Achyuta Astakam (Shankaracharya Kritam)

అచ్యుతాష్టకం




అచ్యుతం కేశవం రామనారాయణం కృష్ణదామోదరం వాసుదేవం హరిమ్ ||
శ్రీధరం మాధవం గోపికావల్లభం జానకీనాయకం రామచన్ద్రం భజే || ౧||


అచ్యుతం కేశవం సత్యభామాధవం మాధవం శ్రీధరం రాధికారాధితమ్ ||
ఇన్దిరామన్దిరం చేతసా సున్దరం దేవకీనన్దనం నన్దనం సందధే || ౨||


విష్ణవే జిష్ణవే శఙ్ఖినే చక్రిణే రుక్మినీరాగిణే జానకీజానయే ||
వల్లవీవల్లభాయాఽర్చితాయాత్మనే కంసవిధ్వంసినే వంశినే తే నమః || ౩||


కృష్ణ గోవిన్ద హే రామ నారాయణ శ్రీపతే వాసుదేవాజిత శ్రీనిధే ||
అచ్యుతానన్త హే మాధవాధోక్షజ ద్వారకానాయక ద్రౌపదీరక్షక || ౪||


రాక్షసక్షోభితః సీతయా శోభితో దణ్డకారణ్యభూపుణ్యతాకారణః ||
లక్ష్మణేనాన్వితో వానరైః సేవితోఽగస్త్యసంపూజితో రాఘవః పాతు మామ్ || ౫||


ధేనుకారిష్టకోఽనిష్టకృద్ద్వేషిణాం కేశిహా కంసహృద్వంశికావాదకః ||
పూతనాకోపకః సూరజాఖేలనో బాలగోపాలకః పాతు మామ్ సర్వదా || ౬||


విద్యుదుద్ధయోతవానప్రస్ఫురద్వాససం ప్రావృడమ్భోదవత్ప్రోల్లసద్విగ్రహమ్ ||
వన్యయా మాలయా శోభితోరఃస్థలం లోహితాంఘ్రిద్వయం వారిజాక్షం భజే || ౭||


కుఞ్చితైః కున్తలైర్భ్రాజమానాననం రత్నమౌలిం లసత్ కుణ్డలం గణ్డయోః ||
హారకేయూరకం కఙ్కణప్రోజ్జ్వలం కిఙ్కిణీమఞ్జులం శ్యామలం తం భజే || ౮||


అచ్యుతస్యాష్టకం యః పఠేదిష్టదం ప్రేమతః ప్రత్యహం పూరుషః సస్పృహమ్ |
వృత్తతః సుందరం కర్తృ విశ్వంభరం తస్య వశ్యో హరిర్జాయతే సత్వరమ్ || ౯||


|| ఇతి శ్రీశంకరాచార్యవిరచితమచ్యుతాష్టకం సంపూర్ణమ్ ||