గణపతి కవచము

గణపతి కవచము

ఏషోతి చపలో దైత్యాన్ బాల్యేపి నాశయత్యహో |
అగ్రే కిం కర్మ కర్తేతి న జానే మునిసత్తమ || ౧ ||
దైత్యా నానావిధా దుష్టాస్సాధు దేవద్రుమః ఖలాః |
అతోస్య కణ్ఠే కిఞ్చిత్త్యం రక్షాం సమ్బద్ధుమర్హసి || ౨ ||
ధ్యాయేత్ సింహగతం వినాయకమముం దిగ్బాహు మాద్యే యుగే
త్రేతాయాం తు మయూర వాహనమముం షడ్బాహుకం సిద్ధిదమ్ |
ద్వాపరేతు గజాననం యుగభుజం రక్తాఙ్గరాగం విభుమ్ తుర్యే
తు ద్విభుజం సితాఙ్గరుచిరం సర్వార్థదం సర్వదా || ౩ ||
వినాయక శ్శిఖామ్పాతు పరమాత్మా పరాత్పరః |
అతిసున్దర కాయస్తు మస్తకం సుమహోత్కటః || ౪ ||
లలాటం కశ్యపః పాతు భ్రూయుగం తు మహోదరః |
నయనే బాలచన్ద్రస్తు గజాస్యస్త్యోష్ఠ పల్లవౌ || ౫ ||
జిహ్వాం పాతు గజక్రీడశ్చుబుకం గిరిజాసుతః |
వాచం వినాయకః పాతు దన్తాన్ రక్షతు దుర్ముఖః || ౬ ||
శ్రవణౌ పాశపాణిస్తు నాసికాం చిన్తితార్థదః |
గణేశస్తు ముఖం పాతు కణ్ఠం పాతు గణాధిపః || ౭ ||
స్కన్ధౌ పాతు గజస్కన్ధః స్తనే విఘ్నవినాశనః |
హృదయం గణనాథస్తు హేరమ్బో జఠరం మహాన్ || ౮ ||
ధరాధరః పాతు పార్శ్వౌ పృష్ఠం విఘ్నహరశ్శుభః |
లిఙ్గం గుహ్యం సదా పాతు వక్రతుణ్డో మహాబలః || ౯ ||
గజక్రీడో జాను జఙ్ఘో ఊరూ మఙ్గళకీర్తిమాన్ |
ఏకదన్తో మహాబుద్ధిః పాదౌ గుల్ఫౌ సదావతు || ౧౦ ||
క్షిప్ర ప్రసాదనో బాహు పాణీ ఆశాప్రపూరకః |
అఙ్గుళీశ్చ నఖాన్ పాతు పద్మహస్తో రినాశనః || ౧౧ ||
సర్వాఙ్గాని మయూరేశో విశ్వవ్యాపీ సదావతు |
అనుక్తమపి యత్ స్థానం ధూమకేతుః సదావతు || ౧౨ ||
ఆమోదస్త్వగ్రతః పాతు ప్రమోదః పృష్ఠతోవతు |
ప్రాచ్యాం రక్షతు బుద్ధీశ ఆగ్నేయ్యాం సిద్ధిదాయకః || ౧౩ ||
దక్షిణస్యాముమాపుత్రో నైఋత్యాం తు గణేశ్వరః |
ప్రతీచ్యాం విఘ్నహర్తా వ్యాద్వాయవ్యాం గజకర్ణకః || ౧౪ ||
కౌబేర్యాం నిధిపః పాయాదీశాన్యావిశనన్దనః |
దివావ్యాదేకదన్త స్తు రాత్రౌ సన్ధ్యాసు యఃవిఘ్నహృత్ || ౧౫ ||
రాక్షసాసుర బేతాళ గ్రహ భూత పిశాచతః |
పాశాఙ్కుశధరః పాతు రజస్సత్త్వతమస్స్మృతీః || ౧౬ ||
ఙ్ఞానం ధర్మం చ లక్ష్మీ చ లజ్జాం కీర్తిం తథా కులమ్ | ఈ
వపుర్ధనం చ ధాన్యం చ గృహం దారాస్సుతాన్సఖీన్ || ౧౭ ||
సర్వాయుధ ధరః పౌత్రాన్ మయూరేశో వతాత్ సదా |
కపిలో జానుకం పాతు గజాశ్వాన్ వికటోవతు || ౧౮ ||
భూర్జపత్రే లిఖిత్వేదం యః కణ్ఠే ధారయేత్ సుధీః |
న భయం జాయతే తస్య యక్ష రక్షః పిశాచతః || ౧౯ ||
త్రిసన్ధ్యం జపతే యస్తు వజ్రసార తనుర్భవేత్ |
యాత్రాకాలే పఠేద్యస్తు నిర్విఘ్నేన ఫలం లభేత్ || ౨౦ ||
యుద్ధకాలే పఠేద్యస్తు విజయం చాప్నుయాద్ధ్రువమ్ |
మారణోచ్చాటనాకర్ష స్తమ్భ మోహన కర్మణి || ౨౧ ||
సప్తవారం జపేదేతద్దనానామేకవింశతిః |
తత్తత్ఫలమవాప్నోతి సాధకో నాత్ర సంశయః || ౨౨ ||
ఏకవింశతివారం చ పఠేత్తావద్దినాని యః |
కారాగృహగతం సద్యో రాఙ్ఞావధ్యం చ మోచయోత్ || ౨౩ ||
రాజదర్శన వేళాయాం పఠేదేతత్ త్రివారతః |
స రాజానం వశం నీత్వా ప్రకృతీశ్చ సభాం జయేత్ || ౨౪ ||
ఇదం గణేశకవచం కశ్యపేన సవిరితమ్ |
ముద్గలాయ చ తే నాథ మాణ్డవ్యాయ మహర్షయే || ౨౫ ||
మహ్యం స ప్రాహ కృపయా కవచం సర్వ సిద్ధిదమ్ |
న దేయం భక్తిహీనాయ దేయం శ్రద్ధావతే శుభమ్ || ౨౬ ||
అనేనాస్య కృతా రక్షా న బాధాస్య భవేత్ వ్యాచిత్ |
రాక్షసాసుర బేతాళ దైత్య దానవ సమ్భవాః || ౨౭ ||
|| ఇతి శ్రీ గణేశపురాణే శ్రీ గణేశ కవచం సమ్పూర్ణమ్ ||
మీ
శశికాంత్ శర్మ దహగం

Ekadanta Sthotram ఏకదంత స్తోత్రం

॥ ఏకదన్తగణేశస్తోత్రమ్ ॥

శ్రీగణేశాయ నమః ।
మదాసురం సుశాన్తం వై దృష్ట్వా విష్ణుముఖాః సురాః ।
భృగ్వాదయశ్చ మునయ ఏకదన్తం సమాయయుః ॥ ౧॥

ప్రణమ్య తం ప్రపూజ్యాదౌ పునస్తం నేమురాదరాత్ ।
తుష్టువుర్హర్షసంయుక్‍తా ఏకదన్తం గణేశ్వరమ్ ॥ ౨॥

దేవర్షయ ఊచుః
సదాత్మరూపం సకలాది-భూతమమాయినం సోఽహమచిన్త్యబోధమ్ ।
అనాది-మధ్యాన్త-విహీనమేకం తమేకదన్తం శరణం వ్రజామః ॥ ౩॥

అనన్త-చిద్రూప-మయం గణేశం హ్యభేద-భేదాది-విహీనమాద్యమ్ ।
హృది ప్రకాశస్య ధరం స్వధీస్థం తమేకదన్తం శరణం వ్రజామః ॥ ౪॥

విశ్వాదిభూతం హృది యోగినాం వై ప్రత్యక్షరూపేణ విభాన్తమేకమ్ ।
సదా నిరాలమ్బ-సమాధిగమ్యం తమేకదన్తం శరణం వ్రజామః ॥ ౫॥

స్వబిమ్బభావేన విలాసయుక్‍తం బిన్దుస్వరూపా రచితా స్వమాయా ।
తస్యాం స్వవీర్యం ప్రదదాతి యో వై తమేకదన్తం శరణం వ్రజామః ॥ ౬॥

త్వదీయ-వీర్యేణ సమర్థభూతా మాయా తయా సంరచితం చ విశ్వమ్ ।
నాదాత్మకం హ్యాత్మతయా ప్రతీతం తమేకదన్తం శరణం వ్రజామః ॥ ౭॥

త్వదీయ-సత్తాధరమేకదన్తం గణేశమేకం త్రయబోధితారమ్ ।
సేవన్త ఆపుస్తమజం త్రిసంస్థాస్తమేకదన్తం శరణం వ్రజామః ॥ ౮॥

తతస్త్వయా ప్రేరిత ఏవ నాదస్తేనేదమేవం రచితం జగద్వై ।
ఆనన్దరూపం సమభావసంస్థం తమేకదన్తం శరణం వ్రజామః ॥ ౯॥

తదేవ విశ్వం కృపయా తవైవ సమ్భూతమాద్యం తమసా విభాతమ్ ।
అనేకరూపం హ్యజమేకభూతం తమేకదన్తం శరణం వ్రజామః ॥ ౧౦॥

తతస్త్వయా ప్రేరితమేవ తేన సృష్టం సుసూక్ష్మం జగదేకసంస్థమ్ ।
సత్త్వాత్మకం శ్వేతమనన్తమాద్యం తమేకదన్తం శరణం వ్రజామః ॥ ౧౧॥

తదేవ స్వప్నం తపసా గణేశం సంసిద్ధిరూపం వివిధం వభూవ ।
సదేకరూపం కృపయా తవాఽపి తమేకదన్తం శరణం వ్రజామః ॥ ౧౨॥

సమ్ప్రేరితం తచ్చ త్వయా హృదిస్థం తథా సుసృష్టం జగదంశరూపమ్ ।
తేనైవ జాగ్రన్మయమప్రమేయం తమేకదన్తం శరణం వ్రజామః ॥ ౧౩॥

జాగ్రత్స్వరూపం రజసా విభాతం విలోకితం తత్కృపయా యదైవ ।
తదా విభిన్నం భవదేకరూపం తమేకదన్తం శరణం వ్రజామః ॥ ౧౪॥

ఏవం చ సృష్ట్వా ప్రకృతిస్వభావాత్తదన్తరే త్వం చ విభాసి నిత్యమ్ ।
బుద్ధిప్రదాతా గణనాథ ఏకస్తమేకదన్తం శరణం వ్రజామః ॥ ౧౫॥

త్వదాజ్ఞయా భాన్తి గ్రహాశ్చ సర్వే నక్షత్రరూపాణి విభాన్తి ఖే వై ।
ఆధారహీనాని త్వయా ధృతాని తమేకదన్తం శరణం వ్రజామః ॥ ౧౬॥

త్వదాజ్ఞయా సృష్టికరో విధాతా త్వదాజ్ఞయా పాలక ఏవ విష్ణుః ।
త్వదాజ్ఞయా సంహరకో హరోఽపి తమేకదన్తం శరణం వ్రజామః ॥ ౧౭॥

యదాజ్ఞయా భూర్జలమధ్యసంస్థా యదాజ్ఞయాఽపః ప్రవహన్తి నద్యః ।
సీమాం సదా రక్షతి వై సముద్రస్తమేకదన్తం శరణం వ్రజామః ॥ ౧౮॥

యదాజ్ఞయా దేవగణో దివిస్థో దదాతి వై కర్మఫలాని నిత్యమ్ ।
యదాజ్ఞయా శైలగణోఽచలో వై తమేకదన్తం శరణం వ్రజామః ॥ ౧౯॥

యదాజ్ఞయా శేష ఇలాధరో వై యదాజ్ఞయా మోహప్రదశ్చ కామః ।
యదాజ్ఞయా కాలధరోఽర్యమా చ తమేకదన్తం శరణం వ్రజామః ॥ ౨౦॥

యదాజ్ఞయా వాతి విభాతి వాయుర్యదాజ్ఞయాఽగ్నిర్జఠరాదిసంస్థః ।
యదాజ్ఞయా వై సచరాఽచరం చ తమేకదన్తం శరణం వ్రజామః ॥ ౨౧॥

సర్వాన్తరే సంస్థితమేకగూఢం యదాజ్ఞయా సర్వమిదం విభాతి ।
అనన్తరూపం హృది బోధకం వై తమేకదన్తం శరణం వ్రజామః ॥ ౨౨॥

యం యోగినో యోగబలేన సాధ్యం కుర్వన్తి తం కః స్తవనేన స్తౌతి ।
అతః ప్రణామేన సుసిద్ధిదోఽస్తు తమేకదన్తం శరణం వ్రజామః ॥ ౨౩॥

గృత్సమద ఉవాచ
ఏవం స్తుత్వా చ ప్రహ్లాద దేవాః సమునయశ్చ వై ।
తూష్ణీం భావం ప్రపద్యైవ ననృతుర్హర్షసంయుతాః ॥ ౨౪॥

స తానువాచ ప్రీతాత్మా హ్యేకదన్తః స్తవేన వై ।
జగాద తాన్ మహాభాగాన్ దేవర్షీన్ భక్‍తవత్సలః ॥ ౨౫॥

ఏకదన్త ఉవాచ
ప్రసన్నోఽస్మి చ స్తోత్రేణ సురాః సర్షిగణాః కిల ।
వృణుధ్వం వరదోఽహం వో దాస్యామి మనసీప్సితమ్ ॥ ౨౬॥

భవత్కృతం మదీయం వై స్తోత్రం ప్రీతిప్రదం మమ ।
భవిష్యతి న సన్దేహః సర్వసిద్ధిప్రదాయకమ్ ॥ ౨౭॥

యం యమిచ్ఛతి తం తం వై దాస్యామి స్తోత్రపాఠతః ।
పుత్ర-పౌత్రాదికం సర్వం లభతే ధన-ధాన్యకమ్ ॥ ౨౮॥

గజాశ్వాదికమత్యన్తం రాజ్యభోగం లభేద్ ధ్రువమ్ ।
భుక్‍తిం ముక్‍తిం చ యోగం వై లభతే శాన్తిదాయకమ్ ॥ ౨౯॥

మారణోచ్చాటనాదీని రాజ్యబన్ధాదికం చ యత్ ।
పఠతాం శృణ్వతాం నృణాం భవేచ్చ బన్ధహీనతా ॥ ౩౦॥

ఏకవింశతివారం చ శ్లోకాంశ్చైవైకవింశతిమ్ ।
పఠతే నిత్యమేవం చ దినాని త్వేకవింశతిమ్ ॥ ౩౧॥

న తస్య దుర్లభం కిఞ్చిత్ త్రిషు లోకేషు వై భవేత్ ।
అసాధ్యం సాధయేన్ మర్త్యః సర్వత్ర విజయీ భవేత్ ॥ ౩౨॥

నిత్యం యః పఠతే స్తోత్రం బ్రహ్మభూతః స వై నరః ।
తస్య దర్శనతః సర్వే దేవాః పూతా భవన్తి వై ॥ ౩౩॥

ఏవం తస్య వచః శ్రుత్వా ప్రహృష్టా దేవతర్షయః ।
ఊచుః కరపుటాః సర్వే భక్‍తియుక్‍తా గజాననమ్ ॥ ౩౪॥

॥ ఇతీ శ్రీ'ఏకదన్తస్తోత్రం సమ్పూర్ణమ్ ॥

Uchchista Ganesha Stavaraja ఉచ్ఛిష్టగణేశస్తవరాజః

ఉచ్ఛిష్టగణేశస్తవరాజః 

శ్రీ గణేశాయ నమః |

దేవ్యువాచ |

పూజాంతే హ్యనయా స్తుత్యా స్తువీత గణనాయకం |

Heramba Stotram (Gouri Kritam)

గౌరికృతం హేరమ్బస్తోత్రమ్


శ్రీ గణేశాయ నమః |
గౌర్యువాచ |
గజానన జ్ఞానవిహారకారిన్న మాం చ జానాసి పరావమర్షామ్ |
గణేశ రక్షస్వ న చేచ్ఛరీరం త్యజామి సద్యస్త్వయి భక్తియుక్తా || ౧||
విఘ్నేశ హేరమ్బ మహోదర ప్రియ లమ్బోదర ప్రేమవివర్ధనాచ్యుత |
విఘ్నస్య హర్తాఽసురసఙ్ఘహర్తా మాం రక్ష దైత్యాత్వయి భక్తియుక్తామ్ || ౨||
కిం సిద్ధిబుద్ధిప్రసరేణ మోహయుక్తోఽసి కిం వా నిశి నిద్రితోఽసి |
కిం లక్షలాభార్థవిచారయుక్తః కిం మాం చ విస్మృత్య సుసంస్థితోఽసి || ౩||
కిం భక్తసఙ్గేన చ దేవదేవ నానోపచారైశ్చ సుయన్త్రితోఽసి |
కిం మోదకార్థే గణపాద్ధృతోఽసి నానావిహారేషు చ వక్రతుణ్డ || ౪||
స్వానన్దభోగేషు పరిహృతోఽసి దాసీం చ విస్మృత్య మహానుభావ |
ఆనన్త్యలీలాసు చ లాలసోఽసి కిం భక్తరక్షార్థసుసఙ్కటస్థః || ౫||
అహో గణేశామృతపానదక్షామరైస్తథా వాఽసురపైః స్మృతోఽసి |
తదర్థనానావిధిసంయుతోఽసి విసృజ్య మాం దాసీమనన్యభావామ్ || ౬||
రక్షస్వ మాం దీనతమాం పరేశ సర్వత్ర చిత్తేషు చ సంస్థితస్త్వమ్ |
ప్రభో విలమ్బేన వినాయకోఽసి బ్రహ్మేశ కిం దేవ నమో నమస్తే || ౭||
భక్తాభిమానీతి చ నామ ముఖ్యం వేదే త్వభావాన్ నహి చేన్మహాత్మన్ |
ఆగత్య హత్వాఽదితిజం సురేశ మాం రక్ష దాసీం హృది పాదనిష్ఠామ్ || ౮||
అహో న దూరం తవ కిఞ్చిదేవ కథం న బుద్ధీశ సమాగతోఽసి |
సుచిన్త్యదేవ ప్రజహామి దేహం యశః కరిష్యే విపరీతమేవమ్ || ౯||
రక్ష రక్ష దయాసిన్ధోఽపరాధాన్మే క్షమస్వ చ |
క్షణే క్షణే త్వహం దాసీ రక్షితవ్యా విశేషతః || ౧౦||
స్తువత్యామేవ పార్వత్యాం శఙ్కరో బోధసంయుతః |
బభూవ గణపానాం వై శ్రుత్వా హాహారవం విధేః || ౧౧||
గణేశం మనసా స్మృత్వా వృషారూఢః సమాయయౌ |
క్షణేన దైత్యరాజం తం దృష్ట్వా డమరుణాహనత్ || ౧౨||
తతః సోఽపి శివం వీక్ష్యాలిఙ్గితుం ధవితోఽఅభవత్ |
శివస్య శూలికాదీని శస్త్రాణి కుణ్ఠితాని వై || ౧౩||
తం దృష్ట్వా పరమాశ్చర్యం భయభీతో మహేశ్వరః |
సస్మార గణపం సోఽపి నిర్విఘ్నార్థం ప్రజాపతే || ౧౪||
పార్వత్యాః స్తవనం శ్రుత్వా గజాననః సమాయయౌ |

ఇతి ముద్గలపురాణోక్తం హేరమ్బస్తోత్రం సమ్పూర్ణమ్ |

Manoratha Siddhipradam Ganesh Stotram

                భక్తమనోరథసిద్ధిప్రదం గణేశస్తోత్రమ్


శ్రీ గణేశాయ నమః |
 స్కన్ద ఉవాచ |
నమస్తే యోగరూపాయ సమ్ప్రఙ్యాతశరీరిణే |
అసమ్ప్రఙ్యాతమూర్ధ్నే తే తయోర్యోగమయాయ చ || ౧||
వామాఙ్గభ్రాన్తిరూపా తే సిద్ధిః సర్వప్రదా ప్రభో |
భ్రాన్తిధారకరూపా వై బుద్ధిస్తే దక్షిణాఙ్గకే || ౨||
మాయాసిద్ధిస్తథా దేవో మాయికో బుద్ధిసంఙ్యితః |
తయోర్యోగే గణేశాన త్వం స్థితోఽసి నమోఽస్తు తే || ౩||
జగద్రూపో గకారశ్చ ణకారో బ్రహ్మవాచకః |
తయోర్యోగే హి గణపో నామ తుభ్యం నమో నమః || ౪||
చతుర్విధం జగత్సర్వం బ్రహ్మ తత్ర తదాత్మకమ్ |
హస్తాశ్చత్వార ఏవం తే చతుర్భుజ నమోఽస్తు తే || ౫||
స్వసంవేద్యం చ యద్బ్రహ్మ తత్ర ఖేలకరో భవాన్ |
తేన స్వానన్దవాసీ త్వం స్వానన్దపతయే నమః || ౬||
ద్వంద్వం చరసి భక్తానాం తేషాం హృది సమాస్థితః |
చౌరవత్తేన తేఽభూద్వై మూషకో వాహనం ప్రభో || ౭||
జగతి బ్రహ్మణి స్థిత్వా భోగాన్భుంక్షి స్వయోగగః |
జగద్భిర్బ్రహ్మభిస్తేన చేష్టితం ఙ్యాయతే న చ || ౮||
చౌరవద్భోగకర్తా త్వం తేన తే వాహనం పరమ్ |
మూషకో మూషకారూఢో హేరమ్బాయ నమో నమః || ౯||
కిం స్తౌమి త్వాం గణాధీశ యోగశాన్తిధరం పరమ్ |
వేదాదయో యయుః శాన్తిమతో దేవం నమామ్యహమ్ || ౧౦||
ఇతి స్తోత్రం సమాకర్ణ్య గణేశస్తమువాచ హ |
వరం వృణు మహాభాగ దాస్యామి దుర్లభం హ్యపి || ౧౧||
త్వయా కృతమిదం స్తోత్రం యోగశాన్తిప్రదం భవేత్ |
మయి భక్తికరం స్కంద సర్వసిద్ధిప్రదం తథా || ౧౨||
యం యమిచ్ఛసి తం తం వై దాస్యామి స్తోత్రయంత్రితః |
పఠతే శ్రృణ్వతే నిత్యం కార్తికేయ విశేషతః || ౧౩||
ఇతి శ్రీముద్గలపురాణన్తర్వర్తి గణేశస్తోత్రం సమాప్తమ్ |

Chinthamani Ganapathi Shatpadee Stotram

                                 చిన్తామణిషట్పదీ |
శ్రీగణేశాయ నమః |
ద్విరదవదన విషమరద వరద జయేశాన శాన్తవరసదన |
సదనవసాదన సాదనమన్తరాయస్య రాయస్య || ౧||

ఇన్దుకల కలితాలిక సాలికశుమ్భత్కపోలపాలియుగ |
వికటస్ఫుటకటధారాధారోఽస్య ప్రపఞ్చస్య || ౨||

పరపరశుపాణిపాణే పణితపణాయేః పణాయితోఽసి యతః |
ఆరూహ్య వజ్రదన్తం విదధాసి విపదన్తమ్ || ౩||

లమ్బోదర దూర్వాసన శయధృతసామోదమోదకాశనక |
శనకైరవలోకయ మాం యమాన్తరాయాపహారిదృశా || ౪||

ఆనన్దతున్దిలాఖిలవృన్దారకవృన్దవన్దితాఙ్ ఘ్రియుగ |
సరాప్రదణ్డరసాలో నాగజభాలోఽతిభాసి విభో || ౫||

అగణేయగుణేశాత్మజ చిన్తకచిన్తామణే గణేశాన |
స్వచరణశరణం కరుణావరుణాలయ పాహి మాం దీనమ్ || ౬||

కచిరవచోఽమృతరావోన్నీతా నీతా దివస్తుతిః స్ఫీతా |
ఇతి షట్పదీ మదీయా గణపతిపాదామ్భుజే విశతు || ౭||


ఇతి చిన్తామణిషట్పదీ సమాప్తా ||

Ganesha Stotram - Prahlada Kritam

          ప్రహ్లాదకృతం గణేశస్తోత్రమ్
శ్రీ గణేశాయ నమః |

అధునా శ్రృణు దేవస్య సాధనం యోగదం పరమ్ |

సాధయిత్వా స్వయం యోగీ భవిష్యసి న సంశయః || ౧||

స్వానన్దః స్వవిహారేణ సంయుక్తశ్చ విశేషతః |

సర్వసంయోగకారిత్వాద్ గణేశో మాయయా యుతః || ౨||

విహారేణ విహీనశ్చాఽయోగో నిర్మాయికః స్మృతః |

సంయోగాభేద హీనత్వాద్ భవహా గణనాయకః || ౩||

సంయోగాఽయోగయోర్యోగః పూర్ణయోగస్త్వయోగినః |

ప్రహ్లాద గణనాథస్తు పూర్ణో బ్రహ్మమయః పరః || ౪||

యోగేన తం గణాధీశం ప్రాప్నువన్తశ్చ దైత్యప |

బుద్ధిః సా పఞ్చధా జాతా చిత్తరూపా స్వభావతః || ౫||

తస్య మాయా ద్విధా ప్రోక్తా ప్రాప్నువన్తీహ యోగినః |

తం విద్ధి పూర్ణభావేన సంయోగాఽయోగర్వజితః || ౬||

క్షిప్తం మూఢం చ విక్షిప్తమేకాగ్రం చ నిరోధకమ్ |

పఞ్చధా చిత్తవృత్తిశ్చ సా మాయా గణపస్య వై || ౭||

క్షిప్తం మూఢం చ చిత్తం చ యత్కర్మణి చ వికర్మణి |

సంస్థితం తేన విశ్వం వై చలతి స్వస్వభావతః || ౮||

అకర్మణి చ విక్షిప్తం చిత్తం జానీహి మానద!|

తేన మోక్షమవాప్నోతి శుక్లగత్యా న సంశయః || ౯||

ఏకాగ్రమష్టధా చిత్తం తదేవైకాత్మధారకమ్ |

సంప్రజ్ఞాత సమాధిస్థమ్ జానీహి సాధుసత్తమ || ౧౦||

నిరోధసంజ్ఞితం చిత్తం నివృత్తిరూపధారకమ్ |

అసంప్రజ్ఞాతయోగస్థం జానీహి యోగసేవయా || ౧౧||

సిద్ధిర్నానావిధా ప్రోక్తా భ్రాన్తిదా తత్ర సమ్మతా |

మాయా సా గణనాథస్య త్యక్తవ్యా యోగసేవయా || ౧౨||

పఞ్చధా చిత్తవృత్తిశ్చ బుద్ధిరూపా ప్రకీర్తితా |

సిద్ధ్యర్థం సర్వలోకాశ్చ భ్రమయుక్తా భవన్త్యతః || ౧౩||

ధర్మాఽర్థకామమోక్షాణాం సిద్ధిర్భిన్నా ప్రకీర్తితా |

బ్రహ్మభూతకరీ సిద్ధిస్త్యక్తవ్యా పంచధా సదా || ౧౪||

మోహదా సిద్ధిరత్యన్తమోహధారకతాం గతా |

బుద్ధిశ్చైవ స సర్వత్ర తాభ్యాం ఖేలతి విఘ్నపః || ౧౫||

బుద్ధ్యా యద్ బుద్ధ్యతే తత్ర పశ్చాన్ మోహః ప్రవర్తతే |

అతో గణేశభక్త్యా స మాయయా వర్జితో భవేత్ || ౧౬||

పఞ్చధా చిత్తవృత్తిశ్చ పఞ్చధా సిద్ధిమాదరాత్ |

త్యక్వా గణేశయోగేన గణేశం భజ భావతః || ౧౭||

తతః స గణరాజస్య మన్త్రం తస్మై దదౌ స్వయమ్ |

గణానాం త్వేతి వేదోక్తం స విధిం మునిసత్తమ || ౧౮||

తేన సమ్పూజితో యోగీ ప్రహ్లాదేన మహాత్మనా |

యయౌ గృత్సమదో దక్షః స్వర్గలోకం విహాయసా || ౧౯||

ప్రహ్లాదశ్చ తథా సాధుః సాధయిత్వా విశేషతః |

యోగం యోగీన్ద్రముఖ్యం స శాన్తిసద్ధారకోఽభవత్ || ౨౦||

విరోచనాయ రాజ్యం స దదౌ పుత్రాయ దైత్యపః |

గణేశభజనే యోగీ స సక్తః సర్వదాఽభవత్ || ౨౧||

సగుణం విష్ణు రూపం చ నిర్గుణం బ్రహ్మవాచకమ్ |

గణేశేన ధృతం సర్వం కలాంశేన న సంశయః || ౨౨||

ఏవం జ్ఞాత్వా మహాయోగీ ప్రహ్లాదోఽభేదమాశ్రితః |

హృది చిన్తామణిమ్ జ్ఞాత్వాఽభజదనన్యభావనః || ౨౩||

స్వల్పకాలేన దైత్యేన్ద్రః శాన్తియోగపరాయణః |

శాన్తిం ప్రాప్తో గణేశేనైకభావోఽభవతత్పరః || ౨౪||

శాపశ్చైవ గణేశేన ప్రహ్లాదస్య నిరాకృతః |

న పునర్దుష్టసంగేన భ్రాన్తోఽభూన్మయి మానద!|| ౨౫||

ఏవం మదం పరిత్యజ హ్యేకదన్తసమాశ్రయాత్ |

అసురోఽపి మహాయోగీ ప్రహ్లాదః స బభూవ హ || ౨౬||

ఏతత్ ప్రహ్లాదమాహాత్మ్యం యః శృణోతి నరోత్తమః |

పఠేద్ వా తస్య సతతం భవేదోప్సితదాయకమ్ || ౨౭||

|| ఇతి ముద్గలపురాణోక్తం ప్రహ్లాదకృతం గణేశస్తోత్రం సమ్పూర్ణమ్ ||

Ganesha Manasa Pooja

గణేశమానసపూజా

శ్రీ గణేశాయ నమః ||
గృత్సమద ఉవాచ ||
విఘ్నేశవీర్యాణి విచిత్రకాణి బందీజనైర్మాగధకైః స్మృతాని |
శ్రుత్వా సముత్తిష్ఠ గజానన త్వం బ్రాహ్మే జగన్మంగలకం కురుష్వ || ౧||
ఏవం మయా ప్రార్థితో విఘ్నరాజశ్చిత్తేన చోత్థాయ బహిర్గణేశః |
తం నిర్గతం వీక్ష్య నమన్తి దేవాః శంభ్వాదయో యోగిముఖాస్తథాఽహమ్ || ౨||
శౌచాదికం తే పరికల్పయామి హేరమ్బ వై దన్తవిశుద్ధిమేవమ్ |
వస్త్రేణ సంప్రోక్ష్య ముఖారవిన్దం దేవం సభాయాం వినివేశయామి || ౩||
ద్విజాదిసర్వేరభివన్దితం చ శుకాదిభిర్మోదసుమోదకాద్యైః |
సంభాష్య చాలోక్య సముత్థితం తం సుమణ్డపం కల్ప్య నివేశయామి || ౪||
రత్నైః సుదీప్తైః ప్రతిబిమ్బితం తం పశ్యామి చిత్తేన వినాయకం చ |
తత్రాసనం రత్నసువర్ణయుక్తం సంకల్ప్య దేవం వినివేశయామి || ౫||
సిద్ధ్యా చ బుద్ధ్యా సహ విఘ్నరాజ! పాద్యం కురు ప్రేమభరేణ సర్వైః |
సువాసితం నీరమథో గృహాణ చిత్తేన దత్తం చ సుఖోష్ణభావమ్ || ౬||
తతః సువస్త్రేణ గణేశమాదౌ సంప్రోక్ష్య దూర్వాదిభిరర్చయామి |
చిత్తేన భావప్రియ దీనబన్ధో మనో విలీనం కురు తే పదాబ్జే || ౭||
కర్పూరకైలాదిసువాసితం తు సుకల్పితం తోయమథో గృహాణ |
ఆచమ్య తేనైవ గజానన! త్వం కృపాకటాక్షేణ విలోకయాశు || ౮||
ప్రవాలముక్తాఫలహారకాద్యైః సుసంస్కృతం హ్యన్తరభావకేన |
అనర్ఘ్యమర్ఘ్యం సఫలం కురుష్వ మయా ప్రదత్తం గణరాజ ఢుణ్ఢే || ౯||
సౌగంధ్యయుక్తం మధుపర్కమాద్యం సంకల్పితం భావయుతం గృహాణ |
పునస్తథాఽఽచమ్య వినాయక త్వం భక్తాంశ్చ భక్తేశ సురక్షయాశు || ౧౦||
సువాసితం చంపక జాతికాద్యైస్తైలం మయా కల్పితమేవ ఢుణ్ఢే |
గృహాణ తేన ప్రవిమర్దయామి సర్వాంగమేవం తవ సేవనాయ || ౧౧||
తతః సుఖోష్ణేన జలేన చాహమనేకతీర్థాహృతకేన ఢుణ్ఢే |
చిత్తేన శుద్ధేన చ స్నాపయామి స్నానం మయా దత్తమథో గృహాణ || ౧౨||
తతః పయఃస్నానమచిన్త్యభావ గృహాణ తోయస్య తథా గణేశ |
పునర్దధిస్నానమనామయత్వం చిత్తేన దత్తం చ జలస్య చైవ || ౧౩||
తతో ఘృతస్నానమపారవన్ద్య సుతీర్థజం విఘ్నహర ప్రసీద |
గృహాణ చిత్తేన సుకల్పితం తు తతో మధుస్నానమథో జలస్య || ౧౪||
సుశర్కరాయుక్తమథో గృహాణ స్నానం మయా కల్పితమేవ ఢుణ్ఢే |
తతో జలస్నానమఘాపహంతృ విఘ్నేశ మాయాభ్రమం హినివారయాశు || ౧౫||
సుయక్షపంకం స్తమథో గృహాణ స్నానం పరేశాధిపతే తతశ్చ |
కౌమణ్డలీసంభవజం కురుష్వ విశుద్ధమేవం పరికల్పితం తు || ౧౬||
తతస్తు సూక్తైర్మనసా గణేశం సంపూజ్య దూర్వాదిభిరల్పభావైః |
అపారకైర్మణ్డలభూతబ్రహ్మణస్పత్యాదికైస్తం హ్యభిషేచయామి || ౧౭||
తతః సువస్త్రేణ తు ప్రోంఛనం వై గృహాణ చిత్తేన మయా సుకల్పితమ్ |
తతో విశుద్ధేన జలేన ఢుణ్ఢే హ్యాచాన్తమేవం కురు విఘ్నరాజ || ౧౮||
అగ్నౌ విశుద్ధే తు గృహాణ వస్త్రే హ్యనర్ఘ్యమౌల్యే మనసా మయా తే |
దత్తే పరిచ్ఛాద్య నిజాత్మదేహం తాభ్యాం మయూరేశ జనాంశ్చ పాలయ || ౧౯||
ఆచమ్య విఘ్నేశ పునస్తథైవ చిత్తేన దత్తం సుఖముత్తరీయమ్ |
గృహాణ భక్తప్రతిపాలక త్వం నమోఽథ తారకసంయుతం తు || ౨౦||
యజ్ఞోపవీతం త్రిగుణస్వరూపం సౌవర్ణమేవం హ్యహినాథభూతమ్ |
భావేన దత్తం గణనాథ తత్వం గృహాణ భక్తోద్ధృతికారణాయ || ౨౧||
ఆచాన్తమేవం మనసా ప్రదత్తం కురుష్వ శుద్ధేన జలేన ఢుణ్ఢే |
పునశ్చ కౌమణ్డలకేన పాహి విశ్వం ప్రభో ఖేలకరం సదా తే || ౨౨||
ఉద్యద్దినేశాభమథో గృహాణ సిన్దూరకం తే మనసా ప్రదత్తమ్ |
సర్వాంగసంలేపనమాదరాద్వై కురుష్వ హేరమ్బ చ తేన పూర్ణమ్ || ౨౩||
సహస్రశీర్షం మనసా మయా త్వం దత్తం కిరీటం తు సువర్ణజం వై |
అనేకరత్నైః ఖచితం గృహాణ బ్రహ్మేశ తే మస్తకశోభనాయ || ౨౪||
విచిత్రరత్నైః కనకేన ఢుణ్ఢే యుతాని చిత్తేన మయా పరేశ |
దత్తాని నానాపదకుణ్డలాని గృహాణ శూర్పశ్రుతిభూషణాయ || ౨౫||
శుణ్డావిభూషార్థమనన్తఖేలిన్ సువర్ణజం కంచుకమాగృహాణ |
రత్నైశ్చ యుక్తం మనసా మయా, యద్దత్తం ప్రభో
తత్సఫలంకురుష్వ || ౨౬||
సువర్ణరత్నైశ్చ యుతాని ఢుణ్ఢే సదైకదన్తాభరణాని కల్ప్య |
గృహాణ చూడాకృతయే పరేశ దత్తాని దన్తస్య చ శోభనార్థమ్ || ౨౭||
రత్నైః సువర్ణేన కృతాని తాని గృహాణ చత్వారి మయా ప్రకల్ప్య |
సమ్భూషయ త్వం కటకాని నాథ చతుర్భుజేషు హ్యజ విఘ్నహారిన్ || ౨౮||
విచిత్రరత్నైః ఖచితం సువర్ణసంభూతకం గృహ్య మయా ప్రదత్తమ్ |
తథాంగులీష్వాంగులికం గణేశ చిత్తేన్ సంశోభయ తత్పరేశ || ౨౯||
విచిత్రరత్నైః ఖచితాని ఢుణ్ఢే కేయూరకాణి హ్యథ కల్పితాని |
సువర్ణజాని ప్రథమాధినాథ గృహాణ దత్తాని తు బాహుషు త్వమ్ || ౩౦||
ప్రవాలముక్తాఫలరత్నజైస్త్వం సువర్ణసూత్రైశ్చ గృహాణ కణ్ఠే |
చిత్తేన దత్తా వివిధాశ్చ మాలా ఊరూదరే సోభయ విఘ్నరాజ || ౩౧||
చన్ద్రం లలాటే గణనాథ పూర్ణం వృద్ధిక్షయాభ్యాం తు విహీనమాద్యమ్ |
సంశోభయ త్వం వరసంయుతం తే భక్తిప్రియత్వం ప్రకటీకురుష్వ || ౩౨||
చింతామణిం చింతితదం పరేశ హృద్దేశగం జ్యోతిర్మయం కురుష్వ |
మణిం సదానన్దసుఖప్రదం చ విఘ్నేశ దీనార్థద పాలయస్వ || ౩౩||
నాభౌ ఫణీశం చ సహస్రశీర్షం సంవేష్టనేనైవ గణాధినాథ |
భక్తం సుభూషం కురు భూషణేన వరప్రదానం సఫలం పరేశ || ౩౪||
కటీతటే రత్నసువర్ణయుక్తాం కాంచీం సుచిత్తేన చ ధారయామి |
విఘ్నేశ జ్యోతిర్గణదీపనీం తే ప్రసీద భక్తం కురు మాం దయాబ్ధే || ౩౫||
హేరమ్బ తే రత్నసువర్ణయుక్తే సునూపురే మంజిరకే తథైవ |
సుకింకిణీనాదయుతే సుబుద్ధ్యా సుపాదయోః శోభయ మే ప్రదత్తే || ౩౬||
ఇత్యాదినానావిధభూషణాని తవేచ్ఛయా మానసకల్పితాని |
సమ్భూషయామ్యేవ త్వదంకేషు విచిత్రధాతుప్రభవాణి ఢుణ్ఢే || ౩౭||
సుచన్దనం రక్తమమోఘవీర్యం సుఘర్షితం హ్యష్టకగన్ధముఖ్యైః |
యుక్తం మయా కల్పితమేకదన్త గృహాణ తే త్వంగవిలేపనార్థమ్ || ౩౮||
లిప్తేషు వైచిత్ర్యమథాష్టగన్ధైరంగేషు తేఽహం ప్రకరోమి చిత్రమ్ |
ప్రసీద చిత్తేన వినాయక త్వం తతః సురక్తం రవిమేవ భాలే || ౩౯||
ఘృతేన వై కుంకుమకేన రక్తాన్ సుతండులాంస్తే పరికల్పయామి |
భాలే గణాధ్యక్ష గృహాణ పాహి భక్తాన్ సుభక్తిప్రియ దీనబన్ధో || ౪౦||
గృహాణ భో చమ్పకమాలతీని జలపంకజాని స్థలపంకజాని |
చిత్తేన దత్తాని చ మల్లికాది పుష్పాణి నానావిధవృక్షజాని || ౪౧||
పుష్పోపరి త్వం మనసా గృహాణ హేరమ్బ మన్దారశమీదలాని |
మయా సుచిత్తేన చ కల్పితాని హ్యపారకాణి ప్రణవాకృతే తు || ౪౨||
దూర్వాంకురాన్ వై మనసా ప్రదత్తాంస్త్రిపంచపత్రైర్యుతకాంశ్చ స్నిగ్ధాన |
గృహాణ విఘ్నేశ్వర సంఖ్యయా త్వం హీనాశ్చ సర్వోపరి వక్రతుణ్డ || ౪౩||
దశాంగభూతం మనసా మయా తే ధూపం ప్రదత్తం గణరాజ ఢుణ్ఢే |
గృహాణ సౌరభ్యకరం పరేశ సిద్ధ్యా చ బుద్ధ్యా సహ భక్తపాల || ౪౪||
దీపం సువర్త్యా యుతమాదరాత్తే దత్తం మయా మానసకం గణేశ |
గృహాణ నానావిధజం ఘృతాదితైలాదిసంభూతమమోఘదృష్టే || ౪౫||
భోజ్యం చ లేహ్యం గణరాజ పేయం చోష్యం చ నానావిధషడ్రసాఢ్యమ్ |
గృహాణ నైవేద్యమథో మయా తే సుకల్పితం పుష్టిపతే మహాత్మన్ || ౪౬||
సువాసితం భోజనమధ్యభాగే జలం మయా దత్తమథో గృహాణ |
కమణ్డలుస్థం మనసా గణేశ పిబస్వ విశ్వాదికతృప్తికారిన్ || ౪౭||
తతః కరోద్వర్తనకం గృహాణ సౌగన్ధ్యుక్తం ముఖమార్జనాయ |
సువాసితేనైవ సుతీర్థజేన సుకల్పితం నాథ గృహాణ ఢుణ్ఢే || ౪౮||
పునస్తథాచమ్య సువాసితం చ దత్తం మయా తీర్థజలం పిబస్వ |
ప్రకల్ప్య విఘ్నేశ తతః పరం తే సంప్రోంఛనం హస్తముఖేకరోమి || ౪౯||
ద్రాక్షాదిరమ్భాఫలచూతకాని ఖార్జూరకార్కన్ధుకదాడిమాని |
సుస్వాదయుక్తాని మయా ప్రకల్ప్య గృహాణ దత్తాని ఫలాని ఢుణ్ఢే || ౫౦||
పునర్జలేనైవ కరాదికం తే సంక్షాలయేఽహం మనసా గణేశ |
సువాసితం తోయమథో పిబస్వ మయా ప్రదత్తం మనసా పరేశ || ౫౧||
అష్టాంగయుక్తం గణనాథ దత్తం తామ్బూలకం తే మనసా మయా వై |
గృహాణ విఘ్నేశ్వర భావయుక్తం సదాసకృత్తుణ్డవిశోధనార్థమ్ || ౫౨||
తతో మయా కల్పితకే గణేశ మహాసనే రత్నసువర్ణయుక్తే |
మన్దారకూర్పాసకయుక్తవస్త్రైరనర్ఘ్యసంఛాదితకే ప్రసీద || ౫౩||
తతస్త్వదీయావరణం పరేశ సంపూజయేఽహం మనసా యథావత్ |
నానోపచారైః పరమప్రియైస్తు త్వత్ప్రీతికామార్థమనాథబన్ధో || ౫౪||
గృహాణ లమ్బోదర దక్షిణాం తే హ్యసంఖ్యభూతాం మనసా ప్రదత్తామ్ |
సౌవర్ణముద్రాదికముఖ్యభావాం, పాహి ప్రభో విశ్వమిదం గణేశ ||| ౫౫||
రాజోపచారాన్ వివిధాన్ గృహాణ హస్త్యశ్వఛత్రాదికమాదరాద్వై |
చిత్తేన దత్తాన్ గణనాథ ఢుణ్ఢే హ్యపారసఖ్యాన్ స్థిరజంగమాంస్తే || ౫౬||
దానాయ నానావిధరూపకాంస్తే గృహాణ దత్తాన్ మనసా మయా వై |
పదార్థభూతాన్ స్థిరజంగమాంశ్చ హేరమ్బ మాం తారయ మోహభావాత్ || ౫౭||
మన్దారపుష్పాణి శమీదలాని దూర్వాంకురాంస్తే మనసా దదామి |
హేరమ్బ లమ్బోదర దీనపాల గృహాణ భక్తం కురు మాం పదే తే || ౫౮||
తతో హరిద్రామబిరం గులాలం సిందూరకం తే పరికల్పయామి |
సువాసితం వస్తుసువాసభూతైర్గృహాణ బ్రహ్మేశ్వరశోభనార్థమ్ || ౫౯||
తతః శుకాద్యాః శివవిష్ణుముఖ్యా ఇన్ద్రాదయః శేషముఖాస్తథాఽన్యే |
మునీన్ద్రకాః సేవకభావయుక్తాః సభాసనస్థం ప్రణమన్తి ఢుణ్ఢిమ్ || ౬౦||
వామాంగకే శక్తియుతా గణేశం సిద్ధిస్తు నానావిధసిద్ధి భిస్తమ్ |
అత్యన్తభావేన సుసేవతే తు మాయాస్వరూపా పరమార్థభూతా || ౬౧||
గణేశ్వర దక్షిణభాగసంస్థా బుద్ధిః కలాభిశ్చ సుబోధికాభిః |
విద్యాభిరేవం భజతే పరేశా మాయాసు సాంఖ్యప్రదచిత్తరూపా || ౬౨||
ప్రమోదమోదాదయః పృష్ఠభాగే గణేశ్వరం భావయుతా భజన్తే |
భక్తేశ్వరా ముద్గలశమ్భుముఖ్యాః శుకాదయస్తం స్మ పురో భజన్తే || ౬౩||
గన్ధర్వముఖ్యా మధురం జగుశ్చ గణేశగీతం వివిధస్వరూపమ్ |
నృత్యంకలాయుక్తమథో పురస్తాచ్చక్రుస్తథా హ్యసరసో విచిత్రమ్ || ౬౪||
ఇత్యాదినానావిధభావయుక్తైః సంసేవితం విఘ్నపతిం భజామి |
చిత్తేన ధ్యాత్వా తు నిరంజనం వై కరోమి నానావిధదీపయుక్తమ్ || ౬౫||
చతుర్భుజం పాశధరం గణేశం తథాంకుశం దన్తయుతం తమేవమ్ |
త్రినేత్రయుక్తం త్వభయంకరం తం మహోదరం చైకరదం గజాస్యమ్ || ౬౬||
సర్పోపవీతం గజకర్ణధారం విభూతిభిః సేవితపాదపద్యమ్ |
ధ్యాయే గణేశం వివిధప్రకారైః సుపూజితం శక్తియుతం పరేశమ్ || ౬౭||
తతో జపం వై మనసా కరోమి స్వమూలమన్త్రస్య విధానయుక్తమ్ |
అసంఖ్యభూతం గణరాజహస్తే సమర్పయామ్యేవ గృహాణ ఢుణ్ఢే || ౬౮||
ఆరార్తికా కర్పురకాదిభూతామపారదీపాం ప్రకరోమి పూర్ణామ్ |
చిత్తేన లమ్బోదర తాం గృహాణ హ్యజ్ఞానధ్వాన్తౌఘహరాం నిజానామ్ || ౬౯||
వేదేషు వైఘ్నైశ్వరకైః సుమన్త్రైః సుమన్త్రితం పుష్పదలం ప్రభూతమ్ |
గృహాణ చిత్తీన మయా ప్రదత్తమపారవృత్త్యా త్వథ మన్త్రపుష్పమ్ || ౭౦||
అపారవృత్యా స్తుతిమేకదన్తం గృహాణ చిత్తేన కృతాం గణేశ |
యుక్తాం శ్రుతిస్మార్తభవైః పురాణైః సర్వైః పరేశాధిపతే మయా తే || ౭౧||
ప్రదక్షిణా మానసకల్పితాస్తా గృహాణ లమ్బోదర భావయుక్తాః |
సంఖ్యావిహీనా వివిధస్వరూపా భక్తాన్ సదా రక్ష భవార్ణవాద్వై || ౭౨||
నతిం తతో విఘ్నపతే గృహాణ సాష్టాంగకాద్యాం వివిధస్వరూపామ్ |
సంఖ్యావిహీనాం మనసా కృతాం తే సిద్ధ్యా చ బుద్ధ్యా పరిపాలయాశు || ౭౩||
న్యూనాతిరిక్తం తు మయా కృతం చేత్తదర్థమన్తే మనసా గృహాణ |
దూర్వాంకురాన విఘ్నపతే ప్రదత్తాన్ సంపూర్ణమేవం కురు పూజనం మే || ౭౪||
క్షమస్వ విఘ్నాధిపతే మదీయాన్ సదాపరాధాన్ వివిధస్వరూపాన్ |
భక్తిం మదీయాం సఫలాం కురుష్వ సంప్రార్థయేఽహం మనసా గణేశ || ౭౫||
తతః ప్రసన్నేన గజానేన దత్తం ప్రసాదం శిరసాఽభివన్ద్య |
స్వమస్తకే తం పరిధారయామి చిత్తేన విఘ్నేశ్వరమానతోఽస్మి || ౭౬||
ఉత్థాయ విఘ్నేశ్వర ఏవ తస్మాద్గతస్తతస్త్వన్తరధానశక్త్యా |
శివాదయస్తం ప్రణిపత్య సర్వే గతాః సుచిత్తేన చ చిన్తయామి || ౭౭||
సర్వాన్నమస్కృత్య తతోఽహమేవ భజామి చిత్తేన గణాధిపం తమ్ |
స్వస్థానమాగత్య మహానుభావైర్భక్తైర్గణేశస్య చ ఖేలయామి || ౭౮||
ఏవం త్రికాలేషు గణాధిపం తం చిత్తేన నిత్యం పరిపూజయామి |
తేనైవ తుష్టః ప్రదదాతు భావం విఘ్నేశ్వరో భక్తిమయం తు మహ్యమ్ || ౭౯||
గణేశపాదోదకపానకం చ ఉచ్ఛిష్టగంధస్య సులేపన తు |
నిర్మాల్యసన్ధారణకం సుభోజ్యం లమ్బోదరస్యాస్తు హి భుక్తశేషమ్ || ౮౦||
యం యం కరోమ్యేవ తదేవ దీక్షా గణేశ్వరస్యాస్తు సదా గణేశ |
ప్రసీద నిత్యం తవపాదభక్తం కురుష్వ మాం బ్రహ్మపతే దయాలో || ౮౧||
తతస్తు శయ్యాం పరికల్పయామి మన్దారకూర్పాసకవస్త్రయుక్తామ్ |
సువాసపుష్పాదిభిరర్చితాం తే గృహాణ నిద్రాం కురు విఘ్నరాజ || ౮౨||
సిద్ధ్యా చ బుద్ధ్యా సహితం గణేశ సునిద్రితం వీక్ష్య తథాఽహమేవ |
గత్వా స్వవాసం చ కరోమి నిద్రాం ధ్యాత్వా హృది బ్రహ్మపతిం తదీయః || ౮౩||
ఏతాదృశం సౌఖ్యమమోఘశక్తే దేహి ప్రభో మానసజం గణేశ |
మహ్యం చ తేనైవ కృతార్థరూపో భవామి భక్త్యమృతలాలసోఽహమ్ || ౮౪||

గార్గ్య ఉవాచ ||
ఏవం నిత్యం మహారాజ గృత్సమాదో మహాయశాః |
చకార మానసీం పూజాం యోగీన్ద్రాణాం గురుః స్వయమ్ || ౮౫||
య ఏతాం మానసీం పూజాం కరిష్యతి నరోత్తమః |
పఠిష్యతి సదా సోఽపి గాణపత్యో భవిష్యతి || ౮౬||
శ్రావయిష్యతి యో మర్త్యః శ్రోష్యతే భావసంయుతః |
స క్రమేణ మహీపాల బ్రహ్మభూతో భవిష్యతి || ౮౭||
యద్యదిచ్ఛతి తత్తద్వై సఫలం తస్య జాయతే |
అన్తే స్వానన్దగః సోఽపి యోగివన్ద్యో భవిష్యతి || ౮౮||

ఇతి శ్రీమదాన్త్యే ముద్గలపురాణే గణేశమానసపూజా సమాప్తా ||

Gajanana Stotram (Devarshi Kritham)

దేవర్షికృతం గజాననస్తోత్రమ్

శ్రీ గణేశాయ నమః ||
దేవర్షయ ఊచుః ||
విదేహరూపం భవబన్ధహారం సదా స్వనిష్ఠం స్వసుఖప్రదమ్ తమ్ |
అమేయసాంఖ్యేన చ లక్ష్మీశం గజాననం భక్తియుతం భజామః || ౧||
మునీన్ద్రవన్ద్యం విధిబోధహీనం సుబుద్ధిదం బుద్ధిధరం ప్రశాన్తమ్ |
వికారహీనం సకలాంమకం వై గజాననం భక్తియుతం భజామః || ౨||
అమేయ రూపం హృది సంస్థితం తం బ్రహ్మాఽహమేకం భ్రమనాశకారమ్ |
అనాదిమధ్యాన్తమపారరూపం గజాననం భక్తియుతం భజామః || ౩||
జగత్ప్రమాణం జగదీశమేవమగమ్యమాద్యం జగదాదిహీనమ్ |
అనాత్మనాం మోహప్రదం పురాణం గజాననం భక్తియుతం భజామః || ౪||
న పృథ్విరూపం న జలప్రకాశనం న తేజసంస్థం న సమీరసంస్థమ్ |
న ఖే గతం పంచవిభూతిహీనం గజాననం భక్తియుతం భజామః || ౫||
న విశ్వగం తైజసగం న ప్రాజ్ఞం సమష్టివ్యష్టిస్థమనన్తగం తమ్ |
గుణైర్విహీనం పరమార్థభూతం గజాననం భక్తియుతం భజామః || ౬||
గణేశగం నైవ చ బిన్దుసంస్థం న దేహినం బోధమయం న ఢుణ్ఢీ |
సుయోగహీనం ప్రవదన్తి తత్స్థం గజాననం భక్తియుతం భజామః || ౭||
అనాగతం గ్రైవగతం గణేశం కథం తదాకారమయం వదామః |
తథాపి సర్వం ప్రతిదేహసంస్థం గజాననం భక్తియుతం భజామః || ౮||
యది త్వయా నాథ! ఘృతం న కించిత్తదా కథం సర్వమిదం భజామి |
అతో మహాత్మానమచిన్త్యమేవం గజానన భక్తియుతం భజామః || ౯||
సుసిద్ధిదం భక్తజనస్య దేవం సకామికానామిహ సౌఖ్యదం తమ్ |
అకామికానాం భవబన్ధహారం గజాననం భక్తియుతం భజామః || ౧౦||
సురేన్ద్రసేవ్యం హ్యసురైః సుసేవ్యం సమానభావేన విరాజయన్తమ్ |
అనన్తబాహు మూషకధ్వజం తం గజాననం భక్తియుతం భజామః || ౧౧||
సదా సుఖానన్దమయం జలే చ సముద్రజే ఇక్షురసే నివాసమ్ |
ద్వన్ద్వస్య యానేన చ నాశరూపే గజాననం భక్తియుతం భజామః || ౧౨||
చతుఃపదార్థా వివిధప్రకాశస్తదేవ హస్తం సుచతుర్భుజం తమ్ |
అనాథనాథం చ మహోదరం వై గజాననం భక్తియుతం భజామః || ౧౩||
మహాఖుమారూఢమకాలకాలం విదేహయోగేన చ లభ్యమానమ్ |
అమాయినం మాయికమోహదం తం గజాననం భక్తియుతం భజామః || ౧౪||
రవిస్వరూపం రవిభాసహీనం హరిస్వరూపం హరిబోధహీనమ్ |
శివస్వరూపం శివభాసనాశం గజాననం భక్తియుతం భజామః || ౧౫||
మహేశ్వరీస్థం చ సుశక్తిహీనం ప్రభుం పరేశం పరవన్ద్యమేవమ్ |
అచాలకం చాలకబీజరూపం గజాననం భక్తియుతం భజామః || ౧౬||
శివాదిదేవైశ్చ ఖగైశ్చ వన్ద్యం నరైర్లతావృక్షపశుప్రముఖ్యైః |
చరాఽచరైర్లోకవిహీనమేవం గజాననం భక్తియుతం భజామః || ౧౭||
మనోవచోహీనతయా సుసంస్థం నివృత్తిమాత్రం హ్యజమవ్యయం తమ్ |
తథాఽపి దేవం పురసంస్థితం తం గజాననం భక్తియుతం భజామః || ౧౮||
వయం సుధన్యా గణపస్తవేన తథైవ మర్త్యార్చనతస్తథైవ |
గణేశరూపాశ్చ కృతాస్త్వయా తం గజాననం భక్తియుతం భజామః || ౧౯||
గజాఖ్యబీజం ప్రవదన్తి వేదాస్తదేవ చిహ్నేన చ యోగినస్త్వామ్ |
గచ్ఛన్తి తేనైవ గజాననం తం గజాననం భక్తియుతం భజామః || ౨౦||
పురాణవేదాః శివవిష్ణుకాద్యామరాః శుకాద్యా గణపస్తవే వై |
వికుణ్ఠితాః కిం చ వయం స్తవామో గజాననం భక్తియుతం భజామః || ౨౧||
ముద్గల ఉవాచ ||
ఏవం స్తుత్వా గణేశానం నేముః సర్వే పునః పునః |
తానుత్థాప్య వచో రమ్యం గజానన ఉవాచ హ || ౨౨||
గజానన ఉవాచ ||
వరం బ్రూత మహాభాగా దేవాః సర్షిగణాః పరమ్ |
స్తోత్రేణ ప్రీతిసంయుక్తో దాస్యామి వాంఛితం పరమ్ || ౨౩||
గజాననవచః శ్రుత్వా హర్షయుక్తా సురర్షయః |
జగుస్తం భక్తిభావేన సాశ్రునేత్రా ప్రజాపతే || ౨౪||
దేవర్షయ ఊచుః ||
యది గజానన స్వామిన్ ప్రసన్నో వరదోఽసి మే |
తదా భక్తిం దృఢాం దేహి లోభహీనాం త్వదీయకామ్ || ౨౫||
లోభాసురస్య దేవేశ కృతా శాన్తిః సుఖప్రదా |
తయా గజదిదం సర్వం వరయుక్తం కృతం త్వయా || ౨౬||
అధునా దేవదేవేశ! కర్మయుక్తా ద్విజాతయః |
భవిష్యన్తి ధరాయాం వై వయం స్వస్థానగాస్తథా || ౨౭||
స్వస్వధర్మరతాః సర్వే కృతాస్త్వయా గజానన!|
అతః పరం వరం ఢుణ్ఢే యాచమానః కిమప్యహో!|| ౨౮||
యదా తే స్మరణం నాథ కరిష్యామో వయం ప్రభో |
తదా సంకటహీనాన్ వై కురూ త్వం నో గజానన!|| ౨౯||
ఏవముక్త్వా ప్రణేముస్తం గజాననమనామయమ్ |
తానువాచ సప్రీత్యాత్మా భక్తాధీనః స్వభావతః || ౩౦||
గజానన ఉవాచ ||
యద్యచ్చ ప్రార్థితం దేవా మునయః సర్వమంజసా |
భవిష్యతి న సన్దేహో మత్స్మృత్యా సర్వదా హి వః || ౩౧||
భవత్కృతమదీయం వై స్తోత్రం సర్వత్ర సిద్ధిదమ్ |
భవిష్యతి విశేషేణ మమ భక్తిప్రదాయకమ్ || ౩౨||
పుత్రపౌత్రప్రదం పూర్ణం ధనధాన్యప్రవర్ధనమ్ |
సర్వసమ్పత్కరం దేవాః పఠనాచ్ఛ్రవణాన్నృణామ్ || ౩౩||
మారణోచ్చాటనాదీని నశ్యన్తి స్తోత్రపాఠతః |
పరకృత్యం చ విప్రేన్ద్రా అశుభం నైవ బాధతే || ౩౪||
సంగ్రామే జయదం చైవ యాత్రాకాలే ఫలప్రదమ్ |
శత్రూచ్చాటనాదిషు చ ప్రశస్తం తద్ భవిష్యతి || ౩౫||
కారాగృహగతస్యైవ బన్ధనాశకరం భవేత్ |
అసాధ్యం సాధయేత్ సర్వమనేనైవ సురర్షయః || ౩౬||
ఏకవింశతి వారం తత్ చైకవింశద్దినావధిమ్ |
ప్రయోగం యః కరోత్యేవ సర్వసిద్ధియుతో భవేత్ || ౩౭||
ధర్మాఽర్థకామమోక్షాణాం బ్రహ్మభూతస్య దాయకమ్ |
భవిష్యతి న సన్దేహః స్తోత్రం మద్భక్తివర్ధనమ్ || ౩౮||
ఏవముక్త్వా గణాధీశస్తత్రైవాన్తరధీయత ||
ఇతి ముద్గలపురాణాన్తర్గతం గజాననస్తోత్రం సమ్పూర్ణమ్ ||

Ganesha Pancha Chamar Stotram

గణేశపఞ్చచామరస్తోత్రమ్


శ్రీగణేశాయ నమః |
లలాటపట్టలుణ్ఠితామలేన్దురోచిరుద్భటే
వృతాతివర్చరస్వరోత్సరరత్కిరీటతేజసి |
ఫటాఫటత్ఫటత్స్ఫురత్ఫణాభయేన భోగినాం
శివాఙ్కతః శివాఙ్కమాశ్రయచ్ఛిశౌ రతిర్మమ || ౧||
అదభ్రవిభ్రమభ్రమద్భుజాభుజఙ్గఫూత్కృతీ
ర్నిజాఙ్కమానినీషతో నిశమ్య నన్దినః పితుః |
త్రసత్సుసఙ్కుచన్తమమ్బికాకుచాన్తరం యథా
విశన్తమద్య బాలచన్ద్రభాలబాలకం భజే || ౨||
వినాదినన్దినే సవిభ్రమం పరాభ్రమన్ముఖ
స్వమాతృవేణిమాగతాం స్తనం నిరీక్ష్య సమ్భ్రమాత్ |
భుజఙ్గశఙ్కయా పరేత్యపిత్ర్యమఙ్కమాగతం
తతోఽపి శేషఫూత్కృతైః కృతాతిచీత్కృతం నమః || ౩||
విజృమ్భమాణనన్దిఘోరఘోణఘుర్ఘురధ్వని
ప్రహాసభాసితాశమమ్బికాసమృద్ధివర్ధినమ్ |
ఉదిత్వరప్రసృత్వరక్షరత్తరప్రభాభర
ప్రభాతభానుభాస్వరం భవస్వసమ్భవం భజే || ౪||
అలఙ్గృహీతచామరామరీ జనాతివీజన
ప్రవాతలోలితాలకం నవేన్దుభాలబాలకమ్ |
విలోలదుల్లలల్లలామశుణ్డదణ్డమణ్డితం
సతుణ్డముణ్డమాలివక్రతుణ్డమీడ్యమాశ్రయే || ౫||
ప్రఫుల్లమౌలిమాల్యమల్లికామరన్దలేలిహా
మిలన్ నిలిన్దమణ్డలీచ్ఛలేన యం స్తవీత్యమమ్ |
త్రయీసమస్తవర్ణమాలికా శరీరిణీవ తం
సుతం మహేశితుర్మతఙ్గజాననం భజామ్యహమ్ || ౬||
ప్రచణ్డవిఘ్నఖణ్డనైః ప్రబోధనే సదోద్ధురః
సమర్ద్ధిసిద్ధిసాధనావిధావిధానబన్ధురః |
సబన్ధురస్తు మే విభూతయే విభూతిపాణ్డురః
పురస్సరః సురావలేర్ముఖానుకారిసిన్ధురః || ౭||
అరాలశైలబాలికాఽలకాన్తకాన్తచన్ద్రమో
జకాన్తిసౌధమాధయన్ మనోఽనురాధయన్ గురోః |
సుసాధ్యసాధవం ధియాం ధనాని సాధయన్నయ
నశేషలేఖనాయకో వినాయకో ముదేఽస్తు నః || ౮||
రసాఙ్గయుఙ్గనవేన్దువత్సరే శుభే గణేశితు
స్తిథౌ గణేశపఞ్చచామరం వ్యధాదుమాపతిః |
పతిః కవివ్రజస్య యః పఠేత్ ప్రతిప్రభాతకం
స పూర్ణకామనో భవేదిభాననప్రసాదభాక్ || ౯||
ఛాత్రత్వే వసతా కాశ్యాం విహితేయం యతః స్తుతిః |
తతశ్ఛాత్రైరధీతేయం వైదుష్యం వర్ద్ధయేద్ధియా || ౧౦||
|| ఇతి శ్రీకవిపత్యుపనామకౌమాపతిశర్మద్వివేదివిరచితం
గణేశపఞ్చచామరస్తోత్రం సమ్పూర్ణమ్ ||

Ekakshara Ganapathi Kvacham

ఏకాక్షరగణపతికవచమ్


శ్రీగణేశాయ నమః |
నమస్తస్మై గణేశాయ సర్వవిఘ్నవినాశినే |
కార్యారమ్భేషు సర్వేషు పూజితో యః సురైరపి || ౧||
పార్వత్యువాచ |
భగవన్ దేవదేవేశ లోకానుగ్రహకారకః |
ఇదానీ శ్రోతృమిచ్ఛామి కవచం యత్ప్రకాశితమ్ || ౨||
ఏకాక్షరస్య మన్త్రస్య త్వయా ప్రీతేన చేతసా |
వదైతద్విధివద్{}దేవ యది తే వల్లభాస్మ్యహమ్ || ౩||
ఈశ్వర ఉవాచ |
శ్రృణు దేవి ప్రవక్ష్యామి నాఖ్యేయమపి తే ధ్రువమ్ |
ఏకాక్షరస్య మన్త్రస్య కవచం సర్వకామదమ్ || ౪||
యస్య స్మరణమాత్రేణ న విఘ్నాః ప్రభవన్తి హి |
త్రికాలమేకకాలం వా యే పఠన్తి సదా నరాః || ౫||
తేషాం క్వాపి భయం నాస్తి సఙ్గ్రామే సఙ్కటే గిరౌ |
భూతవేతాలరక్షోభిర్గ్రహైశ్చాపి న బాధ్యతే || ౬||
ఇదం కవచమజ్ఞాత్వా యో జపేద్ గణనాయకమ్ |
న చ సిద్ధిమాప్నోతి మూఢో వర్షశతైరపి || ౭||
అఘోరో మే యథా మన్త్రో మన్త్రాణాముత్తమోత్తమః |
తథేదం కవచం దేవి దుర్లభం భువి మానవైః || ౮||
గోపనీయం ప్రయత్నేన నాజ్యేయం యస్య కస్యచిత్ |
తవ ప్రీత్యా మహేశాని కవచం కథ్యతేఽద్భుతమ్ || ౯||
ఏకాక్షరస్య మన్త్రస్య గణకశ్చర్షిరీరితః |
త్రిష్టుప్ ఛన్దస్తు విఘ్నేశో దేవతా పరికీర్తితా || ౧౦||
గం బీజం శక్తిరోఙ్కారః సర్వకామార్థసిద్ధయే |
సర్వవిఘ్నవినాశాయ వినియోగస్తు కీర్తితః || ౧౧||
ధ్యానమ్ |
రక్తామ్భోజస్వరూపం లసదరుణసరోజాధిరూఢం త్రినేత్రం పాశం
చైవాఙ్కుశం వా వరదమభయదం బాహుభిర్ధారయన్తమ్ |
శక్త్యా యుక్తం గజాస్యం పృథుతరజఠరం నాగయజ్ఞోపవీతం దేవం
చన్ద్రార్ధచూడం సకలభయహరం విఘ్నరాజం నమామి || ౧౨||
కవచమ్ |
గణేశో మే శిరః పాతు భాలం పాతు గజాననః |
నేత్రే గణపతిః పాతు గజకర్ణః శ్రుతీ మమ || ౧౩||
కపోలౌ గణనాథస్తు ఘ్రాణం గన్ధర్వపూజితః |
ముఖం మే సుముఖః పాతు చిబుకం గిరిజాసుతః || ౧౪||
జిహ్వాం పాతు గణక్రీడో దన్తాన్ రక్షతు దుర్ముఖః |
వాచం వినాయకః పాతు కష్టం పాతు మహోత్కటః || ౧౫||
స్కన్ధౌ పాతు గజస్కన్ధో బాహూ మే విఘ్ననాశనః |
హస్తౌ రక్షతు హేరమ్బో వక్షః పాతు మహాబలః || ౧౬||
హృదయం మే గణపతిరుదరం మే మహోదరః |
నాభి గమ్భీరహృదయః పృష్ఠం పాతు సురప్రియః || ౧౭||
కటిం మే వికటః పాతు గుహ్యం మే గుహపూజితః |
ఊరు మే పాతు కౌమారం జానునీ చ గణాధిపః || ౧౮||
జఙ్ఘే గజప్రదః పాతు గుల్ఫౌ మే ధూర్జటిప్రియః |
చరణౌ దుర్జయః పాతుర్సాఙ్గం గణనాయకః || ౧౯||
ఆమోదో మేఽగ్రతః పాతు ప్రమోదః పాతు పృష్ఠతః |
దక్షిణే పాతు సిద్ధిశో వామే విఘ్నధరార్చితః || ౨౦||
ప్రాచ్యాం రక్షతు మాం నిత్యం చిన్తామణివినాయకః |
ఆగ్నేయాం వక్రతుణ్డో మే దక్షిణస్యాముమాసుతః || ౨౧||
నైఋత్యాం సర్వవిఘ్నేశః పాతు నిత్యం గణేశ్వరః |
ప్రతీచ్యాం సిద్ధిదః పాతు వాయవ్యాం గజకర్ణకః || ౨౨||
కౌబేర్యాం సర్వసిద్ధిశః ఈశాన్యామీశనన్దనః |
ఊర్ధ్వం వినాయకః పాతు అధో మూషకవాహనః || ౨౩||
దివా గోక్షీరధవలః పాతు నిత్యం గజాననః |
రాత్రౌ పాతు గణక్రీడః సన్ధ్యోః సురవన్దితః || ౨౪||
పాశాఙ్కుశాభయకరః సర్వతః పాతు మాం సదా |
గ్రహభూతపిశాచేభ్యః పాతు నిత్యం గజాననః || ౨౫||
సత్వం రజస్తమో వాచం బుద్ధిం జ్ఞానం స్మృతిం దయామ్ |
ధర్మచతుర్విధం లక్ష్మీం లజ్జాం కీర్తిం కులం వపుః || ౨౬||
ధనం ధాన్యం గృహం దారాన్ పౌత్రాన్ సఖీంస్తథా |
ఏకదన్తోఽవతు శ్రీమాన్ సర్వతః శఙ్కరాత్మజః || ౨౭||
సిద్ధిదం కీర్తిదం దేవి ప్రపఠేన్నియతః శుచిః |
ఏకకాలం ద్వికాలం వాపి భక్తిమాన్ || ౨౮||
న తస్య దుర్లభం కిఞ్చిత్ త్రిషు లోకేషు విద్యతే |
సర్వపాపవినిర్ముక్తో జాయతే భువి మానవః || ౨౯||
యం యం కామయతే నిత్యం సుదుర్లభమనోరథమ్ |
తం తం ప్రాప్నోతి సకలం షణ్మాసాన్నాత్ర సంశయః || ౩౦||
మోహనస్తమ్భనాకర్షమారణోచ్చాటనం వశమ్ |
స్మరణాదేవ జాయన్తే నాత్ర కార్యా విచారణా || ౩౧||
సర్వవిఘ్నహరం దేవం గ్రహపీడానివారణమ్ |
సర్వశత్రుక్షయకరం సర్వాపత్తినివారణమ్ || ౩౨||
ధృత్వేదం కవచం దేవి యో జపేన్మన్త్రముత్తమమ్ |
న వాచ్యతే స విఘ్నౌఘైః కదాచిదపి కుత్రచిత్ || ౩౩||
భూర్జే లిఖిత్వా విధివద్ధారయేద్యో నరః శుచిః |
ఏకబాహో శిరః కణ్ఠే పూజయిత్వా గణాధిపమ్ || ౩౪||
ఏకాక్షరస్య మన్త్రస్య కవచం దేవి దుర్లభమ్ |
యో ధారయేన్మహేశాని న విఘ్నైరభిభూయతే || ౩౫||
గణేశహృదయం నామ కవచం సర్వసిద్ధిదమ్ |
పఠేద్వా పాఠయేద్వాపి తస్య సిద్ధిః కరే స్థితా || ౩౬||
న ప్రకాశ్యం మహేశాని కవచం యత్ర కుత్రచిత్ |
దాతవ్యం భక్తియుక్తాయ గురుదేవపరాయ చ || ౩౭||
|| ఇతి శ్రీరుద్రయామలే ఏకాక్షరగణపతికవచం సమ్పూర్ణమ్ ||

Siddhi Vinayaka Stotram

శ్రీ సిద్ధివినాయకస్తోత్రమ్


జయోఽస్తు తే గణపతే దేహి మే విపులాం మతిమ|
స్తవనమ్ తే సదా కర్తుం స్ఫూర్తి యచ్ఛమమానిశమ్ || ౧||

ప్రభుం మంగలమూర్తిం త్వాం చన్ద్రేన్ద్రావపి ధ్యాయతః|
యజతస్త్వాం విష్ణుశివౌ ధ్యాయతశ్చావ్యయం సదా || ౨||

వినాయకం చ ప్రాహుస్త్వాం గజాస్యం శుభదాయకం|
త్వన్నామ్నా విలయం యాన్తి దోషాః కలిమలాన్తక || ౩||

త్వత్పదాబ్జాంకితశ్చాహం నమామి చరణౌ తవ|
దేవేశస్త్వం చైకదన్తో మద్విజ్ఞప్తిం శృణు ప్రభో || ౪||

కురు త్వం మయి వాత్సల్యం రక్ష మాం సకలానివ|
విఘ్నేభ్యో రక్ష మాం నిత్యం కురు మే చాఖిలాః క్రియాః || ౫||

గౌరిసుతస్త్వం గణేశః శౄణు విజ్ఞాపనం మమ|
త్వత్పాదయోరనన్యార్థీ యాచే సర్వార్థ రక్షణమ్ || ౬||

త్వమేవ మాతా చ పితా దేవస్త్వం చ మమావ్యయః|
అనాథనాథస్త్వం దేహి విభో మే వాంఛితం ఫలమ్ || ౭||

లంబోదరస్వమ్ గజాస్యో విభుః సిద్ధివినాయకః|
హేరంబః శివపుత్రస్త్వం విఘ్నేశోఽనాథబాంధవః || ౮||

నాగాననో భక్తపాలో వరదస్త్వం దయాం కురు|
సిందూరవర్ణః పరశుహస్తస్త్వం విఘ్ననాశకః || ౯||

విశ్వాస్యం మంగలాధీశం విఘ్నేశం పరశూధరం|
దురితారిం దీనబన్ధూం సర్వేశం త్వాం జనా జగుః || ౧౦||

నమామి విఘ్నహర్తారం వన్దే శ్రీప్రమథాధిపం|
నమామి ఏకదన్తం చ దీనబన్ధూ నమామ్యహమ్ || ౧౧||

నమనం శంభుతనయం నమనం కరుణాలయం|
నమస్తేఽస్తు గణేశాయ స్వామినే చ నమోఽస్తు తే || ౧౨||

నమోఽస్తు దేవరాజాయ వన్దే గౌరీసుతం పునః|
నమామి చరణౌ భక్త్యా భాలచన్ద్రగణేశయోః || ౧౩||

నైవాస్త్యాశా చ మచ్చిత్తే త్వద్భక్తేస్తవనస్యచ|
భవేత్యేవ తు మచ్చిత్తే హ్యాశా చ తవ దర్శనే || ౧౪||

అజ్ఞానశ్చైవ మూఢోఽహం ధ్యాయామి చరణౌ తవ|
దర్శనం దేహి మే శీఘ్రం జగదీశ కృపాం కురు || ౧౫||

బాలకశ్చాహమల్పజ్ఞః సర్వేషామసి చేశ్వరః|
పాలకః సర్వభక్తానాం భవసి త్వం గజానన || ౧౬||

దరిద్రోఽహం భాగ్యహీనః మచ్చిత్తం తేఽస్తు పాదయోః|
శరణ్యం మామనన్యం తే కృపాలో దేహి దర్శనమ్ || ౧౭||

ఇదం గణపతేస్తోత్రం యః పఠేత్సుసమాహితః|
గణేశకృపయా జ్ఞానసిధ్ధిం స లభతే ధనం || ౧౮||

పఠేద్యః సిద్ధిదం స్తోత్రం దేవం సంపూజ్య భక్తిమాన|
కదాపి బాధ్యతే భూతప్రేతాదీనాం న పీడయా || ౧౯||

పఠిత్వా స్తౌతి యః స్తోత్రమిదం సిద్ధివినాయకం|
షణ్మాసైః సిద్ధిమాప్నోతి న భవేదనృతం వచః
గణేశచరణౌ నత్వా బ్రూతే భక్తో దివాకరః || ౨౦||

      ఇతి శ్రీ సిద్ధివినాయక స్తోత్రమ్ |

Haridra Ganesha Kavacham

హరిద్రాగణేశకవచమ్


శ్రీగణేశాయ నమః |
ఈశ్వర ఉవాచ |
శ్రృణు వక్ష్యామి కవచం సర్వసిద్ధికరం ప్రియే |
పఠిత్వా పాఠయిత్వా చ ముచ్యతే సర్వసఙ్కటాత్ || ౧||

అజ్ఞాత్వా కవచం దేవి గణేశస్య మనుం జపేత్ |
సిద్ధిర్నజాయతే తస్య కల్పకోటిశతైరపి || ౨||

అథ కవచమ్:-
ఓం ఆమోదశ్చ శిరః పాతు ప్రమోదశ్చ శిఖోపరి |
సమ్మోదో భ్రూయుగే పాతు భ్రూమధ్యే చ గణాధిపః || ౩||

గణక్రీడో నేత్రయుగం నాసాయాం గణనాయకః |
గణక్రీడాన్వితః పాతు వదనే సర్వసిద్ధయే || ౪||

జిహ్వాయాం సుముఖః పాతు గ్రీవాయాం దుర్ముఖః సదా |
విఘ్నేశో హృదయే పాతు విఘ్ననాథశ్చ వక్షసి || ౫||

గణానాం నాయకః పాతు బాహుయుగ్మం సదా మమ |
విఘ్నకర్తా చ హ్యుదరే విఘ్నహర్తా చ లిఙ్గకే || ౬||

గజవక్త్రః కటీదేశే ఏకదన్తో నితమ్బకే |
లమ్బోదరః సదా పాతు గుహ్యదేశే మమారుణః || ౭||

వ్యాలయజ్ఞోపవీతీ మాం పాతు పాదయుగే సదా |
జాపకః సర్వదా పాతు జానుజఙ్ఘే గణాధిపః || ౮||

హారిద్రః సర్వదా పాతు సర్వాఙ్గే గణనాయకః |
య ఇదం ప్రపఠేన్నిత్యం గణేశస్య మహేశ్వరి || ౯||

ఫలశ్రుతిః_
కవచం సర్వసిద్ధాఖ్యం సర్వవిఘ్నవినాశనమ్ |
సర్వసిద్ధికరం సాక్షాత్సర్వపాపవిమోచనమ్ || ౧౦||

సర్వసమ్పత్ప్రదం సాక్షాత్సర్వదుఃఖవిమోక్షణమ్ |
సర్వాపత్తిప్రశమనం సర్వశత్రుక్షయఙ్కరమ్ || ౧౧||

గ్రహపీడా జ్వరా రోగా యే చాన్యే గుహ్యకాదయః |
పఠనాద్ధారణాదేవ నాశమాయన్తి తత్క్షణాత్ || ౧౨||

ధనధాన్యకరం దేవి కవచం సురపూజితమ్ |
సమం నాస్తి మహేశాని త్రైలోక్యే కవచస్య చ || ౧౩||

హారిద్రస్య మహాదేవి విఘ్నరాజస్య భూతలే |
కిమన్యైరసదాలాపైర్యత్రాయుర్వ్యయతామియాత్ || ౧౪||

|| ఇతి విశ్వసారతన్త్రే హరిద్రాగణేశకవచం సమ్పూర్ణమ్ ||

Ganesha Aparadha Kshamapana Stotram

శ్రీగణేశాపరాధక్షమాపణ స్తోత్రమ్


శ్రీగణేశాయ నమః |
సుముఖో మఖభుఙ్ముఖార్చితః సుఖవృద్ధ్యై నిఖిలార్తిశాన్తయే|
అఖిలశ్రుతిశీర్షవర్ణితః సకలాద్యః స సదాఽస్తు మే హృది || ౧||
ప్రణవాకృతిమస్తకే నయః ప్రణవో వేదముఖావసానయోః|
అయమేవ విభాతి సుస్ఫుటం హ్యవతారః ప్రథమః పరస్య సః || ౨||
ప్రథమం గుణనాయకో బభౌ త్రిగుణానాం సునియన్త్రణాయ యః|
జగదుద్భవపాలనాత్యయేష్వజవిష్ణ్వీశసురప్రణోదకః || ౩||
విధివిష్ణుహరేన్ద్రదేవతాదిగణానాం పరిపాలనాద్విభుః|
అపి చేన్ద్రియపుఞ్జచాలనాద్గణనాథః ప్రథితోఽర్థతః స్ఫుటమ్ || ౪||
అణిమాముఖసిద్ధినాయకా భజతః సాధయతీష్టకామనాః|
అపవర్గమపి ప్రభుర్ధియో నిజదాసస్య తమో విహృత్య యః || ౫||
జననీజనకః సుఖప్రదో నిఖిలానిష్టహరోఽఖిలేష్టదః|
గణనాయక ఏవ మామవేద్రదపాశాఙ్కుశమోదకాన్ దధత్ || ౬||
శరణం కరుణార్ణవః స మే శరణం రక్తతనుశ్చతుర్భుజః|
శరణం భజకాన్తరాయహా శరణం మఙ్గలమూర్తిరస్తు మే || ౭||
సతతం గణనాయకం భజే నవనీతాధికకోమలాన్తరమ|
భజనాద్భవభీతిభఞ్జనం స్మరణాద్విఘ్ననివారణక్షమమ్ || ౮||
అరుణారుణవర్ణరాజితం తరుణాదిత్యసమప్రభం ప్రభుమ|
వరుణాయుధమోదకావహం కరుణామూర్తిమహం ప్రణౌమి తమ్ || ౯||
క్వ ను మూషకవాహనం ప్రభుం మృగయే త్వఙ్యతమోఽవనీతలే|
విబుధాస్తు పితామహాదయస్త్రిషు లోకేష్వపి యం న లేభిరే || ౧౦||
శరణాగతపాలనోత్సుకం పరమానన్దమజం గణేశ్వరమ|
వరదానపటుం కృపానిధిం హృదయాబ్జే నిదధామి సర్వదా || ౧౧||
సుముఖే విముఖే సతి ప్రభౌ న మహేన్ద్రాదపి రక్షణం కదా|
త్వయి హస్తిముఖే ప్రసన్నతాఽభిముఖేనాపి యమాద్భయం భవేత్ || ౧౨||
సుతరాం హి జడోఽపి పణ్డితః ఖలు మూకోఽప్యతివాక్పతిర్భవేత|
గణరాజదయార్ద్రవీక్షణాదపి చాఙ్యః సకలఙ్యాతామియాత్ || ౧౩||
అమృతం తు విషం విషం సుధా పరమాణుస్తు నగో నగోఽప్యణుః|
కులిశం తు తృణం తృణం పవిర్గణనాథాశు తవేcఛయా భవేత్ || ౧౪||
గతోఽసి విభో విహాయ మాం నను సర్వఙ్య న వేత్సి మాం కథమ|
కిము పశ్యసి విశ్వదృఙ్ న మాం న దయా కిమపి తే దయానిధే || ౧౫||
అయి దీనదయాసరిత్పతే మయి నైష్ఠుర్యమిదం కుతః కృతమ|
నిజభక్తిసుధాలవోఽపి యన్న హి దత్తో జనిమృత్యుమోచకః || ౧౬||
నితరాం విషయోపభోగతః క్షపితం త్వాయురమూల్యమేనసా|
అహహాఙ్యతమస్య సాహసం సహనీయం కృపయా త్వయా విభో || ౧౭||
భగవన్నహి తారకస్య తే వత మన్త్రస్య జపః కృతస్తథా|
న కదైకధియాపి చిన్తనం తవ మూర్తేస్తు మయాతిపాప్మనా || ౧౮||
భజనం న కృతం సమర్చనం తవ నామస్మరణం న దర్శనమ|
హవనం ప్రియమోదకార్పణం నవదూర్వా న సమర్పితా మయా || ౧౯||
నచ సాధుసమాగమః కృతస్తవ భక్తాశ్చ మయా న సత్కృతాః|
ద్విజభోజనమప్యకారి నో వత దౌరాత్మ్యమిదం క్షమస్వ మే || ౨౦||
న విధిం తవ సేవనస్య వా నచ జానే స్తవనం మనుం తథా|
కరయుగ్మశిరఃసుయోజనం తవ భూయాద్గణనాథపూజనమ్ || ౨౧||
అథ కా గణనాథ మే గతిర్నహి జానే పతితస్య భావినీ|
ఇతి తప్తతనుం సదాఽవ మామనుకమ్పార్ద్రకటాక్షవీక్షణైః || ౨౨||
ఇహ దణ్డధరస్య సఙ్గమేఽఖిలధైర్యచ్యవనే భయఙ్కరే|
అవితా గణరాజ కో ను మాం తనుపాతావసరే త్వయా వినా || ౨౩||
వద కం భవతోఽన్యమిష్టదాcఛరణం యామి దయాధనాదృతే|
అవనాయ భవాగ్నిభర్జితో గతిహీనః సుఖలేశవర్జితః || ౨౪||
శ్రుతిమృగ్యపథస్య చిన్తనం కిము వాచోఽవిషయస్య సంస్తుతిమ|
కిము పూజనమప్యనాకృతేరసమర్థో రచయామి దేవతే || ౨౫||
కిము మద్వికలాత్స్వసేవనం కిము రఙ్కాదుపచారవైభవమ|
జడవాఙ్మతితో నిజస్తుతిం గణనాథేచ్ఛసి వా దయానిధే || ౨౬||
అధునాపి చ కిం దయా న తే మమ పాపాతిశయాదితీశ చేత|
హృదయే నవనీతకోమలే న హి కాఠిన్యనివేశసమ్భవః || ౨౭||
వ్యసనార్దితసేవకస్య మే ప్రణతస్యాశు గణేశ పాదయోః|
అభయప్రదహస్తపఙ్కజం కృపయా మూర్ధ్ని కురుష్వ తావకమ్ || ౨౮||
జననీతనయస్య దృక్పథం ముహురేతి ప్రసభం దయార్ద్రధీః|
మమ దృగ్విషయస్తథైవ భో గణనాథాశు భవనుకమ్పయా || ౨౯||
గజరాజముఖాయ తే నమో మృగరాజోత్తమవాహనాయ తే|
ద్విజరాజకలాభృతే నమో గణరాజాయ సదా నమోఽస్తు తే || ౩౦||
గణనాథ గణేశ విఘ్నరాట్ శివసూనో జగదేకసద్గురో|
సురమానుషగీతమద్యశః ప్రణతం మామవ సంసృతేర్భయాత్ || ౩౧||
జయ సిద్ధిపతే మహామతే జయ బుద్ధీశ జడార్తసద్గతే|
జయ యోగిసమూహసద్గురో జయ సేవారత కల్పనాతరో || ౩౨||
తనువాగ్ హృదయైరసcచ సద్యదనస్థాత్రితయే కృతం మయా|
జగదీశ కరిష్యమాణమప్యఖిలం కర్మ గణేశ తేఽర్పితమ్ || ౩౩||
ఇతి కృష్ణముఖోద్గతం స్తవం గణరాజస్య పురః పఠేన్నరః|
సకలాధివివర్జితో భవేత్సుతదారాదిసుఖీ స ముక్తిభాక్ || ౩౪||
ఇతి ముద్గలపురాణన్తర్వర్తి శ్రీగణేశాపరాధక్షమాపనస్తోత్రం సమ్పూర్ణమ్ |

Ganesha Mahimna Stotram

గణేశమహిమ్నః స్తోత్రమ్


శ్రీ గణేశాయ నమః |
అనిర్వాచ్యం రూపం స్తవననికరో యత్ర గలిత
స్తథా వక్ష్యే స్తోత్రం ప్రథమపురుషస్యాఽత్ర మహతః |
యతో జాతం విశ్వం స్థితమపి సదా యత్ర విలయః
స కీదృగ్గీర్వాణః సునిగమనుతః శ్రీగణపతిః || ౧||

గణేశం గాణేశాః శివమితి చ శైవాశ్చ విబుధా
రవిం సౌరా విష్ణుం ప్రథమపురుషం విష్ణుభజకాః |
వదన్త్యేకే శాక్{}తా జగదుదయమూలాం పరిశివాం
న జానే కిం తస్మై నమ ఇతి పరం బ్రహ్మ సకలమ్ || ౨||

తథేశం యోగజ్ఞా గణపతిమిమం కర్మ నిఖిలం
సమీమాంసా వేదాన్తిన ఇతి పరం బ్రహ్మ సకలమ్ |
అజాం సాంఖ్యో బ్రూతే సకలగుణరూపాం చ సతతం
ప్రకర్తారం న్యాయస్త్వథ జగతి బౌద్ధా ధియమితి || ౩||

కథం జ్ఞేయో బుద్ధేః పరతర ఇయం బాహ్యసరణిర్యథా
ధీర్యస్య స్యాత్ స చ తదనురూపో గణపతిః |
మహత్కృత్యం తస్య స్వయమపి మహాన్ సూక్ష్మమణువద్
ధ్వనిర్జ్యోతిర్బిన్దుర్గగనసదృశః కిం చ సదసత్ || ౪||

అనేకాస్యోఽపారాక్షి కరచరణోఽనన్తహృదయస్తథా
నానారూపో వివిధవదనః శ్రీగణపతిః |
అనన్తాహ్వః శక్త్యా వివిధగుణకర్మైకసమయే
త్వసంఖ్యాతానన్తాభిమత ఫలదోఽనేకవిషయే || ౫||

న యస్యాఽన్తో మధ్యో న చ భవతి చాదిః సుమహతామలిప్తః
కృత్వేత్థం సకలమపి ఖంవత్ స చ పృథక్ |
స్మృతః సంస్మర్తౄణాం సకలహృదయస్థః ప్రియకరో
నమస్తస్మై దేవాయ సకలసురవన్ద్యాయ మహతే || ౬||

గణేశాద్యం బీజం దహనవనితాపల్లవయుతం
మనుశ్చైకార్ణోఽయం ప్రణవసహితోఽభీష్టఫలదమ్ |
సబిన్దుశ్చాగాద్యాఙ్గణకఋషిఛన్దోఽస్య చ నిచృత్
స దేవః ప్రాగ్బీజం విపదపి చ శక్తిర్జపకృతామ్ || ౭||

గకారో హేరమ్బః సగుణ ఇతి పునిర్గుణమయో
ద్విధాఽప్యేకో జాతః ప్రకృతిపురుషో బ్రహ్మ హి గణః |
స చేశశ్చోత్పత్తిస్థితి లయకరోఽయం ప్రథమకో
యతో భూతం భవ్యం భవతి పతిరీశో గణపతిః || ౮||

గకారః కణ్ఠోర్ధ్వే గజముఖసమో మర్త్యసదృశో
ణకారః కణ్డాధో జఠరసదృశాకార ఇతి చ |
అధోభాగః కట్యాం చరణ ఇతి హీశోఽస్య చ తను
ర్విభాతీత్థం నామ త్రిభువనసమం భూర్భువఃసువః || ౯||

గణేశేతి త్ర్యర్ణాత్మకమపి వరం నామ సుఖదం
సకృత్ప్రోచ్చైరుచ్చారితమితి నృభిః పావనకరమ్ |
గణేశస్యైకస్య ప్రతిజపకరస్యాస్య సుకృతం
న విజ్ఞాతో నామ్నః సకలమహిమా కీదృశవిధః || ౧౦||

గణేశేత్యాహ్వాం యః ప్రవదతి ముహుస్తస్య పురతః
ప్రపశ్యంస్తద్వక్త్రం స్వయమపి గణస్తిష్ఠతి తదా |
స్వరూపస్య జ్ఞానం త్వముక ఇతి నామ్నాఽస్య భవతి
ప్రబోధః సుప్తస్య త్వఖిలమిహ సామర్థ్యమమునా || ౧౧||

గణేశో విశ్వేఽస్మిన్ స్థిత ఇహ చ విశ్వం గణపతౌ
గణేశో యత్రాస్తే ధృతి మతిరనైశ్వర్యమఖిలమ్ |
సముక్తం నామైకం గణపతిపదం మంగలమయం
తదేకాస్యం దృష్టేః సకలవిబుధాస్యేక్షణ సమమ్ || ౧౨||

బహుక్లేశైర్వ్యాప్తః స్మృత ఉత గణేశే చ హృదయే
క్షణాత్ క్లేశాన్ ముక్తోభవతి సహసా త్వభ్రచయవత్ |
బనే విద్యారమ్భే యుధి రిపుభయే కుత్ర గమనే
ప్రవేశే ప్రాణాన్తే గణపతిపదం చాఽఽశు విశతి || ౧౩||

గణాధ్యక్షో జ్యేష్ఠః కపిల అపరో మంగలనిధి
ర్దయాలుర్హేరమబో వరద ఇతి చిన్తామణిరజః |
వరానీశో ఢుణ్ఢిర్గజవదననామా శివసుతో
మయూరేశో గౌరీతనయ ఇతి నామాని పఠతి || ౧౪||

మహేశోఽయం విష్ణుః సకవిరవిరిన్దుః కమలజః
క్షితిస్తోయం వహ్నిః శ్వసన ఇతి ఖం త్వద్రిరూదధిః |
కుజస్తారః శుక్రో గురురుడుబుధోఽగుశ్చ ధనదో
యమః పాశో కావ్యః శనిరఖిలరూపో గణపతిః || ౧౫||

ముఖం వహ్విః పాదౌ హరిరపి విధాతా ప్రజననం
రవిర్నేత్రే చన్ద్రో హృదయమపి కామోఽస్య మదనః |
కరౌ శక్రః కట్యామవనిరూదరం భాతి దశనం
గణేశస్యాసన్ వై క్రతుమయవపుశ్చైవ సకలమ్ || ౧౬||

అనర్ధ్యాలంకారైరరుణవసనైర్భూషిత తనుః
కరీన్ద్రాస్యః సింహాసనముపగతో భాతి బుధరాట్ |
స్థితః స్యాత్తన్మధ్యేఽప్యుదిత రవిబిమ్బోపమరుచిః
స్థితా సిద్ధిర్వామే మతిరితరగా చామరకరా || ౧౭||

సమన్తాత్తస్యాసన్ ప్రవరమునిసిద్ధాః సురగణాః
ప్రశంసన్తీత్యగ్రే వివిధనుతిభిః సాఽఞ్జలిపుటాః |
బిడౌజాద్యైర్బ్రహ్మాదిభిరనువృతో భక్తనికరై
ర్గణక్రీడామోదప్రముదవికటాద్యైః సహచరైః || ౧౮||

వశిత్వాద్యష్టాష్టాదశదిగఖిలాల్లోలమనువాగ్
ధృతిః పాదూః ఖడ్గోఽఞ్జనరసబలాః సిద్ధయ ఇమాః |
సదా పృష్ఠే తిష్టన్త్యానిమిషిదృశస్తన్ముఖలయా
గణేశం సేవన్తేఽత్యతినికటసూపాయనకరాః || ౧౯||

మృగాంకాస్యా రమ్భాప్రభృతిగణికా యస్య పురతః
సుసంగీత కుర్వన్త్యపి కుతుకగన్ధర్వసహితాః |
ముదః పారో నాఽత్రేత్యనుపమపదే దోర్విగలితా
స్థిరం జాతం చిత్తం చరణమవలోక్యాస్య విమలమ్ || ౨౦||

హరేణాఽయం ధ్యాతస్త్రిపురమథనే చాఽసురవధే
గణేశః పార్వత్యా బలివిజయకాలేఽపి హరిణా |
విధాత్రా సంసృష్టావురగపతినా క్షోణిధరణే
నరైః సిద్ధౌ ముక్తౌ త్రిభువనజయే పుష్పధనుషా || ౨౧||

అయం సుప్రాసాదే సుర ఇవ నిజానన్దభువనే
మహాన్ శ్రీమానాద్యో లఘుతరగృహే రంకసదృశః |
శివద్వారే ద్వాఃస్థో నృప ఇవ సదా భూపతిగృహే
స్థితో భూత్వోమాంకే శిశుగణపతిర్లాలనపరః || ౨౨||

అముష్మిన్ సన్తుష్టే గజవదన ఏవాపి విబుధే
తతస్తే సన్తుష్టాస్త్రిభువనగతాః స్యుర్బుధగణాః |
దయాలుర్హేరమ్బో న చ భవతి యస్మింశ్చ పురుషే
వృథా సర్వం తస్య ప్రజననమతః సాన్ద్రతమసి || ౨౩||

వరేణ్యో భూశుణ్డిర్భృగుగురుకుజాముద్గలముఖా
హ్యపారాస్తద్భక్తా జపహవనపూజాస్తుతిపరాః |
గణేశోఽయం భక్తప్రియ ఇతి చ సర్వత్ర గదితం
విభక్తిర్యత్రాస్తే స్వయమపి సదా తిష్ఠతి గణః || ౨౪||

మృదః కాశ్చిద్ధాతోశ్ఛద విలిఖితా వాఽపి దృషదః
స్మృతా వ్యాజాన్మూర్తిః పథి యది బహిర్యేన సహసా |
అశుద్ధోఽద్ధా ద్రష్టా ప్రవదతి తదాహ్వాం గణపతేః
శ్రుత్వా శుద్ధో మర్త్యో భవతి దురితాద్ విస్మయ ఇతి || ౨౫||

బహిర్ద్వారస్యోర్ధ్వం గజవదనవర్ష్మేన్ధనమయం
ప్రశస్తం వా కృత్వా వివిధ కుశలైస్తత్ర నిహితమ్ |
ప్రభావాత్తన్మూర్త్యా భవతి సదనం మంగలమయం
విలోక్యానన్దస్తాం భవతి జగతో విస్మయ ఇతి || ౨౬||

సితే భాద్రే మాసే ప్రతిశరది మధ్యాహ్నసమయే
మృదో మూర్తి కృత్వా గణపతితిథౌ ఢుణ్ఢిసదృశీమ్ |
సమర్చన్త్యుత్సాహః ప్రభవతి మహాన్ సర్వ సదనే
విలోక్యానన్దస్తామ్ ప్రభవతి నృణాం విస్మయ ఇతి ||౨౭|

తథా హ్యేకః శ్లోకో వరయతి మహిమ్నో గణపతేః
కథం స శ్లోకే ఽస్మిన్ స్తుత ఇతి భవేత్ సంప్రపఠితే |
స్మృతం నామాస్యైకం సకృదిదమనన్తాహ్వయసమం
యతో యస్యైకస్య స్తవనసదృశం నాఽన్యదపరమ్ || ౨౮||

గజవదన విభో యద్ వర్ణితం వైభవం తే
త్విహ జనుషి మమేత్థం చారు తద్దర్శయాశు |
త్వమసి చ కరుణాయాః సాగరః కృత్స్నదాతా
అప్యతి తవ భృతకోఽహం సర్వదా చిన్తకోఽస్మి || ౨౯||

సుస్తోత్రం ప్రపఠతు నిత్యమేతదేవ స్వానన్దం
ప్రతి గమనేఽప్యయం సుమార్గః |
సచిన్త్యం స్వమనసి తత్పదారవిన్దం
స్థాప్యాగ్రే స్తవనఫలం నతీః కరిష్యే || ౩౦||

గణేశదేవస్య మహాత్మ్యమేతద్ యః శ్రావయేద్వాఽపి పఠేచ్చ తస్య |
క్లేశా లయం యాన్తి లభేచ్చ శీఘ్రం స్త్రీపుత్రవిద్యార్థగృహం చ ముక్తిమ్ || ౩౧||

|| ఇతి శ్రీపుష్పదన్తవిరచితం శ్రీగణేశమహిమ్నః స్తోత్రం సంపూర్ణమ్ ||

Ganesha Astottara shata nama Archana Stotram

గణేశాష్టోత్తరశతనామార్చనస్తోత్రమ్

శ్రీ గణేశాయ నమః |
కాశ్యాం తు బహవో విఘ్నాః కాశీవాసవియోజకాః|
తచ్ఛాన్త్యర్థం ఢుణ్ఢిరాజః పూజనీయః ప్రయత్నతః || ౧||

అష్టోత్తరశతైర్దివ్యైర్గణేశస్యైవ నామభిః|
కర్తవ్యమతియత్నేన నవదూర్వాఙ్కురార్పణమ్ || ౨||

హిరణ్మయతనుం శుద్ధం సర్వార్తిహరమవ్యయమ|
వరదం గణపం ధ్యాత్వా పూజా కార్యా ప్రయత్నతః || ౩||

ఋషిర్విఘ్నేశః ఇత్యాదినామ్నాం సర్వేశ్వరః శివః |
దేవతా విఘ్నరాజోఽత్ర ఛన్దోఽనుష్టుప్ శుభప్రదమ్ || ౪||

సర్వప్రత్యూహశమనం ఫలం శక్తిః సుధాత్మికా |
కీలకం గణనాథస్య పూజా కార్యేతి కామదా || ౫||

ఆథ అష్టోత్తరశతనామ స్తోత్రమ్

విఘ్నేశో విశ్వవదనో విశ్వచక్షుర్జగత్పతిః|
హిరణ్యరూపః సర్వాత్మా జ్ఞానరూపో జగన్మయః || ౬||

ఊర్ధ్వరేతా మహాబాహురమేయోఽమితవిక్రమః |
వేదోవేద్యో మహాకాయో విద్యానిధిరనామయః || ౭||

సర్వజ్ఞః సర్వగః శాన్తో గజాస్యో విగతజ్వరః |
విశ్వమూర్తిరమేయాత్మా విశ్వాధారః సనాతనః || ౮||

సామగానప్రియో మన్త్రీ సత్వాధారః సురాధిపః |
సమస్తసాక్షినిర్ద్వన్ద్వో నిర్లిప్తోఽమోఘవిక్రమః || ౯||

నియతో నిర్మలః పుణ్యః కామదః కాన్తిదః కవిః |
కామరూపీ కామవేషో కమలాక్షః కలాధరః || ౧౦||

సుముఖః శర్మదః శుద్ధో మూషకాధిషవాహనః |
దీర్ఘతుణ్డధరః శ్రీమాననన్తో మోహవర్జితః || ౧౧||

వక్రతుణ్డః శూర్పకర్ణః పవనః పావనో వరః |
యోగీశో యోగివంద్యాంఘ్రిరుమాసూనురఘాపహః || ౧౨||

ఏకదన్తో మహాగ్రీవః శరణ్యః సిద్ధిసేవితః |
సిద్ధిదః కరుణాసిన్ధుర్భగవాన్ భవ్యవిగ్రహః || ౧౩||

వికటః కపిలో ఢుణ్ఢిరుగ్రో భీమో హరః శుభః |
గణాధ్యక్షో గణారాధ్యో గణేశో గణనాయకః || ౧౪||

జ్యోతిఃస్వరూపో భూతాత్మా ధూమ్రకేతురనాకులః |
కుమారగురురానన్దో హేరమ్బో వేదసంస్తుతః || ౧౫||

నాగోపవీతీ దుర్ధర్షో బాలదూర్వాఙ్కురప్రియః |
భాలచన్ద్రో విశ్వధామా శివపుత్రో వినాయకః || ౧౬||

లీలావలమ్బితవపుః పూర్ణః పరమసున్దరః |
విద్యాన్ధకారమార్తణ్డో విఘ్నారణ్యదవానలః || ౧౭||

సిన్దూరవదనో నిత్యో విష్ణుః ప్రమథపూజితః |
శరణ్యదివ్యపాదాబ్జో భక్తమన్దారభూరుహః || ౧౮||

రత్నసింహాసనాసీనో మణికుణ్డలమణ్డితః |
భక్తకల్యాణదోఽమేయకల్యాణగుణసంశ్రయః || ౧౯||

ఫలశృతిః
ఏతాని దివ్యనామాని గణేశస్య మహాత్మనః |
పఠనీయాని యత్నేన సర్వదా సర్వదేహిభిః || ౨౦||

నామ్నామేకైకమేతేషాం సర్వసిద్ధిప్రదాయకమ్ |
సర్వవిఘ్నేశనామ్నాం తు ఫలం వక్తుం న శక్యతే || ౨౧||

ఏకైకమేవ తన్నామ దివ్యం జప్త్వా మునీశ్వరాః |
ప్రత్యూహమాత్రరహితాస్తిష్ఠన్తి శివపూజకాః || ౨౨||

దూర్వాయుగ్మాని సఙ్గృహ్య నూతనాన్యతియత్నతః |
పూజనీయో గణాధ్యక్షో నామ్నామేకైకసంఖ్యయా || ౨౩||

నభస్యశుక్లపక్షస్య చతుర్థ్యాం విధిపూర్వకమ్ |
వక్రతుణ్డేశకుణ్డే తు స్నానం కృత్వా ప్రయత్నతః || ౨౪||

వక్రతుణ్డేశమారాధ్యం సర్వాభీష్టప్రదాయకమ్ |
ధ్యాయేదధహరం శుద్ధం కాఞ్చనాభమనామయమ్ || ౨౫||

తతః పూజా యథాశాస్త్రం కృత్వా దూర్వాఙ్కురైర్నవైః |
పూజా కార్యా విశేషేణ నామోచ్చారణపూర్వకమ్ || ౨౬||

తతశ్చ మోదకైర్దివ్యైః సుగన్ధైఘృతపాచితైః |
నైవేద్యం కల్పయేదిష్టం గణేశాయ శుభావహమ్ || ౨౭||

అన్యైశ్చ పరమాన్నాద్యైర్భక్ష్యైర్భోజ్యైర్మనోహరైః |
తోషణీయః ప్రయత్నేన వక్రతుణ్డో వినాయకః || ౨౮||

ప్రదక్షిణనమస్కారా దివ్యతన్నామసంఖ్యయా |
కర్తవ్యా నియతం శుద్ధైర్మౌనవ్రతపరాయణైః || ౨౯||

తతః సంతర్ప్య విధివచ్ఛైవాన్ బ్రాహ్మణసత్తమాన్ |
పునరభ్యర్చ్య విఘ్నేశమిమం మన్త్రముదీరయేత్ || ౩౦||

వక్రతుణ్డ సురారాధ్య సూర్యకోటిసమప్రభ |
నిర్విఘ్నేనైవ సతతం కాశీవాసం ప్రయచ్ఛ మే || ౩౧||

ఇతి సమ్ప్రార్థ్య విధివత్ పూజాం కృత్వా పునర్ముదా |
నమస్కృత్వా ప్రసాద్యైనం గచ్ఛేత్ ఢుణ్ఢివినాయకమ్ || ౩౨||

ఢుణ్ఢిరాజార్చనం సమ్యక్ కర్తవ్యం విధిపూర్వకమ్ |
తత్రైవ చ విశేషేణ పూజాం కృత్వా తతః పరమ్ || ౩౩||

పూజనీయాః ప్రయత్నేన సర్వదా మోదకప్రియాః |
శివప్రీతికరా నిత్యం శుద్ధాః పఞ్చ వినాయకాః || ౩౪||

క్షిప్రసిద్ధిప్రదం క్షిప్రగణేశం సురవన్దితమ్ |
సమ్పూజ్య పూర్వవత్సమ్యక్ గచ్ఛేదాశావినాయకమ్ || ౩౫||

ఆశావినాయకం సమ్యక్ పూజయిత్వా తతః పరమ్ |
అర్కవిఘ్నేశ్వరః సమ్యక్ పూజనీయః ప్రయత్నతః || ౩౬||

పూర్వవత్పూజనీయః స్యాత్తతః సిద్ధివినాయకః |
పూజనీయస్తతః సమ్యక్ చిన్తామణివినాయకః || ౩౭||

సేవావినాయకోఽప్యేవం సమ్పూజ్యస్తదనన్తరమ్ |
దుర్గావినాయకస్యాపి పూజా కార్యా తతః పరమ్ || ౩౮||

ఏవం సమ్పూజ్య విధివద్భక్తిశ్రద్ధాసమన్వితైః |
శైవాః శఙ్కరతత్త్వఙ్యా భోజనీయాః ప్రయత్నతః || ౩౯||

ఏవం సమ్పూజితాః సమ్యక్ ప్రీతాస్తే గణనాయకాః |
కాశీవాసం ప్రయచ్ఛన్తి నిర్విఘ్నేనైవ సాదరమ్ || ౪౦||

ఆజ్యేన కాపిలేనైవ సార్ధలక్షత్రయాహుతీః |
హుత్వైతన్నామభీః సమ్యక్ సర్వవిద్యాధిషో భవేత్ || ౪౧||

ఏతాని దివ్యనామాని ప్రతివాసరమాదరాత్ |
పఠిత్వా గణనాథస్థ పూజా కార్యా ప్రయత్నతః || ౪౨||

యస్యకస్యాపి సన్తుష్టో గణపః సర్వసిద్ధిదః |
అత ఏవ సదా పూజ్యో గణనాథో విచక్షణైః || ౪౩||

గణేశాదపరో లోకే విఘ్నహర్తా న విద్యతే |
తస్మాదన్వహమారాధ్యో గణేశః సర్వసిద్ధిదః || ౪౪||

కాశీనివాససిద్ధ్యర్థం విష్ణునా పూజితః పురా |
పురా విఘ్నేశ్వరః సమ్యక్పూజితో దణ్డపాణినా || ౪౫||

కర్కోటకేన నాగేన గణేశః పూజితః పురా |
శేషేణ పూజితః పూర్వం గణేశః సిద్ధిదాయకః || ౪౬||

కాశీయాత్రార్థముద్యుక్తో విధిర్విఘ్నకులాకులః |
పూజయామాస విఘ్నేశం విధివద్భక్తిపూర్వకమ్ || ౪౭||

సూర్యేణాభ్యర్చితః పూర్వం చన్ద్రేణేన్ద్రేణ చ ప్రియే |
దేవైరన్యైశ్చ విధివత్పూజితో గణనాయకః || ౪౮||

మర్త్యానామమరాణాం చ మునినాం వా వరాననే |
న సిద్ధ్యన్త్యేవ కార్యాణి గణేశాభ్యర్చనం వినా || ౪౯||

ఇతి శ్రీ శివరహస్యాన్తర్గతకాశీమాహాత్మ్యే  హరగౌరీసంవాదే
    గణేశాష్టోత్తరశతనామార్చనస్తోత్రం సమ్పూర్ణమ్ |

Vighneshvara astottara shatanaama stotram

.. శ్రీ విఘ్నేశ్వరాష్టోత్తర శతనామస్తోత్రం ..

వినాయకో విఘ్నరాజో గౌరీపుత్రో గణేశ్వరః .
స్కందాగ్రజోవ్యయః పూతో దక్షోధ్యక్షో ద్విజప్రియః .. 1..

అగ్నిగర్వచ్ఛిద  ఇంద్రశ్రీప్రదః .
వాణీప్రదో అవ్యయః సర్వసిద్ధిప్రదశ్శర్వతనో శర్వరీప్రియః .. 2..

సర్వాత్మకః సృష్టికర్తా దేవోనేకార్చితశ్శివః .
శుద్ధబుద్ధి ప్రియశ్శాంతో బ్రహ్మచారీ గజాననః .. 3..

ద్వైమాత్రేయో మునిస్తుత్యో భక్తవిఘ్నవినాశనః .
ఏకదంతశ్ఛతుర్బాహుశ్ఛతురశ్శక్తిసంయుతః .. 4..
లంబోదరశ్శూర్పకర్ణో హరర్బ్రహ్మ విదుత్తమః .
కాలో గ్రహపతిః కామీ సోమసూర్యాగ్నిలోచనః .. 5..

పాశాంకుశధరశ్చండో గుణాతీతో నిరంజనః .
అకల్మషస్స్వయంసిద్ధస్సిద్ధార్చితః పదాంబుజః .. 6..

బీజపూరఫలాసక్తో వరదశ్శాశ్వతః కృతిః .
ద్విజప్రియో వీతభయో గదీ చక్రీక్షుచాపధృత్ .. 7..

శ్రీదోజ ఉత్పలకరః శ్రీపతిః స్తుతిహర్షితః .
కులాద్రిభేత్తా జటిలః కలికల్మషనాశనః .. 8..

చంద్రచూడామణిః కాంతః పాపహారీ సమాహితః .
అశ్రితశ్రీకరస్సౌమ్యో భక్తవాంఛితదాయకః .. 9..

శాంతః కైవల్యసుఖదస్సచ్చిదానంద విగ్రహః .
జ్ఞానీ దయాయుతో దాంతో బ్రహ్మద్వేషవివర్జితః ..10..

ప్రమత్తదైత్యభయదః శ్రీకంథో విబుధేశ్వరః .
రామార్చితోవిధిర్నాగరాజయజ్ఞోపవీతకః ..11..

స్థూలకంఠః స్వయంకర్తా సామఘోషప్రియః పరః .
స్థూలతుండోగ్రణీ ధీరో వాగీశస్సిద్ధిదాయకః .. 12..

దూర్వాబిల్వప్రియోఽవ్యక్తమూర్తిరద్భుతమూర్తిమాన్ .
శైలేంద్రతనుజోత్సంగఖేలనోత్సుకమానసః .. 13..

స్వలావణ్యసుధాసారో జితమన్మథవిగ్రహః .
సమస్తజగదాధారో మాయీ మూషకవాహనః ..14..

హృష్టస్తుష్టః ప్రసన్నాత్మా సర్వసిద్ధిప్రదాయకః .
అష్టోత్తరశతేనైవం నామ్నాం విఘ్నేశ్వరం విభుం .. 15..

తుష్టావ శంకరః పుత్రం త్రిపురం హంతుముత్యతః .
యః పూజయేదనేనైవ భక్త్యా సిద్ధివినాయకం ..16..

దూర్వాదలైర్బిల్వపత్రైః పుష్పైర్వా చందనాక్షతైః .
సర్వాన్కామానవాప్నోతి సర్వవిఘ్నైః ప్రముచ్యతే ..

SankashtaNaashana Ganesha Stotram

సంకష్టనాశనగణేశస్తోత్రమ్

శ్రీగణేశాయ నమ:
నారద ఉవాచ

ప్రణమ్య శిరసా దేవం గౌరీపుత్రం వినాయకమ్ |
భక్త్యావాసం స్మరేన్నిత్యమాయు:కామార్థసిద్ధయే || ౧ ||

ప్రథమం వక్రతుండం చ ఏకదన్తం ద్వితీయకమ్ |
తృతీయం కృష్ణపింగాక్షం గజవక్త్రం చతుర్థకమ్ || ౨ ||

లంబోదరం పంచమం చ షష్ఠం వికటమేవ చ |
సప్తమం విఘ్నరాజత్ర్చ ధూమ్రవర్ణం తథాష్టమమ్ || ౩ ||

నవమం భాలచంద్రం చ దశమం తు వినాయకమ్ |
ఏకాదశం గణపతిం ద్వాదశం తు గజాననమ్ || ౪ ||

ద్వాదశైతాని నామాని త్రిసంధ్యం య: పఠేన్నర: |
న చ విఘ్నభయం తస్య సర్వసిద్ధికరం ప్రభో || ౫ ||

విద్యార్థీ లభతే విద్యాం ధనార్థీ లభతే ధనమ్ |
పుత్రార్థీ లభతే పుత్రాన్మోక్షార్థీ లభతే గతిమ్ || ౬ ||

జపేద్ గణపతి స్తోత్రం షడ్‌భిర్మాసై: ఫల లభేత్ |
సంవత్సరేణ సిద్ధిం చ లభతే నాత్ర సంశయ: || ౭ ||

అష్టభ్యో బ్రాహ్మణేభ్యశ్చ లిఖిత్వా య: సమర్పయేత్ |
తస్య విద్యా భవేత్సర్వా గణేశస్య ప్రసాదత: || ౮ ||

| ఇతి శ్రీనారదపురాణే సంకష్టనాశనం నామ గణేశస్తోత్రం సంపూర్ణమ్ |

Ganesha Pancharatna Stotram

గణేశ పంచరత్న స్తోత్రం



ముదాకరాత్తమోదకం సదావిముక్తి సాధకం
కళాధరావతంసకం విలాసిలోక రక్షకం
అనాయకైక నాయకం వినాశితేభ దైత్యకం
నతాశుభాశు నాశకం నమామి తం వినాయకం || 1 ||

నతేరాతి భీకరం నవోదితార్క భాస్వరం
నమత్సురారి నిర్జరం నతాధికాప దుద్ధరం
సురేశ్వరం నిధీశ్వరం గజేశ్వరం గణేశ్వరం
మహేశ్వరం తమాశ్రయే పరాత్పరం నిరంతరం || 2 ||

సమస్తలోక శంకరం నిరస్త దైత్యకుంజరం
దరేతరోదరం వరం వరేభవక్త్ర మక్షరం
కృపాకరం క్షమాకరం ముదాకరం యశస్కరం
మనస్కరం నమస్కృతం నమస్కరోమి భాస్వరం || 3 ||

అకించనార్తి మార్జనం చిరంతనోక్తి భాజనం
పురారి పూర్వ నందనం సురారి గర్వచర్వణం
ప్రపంచ నాశభీషణం ధనంజయాది భూషణం
కపోలదానవారణం భజే పురాణ వారణం || 4 ||

నితాంతకాంతదంతకాంతిమంతకాంతకాత్మజం
అచింత్యరూప మంతహీనమంతరాయ కృంతనం
హృదంతరే నిరంతరం వసంతమేవ యోగినాం
తమేకదంతమేవ తం విచింతయామి సంతతం || 5 ||

ఫలశ్రుతి:
మహాగణేశ పంచరత్నమాదరేణ యోన్వహం

ప్రజల్పతి ప్రభాతకే హృదిస్మరన్ గణేశరమ్

అరోగతాం అదోషతాం సుసాహితీం సుపుత్రతాం

సమాహితాయురష్టభూతిమభ్యుపైతి సోచిరాత్

ఇతి శ్రీ శంకరాచార్య విరచితం గణేశ పంచరత్నం సంపూర్ణం.