ్యక్తో ధరాధరః |
పిన్గకేశః పిన్గరోమా శ్రుతిగమ్యః సనాతనః || ౩||
అనాదిర్భగవాన్ దేవో విశ్వ హేతుర్ నిరాశ్రయః |
ఆరోగ్యకర్తా విశ్వేశో విశ్వనాథో హరీశ్వరః || ౪||
భర్గో రామో రామ భక్తః కల్యాణః ప్రకృతి స్థిరః |
విశ్వమ్భరో విశ్వమూర్తిః విశ్వాకారశ్చ విశ్వపాః || ౫||
విశ్వాత్మా విశ్వసేవ్యో అథ విశ్వో విశ్వహరో రవిః |
విశ్వచేష్టో విశ్వగమ్యో విశ్వధ్యేయః కలాధరః || ౬||
ప్లవంగమః కపిశ్రేష్టో వేదవేద్యో వనేచరః |
బాలో వృద్ధో యువా తత్త్వం తత్త్వగమ్యః సుఖో హ్యజః || ౭||
అన్జనాసూనురవ్యగ్రో గ్రామ ఖ్యాతో ధరాధరః |
భూర్భువస్స్వర్మహర్లోకో జనో లోకస్తపో అవ్యయః || ౮||
సత్యం ఓమ్కార గమ్యశ్చ ప్రణవో వ్యాపకో అమలః |
శివో ధర్మ ప్రతిష్ఠాతా రామేష్టః ఫల్గుణప్రియః || ౯||
గోష్పదీకృతవారీశః పూర్ణకామో ధరాపతిః |
రక్షోఘ్నః పుణ్డరీకాక్షః శరణాగతవత్సలః || ౧౦||
జానకీ ప్రాణ దాతా చ రక్షః ప్రాణాపహారకః |
పూర్ణసత్త్వః పీతవాసా దివాకర సమప్రభః || ౧౧||
ద్రోణహర్తా శక్తినేతా శక్తి రాక్షస మారకః |
అక్షఘ్నో రామదూతశ్చ శాకినీ జీవ హారకః || ౧౨||
భుభుకార హతారాతిర్దుష్ట గర్వ ప్రమర్దనః |
హేతుః సహేతుః ప్రంశుశ్చ విశ్వభర్తా జగద్గురుః || ౧౩||
జగత్త్రాతా జగన్నథో జగదీశో జనేశ్వరః |
జగత్పితా హరిః శ్రీశో గరుడస్మయభంజనః || ౧౪||
పార్థధ్వజో వాయుసుతో అమిత పుచ్ఛో అమిత ప్రభః |
బ్రహ్మ పుచ్ఛం పరబ్రహ్మాపుచ్ఛో రామేష్ట ఏవ చ || ౧౫||
సుగ్రీవాది యుతో జ్ఞానీ వానరో వానరేశ్వరః |
కల్పస్థాయీ చిరంజీవీ ప్రసన్నశ్చ సదా శివః || ౧౬||
సన్నతిః సద్గతిః భుక్తి ముక్తిదః కీర్తి దాయకః |
కీర్తిః కీర్తిప్రదశ్చైవ సముద్రః శ్రీప్రదః శివః || ౧౭||
ఉదధిక్రమణో దేవః సంసార భయ నాశనః |
వార్ధి బంధనకృద్ విశ్వ జేతా విశ్వ ప్రతిష్ఠితః || ౧౮||
లంకారిః కాలపురుషో లంకేశ గృహ భంజనః |
భూతావాసో వాసుదేవో వసుస్త్రిభువనేశ్వరః || ౧౯||
శ్రీరామదూతః కృష్ణశ్చ లంకాప్రాసాదభంజకః |
కృష్ణః కృష్ణ స్తుతః శాన్తః శాన్తిదో విశ్వపావనః || ౨౦||
విశ్వ భోక్తా చ మారఘ్నో బ్రహ్మచారీ జితేన్ద్రియః |
ఊర్ధ్వగో లాన్గులీ మాలి లాన్గూల హత రాక్షసః || ౨౧||
సమీర తనుజో వీరో వీరమారో జయప్రదః |
జగన్మన్గలదః పుణ్యః పుణ్య శ్రవణ కీర్తనః || ౨౨||
పుణ్యకీర్తిః పుణ్య గతిర్జగత్పావన పావనః |
దేవేశో జితమారశ్చ రామ భక్తి విధాయకః || ౨౩||
ధ్యాతా ధ్యేయో భగః సాక్షీ చేత చైతన్య విగ్రహః |
ఞానదః ప్రాణదః ప్రాణో జగత్ప్రాణః సమీరణః || ౨౪||
విభీషణ ప్రియః శూరః పిప్పలాయన సిద్ధిదః |
సుహృత్ సిద్ధాశ్రయః కాలః కాల భక్షక భంజనః || ౨౫||
లంకేశ నిధనః స్థాయీ లంకా దాహక ఈశ్వరః |
చన్ద్ర సూర్య అగ్ని నేత్రశ్చ కాలాగ్నిః ప్రలయాన్తకః || ౨౬||
కపిలః కపీశః పుణ్యరాశిః ద్వాదశ రాశిగః |
సర్వాశ్రయో అప్రమేయత్మా రేవత్యాది నివారకః || ౨౭||
లక్ష్మణ ప్రాణదాతా చ సీతా జీవన హేతుకః |
రామధ్యేయో హృషీకేశో విష్ణు భక్తో జటీ బలీ || ౨౮||
దేవారిదర్పహా హోతా కర్తా హర్తా జగత్ప్రభుః |
నగర గ్రామ పాలశ్చ శుద్ధో బుద్ధో నిరన్తరః || ౨౯||
నిరంజనో నిర్వికల్పో గుణాతీతో భయంకరః |
హనుమాంశ్చ దురారాధ్యః తపస్సాధ్యో మహేశ్వరః || ౩౦||
జానకీ ఘనశోకోత్థతాపహర్తా పరాత్పరః |
వాడంభ్యః సదసద్రూపః కారణం ప్రకృతేః పరః || ౩౧||
భాగ్యదో నిర్మలో నేతా పుచ్ఛ లంకా విదాహకః |
పుచ్ఛబద్ధో యాతుధానో యాతుధాన రిపుప్రియః || ౩౨||
చాయాపహారీ భూతేశో లోకేశ సద్గతి ప్రదః |
ప్లవంగమేశ్వరః క్రోధః క్రోధ సంరక్తలోచనః || ౩౩||
క్రోధ హర్తా తాప హర్తా భాక్తాభయ వరప్రదః|
భక్తానుకంపీ విశ్వేశః పురుహూతః పురందరః || ౩౪||
అగ్నిర్విభావసుర్భాస్వాన్ యమో నిష్కృతిరేవచ |
వరుణో వాయుగతిమాన్ వాయుః కౌబేర ఈశ్వరః || ౩౫||
రవిశ్చన్ద్రః కుజః సౌమ్యో గురుః కావ్యః శనైశ్వరః |
రాహుః కేతుర్మరుద్ధాతా ధర్తా హర్తా సమీరజః || ౩౬||
మశకీకృత దేవారి దైత్యారిః మధుసూదనః |
కామః కపిః కామపాలః కపిలో విశ్వ జీవనః || ౩౭||
భాగీరథీ పదాంభోజః సేతుబంధ విశారదః |
స్వాహా స్వధా హవిః కవ్యం హవ్యవాహ ప్రకాశకః || ౩౮||
స్వప్రకాశో మహావీరో లఘుశ్చ అమిత విక్రమః |
ప్రడీనోడ్డీనగతిమాన్ సద్గతిః పురుషోత్తమః || ౩౯||
జగదాత్మా జగధ్యోనిర్జగదంతో హ్యనంతకః |
విపాప్మా నిష్కలంకశ్చ మహాన్ మదహంకృతిః || ౪౦||
ఖం వాయుః పృథ్వీ హ్యాపో వహ్నిర్దిక్పాల ఏవ చ |
క్షేత్రజ్ఞః క్షేత్ర పాలశ్చ పల్వలీకృత సాగరః || ౪౧||
హిరణ్మయః పురాణశ్చ ఖేచరో భుచరో మనుః |
హిరణ్యగర్భః సూత్రాత్మా రాజరాజో విశాంపతిః || ౪౨||
వేదాంత వేద్యో ఉద్గీథో వేదవేదంగ పారగః |
ప్రతి గ్రామస్థితః సాధ్యః స్ఫూర్తి దాత గుణాకరః || ౪౩||
నక్షత్ర మాలీ భూతాత్మా సురభిః కల్ప పాదపః |
చిన్తా మణిర్గుణనిధిః ప్రజా పతిరనుత్తమః || ౪౪||
పుణ్యశ్లోకః పురారాతిర్జ్యోతిష్మాన్ శర్వరీపతిః |
కిలికిల్యారవత్రస్తప్రేతభూతపిశాచకః || ౪౫||
రుణత్రయ హరః సూక్ష్మః స్తూలః సర్వగతిః పుమాన్ |
అపస్మార హరః స్మర్తా శృతిర్గాథా స్మృతిర్మనుః || ౪౬||
స్వర్గ ద్వారం ప్రజా ద్వారం మోక్ష ద్వారం కపీశ్వరః |
నాద రూపః పర బ్రహ్మ బ్రహ్మ బ్రహ్మ పురాతనః || ౪౭||
ఏకో నైకో జనః శుక్లః స్వయం జ్యోతిర్నాకులః |
జ్యోతిః జ్యోతిరనాదిశ్చ సాత్త్వికో రాజసత్తమః || ౪౮||
తమో హర్తా నిరాలంబో నిరాకారో గుణాకరః |
గుణాశ్రయో గుణమయో బృహత్కాయో బృహద్యశః || ౪౯||
బృహద్ధనుర్ బృహత్పాదో బృహన్మూర్ధా బృహత్స్వనః |
బృహత్ కర్ణో బృహన్నాసో బృహన్నేత్రో బృహత్గలః || ౫౦||
బృహధ్యన్త్రో బృహత్చేష్టో బృహత్ పుచ్ఛో బృహత్ కరః |
బృహత్గతిర్బృహత్సేవ్యో బృహల్లోక ఫలప్రదః ||౫౧||
బృహచ్ఛక్తిర్బృహద్వాంఛా ఫలదో బృహదీశ్వరః |
బృహల్లోక నుతో ద్రష్టా విద్యా దాత జగద్ గురుః || ౫౨||
దేవాచార్యః సత్య వాదీ బ్రహ్మ వాదీ కలాధరః |
సప్త పాతాలగామీ చ మలయాచల సంశ్రయః || ౫౩||
ఉత్తరాశాస్థితః శ్రీదో దివ్య ఔషధి వశః ఖగః |
శాఖామృగః కపీన్ద్రశ్చ పురాణః శ్రుతి సంచరః || ౫౪||
చతురో బ్రాహ్మణో యోగీ యోగగమ్యః పరాత్పరః |
అనది నిధనో వ్యాసో వైకుణ్ఠః పృథ్వీ పతిః || ౫౫||
పరాజితో జితారాతిః సదానన్దశ్చ ఈశితా |
గోపాలో గోపతిర్గోప్తా కలిః కాలః పరాత్పరః || ౫౬||
మనోవేగీ సదా యోగీ సంసార భయ నాశనః |
తత్త్వ దాతా చ తత్త్వజ్ఞస్తత్త్వం తత్త్వ ప్రకాశకః || ౫౭||
శుద్ధో బుద్ధో నిత్యముక్తో భక్త రాజో జయప్రదః |
ప్రలయో అమిత మాయశ్చ మాయాతీతో విమత్సరః || ౫౮||
మాయా|-నిర్జిత|-రక్షాశ్చ మాయా|-నిర్మిత|-విష్టపః |
మాయాశ్రయశ్చ నిర్లేపో మాయా నిర్వంచకః సుఖః || ౫౯||
సుఖీ సుఖప్రదో నాగో మహేశకృత సంస్తవః |
మహేశ్వరః సత్యసంధః శరభః కలి పావనః || ౬౦||
రసో రసజ్ఞః సమ్మనస్తపస్చక్షుశ్చ భైరవః |
ఘ్రాణో గన్ధః స్పర్శనం చ స్పర్శో అహంకారమానదః || ౬౧||
నేతి|-నేతి|-గమ్యశ్చ వైకుణ్ఠ భజన ప్రియః |
గిరీశో గిరిజా కాన్తో దూర్వాసాః కవిరంగిరాః || ౬౨||
భృగుర్వసిష్టశ్చ యవనస్తుమ్బురుర్నారదో అమలః |
విశ్వ క్షేత్రం విశ్వ బీజం విశ్వ నేత్రశ్చ విశ్వగః || ౬౩||
యాజకో యజమానశ్చ పావకః పితరస్తథా |
శ్రద్ధ బుద్ధిః క్షమా తన్ద్రా మన్త్రో మన్త్రయుతః స్వరః || ౬౪||
రాజేన్ద్రో భూపతీ రుణ్డ మాలీ సంసార సారథిః |
నిత్యః సంపూర్ణ కామశ్చ భక్త కామధుగుత్తమః || ౬౫||
గణపః కీశపో భ్రాతా పితా మాతా చ మారుతిః |
సహస్ర శీర్షా పురుషః సహస్రాక్షః సహస్రపాత్ || ౬౬||
కామజిత్ కామ దహనః కామః కామ్య ఫల ప్రదః |
ముద్రాహారీ రాక్షసఘ్నః క్షితి భార హరో బలః || ౬౭||
నఖ దంష్ట్ర యుధో విష్ణు భక్తో అభయ వర ప్రదః |
దర్పహా దర్పదో దృప్తః శత మూర్తిరమూర్తిమాన్ || ౬౮||
మహా నిధిర్మహా భోగో మహా భాగో మహార్థదః |
మహాకారో మహా యోగీ మహా తేజా మహా ద్యుతిః || ౬౯||
మహా కర్మా మహా నాదో మహా మన్త్రో మహా మతిః |
మహాశయో మహోదారో మహాదేవాత్మకో విభుః || ౭౦||
రుద్ర కర్మా కృత కర్మా రత్న నాభః కృతాగమః |
అమ్భోధి లంఘనః సింహో నిత్యో ధర్మః ప్రమోదనః || ౭౧||
జితామిత్రో జయః సమ విజయో వాయు వాహనః |
జీవ దాత సహస్రాంశుర్ముకున్దో భూరి దక్షిణః || ౭౨||
సిద్ధర్థః సిద్ధిదః సిద్ధ సంకల్పః సిద్ధి హేతుకః |
సప్త పాతాలచరణః సప్తర్షి గణ వన్దితః || ౭౩||
సప్తాబ్ధి లంఘనో వీరః సప్త ద్వీపోరుమణ్డలః |
సప్తాంగ రాజ్య సుఖదః సప్త మాతృ నిశేవితః || ౭౪||
సప్త లోకైక ముకుటః సప్త హోతా స్వరాశ్రయః |
సప్తచ్ఛన్దో నిధిః సప్తచ్ఛన్దః సప్త జనాశ్రయః || ౭౫||
సప్త సామోపగీతశ్చ సప్త పాతల సంశ్రయః |
మేధావీ కీర్తిదః శోక హారీ దౌర్భగ్య నాశనః || ౭౬||
సర్వ వశ్యకరో గర్భ దోషఘ్నః పుత్రపౌత్రదః |
ప్రతివాది ముఖస్తంభీ తుష్టచిత్తః ప్రసాదనః || ౭౭||
పరాభిచారశమనో దుఃఖఘ్నో బంధ మోక్షదః |
నవ ద్వార పురాధారో నవ ద్వార నికేతనః || ౭౮||
నర నారాయణ స్తుత్యో నరనాథో మహేశ్వరః |
మేఖలీ కవచీ ఖద్గీ భ్రాజిష్ణుర్జిష్ణుసారథిః || ౭౯||
బహు యోజన విస్తీర్ణ పుచ్ఛః పుచ్ఛ హతాసురః |
దుష్టగ్రహ నిహంతా చ పిశాచ గ్రహ ఘాతకః || ౮౦||
బాల గ్రహ వినాశీ చ ధర్మో నేతా కృపకరః |
ఉగ్రకృత్యశ్చోగ్రవేగ ఉగ్ర నేత్రః శత క్రతుః || ౮౧||
శత మన్యుస్తుతః స్తుత్యః స్తుతిః స్తోతా మహా బలః |
సమగ్ర గుణశాలీ చ వ్యగ్రో రక్షో వినాశకః || ౮౨||
రక్షోఘ్న హస్తో బ్రహ్మేశః శ్రీధరో భక్త వత్సలః |
మేఘ నాదో మేఘ రూపో మేఘ వృష్టి నివారకః || ౮౩||
మేఘ జీవన హేతుశ్చ మేఘ శ్యామః పరాత్మకః |
సమీర తనయో బోధ్హ తత్త్వ విద్యా విశారదః || ౮౪||
అమోఘో అమోఘహృష్టిశ్చ ఇష్టదో అనిష్ట నాశనః |
అర్థో అనర్థాపహారీ చ సమర్థో రామ సేవకః || ౮౫||
అర్థీ ధన్యో అసురారాతిః పుణ్డరీకాక్ష ఆత్మభూః |
సంకర్షణో విశుద్ధాత్మా విద్యా రాశిః సురేశ్వరః || ౮౬||
అచలోద్ధరకో నిత్యః సేతుకృద్ రామ సారథిః |
ఆనన్దః పరమానన్దో మత్స్యః కూర్మో నిధిఃశమః || ౮౭||
వారాహో నారసింహశ్చ వామనో జమదగ్నిజః |
రామః కృష్ణః శివో బుద్ధః కల్కీ రామాశ్రయో హరః || ౮౮||
నన్దీ భృన్గీ చ చణ్డీ చ గణేశో గణ సేవితః |
కర్మాధ్యక్ష్యః సురాధ్యక్షో విశ్రామో జగతాంపతిః || ౮౯||
జగన్నథః కపి శ్రేష్టః సర్వావసః సదాశ్రయః |
సుగ్రీవాదిస్తుతః శాన్తః సర్వ కర్మా ప్లవంగమః || ౯౦||
నఖదారితరక్షాశ్చ నఖ యుద్ధ విశారదః |
కుశలః సుఘనః శేషో వాసుకిస్తక్షకః స్వరః || ౯౧||
స్వర్ణ వర్ణో బలాఢ్యశ్చ రామ పూజ్యో అఘనాశనః |
కైవల్య దీపః కైవల్యం గరుడః పన్నగో గురుః || ౯౨||
కిల్యారావహతారాతిగర్వః పర్వత భేదనః |
వజ్రాంగో వజ్ర వేగశ్చ భక్తో వజ్ర నివారకః || ౯౩||
నఖాయుధో మణిగ్రీవో జ్వాలామాలీ చ భాస్కరః |
ప్రౌఢ ప్రతాపస్తపనో భక్త తాప నివారకః || ౯౪||
శరణం జీవనం భోక్తా నానాచేష్టోహ్యచంచలః |
సుస్వస్థో అస్వాస్థ్యహా దుఃఖశమనః పవనాత్మజః || ౯౫||
పావనః పవనః కాన్తో భక్తాగస్సహనో బలః |
మేఘ నాదరిపుర్మేఘనాద సంహృతరాక్షసః || ౯౬||
క్షరో అక్షరో వినీతాత్మా వానరేశః సతాంగతిః |
శ్రీ కణ్టః శితి కణ్టశ్చ సహాయః సహనాయకః || ౯౭||
అస్తూలస్త్వనణుర్భర్గో దేవః సంసృతినాశనః |
అధ్యాత్మ విద్యాసారశ్చ అధ్యాత్మకుశలః సుధీః || ౯౮||
అకల్మషః సత్య హేతుః సత్యగః సత్య గోచరః |
సత్య గర్భః సత్య రూపః సత్యం సత్య పరాక్రమః || ౯౯||
అన్జనా ప్రాణలింగచ వాయు వంశోద్భవః శుభః |
భద్ర రూపో రుద్ర రూపః సురూపస్చిత్ర రూపధృత్ || ౧౦౦||
మైనాక వందితః సూక్ష్మ దర్శనో విజయో జయః |
క్రాన్త దిగ్మణ్డలో రుద్రః ప్రకటీకృత విక్రమః || ౧౦౧||
కమ్బు కణ్టః ప్రసన్నాత్మా హ్రస్వ నాసో వృకోదరః |
లంబోష్టః కుణ్డలీ చిత్రమాలీ యోగవిదాం వరః || ౧౦౨||
విపశ్చిత్ కవిరానన్ద విగ్రహో అనన్య శాసనః |
ఫల్గుణీసూనురవ్యగ్రో యోగాత్మా యోగతత్పరః || ౧౦౩||
యోగ వేద్యో యోగ కర్తా యోగ యోనిర్దిగంబరః |
అకారాది క్షకారాన్త వర్ణ నిర్మిత విగ్రహః || ౧౦౪||
ఉలూఖల ముఖః సింహః సంస్తుతః పరమేశ్వరః |
శ్లిష్ట జంఘః శ్లిష్ట జానుః శ్లిష్ట పాణిః శిఖా ధరః || ౧౦౫||
సుశర్మా అమిత శర్మా చ నారయణ పరాయణః |
జిష్ణుర్భవిష్ణూ రోచిష్ణుర్గ్రసిష్ణుః స్థాణురేవ చ || ౧౦౬||
హరీ రుద్రానుకృద్ వృక్ష కంపనో భూమి కంపనః |
గుణ ప్రవాహః సూత్రాత్మా వీత రాగః స్తుతి ప్రియః || ౧౦౭||
నాగ కన్యా భయ ధ్వంసీ రుక్మ వర్ణః కపాల భృత్ |
అనాకులో భవోపాయో అనపాయో వేద పారగః || ౧౦౮||
అక్షరః పురుషో లోక నాథో రక్ష ప్రభు దృడః |
అష్టాంగ యోగ ఫలభుక్ సత్య సంధః పురుష్టుతః || ౧౦౯||
స్మశాన స్థన నిలయః ప్రేత విద్రావణ క్షమః |
పంచాక్షర పరః పంచ మాతృకో రంజనధ్వజః || ౧౧౦||
యోగినీ వృన్ద వంద్యశ్చ శత్రుఘ్నో అనన్త విక్రమః |
బ్రహ్మచారీ ఇన్ద్రియ రిపుః ధృతదణ్డో దశాత్మకః || ౧౧౧||
అప్రపంచః సదాచారః శూర సేనా విదారకః |
వృద్ధః ప్రమోద ఆనందః సప్త జిహ్వ పతిర్ధరః || ౧౧౨||
నవ ద్వార పురాధారః ప్రత్యగ్రః సామగాయకః |
షట్చక్రధామా స్వర్లోకో భయహ్యన్మానదో అమదః || ౧౧౩||
సర్వ వశ్యకరః శక్తిరనన్తో అనన్త మంగలః |
అష్ట మూర్తిర్ధరో నేతా విరూపః స్వర సున్దరః || ౧౧౪||
ధూమ కేతుర్మహా కేతుః సత్య కేతుర్మహారథః |
నన్ది ప్రియః స్వతన్త్రశ్చ మేఖలీ సమర ప్రియః || ౧౧౫||
లోహాంగః సర్వవిద్ ధన్వీ షట్కలః శర్వ ఈశ్వరః |
ఫల భుక్ ఫల హస్తశ్చ సర్వ కర్మ ఫలప్రదః || ౧౧౬||
ధర్మాధ్యక్షో ధర్మఫలో ధర్మో ధర్మప్రదో అర్థదః |
పంచ వింశతి తత్త్వజ్ఞః తారక బ్రహ్మ తత్పరః || ౧౧౭||
త్రి మార్గవసతిర్భూమిః సర్వ దుఃఖ నిబర్హణః |
ఊర్జస్వాన్ నిష్కలః శూలీ మాలీ గర్జన్నిశాచరః || ౧౧౮||
రక్తాంబర ధరో రక్తో రక్త మాలా విభూషణః |
వన మాలీ శుభాంగశ్చ శ్వేతః స్వేతాంబరో యువా || ౧౧౯||
జయో జయ పరీవారః సహస్ర వదనః కవిః |
శాకినీ డాకినీ యక్ష రక్షో భూతౌఘ భంజనః || ౧౨౦||
సధ్యోజాతః కామగతిర్ జ్ఞాన మూర్తిః యశస్కరః |
శంభు తేజాః సార్వభౌమో విష్ణు భక్తః ప్లవంగమః || ౧౨౧||
చతుర్నవతి మన్త్రజ్ఞః పౌలస్త్య బల దర్పహా |
సర్వ లక్ష్మీ ప్రదః శ్రీమాన్ అన్గదప్రియ ఈడితః || ౧౨౨||
స్మృతిర్బీజం సురేశానః సంసార భయ నాశనః |
ఉత్తమః శ్రీపరీవారః శ్రీ భూ దుర్గా చ కామాఖ్యక || ౧౨౩||
సదాగతిర్మాతరిశ్చ రామ పాదాబ్జ షట్పదః |
నీల ప్రియో నీల వర్ణో నీల వర్ణ ప్రియః సుహృత్ || ౧౨౪||
రామ దూతో లోక బన్ధుః అన్తరాత్మా మనోరమః |
శ్రీ రామ ధ్యానకృద్ వీరః సదా కింపురుషస్స్తుతః || ౧౨౫||
రామ కార్యాంతరంగశ్చ శుద్ధిర్గతిరానమయః |
పుణ్య శ్లోకః పరానన్దః పరేశః ప్రియ సారథిః || ౧౨౬||
లోక స్వామి ముక్తి దాతా సర్వ కారణ కారణః |
మహా బలో మహా వీరః పారావారగతిర్గురుః || ౧౨౭||
సమస్త లోక సాక్షీ చ సమస్త సుర వందితః |
సీతా సమేత శ్రీ రామ పాద సేవా దురంధరః || ౧౨౮||
ఇతి శ్రీ సీతా సమేత శ్రీ రామ పాద సేవా దురంధర
శ్రీ హనుమత్ సహస్ర నామ స్తోత్రం సంపూర్ణం ||

Eka Dasha Mukha Hanumat Kavacham

ఏకాదశముఖహనుమత్కవచమ్


శ్రీగణేశాయ నమః |

లోపాముద్రా ఉవాచ |
కుమ్భోద్భవ దయాసిన్ధో శ్రుతం హనుమతః పరమ్ |
యన్త్రమన్త్రాదికం సర్వం త్వన్ముఖోదీరితం మయా || ౧||

దయాం కురు మయి ప్రాణనాథ వేదితుముత్సహే |
కవచం వాయుపుత్రస్య ఏకాదశముఖాత్మనః || ౨||

ఇత్యేవం వచనం శ్రుత్వా ప్రియాయాః ప్రశ్రయాన్వితమ్ |
వక్తుం ప్రచక్రమే తత్ర లోపాముద్రాం ప్రతి ప్రభుః || ౩||

అగస్త్య ఉవాచ |
నమస్కృత్వా రామదూతాం హనుమన్తం మహామతిమ్ |
బ్రహ్మప్రోక్తం తు కవచం శ్రృణు సున్దరి సాదరమ్ || ౪||

సనన్దనాయ సుమహచ్చతురాననభాషితమ్ |
కవచం కామదం దివ్యం రక్షఃకులనిబర్హణమ్ || ౫||

సర్వసమ్పత్ప్రదం పుణ్యం మర్త్యానాం మధురస్వరే |
ఓం అస్య శ్రీకవచస్యైకాదశవక్త్రస్య ధీమతః || ౬||

హనుమత్స్తుతిమన్త్రస్య సనన్దన ఋషిః స్మృతః |
ప్రసన్నాత్మా హనూమాంశ్చ దేవతా పరికీర్తితా || ౭||

ఛన్దోఽనుష్టుప్ సమాఖ్యాతం బీజం వాయుసుతస్తథా |
ముఖ్యః ప్రాణః శక్తిరితి వినియోగః ప్రకీర్తితః || ౮||

సర్వకామార్థసిద్ధయర్థం జప ఏవముదీరయేత్ |
ఓం స్ఫ్రేంబీజం శక్తిధృక్ పాతు శిరో మే పవనాత్మజః || ౯||

క్రౌంబీజాత్మా నయనయోః పాతు మాం వానరేశ్వరః |
క్షంబీజరూపః కర్ణౌ మే సీతాశోకవినాశనః || ౧౦||

గ్లౌంబీజవాచ్యో నాసాం మే లక్ష్మణప్రాణదాయకః |
వంబీజార్థశ్చ కణ్ఠం మే పాతు చాక్షయకారకః || ౧౧||

ఐంబీజవాచ్యో హృదయం పాతు మే కపినాయకః |
వంబీజకీర్తితః పాతు బాహూ మే చాఞ్జనీసుతః || ౧౨||

హ్రాంబీజో రాక్షసేన్ద్రస్య దర్పహా పాతు చోదరమ్ |
హ్రసౌంబీజమయో మధ్యం పాతు లఙ్కావిదాహకః || ౧౩||

హ్రీంబీజధరః పాతు గుహ్యం దేవేన్ద్రవన్దితః |
రంబీజాత్మా సదా పాతు చోరూ వార్ధిలంఘనః || ౧౪||

సుగ్రీవసచివః పాతు జానునీ మే మనోజవః |
పాదౌ పాదతలే పాతు ద్రోణాచలధరో హరిః || ౧౫||

ఆపాదమస్తకం పాతు రామదూతో మహాబలః |
పూర్వే వానరవక్త్రో మామాగ్నేయ్యాం క్షత్రియాన్తకృత్ || ౧౬||
దక్షిణే నారసింహస్తు నైఋర్త్యాం గణనాయకః |
వారుణ్యాం దిశి మామవ్యాత్ఖగవక్త్రో హరీశ్వరః || ౧౭||

వాయవ్యాం భైరవముఖః కౌబేర్యాం పాతు మాం సదా |
క్రోడాస్యః పాతు మాం నిత్యమైశాన్యం రుద్రరూపధృక్ || ౧౮||

ఊర్ధ్వం హయాననః పాతు గుహ్యాధః సుముఖస్తథా |
రామాస్యః పాతు సర్వత్ర సౌమ్యరూపో మహాభుజః || ౧౯||

ఇత్యేవం రామదూతస్య కవచం యః పఠేత్సదా |
ఏకాదశముఖస్యైతద్గోప్యం వై కీర్తితం మయా || ౨౦||

రక్షోఘ్నం కామదం సౌమ్యం సర్వసమ్పద్విధాయకమ్ |
పుత్రదం ధనదం చోగ్రశత్రుసంఘవిమర్దనమ్ || ౨౧||

స్వర్గాపవర్గదం దివ్యం చిన్తితార్థప్రదం శుభమ్ |
ఏతత్కవచమజ్ఞాత్వా మన్త్రసిద్ధిర్న జాయతే || ౨౨||

చత్వారింశత్సహస్రాణి పఠేచ్ఛుద్ధాత్మకో నరః |
ఏకవారం పఠేన్నిత్యం కవచం సిద్ధిదం పుమాన్ || ౨౩||

ద్వివారం వా త్రివారం వా పఠన్నాయుష్యమాప్నుయాత్ |
క్రమాదేకాదశాదేవమావర్తనజపాత్సుధీః || ౨౪||

వర్షాన్తే దర్శనం సాక్షాల్లభతే నాత్ర సంశయః |
యం యం చిన్తయతే చార్థం తం తం ప్రాప్నోతి పూరుషః || ౨౫||

బ్రహ్మోదీరితమేతద్ధి తవాగ్రే కథితం మహత్ || ౨౬||

ఇత్యేవముక్త్వా వచనం మహర్షిస్తూష్ణీం బభూవేన్దుముఖీం నిరీక్ష్య |
సంహృష్టచిత్తాపి తదా తదీయపాదా ననామాతిముదా స్వభర్తుః || ౨౭||

|| ఇత్యగస్త్యసారసంహితాయామేకాదశముఖహనుమత్కవచం సమ్పూర్ణమ్ ||

HANUMAT kAVACHAM (Ananda Ramayanam)

శ్రీ హనుమత్ కవచమ్


|| శ్రీమదానన్దరామాయణాన్తర్గత శ్రీ హనుమత్ కవచం ||

|| ఓం శ్రీ హనుమతే నమః ||
ఓం అస్య శ్రీ హనుమత్కవచ స్తోత్ర మహామన్త్రస్య|,
శ్రీ రామచన్ద్ర ఋషిః |
శ్రీ హనుమాన్ పరమాత్మా దేవతా |
అనుష్టుప్ ఛన్దః |
మారుతాత్మజేతి బీజం |
అఞ్జనీసూనురితి శక్తిః |
లక్ష్మణప్రాణదాతేతి కీలకం |
రామదూతాయేత్యస్త్రం |
హనుమాన్ దేవతా ఇతి కవచం |
పిఙ్గాక్షోమిత విక్రమ ఇతి మన్త్రః |
శ్రీరామచన్ద్ర ప్రేరణయా రామచన్ద్ర ప్రీత్యర్థం
మమ సకల కామనా సిద్ధ్యర్థం  జపే వినియోగః ||

కరన్యాసః ||
ఓం హాం అఞ్జనీసుతాయ అఙ్గుష్ఠాభ్యాం నమః |
ఓం హీం రుద్ర మూర్తయే తర్జనీభ్యాం నమః |
ఓం హూం రామదూతాయ మధ్యమాభ్యాం నమః |
ఓం హైం వాయుపుత్రాయ  అనామికాభ్యాం నమః |
ఓం హౌం అగ్నిగర్భాయ కనిష్ఠికాభ్యాం నమః |
ఓం హః బ్రహ్మాస్త్ర నివారణాయ కరతల కరపృష్ఠాభ్యాం నమః ||

అఙ్గన్యాసః ||
ఓం హాం అఞ్జనీసుతాయ హృదయాయ నమః |
ఓం హీం రుద్ర మూర్తయే శిరసే స్వాహా |
ఓం హూం రామదూతాయ శికాయై వషట్ |
ఓం హైం వాయుపుత్రాయ  కవచాయ హుం |
ఓం హౌం అగ్నిగర్భాయ నత్రత్రయాయ వౌషట్ |
ఓం హః బ్రహ్మాస్త్ర నివారణాయ అస్త్రాయ ఫట్ |
భూర్భువఃసువరోమితి దిగ్బన్ధః ||

అథ ధ్యానమ్ ||
ధ్యాయేత్బాలదివాకరద్యుతినిభం దేవారిదర్పాపహం
దేవేన్ద్ర ప్రముఖం ప్రశస్తయశసం దేదీప్యమానం రుచా |
సుగ్రీవాది సమస్తవానరయుతం సువ్యక్త తత్త్వప్రియం
సంసక్తారుణ లోచనం పవనజం పీతామ్బరాలఙ్కృతం || ౧||
ఉద్యన్ మార్తాణ్డకోటి ప్రకట రుచియుతం చారువీరాసనస్థం
మౌఞ్జీ యఙ్యోపవీతాభరణ రుచిశిఖం శోభితం కుణ్డలాఙ్గం |
భక్తానామిష్టదం తం ప్రణతమునిజనం వేదనాద ప్రమోదం
ధ్యాయేదేవం విధేయం ప్లవగ కులపతిం గోష్పదీభూత వార్ధిం || ౨||
వజ్రాఙ్గం పిఙ్గకేశాఢ్యం స్వర్ణకుణ్డల మణ్డితం
నిగూఢముపసఙ్గమ్య పారావార పరాక్రమం || ౩||
స్ఫటికాభం స్వర్ణకాన్తిం ద్విభుజం చ కృతాఞ్జలిం |
కుణ్డల ద్వయ సంశోభిముఖాంభోజం హరిం భజే || ౪||
సవ్యహస్తే గదాయుక్తం వామహస్తే కమణ్డలుం |
ఉద్యద్ దక్షిణ దోర్దణ్డం హనుమన్తం విచిన్తయేత్ || ౫||

అథ మన్త్రః ||
ఓం నమో హనుమతే శోభితాననాయ యశోలఙ్కృతాయ
అఞ్జనీగర్భ సంభూతాయ |
రామ లక్ష్మణానన్దకాయ |
కపిసైన్య ప్రకాశన పర్వతోత్పాటనాయ |
సుగ్రీవసాహ్యకరణ పరోచ్చాటన |
కుమార బ్రహ్మచర్య |
గంభీర శబ్దోదయ |
ఓం హ్రీం సర్వదుష్టగ్రహ నివారణాయ స్వాహా |
ఓం నమో హనుమతే ఏహి ఏహి |
సర్వగ్రహ భూతానాం శాకినీ డాకినీనాం
విశమదుష్టానాం సర్వేషామాకర్షయాకర్షయ |
మర్దయ మర్దయ |
ఛేదయ ఛేదయ |
మర్త్యాన్ మారయ మారయ |
శోషయ శోషయ |
ప్రజ్వల ప్రజ్వల |
భూత మణ్డల పిశాచమణ్డల నిరసనాయ |
భూతజ్వర ప్రేతజ్వర చాతుర్థికజ్వర
బ్రహ్మరాక్షస పిశాచః ఛేదనః క్రియా విష్ణుజ్వర |
మహేశజ్వరం ఛిన్ధి ఛిన్ధి |
భిన్ధి భిన్ధి |
అక్షిశూలే శిరోభ్యన్తరే హ్యక్షిశూలే గుల్మశూలే
పిత్తశూలే బ్రహ్మ రాక్షసకుల ప్రబల
నాగకులవిష నిర్విషఝటితిఝటితి |

ఓం హ్రీం ఫట్ ఘేకేస్వాహా |

ఓం నమో హనుమతే పవనపుత్ర వైశ్వానరముఖ
పాపదృష్టి శోదా దృష్టి హనుమతే ఘో అఙ్యాపురే స్వాహా |
స్వగృహే ద్వారే పట్టకే తిష్ఠ తిష్ఠేతి తత్ర
రోగభయం రాజకులభయం నాస్తి |
తస్యోచ్చారణ మాత్రేణ సర్వే జ్వరా నశ్యన్తి |

ఓం హ్రాం హ్రీం హ్రూం ఫట్ ఘేఘేస్వాహా |

శ్రీ రామచన్ద్ర ఉవాచ
హనుమాన్ పూర్వతః పాతు దక్షిణే పవనాత్మజః |
అధస్తు విష్ణు భక్తస్తు పాతు మధ్యం చ పావనిః || ౧||
లఙ్కా విదాహకః పాతు సర్వాపద్భ్యో నిరన్తరం |
సుగ్రీవ సచివః పాతు మస్తకం వాయునన్దనః || ౨||
భాలం పాతు మహావీరో భృవోర్మధ్యే నిరన్తరం |
నేత్రే ఛాయాపహారీ చ పాతు నః ప్లవగేశ్వరః || ౩||
కపోలే కర్ణమూలే చ పాతు శ్రీరామకిఙ్కరః |
నాసాగ్రం అఞ్జనీసూనుః పాతు వక్త్రం హరీశ్వరః || ౪||
వాచం రుద్రప్రియః పాతు జిహ్వాం పిఙ్గల లోచనః |
పాతు దేవః ఫాల్గునేష్టః చిబుకం దైత్యదర్పహా || ౫||
పాతు కణ్ఠం చ దైత్యారిః స్కన్ధౌ పాతు సురార్చితః |
భుజౌ పాతు మహాతేజాః కరౌ చ చరణాయుధః || ౬||
నగరన్ నఖాయుధః పాతు కుక్షౌ పాతు కపీశ్వరః |
వక్షో ముద్రాపహారీ చ పాతు పార్శ్వే భుజాయుధః || ౭||
లఙ్కా నిభఞ్జనః పాతు పృష్ఠదేశే నిరన్తరం |
నాభిం చ రామదూతస్తు కటిం పాత్వనిలాత్మజః || ౮||
గుహ్యం పాతు మహాప్రాఙ్యో లిఙ్గం పాతు శివప్రియః |
ఊరూ చ జానునీ పాతు లఙ్కాప్రసాద భఞ్జనః || ౯||
జఙ్ఘే పాతు కపిశ్రేష్ఠోః గుల్ఫౌ పాతు మహాబలః |
అచలోద్ధారకః పాతు పాదౌ భాస్కర సన్నిభః || ౧౦||
అఙ్గాన్యమిత సత్వాఢ్యః పాతు పాదరఙ్గులీస్తథా |
సర్వాఙ్గాని మహాశూరః పాతు రోమాణి చాక్మవిత్ || ౧౧||
హనుమత్ కవచం యస్తు పఠేద్ విద్వాన్ విచక్షణః |
స ఏవ పురుషశ్రేష్ఠో భుక్తిం ముక్తిం చ విన్దతి || ౧౨||
త్రికాలమేకకాలం వా పఠేన్ మాసత్రయం నరః |
సర్వాన్ రిపూన్ క్షణాన్ జిత్వా స పుమాన్ శ్రియమాప్నుయాత్ || ౧౩||

ఇతి శ్రీ శతకోటిరామచరితాంతర్గత శ్రీమదానన్దరామాయణే వాల్మికీయే మనోహరకాణ్డే
శ్రీ హనుమత్కవచం సంపూర్ణం ||

Hanuman Namaskaara

హనుమన్నమస్కారః


    గోష్పదీకృతవారీశం మశకీకృతరాక్షసమ్ |
    రామాయణమహామాలారత్నం వన్దేఽ్నిలాత్మజమ్ || ౧||

    అంజనానన్దనంవీరం జానకీశోకనాశనమ్ |
    కపీశమక్షహన్తారం వన్దే లఙ్కాభయఙ్కరమ్ || ౨||

    మహావ్యాకరణామ్భోధిమన్థమానసమన్దరమ్ |
    కవయన్తం రామకీర్త్యా హనుమన్తముపాస్మహే || ౩||

    ఉల్లఙ్ఘ్య సిన్ధోః సలిలం సలీలం
           యః శోకవహ్నిం జనకాత్మజాయాః |
    ఆదాయ తేనైవ దదాహ లఙ్కాం
           నమామి తం ప్రాంజలిరాంజనేయమ్ || ౪||

    మనోజవం మారుతతుల్యవేగం
           జితేన్ద్రియం బుద్ధిమతాం వరిష్ఠమ్ |
    వాతాత్మజం వానరయూథముఖ్యం
           శ్రీరామదూతం శిరసా నమామి || ౫||

    ఆంజనేయమతిపాటలాననం
           కాంచనాద్రికమనీయవిగ్రహమ్ |
    పారిజాతతరుమృలవాసినం
           భావయామి పవమాననన్దనమ్ || ౬||

    యత్ర యత్ర రఘునాథకీర్తనం
           తత్ర తత్ర కృతమస్తకాంజలిమ్ |
    బాష్పవారిపరిపూర్ణలోచనం
           మారుతిర్నమత రాక్షసాన్తకమ్ || ౭||

Hanumad Langulastra Stotram

లాఙ్గూలాస్త్రస్తోత్రమ్

శ్రీగణేశాయ నమః |
హనుమన్నఞ్జనీసూనో మహాబలపరాక్రమ |
లోలల్లాఙ్గూలపాతేన మమారాతీన్నిపాతయ || ౧||

మర్కటాధిప మార్తణ్డమండలగ్రాసకారక |
లోలల్లాఙ్గూలపాతేన మమారాతీన్నిపాతయ || ౨||

అక్షక్షపణ పిఙ్గాక్ష క్షితిజాసుక్షయఙ్కర |
లోలల్లాఙ్గూలపాతేన మమారాతీన్నిపాతయ || ౩||

రుద్రావతారసంసారదుఃఖభారాపహారక |
లోలల్లాఙ్గూలపాతేన మమారాతీన్నిపాతయ || ౪||

శ్రీరామచరణామ్భోజమధుపాయితమానస |
లోలల్లాఙ్గూలపాతేన మమారాతీన్నిపాతయ || ౫||

వాలికాలరదక్లాన్తసుగ్రీవోన్మోచనప్రభో |
లోలల్లాఙ్గూలపాతేన మమారాతీన్నిపాతయ || ౬||

సీతావిరహవారీశభగ్నసీతేశతారక |
లోలల్లాఙ్గూలపాతేన మమారాతీన్నిపాతయ || ౭||

రక్షోరాజప్రతాపాగ్నిదహ్యమానజగద్వన |
లోలల్లాఙ్గూలపాతేన మమారాతీన్నిపాతయ || ౮||

గ్రస్తాశేషజగత్స్వాస్థ్య రాక్షసామ్భోధిమన్దర |
లోలల్లాఙ్గూలపాతేన మమారాతీన్నిపాతయ || ౯||

పుచ్ఛగుచ్ఛస్ఫురద్వీర జగద్దగ్ధారిపత్తన |
లోలల్లాఙ్గూలపాతేన మమారాతీన్నిపాతయ || ౧౦||

జగన్మనోదురుల్లఙ్ఘ్యపారావారవిలఙ్ఘన |
లోలల్లాఙ్గూలపాతేన మమారాతీన్నిపాతయ || ౧౧||

స్మృతమాత్రసమస్తేష్టపూరక ప్రణతప్రియ |
లోలల్లాఙ్గూలపాతేన మమారాతీన్నిపాతయ || ౧౨||

రాత్రిఞ్చరచమూరాశికర్తనైకవికర్తన |
లోలల్లాఙ్గూలపాతేన మమారాతీన్నిపాతయ || ౧౩||

జానకీజానకీజానిప్రేమపాత్ర పరన్తప |
లోలల్లాఙ్గూలపాతేన మమారాతీన్నిపాతయ || ౧౪||

భీమాదికమహావీరవీరావేశావతారక |
లోలల్లాఙ్గూలపాతేన మమారాతీన్నిపాతయ || ౧౫||

వైదేహీవిరహల్కాన్తరామరోషైకవిగ్రహ |
లోలల్లాఙ్గూలపాతేన మమారాతీన్నిపాతయ || ౧౬||

వజ్రాఙ్గనఖదన్ష్ట్రేశ వజ్రివజ్రావగుణ్ఠన |
లోలల్లాఙ్గూలపాతేన మమారాతీన్నిపాతయ || ౧౭||

అఖర్వగర్వగన్ధర్వపర్వతోద్భేదనస్వర |
లోలల్లాఙ్గూలపాతేన మమారాతీన్నిపాతయ || ౧౮||

లక్ష్మణప్రాణసన్త్రాణ త్రాతస్తీక్ష్ణకరాన్వయ |
లోలల్లాఙ్గూలపాతేన మమారాతీన్నిపాతయ || ౧౯||

రామాదివిప్రయోగార్త భరతాద్యార్తినాశన |
లోలల్లాఙ్గూలపాతేన మమారాతీన్నిపాతయ || ౨౦||

ద్రోణాచలసముత్క్షేపసముత్క్షిప్తారివైభవ |
లోలల్లాఙ్గూలపాతేన మమారాతీన్నిపాతయ || ౨౧||

సీతాశీర్వాదసమ్పన్న సమస్తావయవాక్షత |
లోలలాంగూలపాతేన మమారాతీన్నిపాతయ || ౨౨||

ఇత్యేవమశ్వత్థతలోపవిష్టః శత్రుఞ్జయం నామ పఠేత్స్వయం యః |
స శీఘ్రమేవాస్తసమస్తశత్రుః ప్రమోదతే మారూతజప్రసాదాత్ || ౨౩||

ఇతి  శ్రీలాంగూలాస్త్ర శత్రుఞ్జయం హనుమత్స్తోత్రమ్ ||

Hanumat Pancha Ratnam (Shankaracharya)

 శ్రీ హనుమత్పఞ్చరత్నమ్


 వీతాఖిలవిషయేచ్ఛం జాతానన్దాశ్ర| పులకమత్యచ్ఛమ్ |
 సీతాపతి దూతాద్యం వాతాత్మజమద్య భావయే హృద్యమ్ || ౧||

 తరుణారుణ ముఖకమలం కరుణారసపూరపూరితాపాఙ్గమ్ |
 సన్జీవనమాశాసే మఞ్జులమహిమానమఞ్జనాభాగ్యమ్ || ౨||

 శమ్బరవైరిశరాతిగమమ్బుజదలవిపులలోచనోదారమ్ |
 కమ్బుగలమనిలదిష్టమ్ బిమ్బజ్వలితోష్ఠమేకమవలమ్బే || ౩||

 దూరీకృతసీతార్తిః ప్రకటీకృతరామవైభవస్ఫూర్తిః |
 దారితదశముఖకీర్తిః పురతో మమ భాతు హనుమతో మూర్తిః || ౪||

 వానరనికరాధ్యక్షం దానవకులకుముదరవికరసదృశమ్ |
 దీనజనావనదీక్షం పవన తపః పాకపుఞ్జమద్రాక్షమ్ || ౫||

 ఏతత్పవనసుతస్య స్తోత్రం
      యః పఠతి పఞ్చరత్నాఖ్యమ్ |
 చిరమిహనిఖిలాన్ భోగాన్ భుఙ్క్త్వా
      శ్రీరామభక్తిభాగ్భవతి || ౬||

 ఇతి శ్రీమచ్ఛంకరభగవతః కృతౌ హనుమత్పఞ్చరత్నం సంపూర్ణమ్ ||