Lakshmi Nrusimha Pancha Ratna Stotram

లక్ష్మీనృసింహపఞ్చరత్నమ్

త్వత్ప్రభుజీవప్రియమిచ్ఛసి చేన్నరహరిపూజాం కురు సతతం
  ప్రతిబిమ్బాలంకృతిధృతికుశలో బిమ్బాలంకృతిమాతనుతే |
చేతోభృఙ్గ భ్రమసి వృథా భవమరుభూమౌ విరసాయాం
  భజ భజ లక్ష్మీనరసింహానఘపదసరసిజమకరన్దమ్ || ౧||

శుక్త్తౌ రజతప్రతిభా జాతా కతకాద్యర్థసమర్థా చే
  ద్దుఃఖమయీ తే సంసృతిరేషా నిర్వృతిదానే నిపుణా స్యాత్ |
చేతోభృఙ్గ భ్రమసి వృథా భవమరుభూమౌ విరసాయాం
  భజ భజ లక్ష్మీనరసింహానఘపదసరసిజమకరన్దమ్ || ౨||

ఆకృతిసామ్యాచ్ఛాల్మలికుసుమే స్థలనలినత్వభ్రమమకరోః
  గన్ధరసావిహ కిము విద్యేతే విఫలం భ్రామ్యసి భృశవిరసేస్మిన్ |
చేతోభృఙ్గ భ్రమసి వృథా భవమరుభూమౌ విరసాయాం
  భజ భజ లక్ష్మీనరసింహానఘపదసరసిజమకరన్దమ్ || ౩||

స్రక్చన్దనవనితాదీన్విషయాన్సుఖదాన్మత్వా తత్ర విహరసే
  గన్ధఫలీసదృశా నను తేమీ భోగానన్తరదుఃఖకృతః స్యుః |
చేతోభృఙ్గ భ్రమసి వృథా భవమరుభూమౌ విరసాయాం
  భజ భజ లక్ష్మీనరసింహానఘపదసరసిజమకరన్దమ్ || ౪||

తవ హితమేకం వచనం వక్ష్యే శృణు సుఖకామో యది సతతం
  స్వప్నే దృష్టం సకలం హి మృషా జాగ్రతి చ స్మర తద్వదితి|
చేతోభృఙ్గ భ్రమసి వృథా భవమరుభూమౌ విరసాయాం
  భజ భజ లక్ష్మీనరసింహానఘపదసరసిజమకరన్దమ్ || ౫||


 ఇతి శ్రీమత్పరమహంసపరివ్రాజకాచార్యస్య శ్రీ గోవిన్ద భగవత్పూజ్యపాద శిష్యస్య
      శ్రీమచ్ఛంకర భగవతః కృతౌ లక్ష్మీనృసింహ పJణ్చరత్నమ్ సమ్పూర్ణమ్ ||

Nrusimha stotram

నృసింహస్తోత్ర

శ్రీ గణేశాయ నమః |
సురాసురశిరోరత్నకాన్తివిచ్ఛురితాఙ్ఘ్రయే |
నమస్త్రిభువనేశాయ హరయే సింహరూపిణే || ౧||

శత్రోః ప్రాణానిలాస్తత్ర వయం దశ జయోత్ర కః |
ఇతి కోపాదివాతామ్రాః పాన్తు వో నృహరేర్నఖాః || ౨||

ప్రోజ్జ్వలజ్వలనజ్వాలావికటోరుసటాఛటః |
శ్వాసక్షిప్తకులక్ష్మాభృత్పాతు వో నరకేసరీ || ౩||

వ్యాధూతకేసరసటావికరాలవక్త్రం
హస్తాగ్రవిస్ఫురితశఙ్ఖగదాసిచక్రమ్ |
ఆవిష్కృతం సపది యేన నృసింహరూపం
నారాయణం తమపి విశ్వసృజం నమామి || ౪||

దైత్యాస్థిపఞ్జరవిదారణలబ్ధరన్ధ్ర
రక్తామ్బునిర్జరసరిద్ధనజాతపఙ్కా |
బాలేన్దుకోటికుటిలాః శుకచఞ్చుభాసో
రక్షన్తు సింహవపుషో నఖరా హరేర్వః || ౫||

దిశ్యాత్సుఖం నరహరిర్భువనైకవీరో
యస్యాహవే దితిసుతోద్దలనోద్యతస్య |
క్రోధోద్యతం ముఖమవేక్షితుమక్షమత్వం
జానేభవన్నిజనఖేష్వపి యన్నతాస్తే || ౬||

|| ఇతి నృసింహస్తోత్రమ్ ||

Nrisimha panchamrita stotram

శ్రీ నృసింహపఞ్చామృతస్తోత్రమ్
             (శ్రీరామకృతమ్)
(From Gleanings from Sanskrit literature)

అహొబిలం నారసింహం గత్వా రామః ప్రతాపవాన్ |
నమస్కృత్వా శ్రీనృసింహం అస్తౌషీత్ కమలాపతిమ్ || ౧ ||

గొవిన్ద కెశవ జనార్దన వాసుదెవ
విశ్వెశ విశ్వ మధుసూదన విశ్వరూప |
శ్రీ పద్మనాభ పురుషోత్తమ పుష్కరాక్ష
నారాయణాచ్యుత నృసింహ నమొ నమస్తె || ౨ ||

దేవాః సమస్తాః ఖలు యొగిముఖ్యాః
గన్ధర్వ విద్యాధర కిన్నరాశ్చ |
యత్పాదమూలం సతతం నమన్తి
తం నారసింహం శరణం గతొస్మి || ౩ ||

వెదాన్ సమస్తాన్ ఖలు శాస్త్రగర్భాన్
విద్యాబలె కీర్తిమతీం చ లక్ష్మీమ్ |
యస్య ప్రసాదాత్ సతతం లభన్తె
తం నారసింహం శరణం గతొస్మి || ౪ ||

బ్రహ్మా శివస్త్వం పురుషొత్తమశ్చ
నారాయణొసౌ మరుతాం పతిశ్చ |
చన్ద్రార్క వాయ్వగ్ని మరుద్గణాశ్చ
త్వమెవ తం త్వాం సతతం నతొస్మి || ౫ ||

స్వప్నెపి నిత్యం జగతాం త్రయాణామ్
స్రష్టా చ హన్తా విభురప్రమెయః |
త్రాతా త్వమెకస్త్రివిధొ విభిన్నః
తం త్వాం నృసింహం సతతం నతొస్మి || ౬ ||

రాఘవెణకృతం స్తొత్రం పఞ్చామృతమనుత్తమమ్ |
పఠన్తి యె ద్విజవరాః తెషాం స్వర్గస్తు శాశ్వతః || ౭ ||

Shri LakShmI NrusiMha karaavalamba stotram

లక్ష్మీ నృసింహ కరావలంబ స్తోత్రం
(Wikisource నుండి)

శ్రీమత్పయోనిధినికేతన చక్రపాణే
భోగింద్రభోగమణిరంజిత పుణ్యమూర్తే
యోగీశ శాశ్వత శరణ్య భవాబ్ధిపోత
లక్ష్మీనృసింహ మమ దేహి కరావలంబమ్


బ్రహ్మేంద్రరుద్రమరుదర్కకిరీటకోటి
సంఘట్టితాంఘ్రికమలామలకాంతికాంత
లక్ష్మీలసత్ కుచసరోరుహ రాజహంస
లక్ష్మీనృసింహ మమదేహి కరావలంబమ్

సంసారసాగర విశాల కరాళకామ
నక్రగ్రహ గ్రసన నిగ్రహ విగ్రహస్య
మగ్నస్య రాగలసదూర్మినిపీడితస్య
లక్ష్మీనృసింహ మమ దేహి కరావలంబమ్

సంసారఘోరగహనే చరతో మురారే
మారోగ్రభీకర మృగ ప్రవరార్దితస్య
ఆర్తస్య మత్సర నిదాఘ నిపీడితస్య
లక్ష్మీనృసింహ మమ దేహి కరావలంబమ్

సంసారకూప మతిఘోర మగాధమూలం
సంప్రాప్య దుఃఖ శతసర్పసమాకులస్య
దీనస్య దేవ కృపయా శరణాగతస్య
లక్ష్మీనృసింహ మమ దేహి కరావలంబమ్

సంసారభీకర కరీంద్ర కరాభి ఘాత
నిష్పీడ్యమానవపుష స్సకాలార్దితస్య
ప్రాణప్రయాణ భవభీతి సమాకులస్య
లక్ష్మీనృసింహ మమ దేహి కరావలంబమ్

సంసార సర్పవిషదుష్ట భయోగ్రతీవ్ర
దంష్ట్రాకరాళ విషదగ్ధ వినష్టమూర్తేః
నాగారివాహన సుధాబ్ధినివాస శౌరే
లక్ష్మీనృసింహ మమ దేహి కరావలంబమ్

సంసారజాలపతితస్య జగన్నివాస
సర్వేందియార్ధబడిశస్థ ఝుషాత్మనశ్చ
ప్రోత్తంభిత ప్రచురతాలుక మస్తకస్య
లక్ష్మీనృసింహ మమ దేహి కరావలంబమ్

సంసారవృక్ష మఘబీజ మనంతకర్మ
శాఖాయుతం కరణపత్ర మనంగ పుష్పమ్
ఆరుహ్య దు:ఖ జలధౌ పతతో దయాళో
లక్ష్మీనృసింహ మమ దేహి కరావలంబమ్

సంసారదావ దహనాకుల భీకరోగ్ర
జ్వాలావళీభి రభిదగ్ధ తనూరుహస్య
త్వత్పాదయుగ్మ సరసీరుహ మస్తకస్య
లక్ష్మీనృసింహ మమ దేహి కరావలంబమ్

సంసారసాగర నిమజ్జన మహ్యమానం
దీనంవిలోకయ విభో కరుణానిధే మామ్
ప్రహ్లాదఖేద పరిహార పరావతార
లక్ష్మీనృసింహ మమ దేహి కరావలంబమ్

సంసార యూథ గజసంహతి సింహదంష్ట్రా
భీతస్య దుష్టమతిదైత్య భయంకరేణ
ప్రాణప్రయాణభవభీతినివారణేన
లక్ష్మీనృసింహ మమ దేహి కరావలంబమ్

సంసారయోగి సకలేప్సిత నిత్యకర్మ
సంప్రాప్యదు:ఖ సకలేంద్రియ మృత్యునాశ
సంకల్ప సింధుతనయాకుచకుంకుమాంక
లక్ష్మీనృసింహ మమ దేహి కరావలంబమ్

బద్ధ్వా కశై ర్యమభటా బహు భర్త్సయంతి
కర్షంతి యత్ర పథి పాశశయై ర్యదా మామ్
ఏకాకినం పరవశం చకితం దయాళో
లక్ష్మీనృసింహ మమ దేహి కరావలంబమ్

అంధస్యమే హృతవెవేకమహాధనస్య
చోరై ర్మహాబలభి రింద్రియనామధేయైః
మోహాంధకారకుహరే వినిపాతితస్య
లక్ష్మీనృసింహ మమ దేహి కరావలంబమ్

లక్ష్మీపతే కమలనాభ సురేశ విష్ణో
యఙ్ఞేశ యఙ్ఞ మధుసూదన విశ్వరూప
బ్రహ్మణ్య కేశవ జనార్దన వాసుదేవ
లక్ష్మీనృసింహ మమ దేహి కరావలంబమ్

ప్రహ్లాద నారద పరాశర పుండరీక
వ్యాసాంబరీష శుక శౌనక హృన్నివాస
భక్తానురక్త పరపాలన పారిజాత
లక్ష్మీనృసింహ మమ దేహి కరావలంబమ్

ఏకేన చక్ర మపరేణ కరేణ శంఖ
మన్యేన సింధుతనయా మవలంబ్య తిష్ఠన్
వామేతరేణ వరదాభయహస్తముద్రాం
లక్ష్మీనృసింహ మమ దేహి కరావలంబమ్

ఆద్యంతశూన్య మజ మవ్యయ మప్రమేయ
మాదిత్యరుద్ర నిగమాది నుత ప్రభావమ్
త్వాంభోధిజాస్య మధులోలుప మత్తభృంగం
లక్ష్మీనృసింహ మమ దేహి కరావలంబమ్

వారాహ రామ నరసింహ రమాదికాంతా
క్రీడా విలోల విధిశూలి సుర ప్రవంద్య
హంసాత్మకం పరమహంస విహారలీలం
లక్ష్మీనృసింహ మమ దేహి కరావలంబమ్

మతా నృసింహశ్చ పితా నృసింహ:
భ్రాతా నృసింహశ్చ సఖానృసింహ:
విద్యా నృసింహో ద్రవిణం నృసింహ:
స్వామీ నృసింహ: సకలం నృసింహ:

ప్రహ్లాద మానససరోజ విహారభృంగ
గంగాతరంగధవళాంగ రమాస్థితాంగ
శృంగార సంగర కిరీటలసద్వరాంగ
లక్ష్మీనృసింహ మమ దేహి కరావలంబమ్

శ్రీశంకరాచార్యరచితం సతతం మనుష్య:
స్తోత్రం పఠేదిహ తు సర్వగుణప్రపన్నమ్
సద్యో విముక్త కలుషో మునివర్యగణ్యో
లక్ష్మీపతే: పద ముపైతి స నిర్మలాత్మా

యన్మాయ యార్జితవపు:ప్రచుర ప్రవాహ
మగ్నార్త మర్త్యనివహేషు కరావలంబమ్
లక్ష్మీనృసింహ చరణాభ మధువ్ర తేన
స్తోత్రం కృతం శుభకరం భువి శంకరేణ

శ్రీమన్నృసింహ విభవే గరుడధ్వజాయ
తాపత్రయోపశమనాయ భవౌషధాయ
తృష్ణాది వృశ్చిక జలాగ్ని భుజంగరోగ
క్లేశవ్యయాయ హరయే గురవే నమస్తే

||ఇతి శ్రీ లక్ష్మీనృసింహ కరావలంబ స్తోత్రమ్||